تجمع اولياء امور مدرسة الخليج الانجليزية في السالمية

[ملكة بيتها]

شلونكم أمهات .....اليوم وديت بنتي المدرسه ..والحمد الله اليوم الأول كان خفيف وعدى على خير تالي أقولكم نفاصيل اليوم ..عزيزتي وديتي عيالج اليوم ؟

 

[ملكة بيتها]

هاهاها بدليه ولا منها .....نفاصيل =تفاصيل

 

[حلم الطفولة]

مبروك التجمــع

أرجو منكم ياخواتي إبلاغي عن أي مشاركه سيئه أو استفزازيه في التجمع بإرسال رساله لي عالخاص فورا

 

[حلم الطفولة]

أخليكم الحين مع ( نفـاصيل ) ملكة بيتها

 

[ملكة بيتها]

هلا وغلا ب حلم الطفوله توه ما نور التجمع ....و( نفاصيلي ) ناطره البنات يدشون التجمع

 

[روحي تحب]

مبروك ياامهات على التجمع ويني عنه من زمان ؟؟ وهذا آنا وياكم وانشاء الله الله يسهل الامور وتعدي هالسنه على خير
بالنسبه لي عيالي بالخليج بمرحلة year5 و year1 وليلحين ماخليتهم يادومون بشوف الوضع وبعدين اوديهم والله كريم انشاء الله

 

[روحي تحب]

مبروك ياامهات على التجمع ويني عنه من زمان ؟؟ وهذا آنا وياكم وانشاء الله الله يسهل الامور وتعدي هالسنه على خير
بالنسبه لي عيالي بالخليج بمرحلة year5 و year1 وليلحين ماخليتهم يادومون بشوف الوضع وبعدين اوديهم والله كريم انشاء الله
ملكة بيتها وعزيزتي عيالكم بنفس مراحل عيالي يارب يطلعون بنفس الكلاس بعد

 

[روحي تحب]

عفيه ملكة بيتها ناطرين النفاصيل على احر من الجمر هههههههه يلا اتحفينا يالغاليه

 

[عزيزتى]

انا من اول يوم وديت عيالي والحمد لله الامور ماشية اليوم بدو بالجد والواجبات وانا عندي 5الازرق ومدرسة العربي مالتهم ابلة عبير ممتازة وشديدة تاسسهم عدل بالقواعد

 

[عزيزتى]

روحي تحب ---- حياج الله معانا

 

[روحي تحب]

عزيزتي الله يحييج ويسلم عمرج يارب وآنا عندي 5 احمر يحليلها ابلة عبير صح شديده وممتازه يعني تحسين قلبها على الماده ودايما يمدحها استاذ بسام رئيس القسم بس ولدي يقول عصبيه وايد وكله تصارخ هههههههه ابيه بدوا واجبات مره وحده لا شكلي بوديهم من باجر

 

[روحي تحب]

تصدقون توه خليت ولدي يتصل على ربعه تقريبا 8 غير ولدي محد مداوم منهم يعني نسبة الحضور موقويه علشان جذيه بوعيالي متردد يقولي صبري شوي خلينا نشوف الوضع وماادري متردده تشجعت اوديهم عقب كلامكم وتردد لما دريت انه الحضور مو قوي بس بنتي year1 علشان جذيه اخاف يكون الوضع صعب عليها اذا غابت زياده

 

[ملكة بيتها]

السلام عليكم ..عزيزتي ...صاجه ابتدو بالجد اليوم بنتي يابت معاها كتب الإسلاميه ومعاها ستوري للقراءه
أم ناصر ...داومو عيالج ولا لأ ؟
روحي تحب ....حياج الله معانا بالتجمع ....ووالنفاصيل أمس كتبت رد شطوله بس إنقطع النت وعلق معاي

 

[روحي تحب]

شلونكم اليوم امهات وشخباركم ....ملكة بيتها الله يحييج ويسلم عمرج يارب وي يحسرتي شسوي اظاهر صج من باجر بتوكل على الله وبوديهم

 

[عزيزتى]

حبيبتي انت وديهم على الاقل يعرفون جدولهم والمواد بصراحه انت ناطرة شي معين وعلى اساسة بتخلينهم يداومون ؟ لان شكلة مافي تطعيم والحين يداومون ولا بعد العيد نفس الشي

توكلي على الله وانشاالله ماكو الا الخير والله يحفظ عيالنا يارب وما الومج احنا صايرن بين المطرقة والسندان

 

[omnasser]

الحمدالله داوموا بس لحد الان متخوفه استودعناهم رب العالمين

 

[روحي تحب]

هلا عزيزني انشاء الله باجر بخليهم يداومون بس حبيت اسال شلون الاجراءات الوقائيه يعني توه كلمت وحده من اهلي عيالها بnes اللي بالجابريه تقول الاهتمام قوي وكل يوم في مراسلات بين المدرسه والاهالي من ناحيه الحرص على النظافه والتعقيم وتقول كل يوم الصبح يقيسون حرارة الطلبه والزامي يكون معاه كلنكسات معقمه مثل (الديتول )وعندهم بالكلاسات سبراي معقم للايد

وسالتني قلتلها ماعندي فكره عن مدرسة عيالي شاللي قاعدين يسوونه كل يوم فيريت اللي عندها فكره تقولي واللي يعافيكم علشان اطمن اكثر

 

[عزيزتى]

المدرسة طالبين جل ديتول السائل للتعقيم وكلينكيس ودايما يخلونهم يغسلون ايدهم ويعقمونها اول يوم عطوهم تعليمات وفكرة عن المرض وبروشور فيه الخطوات وفكرتة بسيطة ان catch it-bin it-kill itوهي خطوات استخدام الكلينكس عند العطس-ورميه-ثم غسل اليدين لقتل الجراثيم
وكان في تعليمات لاولياء الامور ان في حالة المرض غيبو اولادكم وغيرها اشوف الورقة واحطهم لج
بس للامانة مايقيسون الحرارة مثل باجي المدارس

 

[عزيزتى]

ام ناصر الله يعينج كلنا والله نحاتي انا صايرة انطر دشتهم البيت واخليهم يغسلون ويبدلون قبل لايبوسون اختهم

الله يحفظهم لنا يارب

 

[روحي تحب]

مشكوره عزيزتي وماقصرتي عساج على القوه يارب والله يحفظ عيالج وعيالنا وعيال امة محمد الحمد الله طمنتيني شوي والله يعدل الحال يارب ووالله زين تسوين وآنا هم احاتي اخاف على اختهم الصغيره شوي المناعه مو قويه الله يحفظها ويحفظ عيالنا كلهم يارب