تجمع اولياء امور مدرسة الخليج الانجليزية في السالمية

[mr000]

سلام أمهات الخليج اشلونكم ...ملكه الظاهر آنا وأنتي بس اللي كل يوم مهمتنا نطفي الليتات ونسكر باب الدوانيه بالليل... وباقي الربع مالهم حس !!

 

[ملكة بيتها]

هلا مروو........تصدقين الظاهر جذي لازم إحنا اللي نطفي الليتات وننظف الدوانيه تالي الليل ...
بشري عنج وعن ولدج شمسوي مع الإمتحانات ؟؟

 

[الفرسان الثلاثة]

السلام عليكم

شلونكم بنات شخباركم
اشتقت لكم وايد ما ادري شالسالفة كان الموقع مسكر عندي و ما يفتح فقدكم
شلون عيالكم مع دراستهم والامتحانات ... موفقين ان شاء الله

 

[mr000]

هلا ملكه اشلونج وشخبار بنيتج! آنا الحمدلله بخير وناطرين الريبورت هالأسبوع والامتحانات ماتنقطع كل أسبوع فيه امتحانات!

 

[ملكة بيتها]

مروو....الله يعينكم على الإمتحانات وإن شاء الله الريبوت يشرف ويطمنج على وليدج ..الحمد الله بنتي زينه بس عندي مشكله معاها بالماث وايد تنسى لازم أرد أشرح لها من أول وجديد ما أدري أحسها مومتمكنه ولا هاضمه الماده الله كريم
الفرسان الثلاثه ...هلا يالغاليه حتىإحنا إشتقنالكم صح المنتدى كان وايد يعلق

 

[mr000]

ملكه والله آنا ولدي بعد هالسنه بالماث متقلقص ومسجلته بالتقويه وهم مو فايد مع أن العام كان وايد زين! الله كريم!

 

[ملكة بيتها]

السلام أمهات ...واي جنه عيد لي فتح المنتدى
مروو ..الله يوفقج ولدج وبنتي بالماث الله كريم

 

[ملكة بيتها]

السلام عليكم أمهات
شخباركم وشلون عيالكم مع الدراسه ؟؟؟

 

[روحي تحب]

السلام عليكم شلونكم امهات وشخباركم ولهت عليكم من غير شر يارب ......عفيه لاتطولون الغيبات

ملكه حبيبتي انتي والله بعدعمري كل يوم ماتحصلين احد بس ماقصرتي يالغاليه عسى اللهيوفق بنيتج بالماث وكل عيالنا يارب

وهلا فيج مروو يالغاليه بشرينا عنج وياحلو مشاركاتج الله لايحرمنا منها لا انتي ولا من باجي الامهات

 

[ملكة بيتها]

روحي تحب ....شلونج حياتي شكرا عالدعوه الحلوه ولعيالج مثلها قولي آمين
عزيزتي ....حبيبتي وينج عسى ماشر ؟؟؟ نبيج تسوين لنا حضور وغياب ...عشان يخف الغياب الجماعي هههههه

 

[روحي تحب]

هلا ولله ملوكه ...وينج حسافه كله مايصادف اني اشبك وياج بس الحين ها صدتج شمسهرج ؟؟؟
وصج من غير شر وينكم يا امهات الخليجترى باجر بروح المدرسه واناديكم بالمكرفون عسى المانع خير يارب
ايام غياب الانفلونزا محد فيكم غاب الحين سويتوها غياب جماعي ههههه على قولة ملكه

 

[ملكة بيتها]

روحي تحب ....شلونج ناطرتج باجر بالمدرسه هههههه
اللي مسهرني الله يبعد عنج أرق ومويايني نوم

 

[ملكة بيتها]

سلاااام أمهات الخليج....
روحي تحب ...وينج اليوم ماسمعتج تنادين بالمكرفونات
المهم باجر موتنسون البيتزا داي ....

 

[ملكة بيتها]

للرفع

 

[دلوله المزيونه]

السلام عليكم جميعا خواتي لي مده وانا متابعتكم بس الحين حطيت لي اميل وشاركت عضوه وانشاءالله تقبلوني بينكم

 

[روحي تحب]

هلا ملكه ....لللاسف ماقدرت اناديج صوتي كان رايح <<<<ترقع حق نفسها (ناسيه السالفه)
اليوم بيتزا دي عيالي متحمسين الله يحفظهم بس راح يصير مكرفون داي لانه صج راح اقعد انادي تخيلي ملوكه ( مامات ) جكيتج بتجمع العالميه ههههه وخذيت نكج من هني ورايح بناديج ملكة مامات عاد المشكله اني مااعرف شسالفة مامات يبيلج تقولينها لي بعدين يالغاليه
وسلامة عمرج وقلبج من الارق ويارب دايما لج وللكل نوم العوافي يارب


دلوله المزيونه .....هلا فيج يالغاليه ويانا نتشرف فيج حبوبه ووصل مو مقطوع ......شاركينا عيالج بأي مراحل ؟؟
وانشاء يتجمعون باجي المهات مثل قبل وانشاء الله تستفيدين اكثر


باجي الامهات وينكم لا السالفه زادت عن حدها ههههه وين الناظره بكبرها غايبه وخلاص آنا وملكه وكيلات المدرسه ولو انه ملووكه مواضبه اكثر مني الله يحفظها ولا تطفي الليتات بعد كل يوم

 

[روحي تحب]

شلونكم امهات الخليج

هابي ويك اند على قولتهم هههههه

امهات year 5 اليوم توزيع الشهادات موفقين انشاء الله

 

[عزيزتى]

سلام امهات
اشلووووونكم
انا كاني كاني موجودة -- ولهت عليكم صار لي جام يوم ما ادري عن الانترنت حتى بالدوام كان عندنا وايد شغل واذا بتحطون كشف حضور وغياب انا اول وحدة بنفصل بدعت هالاسبوع
روحي تحب == حبيبتي عندج خبر متى امتحان الساينس

 

[عزيزتى]

دلولة المزيونة == حياج الله معانا ونورتينا

بما انج عضوة جديدة يلا قوليلنا عيالج اسمالله عليهم في اي مرحلة؟

 

[ملكة بيتها]

سلام أمهات .....
إي جذي منور المنتدى تجمع الخليج عامر ... عسى دوم
روحي تحب ....طحتي علي سالفة مامات في تجمع العالميه هالتسميه كنت أناديهم فيها سلاااااام مامات وينكم وجذي ....الله يسلمج من كل شر حبيبتي حتى بنتي مستانسه من البيتزا داي
عزيزتي ....شلونج يالغاليه شخبارج ولهنا عليج ..الناظره ما عندها توقيع واسطه الله يسلمج بس لا تغيبين ترى ما نسوى بدون الناظره ..
وربي يوفق عيال خامس بالتقارير ....