**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[@ الرسامة @]

رد: ّ~ * أحلى ديوانية لأحلى الأمهات مع سكونونو و النونو *~

بنات اشلونكم



واشلون رمضان معاكم

 

[أرووومه]

رد: ّ~ * أحلى ديوانية لأحلى الأمهات مع سكونونو و النونو *~

الحمدلله طيبين والحمدلله للحين ملتزمه بصلاه التراويح بالمسجد
واليوم اخر حبه يعني انطر اخت النفاس تنزل

 

[om_3azoz]

رد: ّ~ * أحلى ديوانية لأحلى الأمهات مع سكونونو و النونو *~

صباح الخير ياحلوين شخباركم وشخباار البيبياات

انا عزوز مادري شفيه كله حنه حنه واليوم من قعد من النوم الساعه 3 الظهر ماانام الا قبل شويه

المغرب نام عشر دقايق بس وقعد والساعه 10 نام هم نفس الشي وقعد مادري شفيه

ليلحين صدره يعوره يكح وايد ونشله وصدره يطلع صوت واليوم شرق مرتين صااير يشرق وايد من غير لايكون شارب شي
على طول يشرق واهو قاعد بعد مو نايم ,, مادري من شنوو

وقبل سبوع موديته الطبيب وعطوه دوه حق صدره وحق الكحه لمده اسبوع بس وخلصوو اليوم الاسبوع وماصار احسن مادري شنو اسووي

بنات عفيه قولولي وين دكتوره زين يعرف حق اليهال الله يخليكم والله تعبت واايد

 

[أرووومه]

رد: ّ~ * أحلى ديوانية لأحلى الأمهات مع سكونونو و النونو *~

يلا تصبحون على خيييييييييير

 

[om_3azoz]

صبااح الخير

انتو وينكم محد يبين والله ,, قطعتو خير شر ماتبينون بعد اختفيتوو كلش ملش

بحر
ليش اذا مافيه حراره مااعطيه ادول ,,

انا عزوز اول ماطعمته ماصخن عطيته ادول لان اهياا قالت كل 6 ساعات عطيه ادول
وعطيته واهو مومصخن عادي ؟؟ ومااصخن عطيته كل 6 ساعات لي ثاني يوم
مادري عادي ولا لا ,, بس مره صار فيه حراره شويه ,,

 

[om_3adoOol]

صباح الخييييير

شلونكم وشخباركم ؟؟

وشلووون الكتاكيت الحلويين ؟؟

:eh_s(6): ومبــــــــــارك عليـــــــــكم الشهـــر :eh_s(6):


وشلونكم مع رمضان وشلون الصيام معاكم :ggdw:

 

[Anestazya]

ووووووووووووي شصااااااير ؟؟؟؟

 

[++MesK++]

تم دمج جميع تجمعات المواليد

 

[هــلا الكويت]

مرحبااااااااا .. اهلين و سهلين ام عزوز .. سلامات ما يشوف شر عزوز ..

أنصحج بالدكتور محمد سعيد السيد في بوشهري كلينك .. عجييييييييييييب ماشاءالله عليه يعرف علة الطفل بإذن الله ..

و بعدين بنتي صار فيها نفس ولدج خرخشة بالصدر و كحه و اخذتها الصباح و عطوها كمام بعد عمري لمدة اسبوع و الحين مستمرة

باقي لها 3 ايام .. والله كريم ..

شخباركم كلكم يا بنات ..





:
:
:

 

[mrs_sugar]

تم دمج تجمع جديد ل 2009

مع تحيات الاشراف

 

[بحر الغموض]

مسالخيرااااااااااااااااات

ماشاء الله في بنات وايد معانا

بس حسافه ياريتهم مسحو طلباتهم بانهم مايبون الدمج احس مو حلوه
على العموم حياكم الله معانا

ام عزوز
الطبيب قالي وناس وايد قالولي مافيه حراره وتعطينه دوا لخفض الحراره؟
تعطينه دوا كحه ومافيه كحه هم مايصير فهمتي؟
مو زين
لاتعطينه الا لو شفتي ان حرارته ارتفعت وترى كثرة الادول مو زينه بعد

بالنسبه لكرسي البيبي اللي من مذركير فيه منه انواع في اللي يكون البيبي فيه اشوي كانه قاعد هذا لاتقعدون فيه البيبي الصغير بوشهر وشهرين
لانه راح يضغط على اسفل ظهره واهو للحين طري
ينخاف اسم الله عليهم تحوشهم تشوهات ربي يحفظهم ويسلمهم
اما اللي يكوون كانه نايم او احد حاطه بحضنه هذا ممكن

ام عزوز ولدج ياخذ برد ديري بالج عليه
لايتعب من كثر ماياخذ دوا الكحه والسبب انتي مامنعتيه عنه
الظاهر ان التكييف بارد عليه
او لما تغيرين له البامبرز يكون دافي ويصفقه الهوا
انا ولدي تعبان من سبب حركه تسويها الخدامه
لما تبي تلحفه تحط اللحاف عليه بطريقه اتييب له الهوا يعني تدفع له هوا ويكون بارد الهوا عليه فينصفق المسكين
كل مره اهاوشها
ومنعت عنه السبوح قلت ابي صدره يخف
خف الحين وصدره بعد خفت عليه الكحه والبلغم للحين موجود بس احسن بوايد من اول

 

[بحر الغموض]

بنات ترى الحلبه وايد زينه للرضيع يعني 4 اشهر انا عطيت ولدي
وبصراحه لاحظت ان الكحه خفت للعلم اني ماعطيته وايد

 

[om_3azoz]

هلا بحر حبيبتي
أهيا السستر قالتلي راح يصخن عطيه كل 6 ساعات وأنا مادري بس ثاني يوم صار فيه حراره شويه
ودوى الكحه شسوي فيه حكه لازم أعطيه دواه
وتكيفنا موبارد زين الجو أحنا مقصرين عليه على شانه واغطيه عدل
بس مادري من شنو صدره من الصدريه اللي مادري شنو أسوي والله شريتله بعد صداري اللي تحتها نايلون نفس الشي
نفس اللي عندي بونايلون ماكو غيرهم أقول حق أمي ماكو إلا شتري نايلون وأودي صداريه الخياط ئخيطهم
كل خمس دقايق أغير له
واعطيه حلبه ماكو فايده والله مادري شسوي

 

[بحر الغموض]

بالنسبه للادول يقوولولج جذي بس ماعليج
انا لما قلت للطبيب انا ما اعطيه الادول لان مافيه حراره اذا ارتفعت عطيه قالي اي صح
قلت له في ناس والصيدليه يقولون كل اربع او 6 ساعات قالي لالالالالالالالاه

بالنسبه للصداري انا على طول اغير ما اخليها مبلله عليه
وتلقين عن سوق الكويت صاري فيهم نايلون

 

[أرووومه]

السلام بنات زوجي احتمال يكون فيه انفلونزا الخنازير وانا خايفه على عيالي وبالذات بنتي الصغيره توها ماكملت الشهرين

 

[om_3azoz]

اي انا مادري دريت منج والله
انا مااخليه على طول اغيرله الضدريه بس وايد اغيرله يعني كل خمس دقايق
عندي النايلون بس نايلون خفبف ماكو الا اروح الديره اشتريله

 

[أرووومه]

هاااااا بنات شوروا علي شسوي؟

 

[om_3azoz]

لا انشاءالله الله لا يقول مافي الا الغافيه
بس انتي شدراج
عاد لاسمح الله طلع فيه بعيد الشر عنه حرام حق بنتج طلعيها برا البيت وديها بيت اهلج ولا اهله حرام تتعاده توه عمرها شهرين الله يحفضها يارب

وانشاءالله ريلج مافيه الا العافيه يمكن نفلونزا العاديه خل يفحص وانشاءالله ماكو الا العافيه
الله يحفظه لكم ويخليه ويبعد عنه الامراض

 

[أرووومه]

هو قبل 7ايام مسلم على واحد فيه المرض واليوم حولوا زوجي للامراض الساريه عشان يحلل
رايج اودي بنتي لاهلي ؟ بس انا خايفه ان عيالي يكونون حاملين للمرض وما بي اجني على اهلي انا اليوم ما طلعتها من غرفتها وابوها ما قرب منها

 

[بحر الغموض]

ارومه حبوبه
سوي احتياطاتج
يعني خلي شغل الابو بروحه ولا يقرب للعيال
وخليج متابعه حرارتهم اول باول علشان الله لا يقوله وبعيد الشر عنكم يارب
تداركون الامور اول باول وتكون خفيفه

وكثري من الاستغفار وان شاء الله ربي يطمنج قلبج ويطمنا عليكم

بس متى يعرفون النتيجه؟