**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[om_3azoz]

بحور
انشاءالله تنزل
سويله كمادات خل تنزل قبل لاتصعد لاسمح الله

وديربالج عليه حبيبتي


عاد حنتوشه صح كلامج قلبي ,, تدرين انا صاايره الطلعه بالعافيه لووول مااحب احطه عند الخدامه
اذا مثلا بطلع وقت اللي خالتي تكون اوف عشان اوديلهاا عزوز

عاد الخميس رحت القوه انا واختي وبنات خالتي عندناا بمنطقتناا عاد خليته بالبيت عند ريلي وخدامتنا مالت بيت ابوي
تدرين شنو سوت فيه حاطته بالهزاره وتهز فيه مسكين وادعس في حلجه حليب واذا مخلص تخلي المميه فاااضيه

تدرين شلون دريت اهياا قالتلي اتقول بس يحرك ايده اهزه عشان لايقعد وعطيته حليب خلص بس حطيت المميه فاضيه في حلجه
قتله غبيه انتي موزين يدش هوى تقولي لا عادي قتلها في مصاصه عطيه لا ماايبي
تقولي عادي ماايسوي شي قتله مايسوي شي بعينج والله بطت جبدي
اليوم تقولي وين بتروحين قتلها بطلع قالت خلي عزوز عندي قتلها لا عيوني مينونه اخليه عندج لوول ولا تضحك

 

[استبرق أم علاوي]

بحوره سويله كمادات

 

[om_3azoz]

بحوره قلبي طمنينا على ولدج

 

[حنتوشه]

بشرينا عنه عسى نزلت حرارته !!!

 

[حنتوشه]

والله يا ام عزوز


الحال من بعض .. انا انحرمت من الطلعات ومن وايد اشياء والله


بس عسل على قلبي مع ان عندي خدامة بس ماودي يتعلق فيها الخدامة كافي عليها شغل البيت والتنظيف والطباخ


وتربيته علي انا حبيب قلبي مع انها تحبه وتعرفله وتلعبه وتكلمه ,, بس احس ان ولدي اولى من اي شي بالدنيا .....


والحمدلله قاعدة اطلع بالاسبوع مره بس خطافي و24 ساعه ادقدق عليها ..

 

[بحر الغموض]

صارت 37 ونص

 

[om_3azoz]

حنتوشه ايي والله قلبج ماايطمن الا واهو معاج
حتى انا طلعه مره بالاسبوع ,, المهم ولدي الصرراحه مابيه يتعلم على الخدم ويتتعلق فيهم
ليش مايتعلق في امه احسن

 

[استبرق أم علاوي]

حنتوشه
انا شغل البيت كله علي
بس هم جذي ما ابي خذامه عشان ما اظطر اقط علي عليها واذا بيب بس شغل البيت

 

[حنتوشه]

زين الحمدلله


لا تحاتين ماكو الا العافية

 

[om_3azoz]

بحر ايي الحمدالله زين درجه طبيعيه لاتخاافين
عطيه ادول ونوميه يمكن يرتاح

 

[al7noona]

بحوره لا تحاتين ولدج حرارته مرتفعه اتوقع لان توه قاعد من النوم الحين قيسي حرارته شوفيها وانشالله مافيه الا العافيه

 

[حنتوشه]

احسن زين تسوون


عسى الله يخليلكم عيالكم وربي يحفظهم


والله يا ام علاوي .. انا ما يبتها الا لحلجتها لأن وراي دوام ..


والحمدلله انا ساكنه عند اهلي يعني في عليها رقيب بس امي كبيرة وما ابي اكلف عليها تغسل وترضع


كافي عليها الاشراف والله الحافظ ولا انا من تزوجت لآخر يوم من ولادتني وانا انظف واطبخ وكنت ادرس بعد والحمدلله ما ضرني

 

[al7noona]

بحر درجته الحين طبيعيه لا تحاتين

 

[حنتوشه]

تصبحون على خير حبيباتي

 

[بحر الغموض]

بنات الحين اشلون امهده والا اخليه احط عليه كفر خفيف؟

 

[al7noona]

حنتوشه وانتي من اهله

بحوره مهديه عادي

 

[om_3azoz]

عادي مهديه حبيبتي بس لاتغطينه وايد لي نص ريله بس عشان لا يحتر

 

[بحر الغموض]

نام حبيبي بس لما حطيته على فراشه قعد

يمكن باجر اوديه الطبيب يمكن معاه التهاب وانا مادري

مع انه عادي بس ينام وايد واعيونه دمع هذا اللي صار اليوم والحراره زادت بليل

 

[هــلا الكويت]

سلامات بحر ما يشوف شر ان شاءالله ..

طمنينا عنكم اليوم ناطرينج ..

مرحبا بنات شلونكم و شخبار كتاكيتكم ..

؟؟

 

[om_3azoz]

هلا الكويت
احنا بخير الحمدالله زينين

بحوره
شلون وليدج فديته ؟؟


كلكم شلوونكم