تجمع اولياء امور مدرسة الخليج الانجليزية في السالمية

[ملكة بيتها]

صباااااح الخير
للرفع

 

[mr000]

سلام أمهات الخليج اشلونكم! ملكه شخبارج!

 

[lyale]

ملكه اي والله الجو هالايام يذكرنا بلندن يا حلوها ويا حلاة الهوت مفن اما تاكلينه والمطر فوقج

 

[lyale]

مرووو شلونج ولهنا عليج

 

[mr000]

هلا والله ليالي اشلونج توله عليج العافيه!اشلون عيالج مع المدرسه! ناطرين عطلة الكريسمس على نار!

 

[lyale]

الحمد الله عيالي تمام عطلة الكريسمس انا بخاطري اسافر وانتي بتسافرين ولا لا

 

[mr000]

والله ودي بس شكلي بنطر لي الأيستر يكون الجو أحلى! حماة أختي بلندن تقولها غرقانين من المطر صار له أكثر من أسبوع ماوقف!

 

[ملكة بيتها]

شلونكم مروو ...ليال ...حبايبي حسافه ما شبكت معاكم بنفس الوقت ولا يتراوالي جان خلاص خططنا وحددنا موعدنا بلندن خخخخ....واااي هاللندن لما أروح لها ما أبيها ولما نرجع نوله عليها

 

[mr000]

هلا والله ملكه اشلونج !أي والله كلش بقينا نشيل جناطنا ونسافر آنا وليالي بس قلنا خل ننطرج! آنا اليوم قاعده أكسر حساباتي حق السفره بالأيستر وقاعده أشوف الأسعار بالأنترنت التذاكر بالأيستر أرخص من ألحين بس الفنادق أغلى ألحين نص السعر!

 

[ملكة بيتها]

هلا مروو زين اللي نطرتوني ...تصدقين إي التذاكر تحجزينها الحين تطلع أرخصلج ودوري على راحتج الفنادق ساعات تصير عروض للفنادق وربي يسهل لج شوي تغيرين جو من عقب التدريس والتوصيل من وإلى المدارس

 

[الفرسان الثلاثة]

بنات شلونكم سامحوني بطلعكم شوي من الجو اللندني الى الجو الدراسي
ابي مشوورتكم و رايكم محتارة مع ولدي بالريسبشن لازم اقرر حق السنه اليايه مادري اخليه يكمل بالمدرسة أو لأ لاني ماراح اقدر اتحمل التكاليف حق السنين اليايه لان عيالي اسم الله عليهم 3 ... خايفة اخليه و بعدين اذا حول حكومة يتلخبط خاصة المواد العربية
عفية ساعدوني امانه لان هذا بجري و ماعندي خبرة ؟؟؟ اوديه السنه اليايه حكومة ولا اكمل و بعدين انقله؟؟؟؟مع اني مو متقبله ان يدخل حكومه بعد ما جربت الخاص بس شسوي الظروف تحكمني

 

[ملكة بيتها]

الفرسان الثلاثه .حياج الله وين هالغيبه من زمان عنج ؟؟؟
شوفي حبيبتي إنتي جربتي الخاص بنفسج وإنتي أدرى بمستوى ولدج وأظن عرفتي إنه في فرق بالمناهج يعني بالخاص كل المواد بالإنجلش ما عدا العربي والإسلاميه وبالحكومه العكس تماما .....وطبعا أنا أفضل الخاص عن الحكومه بس كل واحد أدرى بظروفه شوفي أنا رايي إذا هو بريسبشن خليه يكمل لحد كي جي 2 والإبتدائي وديه حكومه لأن الروضه بالحكومه بيضيع فيها وقت وما راح يستفيد شي خليه بالخاص لأن الكيجي تعتبر مرحله مهمه جدا في الخاص كتأسيس وإن شاء الله تتعدل ظروفج وما تطرين طلعينه من الخاص

 

[mr000]

آنا رايي مثل ماقالت ملكه خل يكمل الروضه ووديه الحكومه من أولى لحد يشور عليج إن يكمل الابتدائي بخاص تالي تنقلينه آنا كنت بابتدائي وشايفه البنات اللي ينقلونهم على 4 أو 5 ابتدائي ضعاف بالعربي والرياضيات مايعرفونه بالعربي ويلخبطون فيه وحرام الياهل يتحبط يشوف نفشسه فجأه يسقط أو درجاته ضعيفه كلش

 

[mr000]

سوووري عالبدليه:نفسه

 

[الفرسان الثلاثة]

ولدي صار له سنتين بالخليج درس الكي جي 1 والحين اهوا في الريسبشن والحمدلله بادي يقرا قصص بالانجليزي و بالنسبه للعربي مدخلته العصر القاعدة الحلبية عشان يتأسس ومستفيد وايد من الخليج من ناحية شخصيته صار اجتماعي و قام يسولف بالانجليزي يحليله حده يونس.. النظام عاجبني وايد بس مثل ماتشوفون كل سنه الرسوم قاعده تزيد ... السنه اليايه ان شاء الله ولدي الثاني بيدخل ال كي جي...حدني محتارة و هالسالفة متعبتني ... ماودي أنقل وهم ما اقدر اكمل وياه لي بعدين
مرات افكر اوديه مدرسة اهليه مناهجهم مثل الحكومه و رسومهم زينه بس مادري اذا عندكم فكرة عن مدرسة الاخلاص أو النجاة
او في مدرسة اسمها القطوف

 

[الفرسان الثلاثة]

الفرسان الثلاثه .حياج الله وين هالغيبه من زمان عنج ؟؟؟
شوفي حبيبتي إنتي جربتي الخاص بنفسج وإنتي أدرى بمستوى ولدج وأظن عرفتي إنه في فرق بالمناهج يعني بالخاص كل المواد بالإنجلش ما عدا العربي والإسلاميه وبالحكومه العكس تماما .....وطبعا أنا أفضل الخاص عن الحكومه بس كل واحد أدرى بظروفه شوفي أنا رايي إذا هو بريسبشن خليه يكمل لحد كي جي 2 والإبتدائي وديه حكومه لأن الروضه بالحكومه بيضيع فيها وقت وما راح يستفيد شي خليه بالخاص لأن الكيجي تعتبر مرحله مهمه جدا في الخاص كتأسيس وإن شاء الله تتعدل ظروفج وما تطرين طلعينه من الخاص[/
QUOT

الله يحييج حبيبتي ... الروضه مالت الحكومه حاطه عليها مليون xxxxxx اشعندهم غير الياهل يضيع وقته صج
مشكوورة على الرد ...

 

[الفرسان الثلاثة]

آنا رايي مثل ماقالت ملكه خل يكمل الروضه ووديه الحكومه من أولى لحد يشور عليج إن يكمل الابتدائي بخاص تالي تنقلينه آنا كنت بابتدائي وشايفه البنات اللي ينقلونهم على 4 أو 5 ابتدائي ضعاف بالعربي والرياضيات مايعرفونه بالعربي ويلخبطون فيه وحرام الياهل يتحبط يشوف نفشسه فجأه يسقط أو درجاته ضعيفه كلش

اشلون لو درس قريد 1 و 2 بالخاص و بعدين حول حكومه ؟؟ هم صعب عليه؟

 

[mr000]

سلام أمهات الخليج اشلونكم!أختي والله شوفي هو يختلف من ياهل لي الثاني يعني كانت عندنا بنت يايه من السويد بعد مو من خاصه بالكويت وحق 4 ابتدائي وكانت ماشيه ماعندها مشكله ألا بالرياضيات والله وفقها بمدرسه رياضيات طيبه كانوا عيالها بالخليج فكانت حاسه بمشكلة البنت وتساعدها وقت الأمتحان تنبهها للغلط وتوضح لها بس بصراحه مو كل المدرسات متفهمين ويراعون اللي يايين من مدارس خاصه وكلمه والثانيه قالوا حق الأم اشحقه تودونهم مدارس خاصه وتردون تطلعونهم يلا تحملوا نتيجة غلطتكم يعني يضيقون خلق الأم أزيد بعدين الياهل نفسيا يتعود على جو المدارس الخاصه والنظام واسلوب معاملة المدرسين والتشجيع تالي يتفاجأ بالحكومه غير كلش بجميع النواحي فحرام خليه يتعود عالحكومه أو لاتطلعينه من الخاص واعتبري قسط مدرسته مثل قسط السياره يعني شيليله مبلغ كل شهر واعتبريه من الأولويات! بالنسبه حق المدارس العربيه الخاصه آنا ماجربت بس بنت أختي دخلت ولدها فجر الصباح تقول طبعا واجبات وايد وتدريس قوي بالعربي بس الصف فوق ال40 طالب وهناك مافيه دلع وترفيه ووناسه بس تدريس !الطلبه كلهم عرب سوريين وفلسطينيين ومصريين ماشاءالله ياكلون الكتب وشطار بس مثل الحكومه شطانه ويبوقون أدواته وأكله مع أنهم شديدين بس من كثرة العدد مايلحقون عليهم و المشكله اللي واجهتها تالي أنه الأولاد حدهم لي صف 5 أو6 والله مومتأكده فاضطرت تنقله هالسنه الأخلاص وهم نفس الشي 45 طالب بالصف و عندهم ايجابيات وسلبيات بالتدريس والمعامله موعاجبتها وراح تنقله السنه اليايه الحكومه! في ناس تمدح الأخلاص والنجاة وفي ناس لأ!! مع أن شوفي نتايج الثانويه العامه كل سنه المتفوقين كله من المدارس الخاصه العربيه!

 

[روحي تحب]

شلونكم امهات وشخباركم اشتقت لكم ماشاء الله تجمع عامر على طول يارب

مروو ...ملكه ....ليال ....الفرسان ال3 وباجي الامهات شخباركم

....قطعت عنكم غصبن علي تعبت شوي وعيالي وتدرون بعد اسبوع امتحانات يعني كل شئ تجمع من كل صوب بس الحمد الله على الصحه والعافيه ورجعتلكم واحس جنه طافتني اشياء وايد


الله ويني عنكم سافرتوا وخليتوني لاتروحون عني ترى آنا بعد اموت بلندن ومثل ماقالت ملكه هناك لما امل اقول متى ارد وبس اودع هيثرو اتحسف واقول آخ على ريحة لندن ههههه ....من الحين نعد الايام على عطلة الكريسمس عاد صج حسافه السنه اللي طافت كانت اطول حوالي شهر صج وناسه

يبيله ارجع واشوف شنو اللي طافني هههه عاد بعلق الحين
الفرسان ال3 ...نصيحه بنت حماتي كانت بالخليج وبعدين نقلوها حكومه وايد تخبطت وكله تبجي وتوهجت وايد بالرياضيات والعلوم ومع انه نقلتها من year 2 بس ماقدرت تمشي تالي ردتها بسرعه لانه كانت بتضيع سنه من عمرها على الفاضي فنصيحه اذا ناويه تنقلينه نقليه من السنه اليايه يعني يبدئ الابتدائي على طول احسن لانه ترى ماراح تفيده وايد 1 و2 اذا ماكمل النظام نهائيا مختلف وحتى الدراسه الحمد الله انتي اسستيه عدل وهذا كافي اذا ماتقدرين تكملين انزين اذا على التكلفه وايد ناس يعني مايقدرون شايفين انه الباكستانيه قويه بس بالدراسه اما الاشياء الثانيه لأ طبعا لأ وانشاء اللهموفق ويلدج وين مايروح

 

[mr000]

أهلين روحي تحب سلامات ماتشوفين شر إنتي والعيال والله يوفقهم بامتحاناتهم!