تجمع اولياء امور مدرسة الخليج الانجليزية في السالمية

[الفرسان الثلاثة]

ملكة بيتها ... مروو.... وروحي تحب مشكوورييين عالرد الله يعطيكم العافيه
الاخلاص و النجاة حدهم زحمه بالصف اكثر من 40 اشدعوه ... لو عالباكستانيه اللي عرفته ان لازم الواحد يبدي معاهم من الروضه لان عندهم نظام غير وبعد احس مو متقبلتهم ... الله كريم

 

[ملكة بيتها]

السلام عليكم أمهات
روحي تحب ...ما تشوفين شر يالغاليه وربي يوفق عيالج بالإمتحانات
الفرسان الثلاثه أنا رأيي من راي مرووو ترى بيفرق على الياهل أسلوب التعامل وبيئة المدرسه غير ، ونصيحه لا تفكرين لا بالباكستانيه ولا الهنديه لا تحشرين ولدج مع عيالهم كلللللللللللش مو نفس البيئه ولا حتى الأفكار وإذا بياخذ لغه بتكون مكسره هذا رايي يعني الحكومه وايد أفضل من الباكستانيه والهنديه

 

[الفرسان الثلاثة]

السلام عليكم أمهات
روحي تحب ...ما تشوفين شر يالغاليه وربي يوفق عيالج بالإمتحانات
الفرسان الثلاثه أنا رأيي من راي مرووو ترى بيفرق على الياهل أسلوب التعامل وبيئة المدرسه غير ، ونصيحه لا تفكرين لا بالباكستانيه ولا الهنديه لا تحشرين ولدج مع عيالهم كلللللللللللش مو نفس البيئه ولا حتى الأفكار وإذا بياخذ لغه بتكون مكسره هذا رايي يعني الحكومه وايد أفضل من الباكستانيه والهنديه

شكلي بدور مدرسة اهليه ماتكون مزدحمه و ما اعتقد فيه بس بحاول واذا اضطرين عالحكومه لازم اسأل عن المدرسة و ادارتها .. احنا تابعين مدارس مشرف مايندره عنهم ... وااااااااي ضيقة خلق

 

[زوزو الحلوه]

هلا والله أمهات الخليج اشلونكم جميعا! ملكه أنا نفسج خذت حق الصغيره السي دي والدي في دي مال الأحرف والأرقام وأغاني أطفال فيهم حيوانات وألعاب علشان حق البيت والسياره! زوزو الحلوه مشكوره حبيبتي عالمعلومه بس ماعرفت أيهي تقصدين الأنجلش بلي قروب وألا غيرها؟؟ هذي وين مكانها بأي قطعه؟؟ وأهم شي عندي يعلمونهم انجليزي لأنه بمدرسة ولدي العالميه يبون لازم الياهل يعرف انجليزي حتى بكي جي 1 وقالتلي انصحج بحضانة منتسوري الخليج بس اليوم فتحت السايت مالهم اشدعوه 1800 دينار الحضانه غاليه بعد هي صج بنت ولدي بس ماأقدر ألزمهم يدفعون هالمبلغ حق حضانه!

حبيبتي اسفه على التأخير بالرد شوفي حبيبتي اهي مو بلاي قروب الي على الشارع الي تطل على البدع تاخذين شارع المدارس كله للاخير الي اول من تدشين رميثيه تصير الجمعيه على يمينج وتروحين سيده لي من تشوفين اخرشي في دوار اهي قبل الدوار على اليمين بيت مكتوب فوق خط كبير الحضانه الانجليزيه ثنائيه اللغه سامحيني على الطواله لأني ما عرف القطعه وشكرا :eh_s(6):

 

[mr000]

زوزو الحلوه مشكوره حبيبتي لا آنا مو مستعيله هي غالبا راح ندخلها نهاية الكورس الياي شهرين أو 3 نجربها أو ننطر السنه اليايه تكون كملت سنتين ونص بس آنا قلت بسوي جوله عالحضانات وأشوف راي الأمهات عن تجربه! أحنا يمنا حضانه انجليزيه بنفس قطعتنا بالعدان فتحت السايت مالهم مواعيدها وأسعارها زينه وحتى عندها صفوف تفتح يوم واحد بالأسبوع العصر يعني صف آرت وصف ميوزك وصف أسمه بيبي سنغينغ حق تحت السنتين يوم واحد بالأسبوع بس يساعد الياهل أنه يندمج مع الأطفال ويتعود يترك الأم شويه والأناشيد تعلمه اللغه ودي أوديها بس حزته العصر مع حزت نومها ونومي بصراحه عاد آنا لي مانمت شويه راح أتعسر أزيد منها!

 

[زوزو الحلوه]

الله يسهل وتشوفين الحضانه الزينه انشالله

 

[عزيزتى]

سلام امهات اشلونكم
كل عام وانتو بالف خيييييييييييييييير
مابقينا نعطل---- تعبنا من الامتحانات -- لاحقتنا لاحقتنا -- عقب العيد ب اسبوع يبدون الفاينل
بس صج اجازة العيد بوقتها --- احس انقاذ

 

[روحي تحب]

سلام امهات

عيدكم مبارك ..وكل عام وانتم بخير

ملكه ...مروو...الشر ما اييكم يا قلبي

 

[روحي تحب]

عزيزتي .... وانتي بخير انشاء الله تعودينه بالصحه والعافيه

بالنسبه للساينس حبيت اسالج الدروس اللي امتحنوا فيها قبل مثل shadows و moon داخلين معاهم بالامتحان الياي ولا بس من
healthy living وباجي الدروس لغاية ال heart

وانتي شريتي المذكره اليديده ؟ لانه توني اسمع فيها ولا جان شريتها من امس ؟ وما ادري ليش يعني مو مسوين مذكره وحده علشان ندرسهم اول باول ومتى راح يمديهم يحلونها مع التيشر مابقى شئ عاد آنا وايد احاتي الساينس

و عيالنا الله يوفقهم ويسهل عليهم كلهم يارب

 

[الفرسان الثلاثة]

عيدكم مبارك
كل عام وانتوا بخير و صحة وسلامه و تقبل الله طاعتكم ​

 

[lyale]

عيدكم مبارك امهات الخليج وخصوصي لملكه وروحي تحب

 

[mr000]

عيدكم مبارك أمهات الخليج

 

[ملكة بيتها]

عيدكم مبارك جميع أمهات الخليج
مروو ...وإنت من الفايزين والعايدين وتقبل الله طاعتكم
ليال ...ياعمري وإنت من الفايزين والعايدين وتقبل الله طاعتكم

 

[عزيزتى]

عيدكم مبارك وعساكم من العايدين والفايزين

 

[عزيزتى]

روحي تحب --- الساينس الي امتحنو فيه ماياخذونة بس اليديد
والمذكرة انا شريتها من بداية الدرس اليديد لان مدرسهم يقولهم حلو كل اسبوع 3او4صفحات
بس تصدقين قبل كانو يحلونها معاهم بالصف

 

[روحي تحب]

وايامكم سعيده وتعودونه بالصحه والعافيه يارب انتوا وكل اهاليكم ويارب نشوف خير هالمطره علينا يارب

ليال ...حبيبتي ايامج سعيده انتي وكل عزيز وغالي عليج يا الغاليه و مشكوره على المعياده المخصوصه :33_1185028183:
ومروو ...وملكه .... عساكم من العايدين والفايزين ياقلبي:eh_s(17):
عزيزتي ...وايامج سعيده ومشكوره على المعلومات والله يوفق عيالنا كلنا يارب:eh_s(17):
الفرسان 3 وكل الامهات الله يعوده علينا وعليكم بالصحه والعافيه:eh_s(17):

 

[mr000]

اشلونكم أمهات !روحي تحب شخبارج حبيبتي مسهرج المطر!إن شاء الله كله خير!ولدي طالع الله يهديه وليلحين مارد ويخلينا نقعد نحاتي!

 

[mr000]

سلام أمهات الخليج برفع لكم موضوعكم عيديه مني لكم وللغاليات ملكه وروحي تحب وعزيزتي والفرسان ال3 وباقي الخوات عذروني ماعرف كله الأسامي

 

[الفرسان الثلاثة]

سلام أمهات الخليج برفع لكم موضوعكم عيديه مني لكم وللغاليات ملكه وروحي تحب وعزيزتي والفرسان ال3 وباقي الخوات عذروني ماعرف كله الأسامي

الله يرفع شانك ويعزج :eh_s(6):

 

[ملكة بيتها]

مروو حبيبتي الله يرفع شانج مشكوره هذا العشم