تجمع اولياء امور مدرسة الخليج الانجليزية في السالمية

[ملكة بيتها]

المهم يكون التأسيس قوي والباجي يعتمد على شطاره الطالب ، وأنا ملاحظه حتى بباقي المدارس الحكومه والخاص اللي عيالهم شطار ودايما نسبهم عاليه بالثانوي يخقون وتتغير نسبهم لأنهم يمرون بمرحله مراهقه وهالسوالف تأثر ...الله كريم عسى ربي يوفق عيالنا

 

[ملكة بيتها]

صباح الخير ....مبارك عليكم الشهر

 

[omnasser]

علينا و عليج لحد الان محد عندا خبر عن الينفورم امس قريت انه ممكن تتاجل المدارس ما ادري مدرستنا معاهم

 

[ملكة بيتها]

هلا omnasser بالنسبه لليونيفورم توني قبل شوي إتصلت على المدرسه وسألتها عن اليونيفورم قالتلي إن البنطلون تغير صار كاروهات وراح يفتح الstore تاريخ 1/9 ..... يعني حده حده الله يهديهم

 

[omnasser]

حياتي ملكة بيتها يعني ماراح يفتحون يوم23وشلون كاروهات بصير الينفورم يفشل

 

[ملكة بيتها]

ماني قادره أتخيل اللبس أنا اللي أعرفه إنه التي شيرت أخضر فاتح يعني بتكون كاروهات أخضر ما ني مستوعبه ....وبالنسبه للتاريخ هذا اللي قالته لي بس راح أخلي زوجي يمرهم يوم 23 ...

 

[omnasser]

شكلهم بيوهقونا اذا ما لقينا مقاسات الي نبيها شراح نسوي

 

[عزيزتى]

اخر السنة عطونا ورقة مكتوب فيها ان الملابس 23-8ليش غيرو ----- وماعرفتو اللون

 

[ملكة بيتها]

مساء الخير ...شلونكم يا أمهات الخليج والله أنا خايفه من المقاسات وتعالي ضبطي ولا إفتري السوق ومافي وقت حق الفراره ؟

 

[عزيزتى]

وانا قاعدة احاتي الخيياط يقدر يضبط اللبس ولا يصير مزحوم

 

[حيوته]

كاروهااااااااااااااات وييييييييييع على الصبيان مو حلو ؟؟؟؟
الظاهر بيسوون نفس ملابس التكامل ؟؟
الله يعينااااااااااااااا نخيط للمدارس ولا للدوام ولا للقرقيعان ولا للعيد ولا ولا ولا ؟؟؟

 

[omnasser]

قاعده احاول اتصل على المدرسه محد يرد

 

[ملكة بيتها]

السلام عليكم ....شلونكم اليوم ما قدر زوجي يمر المدرسه ومحد يرد على التلفون في المدرسه ...

 

[omnasser]

بعد فتره ردوا وقلوا ان المخزن يفتح9/1

 

[ملكة بيتها]

الله المستعان ... ننطر بعد شنسوي ...بغيت أسألكم عندكم فكره عن طلبات المدرسه ؟ يعني في مدارس معطيه أوراق لأولياء الأمور فيها طلبات ...أنا بنتي مستجده في المدرسه وقالولي إنهم بيسوون مقابله لأولياء الأمور ولحد الحين ما بلغونا بشي ؟

 

[عزيزتى]

اتصلت على المدرسة وقالت لي الملابس كاروهات لون كحلي --- وبالنسبة للطلبات ادوات المدرسة العادية ويطلبون2 فولدر حق القصص(الملف الي جنة ظرف وفي طباقي من فوق) والوان خشبية
واجتماع المستجدين يكون اول اسبوع للدوام وكانو يسونة العصر

 

[omnasser]

كاروهات كحلي وشلون راح يمشي مع بلوزاتهم مو عارفين شنو راح يسون فينا

 

[ملكة بيتها]

سمعتوا خبر تأجيل الدراسه للحضانات وراض الأطفال بمدارس التعليم الخاص حتى تاريخ 10/9

 

[عزيزتى]

انا بنتي تداوم 10-9يعني نفس الموعد ماتغير واهى kg

 

[omnasser]

10ديسمبر يعني شهر12مو9 شنو هذا التخبط شنو نسوي بعيالنا في باجي المراحل