**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[الشيخه فطامي]

سلام بنات شلوووووونكم حبايبي بنات التجمع هني
امس ولدي لين من الساعه 1 لين 4 ما سكت وديته المواساه قالتلي غازات بطنه متفوخ نفس كل مره شسوي ما يطلع ريح ولا يترع وايد كل الغازات محبوسه داخل
قالتلي استخدم ديفستايل لمده 5 ايام 3 مرات باليوم
كانو معطيني دوا اسمه ريستنابنول المره اللي فاتت عند الضروره اعطيه ياه بس ينومه ما يطلع الهوا بس يخدره او يدوخ
شسوي عشن يخف بطنه شوي
عطيته ماي غريب بس كل يوم بطنه متفوخ حيل يخرع لي درجه السره طالعه لبره ضايق خلقي عليه حيييل

 

[الشيخه فطامي]

اي خل اكمل ولدي كان يبجي
كان بحلجه المصاصه جان تقولي ترى المصاصه دخله هوا بعد
كلشي صار يدخل هوا لمن يبجي يقولون يدخل هوا لمن يشرب حليب يدخل هوا
شنسوي
انا ولدي مو غازات عاديه بطنه تفخته مو طبيعيه وايد امس حطتله تحميله عساس تريحه بس ما طلع ريح وايد قالتي راح يخرج وايد مااخرج وايد كان مثل كل مره
والله قلبه متروسه وايد قرقت بس تعبت او امس ضاق خلقي عليه حرام
ادعوولي بنات تخف عنه الغازات او يرتاح شوي او يطلع الهوا

 

[أرووومه]

فطامي ليش ماتغيرين الحليب يمكن حليبه مسبب الغازات
شوفي ترى كل منتجات ميلوبا ماتسبب غازات

 

[الشيخه فطامي]

اروومه شخبارج حبيبتي انا اعطيه طبيعي او هل كثر متاذي اسم الله عليه لو صناعي شلون
والل همادري شسوي قلبي حيل معورني عليه
ادعووووله يخف بطنه شوي

 

[mariam_q8]

السلااااااااااام عليييييكم اشلوووونكم ؟ وحشتووووونييي مووووووت وسامحوني عالغييبه الطوييييييييييييييله

 

[mariam_q8]

الشيخه : في دوا اسمه غازيز واايد زين و طبيعيي للبيبي

 

[أرووومه]

فطامي يمكن تاكلين شي يسبب الغازات

 

[الشيخه فطامي]

اهليم مريوووووووووووووومه شخبارج من زمان عنج
الحين استخدم ديفيستايل مادري لازم اواضب عليه بس مابي اعوده عل الادويه بعدين يطنه يصير كسلان
اروومه لأماعتقد بس حتى لو ما تسبب هل كثر غازات او تفخ بالبطن شي كو طبيعي صراحه اسم الله عليه

 

[بحر الغموض]

انا كنت استخدم سيميلاك
وبعدين نصحني الطبيب على حليب نوفولاك لحالات المغص ولدي حيل ارتاح عيله

فطامي حبوبه استمري على العلالالالالالالالالالالالالاج ولدج تعبان مووقته تقولين يتعود وغيره
ترى موزين تطلع لبره السره مثل ماتقولين خليه يطيب وبعديم وقفي العلاج بس خل يرتاح عدل
لاتقطعين علاجه
وبعدين لا تستهينين بالاكل اللي تاكلينه ابتعدي بشكل نهاااااااااااااااااائي عن اي شي ممكن يسبب غازات
حتى لو نتفه كليتي ولدج صغير بسرعه يتاثر

حريتني الله يسامحج فطامي لا ما اعتقد هذه مو اجابه حبوبه ديري بالج على اكلج استمري مو اقل من اسبوع بس خل يرتاح بطن البيبي اشوي
ترى الغازات تذبح حبوبه

 

[mariam_q8]

انا بخير الحمددلله بكندا الحييين وحالتي حاله حلييبه الي تعود عليه مو موجود ، قاعده اجربله اشياء وهذا ثاني حلييب ومسويله تكرمين امساك وعطيته ماي شكر وانشالله تتغير النتيجه ويمشي عليه ياااااارب

وسمييلاك مو شي كله يسوي هوا انا كنت اجري اس ٢٦ وايد ارتاح له ولدي
،اهني بكندا الحين انفامييل والله تعبت مادري شسويي

 

[Coffee-Girl]

هااااااااااااااااااي عسولات

ادعولي اولد بسلامه وانضم لكم مليييييييييييييت ابي اولد

 

[غلآتي]

شلونكم حباايبي..

انا بنتي عمرها شهرين ونص وقالوولي حطي يانسون داخل مطارتها مادري اغليه اول وعقبه احطه داخل المطاره زين ولآلآ؟؟؟

 

[eman84]

فطووم شلوونج وبنات شلونكم كلكم ؟؟

مايشووف شر ولدج انشاء الله استمري على العلاج ولاتقطعينه انا بنتي مسكينه فيها بلغم لوتشوفين الادويه تقولين هالنتفه كلهم لها يضيق خلقي والله بس شسوي اهم شي صحتها

وغيرت الحليب مالها كان سيميلاك الحين نوفولاك و مابينت النتيجه هذا 3 حليب اجربه وان شاء الله عاد يضبط

=====

مريوووم بعد قلبي شلوونج ؟؟ قرة عيوونج بابوووكم شلوون كندا ؟؟

 

[eman84]

صافووووووووووووووووو شلوونج لووووووووووول

لما شفت اسمج مت من الضحك ذكرت الطلق خخخخخخخخخخخخخخخخخخخخخخخخخخخخخخخخخخخخخخخ

الله يقطع ابليسج شلوونج شخباااارج ؟؟

قطعي السيميلاك ترى ايلوع الجبد كله غازات غيريه

 

[الصحفية]

امووووووووووووووووووووووووووووووووووووووووووووووووونه

حبيبتي والله اشتقت لج حيييييييييييييييل امبيه شخبارج اي والله اياام الطلق والعمليات الانتحارية

مريوووووم يا مجرمه شخباااارج لج وحشه شلون كندا

بنات تذكوروون نبي نولد نبي نولد لووووووووووووووووووووووووووووووول

:ggdw: :ggdw: :ggdw:


مشتاقه لكم

شلون اطفااالكم الحلوين امون هديت السيملاك خنشووف الحين

بسألكم عن نوم عيالكم تعدل ولا للحين لويه وسهر ؟

 

[eman84]

ههههههههههههههههه اي والله كا مرت الاياام والحمدلله يااربي

طفلتي تمام الحمدلله بس هالبلغم يااعمري مأذيها

فصلت لها نفنووووف قرقيعااان وااي نتفه اينن لووووووووووووووووول وقااعده اسوي قرقيعانها

 

[الصحفية]

سلم قلبها لولوه حلاتهااا والله

انا خلصت قرقعانهاااا وشريت لها بخنق جنها الكويت قديما ليمن تلبسه :dddds:

والله وصرنا ماماهات ونسوي حق عيالنا قرقيعان

بسألأج عن نومتها شلون متعدله ؟؟

 

[eman84]

ههههههههههههههههه وااختي هالبخنق فدييييتهم عاد يومها اقري عليهااا

لا مو متعدله انا اقوولج ام زوجي قالت لي اخر رضعه عطيها الساعه 11 وعقب ماتقوم الا الفير اذا طبعا ماتشكي من شي وحفاظها بدليه هم 11 علشان خلاص ماتوصخ ولا تتأذى وتقوم بالليل وتسهرج ..

حاولت ضبط معاها يمكن يومين وكانت لما تقوم عال3 او 2 اعطيها ماي او مصاصه المهم ما اشربها حليب عشان ماتتعود بس وحيااتج عقب ردت علي عكسي لووووووووووول قامت تنام وتقوم 11 وتسهر لي الفير وتلخبط نومها و انا معاها وماقدرت اعدل نومتها ليلحين

منوو عندها خبررررررررررره تفيدنا

 

[الصحفية]

اي والله على النومه عفسه عفيسه انا ساعات اعطيها الحليب وعيوني مغمضة

رفيجتي تقول انها عدلة نومة بنتها قبل الاربعين كانت تقعدها من النوم بس حرااام


انزين شلون ما تعطينها حليب بعد الساعه 11 حرام ما تيووووع ؟؟

انا ادري الياهل كل ساعتين او 3 لازم يشرب؟؟

 

[سموره 87]

امووووووووووووووون- صااااااااااااااااااافو - مريووووووووووووووووومي
اشلونكم شخباركم والله لكم وحشه