تجمع اولياء امور مدرسة الخليج الانجليزية في السالمية

[زوزو الحلوه]

شلون ياخذونهم جذيه ولا انا اطلب يدخلونه التقويه

 

[زوزو الحلوه]

معطينهم اول السنه

 

[عزيزتى]

ياخذونهم بدون ما تقولين على حسب مستواهم

 

[الفرسان الثلاثة]

اهما يعطونا ورقة فيها الاشياء الي لازم يكون يعرفها ادورها واحط لج المعلومات

مشكوووووورة يا عزيزتي ماتقصرين
في وحدة منكم مرت على ولدها او بنتها تيشر اسمها تنمبل في الريسبشن؟؟؟

 

[روحي تحب]

لا عزيزتي ....تشتاقلك العافيه ياقلبي ....والله حبوبه الله يسهل ابيه لاتذكريني بسالفة الغياب والله ليلحين متحسفه بس سهالات انشاء الله ماياثر عليهم

الفرسان ال3 ....حبيبتي لاانشاء الله ما اغط عاد آنا ما اقدر على فراقكم

وباجي الامهات شلونكم وشلون عيالكم ملكه , زهر شلونج وين رحتي اخاف نايمه عقب سالفة الويك اند ههههه يحلوج والله

زوزو الحلوه..... الورقه الصغيره اللي يعطونها لج كل اسبوع مفيده وايد لانهم يقولون لج شنو راح يدرسون هالاسبوع بكل المواد علشان يكون عندج فكره واذا على منهج طول السنه بالمذكره اللي طرشوها تعرفينها اللي لونها ازرق

 

[زوزو الحلوه]

اي حبيبتي عرفتها اي والله وايد فايدتني مشكوره

 

[روحي تحب]

امهات شلونكم وشخباركم

عزيزتي ....شلون الساينس تصدقين سمعت انه اختبار تجريبي قلت حق ولدي مالك شغل بهالكلام ركز وادرس عدل يمكن اهم بجربون منو اللي يدرس يعني الشاطر ومنو المهمل مثل الكوز على فجأه والله يسهل يارب

ملكه .....شلونج وشلون السبلنج عساه سهل واليوم بدوا بكلمة إسراء عاد آنا عندي وحده من اهلي اسمها إسراء تقول بنتي ماما اتصلي عليها وقوليلها آنا اعرف اكتب اسمها ههههه

زوزو الحلوه ... العفو شدعوه ماسويت شئ نفس الكلام لج شلون السبلغ ترى مهم والحين week1 يعني المهم فيه لانه على الاقل التييشر تعرف مستوى الطالب

وزهر..... شلونج فقدناج يالغاليه

الفرسان ال3 ...شخباركم

ومروو ..... وليال...... وينكم عودتونا على طلاتكم الحلوه

 

[عزيزتى]

روحي تحب -- نفس الكلام قاله مدرس ولدي بس تري المعلومات مهمة واحسن له اذا حفظها هالسنة لانها نفس المعلومات year6بس يزيدون عليها شوي ويصعبون الاسئلة شوية

 

[عزيزتى]

على فكرة امهات ترى الكي جي بيدومون اول 11
اتصلو علي المدرسة -بس جذي مايصيرون مخالفين؟؟؟؟؟؟؟

 

[روحي تحب]

هلا عزيزتي ايه والله صاجه صح كلامج المعلومات مفيده لهم بكل الاحوال .....وما ادري هل يعتبرون مخالفين لانه بنتي خالتي عيالها بالعالميه
تقول على شهر 12 تقريبا الله يحفظهم هاليهال

 

[عزيزتى]

احنا قالولنا شهر 12بعدين غيرو عاد انا بنتي طايرة من الفرحة مو مصدقة انها بتداوم

 

[زهر وردي]

مساء الخير يا احلا تجمع
شلونكم وشلون عيالكم ان شا الله الكل يكون بخير وصحه يااارب

حبيبتي روحي تحب فديتج والله يانواره التجمع و
ماتفقدين غالي يا الغاليه ومشكوره عالسؤال
‏ وما اخرني على متابعتكم الا اني كنت تعبانه اليومين اللي طافوا واليوم شوي جني احسن
هالانفلونزا ماخلت احد والحمدالله على كل حال
احلا شي اني ماخذه طبيه ومفتكه من الدوام
:‏)‏
روحي تحب انتي شلونج وشلون بنيتج ووليدج شلونه وشلون الرياضه

الفرسان الثلاثه شلون وليدج ان شا الله يكون مستانس

ملكه شلونج وشلون بنيتج الحلوه

عزيزتي شلونج وشلون العيال

وزوز الحلوه يا هلا ومرحبا فيج بين خواتج ومنوره التجمع وان شا الله تلاقين اللي يسرج

:‏)‏

 

[ملكة بيتها]

شلونكم حبيباتي
روحي تحب ....الحمد الله أنا وبنتي بخير والسبلنج كل يوم أمليها عشان ما تنساهم والحلو إنهم عطونا الورقه فيها الكلمات لكل الأسابيع عشان نحفظهم على الراحه ...أنا بسألج شلونكم مع الmath أنا أحسه معلومات وايد على الياهل وما عرفتي شي عن الإجتماع الخاص عشان يشرحون فيه عن الmath ??? هذا أنا عرفته من الورقه اللي دزوها عن المصطلحات

 

[روحي تحب]

زهر .....هلا والله افا يالغاليه ماتشوفين شر حبيبتي وماعليج الا العافيه انشاء الله ( اجر وعافيه يارب )

ملكه ..... اي صح شغله حلوه ال5 اسابيع والله الماث آنا مثلج حاسه بصعوبته شوي خصوصا من بعد عطله الصيف
اما على سالفة الاجتماع تصدقين بنتي مايابت اي ورقه تخص مصطلحات اوفيها اي شئ يخص الاجتماع ...لانه آنا مره سمعت عن هالاجتماع السنه الليطافت على ما اذكر عيل تدرين شلون اذا خذيتي خبر علميني

 

[عزيزتى]

زهر وردي -- سلامات وماتشوفين شر هالايام لازم في كل بيت احد بس هانت اليوم في الاخبار قالو متوقع هالخميس مطر خفيف 50%
انشاالله يطق مطر خل تطيح الامراض

اليوم بعد في مبارات في مدرسة دسمان يلا امهات نبي تشجيع

انشا الله يفوزون

 

[زوزو الحلوه]

مشكوره زهر وردي حبيبتي

 

[om mishaal]

أنا ابني الأول تخرج منها والحين في سنة ثانية جامعة
وابني الثاني في صف 12 ماخذ A level كمبيوتر و فيزياء
مين اولادها بنفس العمر؟

 

[زهر وردي]

روحي تحب == الشر مايجيج ولا يوطوط على عتبت بيتج ان شا الله قولي امين

عزيزتي == الله يسلمج والشر مايجيج وايه والله صاجه في كل بين تلاقين واحد طايح ربي يشافينا والمسلمين
والله يسمع منج ونشوف مطر وخير
وهوليهولي هو لي هو لي = يعني تشجيع
فريق ولد عزيزتي فايز فايز فايز
:‏)‏

 

[زهر وردي]

مشكوره زهر وردي حبيبتي

لا شكر على واجب حبيبتي
:‏)‏

 

[زهر وردي]

أنا ابني الأول تخرج منها والحين في سنة ثانية جامعة
وابني الثاني في صف 12 ماخذ a level كمبيوتر و فيزياء
مين اولادها بنفس العمر؟

اول شي يا هلا ومرحبا فيج ويانا وحياج الله ومنوره التجمع
وبالنسبه لي للاسف انا باول المشوار وانتي باخره
ماشا الله تبارك الرحمن
انا وليدي بالرسيبشن
بس يالت تفيدنا عن المدرسه وشنو انطباعج عنها وهل صحيح اول كانت اقوى وافضل
وبالنسبه للولد اللي بالجامعه الله يوفقه
هل تحسين انه ماشي صح وانه اختيارج للمدرسه كان صحيح