تجمع اولياء امور مدرسة الخليج الانجليزية في السالمية

[روحي تحب]

شلونكم امهات وشخباركم حبايبي

زهر .....بعد عمري والله التجمع منور بوجودج و بوجود الامهات الغاليات ياحياتي

ام مشعل ....واي ماني لاقيه كلام اشكرج فيه من زمان وآنا ادور احد يعطيني معلومات ويفهمني شوي عن النظام الانجليزي والدراسه فيه بالنسبه للسينير لانه ابو عيالي يفكر يحوله لنظام امريكي وإحنا مترددين لانه مانعرف اي شئ عن النظامين لا الانجليزي ولا الامريكي وكم مره رحت للتعليم الخاص ولا استفدت منهم شئ والله يوفق عيالج يارب وعيالنا كلنا وين ماراحوا

ملكه ....حبيبتي اي رحت ومالقيته و انشاء الله زوجي بكلم الاستاذ بس خليت ولدي جم يوم علشان ينسى ولانه مابي اعطيه امل ويمكن الاستاذ يعصلق

عزيزتي .....شلونج ولدج مشترك بالمسرحيه ولا لأ ؟ آنا طلعت ولدي منها لانه صعبه تكون التدريبات كل سبت من الصبح والثلاثاء العصر وخصوصا يوم السبت راحه غير انه مراجعه للدروس

امهات year1 شلونكم مع السبلنغ الله بشرونا ؟ بالنسبه لي الحمد الله عدى على خير والله يوفق عيالنا كلنا يارب

الفرسان ال3 مشكوره على السايت

وزوزو شخبارج

وام عبووود حياج الله وشاكرين مرورج يالغاليه وآمين الله يوفق عيالنا وعيالج يارب

والله لايحرمنا من مشاركاتكم يا امهات

 

[om mishaal]

تسلمين روحي تحب الله يوفق عيالك إن شاء الله
النظام الأمريكي ما أحبه رغم انه ولدي الحين بجامعة أمريكية لكن النظام الانجليزي محافظ أكثر وملتزمين وصارمين أكثر من المدارس الأمريكية اللي فيها حرية كبيرة
وإذا فيه أي استفسار أو شي غير واضح أنا بالخدمة لأني قبل ما يوصل أولادي لهذه المراحل كنت أعاني مو فاهمتها لكن الحين خبرة فيها
الله يوفق عيال الجميع يا رب

 

[روحي تحب]

هلاوغلا في أم مشعل ومبرووك:nbvppw::nbvppw: على النك اليديد اللي بخاطرج طبعا

والله يسلمج ومشكوره ماتقصرين يالغاليه الله لايحرمنا من هالمشاركات

والله يوفق عيالنا كلنا يارب

 

[om mishaal]

الله يبارك بعمرك حبيبتي والله تسلمين
النك غالي علي خصوصا ابني يدرس بالجامعة بعيد عني
وحاضرين لأي استفسار تامرين
الله يوفقك إن شاء الله ويوفق عيالك وعيالنا كلنا يا رب

 

[روحي تحب]

تسلمين يا ام مشعل ماتقصرين وما يآمر عليج عدو انشاء الله وعسى الله يرد وليدج بالسلامه ويرد كل غريب من غربته ويبلغج فيه وتشوفينه باعلى المناصب :yaaaaaarb:

 

[ملكة بيتها]

مبروك أم مشعل النك الجديد وربي يوفق إبنك ويرجع لج بالسلامه مع الشهاده
روحي تحب الحمد الله السبلنج عدى على خير

 

[om mishaal]

ملكة بيتها ربي يسلمج حبيبتي ويوفق عيالج إن شاء الله
الله يسلمكم كلكم ما قصرتم

 

[زوزو الحلوه]

حبيبتي روحي تحب الحمد الله بخير انتو شلونكم الحمدالله ولدي اوكي بالسبلنج تيست ياب 10من 10 واهو وايد مستانس وقاعد يشد حيله وانا قاعده اشجعه الحمدالله

 

[om mishaal]

بنات شوفوا هذا الرابط روعة للتدريب على الرياضيات لأطفالكم حاطته أخت معانا
http://www.q8yat.net/showthread.php?t=508104
إن شاء الله يفيدكم

 

[روحي تحب]

شلونكم امهات الخليج وشخباركم .....وينكم عسى المانع خير

مشكوره ام مشعل يالغاليه

امهات year 5 جدول امتحانات العربي والدين توزع اليوم والله يسهل على عيالنا

 

[ملكة بيتها]

صباح الخير يا أمهات الخليج ....وربي يسهل على عيالنا الإمتحانات

 

[عزيزتى]

زوزو مبروك== السبلج وانشاالله دوم 10-10

وام مشعل== مبروك النك الجديد والله يخلي لك مشعل واخوان مشعل
روحي تحب == ما لي خلق ادرس العربي والدين بس شسوي الله يعيننا
وباجي الامهات اشلونكم وشخباركم احس كلنا لاهين

 

[زوزو الحلوه]

حبيبتي عزيزتي مشكوره والله يبارك فيج انشالله

 

[عزيزتى]

يوم الاحد دوام الكي جي اليوم وديت بنتي اخر الدوام وخليتها تتعرف على ابلتها مس ليلى حبوبة وايد شجعتها كانت بنتي خايفة شوية .بس بصراحة الي بالرسبشن فضيعين انا ما احب احتك فيهم كل مو عاجبهم ويتطنزون بس لما شافو ردت فعل المدرسة وتشجيعها حق بنتي اسكتو

وعلى فكرة الستور رجعو تحت انا جم مرة امر القاة مسكر اليوم سالتهم ورحت اخذت منهم

 

[زهر وردي]

مساء الخير والورد والعود
شلونكم يا بنات او امهات
وشلون عيالكم ان شا الله الكل بخير وصحه وعافيه

ام مشعل == مشكوره عالسايت

عزيزتي == ترى مس ليلى محمد بالكيجي فويلت تهبل وروعه طيبه وحبوبه وتخلي الياهل قصب يحبها وتحسين صج قلبها عالياهل وودها تعلمه يمكن لانها كويتيه بس ان شا الله يارب بنتج تاخذ عليها بسرعه وتوفق وياها

 

[زهر وردي]

مساء الخيرات يا احلا تجمع واحلا امهات
وينكم
عسى المانع خير

 

[ملكة بيتها]

شلونكم أمهات ..المانع خير إن شاء الله المنتدى صارله يومين يعلق معاي
اليوم رحتوا الإجتماع بصراحه أنا وايد استفدت ...

 

[روحي تحب]

شلونكم امهات وشخباركم كلكم

بالنسبه لي وايد لاهيه في التدريس تجهيز للامتحانات والله يسهل يارب على عيالنا كلهم

ملكه ......واي من صجج الاجتماع كان اليوم والله انصدمت وآنا ماعندي خبر وحتى نبهت المدرسه انها تقولي لانه بنتي مايابت اي ورقه عن هالموضوع مثل ماقلتلج من قبل بس هالجم يوم ابوها اهو اللي اييبها من المدرسه علشان جذيه ماسالت المدرسه عن اي شئ جديد واهي هم غلطانه آنا منبهتها عن هالموضوع بس ماعليه انشاء الله نستفيد منج يالغاليه

 

[ReeMaN]

سلام امهات شخباركم ؟؟

الله يوفق عيالكم انشالله وحبيت اسلم على صديقة تجمعنا ملكه مامات شخبارج . شلون بنتج مع الدراسه

 

[mr000]

سلام أمهات الخليج أشلونكم !آسفه جدا أني مارديت عليكم بسرعه والله انشغلت ونسيت أني مشاركه عندكم ميخالف الكبر شين عذروني! والله هذا الشريط كان بمذركير بس تالي ماحصلته عندهم بقيته حق ولد وحده من صديقاتي بس أكيد بالمثنى بالمكتبات التعليميه تحت وفي مكتبه فوق مدعوسه نسيت أسمها كله أشوف فيها مدرسات أجانب من مدارس أجنبيه يشترون منها وسائل وأشياء تعليميه يمكن تلاقون فيها!