تجمع اولياء امور مدرسة الخليج الانجليزية في السالمية

[ملكة بيتها]

هلا مروو شلونج حياتي وشخبار ولدج مع الدراسه
أمهات الخليج حبايبي طولت الغيبه من غير شر حبايبي ...

 

[mr000]

سلام امهات الخليج اشلونكم ...ملكه اشلونج واشلون بنيتج...الحين شنو عندكم امتحانات؟ احنا عندنا اسبوع الياي بس العربي والدين فاينل يمتحنون بكتاب الفصل الاول كله والا باقي المواد لاعادي كويزات وتستات اسبوعيه وفيه ريبورت ب4/2 بس وايد صاير فيه تغيير مدرسين يعني واحد سافرلأنه مريض وبيسوي عمليه وواحد ودوه غريد 6 عندهم نقص بس يابوا غيرهم!يعني هالسالفه موجوده بكل المدارس بس المهم انهم مايخلون الصف بدون مدرس حتى يوم واحد!!هذا اهم شي

 

[ملكة بيتها]

الحمد الله أنا وبنتي بخير يوم السبت كان إجتماعنا مع المدرسين بس الحمد الله كان كل شي أوكي وبالنسبه للإمتحانات أنا بنتي بجريد ون فما عندها امتحانات ما غير إملاء العربي والسبلنج تيست وتسميع القرآن ...أما المراحل الثانيه ما عندي فكره عنهم ..
إنتو الله يعينكم على الإمتحانات بس والله أحسن أول بأول عشان الطالب يكون على طول يدرس وما يكسل وصاجه مهم إنهم ما يخلون الصف بدون مدرس ...

 

[ملكة بيتها]

سلااااااااااااااااام أمهات .
للرفع

 

[روحي تحب]

السلام عليكم امهات شلونكم يالغاليين

مشكورين وماقصرتوا كل من سأل عني وماتفقدون غالي لكل من فقدني وبالاخص مروو وملكة بيتها وزوزو ولاهانوا باجي الامهات بس والله غبت عنكم فتره طويله لاسباب صحيه ماكنت اقدر اشارك جم مره حاولت بس ماقدرت بعيد الشر عنكم والحمد الله على كل حال والحين انشاء الله شوي شوي بحاول كثر ما اقدر اني اشارك وياكم ومااقطع عنكم بأذن الله بس اذا غبت او تاخرت بالرد اعذروني ترى غصبن عني

 

[روحي تحب]

وشلون عيالكم يا امهات سامحوني نسيت اسأل عنهم وانشاء الله دوم بخير يارب والله يطمنكم عليهم ويبلغكم فيهم وتشوفونهم باعلى المناصب

 

[ملكة بيتها]

هلا وغلا بروحي تحب سلامات يالغاليه ألف لا بأس وما تشوفين شر ..الحين لازم دايما تدشين التجمع عشان تطمنينا عليج حياتي الحمد الله إحنا بخير شكرا على السؤال إنتي شلون عيالج ؟؟

 

[عزيزتى]

سلام عليكم
اشلونكم امهات الخليج
ولهت عليكم بس شنسوى الدنيا مشاغل
روحي تحب سلامات وماتشوفين شر

 

[زوزو الحلوه]

شلونكم امهات كلكم عساكم بخير ؟مروو.عزيزتي .روحي تحب .ملكه بيتها.كلكم شلونكم؟شالاخبار عندكم ؟وما الجديد لديكم؟
:gathering:

 

[ملكة بيتها]

السلام عليكم
هلا بعزيزتي ...زوزو الحلوه ..بشروا عنكم أنا بالنسبه لأخباري الحمد الله كل شي تمام واليوم بنتي بلشت الclup والحمد الله وايد مستانسه لأن رفيجتها معاها.......

 

[زوزو الحلوه]

هلا والله شلونج :68_asmilies-com: والله انا حن علي ولدي ادخله ال clup بس انا تعيزت لانه الراحه يومين ماقدر افرط فيها وقلت يمكن مايستانس لانه مادري ال clup شلون صاير ماجربته الصراحه انتو بعدين قولولي وعلى السنه اليايه انشالله ادخله :eh_s(8):

 

[mr000]

سلام وينكم أمهات تجمعكم بالصفحه الثالثه!

 

[ملكة بيتها]

هلا مروو شلونج يالغاليه انا موجوده

 

[عزيزتى]

اشلونكم امهات ما ادري اشفينا الكل لاهي
باجر يوم المفتي عيالكم جاهزين --- انا بنتي طلعت الى بالكبت كلة كل شوي تقول بروح بهالبس

 

[ملكة بيتها]

سلام أمهات شلونكم
هلا عزيزتي ياحليليها بنتج أنا بنتي نفس الشي من سمعت إنها تلبس اللي تبي وهي كل شوي مغيره رايها باللبس بس اللي مستقره عليه تبي تنوره ولا في الأيام العاديه نترجاها تلبس تنوره أو نفنوف ..إنزين هو يوم المفتي شيسوون فيه أنا اللي فهمت إنهم يتبرعون وغيره في شي ثاني ؟؟أنا أول مره يمر علي ..وبالنسبه للبيتزا داي أنا اليوم معطين بنتي الورقه واللي مكتوب إنه تاريخ 20 والخميس وأسأل بنتي تقول اليوم ( الأربعاء ) تقول كان في بيتزا وهي اليوم عطتهم الورقه ؟؟؟؟! على العموم باجر بعد بعطيها فلوس حق البيتزا

 

[mr000]

سلام أمهات الخليج .. ملكه اشلونج.. اشلون بنيتج..تصدقين احنا يعطونهم أوراق عن كل شي بس مادري يمكن ليش ولدي بالميدل سكول يعني خلاص كبار فشغلات وايد بس يقولونها لهم شفوي يعني الدريس داون داي ومره يي قال اليوم كانوا يبيعون دونت أو بيتزا وهو رايح مع أبوه ونسى ياخذ فلوس يقول ماسمعتهم أمس قالوا يعني المفروض ينبهونهم عدل حتى لو مو أوراق... بس الله وكيلج من يومها قمت أحط في بوكه فلوس كل ليله!!

 

[ملكة بيتها]

هلا مروو شلونج وشلون ولدج إن شاء الله أحسن ..أنا وبنتي بخير بس اليوم بنتي تشكي من إذنها وديتها الطبيب يقول شمع إن شاء الله أوديها المواساه يشوفها الإستشاري على الأغلب بينظف لها ..بالنسبه للبيتزا داي هم موزعين ورقه بس فيها غلط حاطين الخميس بس التاريخ 20\1 وسألت بنتي تقول كان فيه بيتزا اليوم عاد هي مو شاريه مع إنه أنا حاطه لها فلوس بجنطتها قتلها ليش ما شريتي تقولي ما أدري شنو الفلوس مو عارفه أي عمله ههههه قتلها جان عطيتيهم وهم راح يقولون لج إذا يكفي ولا لأ مسكينه ما تعرف تتصرف أنا كل مره يا أراويها الفلوس أوأعطيهم التيشر

 

[mr000]

هلا ملكه أيي مسكينه بنتج بعدها صغيره ماتعرف تعتمد على نفسها بكل شي بعد زين منها .. احنا مدرستنا حق الصغار اللي كبرهم يطلبون من الأمهات يطرشون دينار حق البيتزا داي كل أسبوع وتستلمه المدرسه فالأمهات ساعات يدفعون حق 4أسابيع مره وحده!!بس والله مدرستكم ممتازه بنات حماي وايد مستانسين من المدرسه وحابينها وأمهم تمدحها بكل شي!

 

[ملكة بيتها]

لو مدرستنا بعد يسوون نفسكم جان زين بس سياسه المدرسه إن الطفل يعتمد على نفسه بكل شي هذا اللي وايد وضحوه لنا بالإجتماع أول السنه يعني وايد مركزين على هالشي ..وأنا بنتي بعد وايد مستانسه من المدرسه وحابتها يوم المطره هذاك اليوم كنا بالطريج رادين من المدرسه فكانت مأذيتني بالسياره قتلها قعدي عاجل والحين مطر إدعي الله يستجيب لج قامت تدعي الله يحفظ أمي ويحفظ أبوي ويحفظ مدرستي والسلحفاة مالتي هههههه

 

[mr000]

ههههه يحليلها بنيتج ملكه الله يخليها يعني موناسيه حتى السلحفاة تدعي لها!!