تجمع اولياء امور مدرسة الخليج الانجليزية في السالمية

[عزيزتى]

انا بخلي عيالي يدومون وانشاالله ماكو الا العافية والخاص ياخذون احتياطهم مونفس الحكومة والمهم ان الي عندة مريض ما يخلونة يداوم علشان سلامة الجميع وامس شفت بالقبس ان المدارس يفحصون الطلبة ويشوفرن حرارتهم --- والعدد في الفصول قليل يقرون يفرقونهم

 

[عزيزتى]

ملكة التنانير من الصف الثالث الحضانة والصف الاول والثاني يلبسون المريول هالسنة منظمين اللبس

 

[زهر وردي]

هلا بااحلا بنااات
انا دقيت على المدرسه وقالولي دوام الرسبيشن على 13 تسعه فمنو بتخلي عيالها يدامون اذا رسبيشن او كي جي
لاني حددددددددددددددي خايفه عليه

مس هيثرو
ترى صج ماتبي دلاله
تعرفين جمعية السالميه في جدامها حديقة السالميه المدرسه تصير ورا الحديقه على طول ويمها مدرسه خليفه للمعاقين
والله يحفظنا ويحفظ عيالنا يارب

 

[عزيزتى]

زهر وردي خليهم يداومون لان العدد بيكون قليل احسن --- انا بودي بنتي شكلهم بيهتمون اكثر لان الكل خايف وتري الؤسيبشن وايد دراسة صج تاسيس الحروف والارقام ويعطونهم قصص للقراءة وكلمات قصيرة وفي واجبات بعد يعني صج يهتمون

 

[ملكة بيتها]

عزيزتي ...مشكوره يا عمري نبهتيني على اللبس عاد أنا كنت آخذلها العام من ماركس سبنسر تنانير قصاتهم حلوه ومرتبه وهم المريول نفس الشي الحين أنا ما شفت شلون طريقه مريولهم ...
أم ناصر ..زهر وردي ..شلونكم حبايبي أنا إن شاء الله بخلي بنتي إداوم وربي الحافظ عشان ما يطوفها شي
مس هيثرو ....إن شاء الله دليتي المدرسه

 

[عزيزتى]

ملكة حتى انا كان ودى اخذ اها تنورة بس سالت اللي يبيع وقال لي وشفت الورقة معلقة في المخزن فيها الموديل حق النفنوف والتنورة ومن اي صف يلبسونة -- المفروض ان نفانيف بنتى خلصت اليوم بس مارحت باجر انشااللة اروح ودي اشوفة مرتب ولا يبيلة تضبيط

 

[ملكة بيتها]

عزيزتي .....والله من الزحمه اللي كانت في الستور يمكن ماركز معاي اللي يبيع لم قلتله عن التنوره وأنا شفت الورقه اللي معلقينها بس مارحت صوبها مو مني لأن كان هناك شخص يقف تحتها وما تحرك وأنا أحاول أقرى شنو مكتوب فما دريت شالسالفه .....

 

[عزيزتى]

صاجة حبيبتي الستور وايد زحمة انشااللة يمديج تسوين لهل نفنوف

 

[miss_heathrow]

السلام عليكم بنااااااااااااااااات


انا اليوم رحت تخيلوا قالولي ما في حضانه !!!

والرسبشن المصريه معاملتها استغفر الله زفت اشدعوه الناس رمضان المفروض تكون على الاقل مبتسمه ماكو ولا تعبير بويها مع انها مقددمه المدرسه صايره

بس بصراحه قابلت ناس قمه في الروعه وقمة بالابتسامه والاخلاق العاليه هذا غير استقبالهم مع ان انا مابنتي ماراح تدش !!!






يالله بنات الله يوفقكم انشالله ويوفق عيالكم

 

[mr000]

حسافه مافي حضانه بالخليج؟ يعني من أي عمر ياخذون؟ كانت معاي مدرسه قبل كم سنه قالتلي ياخذون الطفل من سنتين و7أشهر!!عاد كنا ناوين ندخل بنت ولدي الخليج!!

 

[omnasser]

كان في صفين حضانه اعتقد صكوا صف بس بقا واحد وزحمه عليه

 

[ملكة بيتها]

آخر الأخبار
الحمود أصدرت قرار تأجيل الرياض



د. موضي الحمود





كتب مسعود العنزي: اصدرت وزيرة التربية ووزيرة التعليم العالي د. موضي الحمود قراراً بتأجيل الدراسة بمرحلة رياض الاطفال في التعليم الخاص والحضانات وفئة ذوي الاحتياجات الخاصة الى 29 نوفمبر.

هذا ويأتي هذا القرار بناء على توجيهات مجلس الوزراء في الاجتماع الذي عقد جلسة خاصة لمناقشة خطر انفلونزا وتم على اساسها تأجيل الدراسة في مرحلةرياض الاطفال والحضانات وذوي الاحتياجات الخاصة الى نهاية شهر نوفمبر.

ومع صدور هذا القرار يلغى القرار الذي اصدرته الوزيرة الحمود السابق بتأجيل الدراسة في رياض الاطفال للمدارس الأجنبية الى العاشر من سبتمبر.



تاريخ النشر 04/09/2009

 

[omnasser]

شراح يصير الحين

 

[ملكة بيتها]

أم ناصر ...لحد الحين مافي خبر

 

[زهر وردي]

هلا بنااات شلونكم

ملكـــــــــــــــة

يعني اللحين في دوام حق الكي جي والرسيبيشن والا لا

وبنااات بسألكم دفعتوا الدفعه الاولى واستلمتو الكرنيه والا لا

 

[ملكة بيتها]

الأكيد إن شاء الله على حسب كلام الجرايد إن الحضانه والروضه تأجلوا ....بس أنا أقصد إن المدرسه ما أرسلت مسجات أو شي تبلغنا فيه
بالنسبه لي أنا دفعت حق بنتي وإستلمت الكرنيه

 

[omnasser]

حتى انا استلمت الكرنيه بيس هل من المعقول اودي الي في يير 1وغيب الرسبشين شنو هذي العقليه في وزاره التربيه وعلى فكره ان الصحه اسحبت العقار الي بينتهي يعني ان ماكو كفايه شراح نسوي

 

[عزيزتى]

ليوم داومو الصف السابع والحادي عشر وباجر باجي المراحل ما عدا الروضة --- الله يحفظهم يا رب

 

[عزيزتى]

انا انشاالله باجر بودي عيالي المدرسة منو معاي؟؟؟؟؟؟؟؟؟؟؟؟؟؟؟؟
يلا شجعوني
صج المرض يخوف بس الله الحافظ

 

[omnasser]

باجر ما راح اودي عيالي خلونا نشوف شراح يصير