تجمع اولياء امور مدرسة الخليج الانجليزية في السالمية

[روحي تحب]

شلونكم امهات وشخباركم ؟؟؟ انشاء الله كلكم بخير يارب...... عزيزتي , ملكة بيتها ,زهر وردي , وانشاء الله مانسيت احد واذا نسيت احد سامحوني بنات ........ ويورا حياج الله بالتجمع بعد اذن صاحبة الموضوع

بصراحه آنا وايد انقهرت من المدرسه موراضين يعطونا الواجبات اللي طافت جم مره كلمتهم يقولون المديره قايله بعد العيد لما يكتمل العدد نعطي كل الطلبه اللي طافهم مو على شكل دفعات لانه كل يوم يداومون شوي شكو بصراحه هذا كلش مو منطق اليوم كلمت السكرتيره مروه و قلتلها وبعدين ماصارت من الاسبوع اللي طاف وآنا كل يوم عندكم ومحد يرد علي ولا عطيتوني موعد للمقابله مايصيير جذيه عيالي ضايعين ابي اعطيهم واجباتهم علشان يلحقون مع الكل بذات بنتي اللي بyear1 تقولي خلاص اليوم نكلمج وانشاء الله ترضى المديره ولاصار شئ انزين ليش مافي تعاون بصراحه حسيت انه المديره وايد معصبه ومتضايقه من الاهالي اللي غيبوا عيالهم ياربي شنسوى احنا معذورين بعد و الله يسهل علينا يارب

وصح الريسبشن داموا وسمعت السكرتيره تقول احنا تعمدنا نخليهم على دفعات مافهمت شنو قصدها بس ماشاء الله الحضور زين تقريبا 80% والله الحافظ يارب

 

[عزيزتى]

انا ولدي غاب يوم واحس ضايع ابلة العربي اشرحت الدرس وعطتهم يحلون اسئلة الدرس وهو مو عارف الموضوع قعدت شرحت له
صج الغياب ياثر
بس انا ما الوم الي غيبو عيالهم لانهم يحاتون وليما الحين في طلبة بيدومون بعد العيد مادري ليش اذا ينطرون التطعيم ماكو عقب العيد والي سمعتة انة التطعيم يضر وايد ايميلات انتشرت عن هاالموضوع

 

[عزيزتى]

روحي تحب ماتعرفين ام احد من الي مع بنتج بالصف خليها تعطيج الواجبات

وانا لما كنت اصعد الصفوف دايما يكونون حاطين اوراق العمل والواجبات في الممر وعلى طول المدرس يعطيني اهما وايد متعاونين

بس يمكن موضوع الغياب موعاجبهم علشان جذي مايساعدون

جربي روحي الصف نهاية الدوام وكلمي المدرس لا تدخلين من الرسبشن مايرضون دخلي مع باب الطلبة انا دايما اسوي جذية

 

[روحي تحب]

هلافيج عزيزتي ايه والله انه الغياب ياثر وتصدقين والله غيبتهم غصبن علي وحده من اهلي صار فيها وليلحين اهي بالعنايه المركزه الله يشافيها

يارب وهم بنت واحد من اهلنا عمرها 9 سنوات صار فيها فنطرت اشوف شالحل والله الحل عند رب العالمين وهم لغاية مااشتبهوا بخدامتي خفت وقلت ماابي اخلي عيالي يداومون حرام اخاف يلقطون شئ

ويعدون عيال الناس بس الحمد الله طلع مافيها شئ اشتباه بس

وتصدقين المدرسه اهي اللي قالتلي هذي اوامر مس جيل ريبر انه مانعطي اي واجبات طافت حق اي طالب او طالبه غابوا الفتره اللي طافت

مااقول الا الله يعين بجرب معاهم باجر بعد وانشاء الله خير

وللاسف بالنسبه حق بنتي اللي كانوا معاها واعرفهم انتقلوا عيالهم لمدارس الثانيه وحاليا مااعرف الكل بس بسال مثل ماقلتي يمكن احد يقدر

يساعدني الله كريم ومشكوره حبوبه على النصايح

 

[ملكة بيتها]

شلونكم أمهات ....شخباركم عزيزتي .وأم ناصر ،زهر وردي ...وباجي أمهات التجمع
روحي تحب ...المهم الحين عيالج داومو ولا بعد لأن أول أسبوع يعني ما كان في واجبات وايد بس مع هالأسبوع أكيد بيصير كم ؟بس إنتي روحي سألي مدرسته أحسن لا تكلمين الريسبشن لأنهم يفتون على كيفهم ...

 

[عزيزتى]

ملكة ---صاجة انا ماحب الي بالرسبشن احس مايدرون عن شي بس جذية حاطينهم

روحي تحب --- العفو حبيبتي ماسويت شى والله يشافي مرضاكم يارب

يورا --- وينج ماتبينين

 

[روحي تحب]

هلا فيج ملكه ايه حبوبه داوموا بس هالاسبوع مع الرسبشن تصدقين مالقيت مشاركتي اللي كتبت فيها انهم داوموا علشان جذيه استغربت سؤالج اظاهر كان في خلل بالمنتدى وقتها

وايه حبوبه آنا كلش مااعتمد على كلام الرسبشن كله مالهم خلق ومتضايقين من الاهالي آنا اول شئ رحت حق سكرتيرة مروه اللي تاخذلي

موعد وإذن من مس جيل ريبر لانه يوم كلمت مدرسات عيالي مارضوا يقولون اهي مشدده ومأكده عليهم مايعطون الواجبات اللي طافت حق

احد غايب الا لما يكتمل العدد وقايله انها تتوقع بعد العيد كل شئ يصيير اوكي تصدقين وايد تضايقت من موقفها شدعوه موبس احنا غيبنا عيالنا

هذا حال وايد من اهالي طلبة المدارس بس هذا كلش مو منطق آنا متفاجاه يعني آنا لو موحريصه جان ماسالت عن واجبات اول اسبوع لانها

تهمني ماقلت عادي بس مااقول الا الله يعدل الحال وانشاء الله اقابلها وتتفهم الحال

ومشكوره عزيزتي على الدعوه يارب انشاء الله ويشافي مرضى المسلمين كلهم يارب ويبعد الشر عن عيالنا وعن عيال المسلمين

 

[عزيزتى]

امهات مدرسة الخليج
كا عام وانتو بخير وعيدكم مبارك مقدما
اشرايكم كل وحدة تقول لنا شنو بتسوي بالعطلة
احس العطلة طويلة ومادري وين اطلعهم ؟؟؟؟ مع ان اكو مسرحيات وسيرك وعرض اكروبات بالقادسية بس خايفة لان كلة تجمعات وزحمة بالعيد

 

[ملكة بيتها]

السلام أمهات ..عيدكم مبارك ولو إنها متأخره بس السموحه كنت مسافره واليوم رجعت ...عزيزتي توني أشوف إقتراحج بالنسبه لإجازه العيد أنا سافرت يوم 19 صباحا ...

 

[روحي تحب]

شلونكم امهات .......عيدكم مبارك وتقبل الله طاعتم انشاء الله وينعاد عليكم بصحه وعافيه يارب

عزيزتي وانتي بخير وعساج من العايدين ....اي والله كله تجمعات آنا كلش ماطلعت بالعيد بس زوارات اهل واودي عيالي محلات يتشرون يعني مااروح اماكن فيها وايد زحمه وحجزنا السيرك هم كان وضعه عادي ورحنا السينما لوقت متاخر كلش خير شر مافيها الا شوية ناس هم احسن

ملكة بيتها الحمد الله على سلامتج وشدعوه الكل كان لاهي ماعليه حتى آنا قاعده اعايد عليكم متاخر وشلون السفرعليج بالعافيه بس يقولون زحمه مداخل الكويت والمطار عاد آنا مايبيله بالكويت وانحاش هالدور مطارات وسفر هههههههه

 

[عزيزتى]

الحمد لله على السلامة ملكة
روحي تحب انا بعد وديتتهم السينما مرتين والساعة 2حزت غدا ما كان في ناس الكراسي الي جدامنا كانت فاضية وباجي الايام زوارة
بس كان ودي اوديهم مسرحيات وعرض سنو وايت الي بنادي القادسية بس خفت من الزحمة
انشلالله العيد الياي تكون الامور احسن يارب

 

[روحي تحب]

هلا عزيزتي تصدقين عيالي موكلهم استانسوا على عرض سنووايت وهو من ضمن السيرك اصلا بس والله مو زحمه الوضع عادي لانه اكو اكثر من عرض وانشاء الله يارب على العيد الياي تكون الامور احسن واحسن وتعوضينهم وانشاء الله ايامكهم كلها فرح يارب
واذا حابه جربي اليوم ترى امس عيال اختي رايحين عرض الساعه 8 يقولون الوضع حلو كلش موزحمه

 

[روحي تحب]

صباح الخير .....شلونكم امهات وشلون اول يوم من بعد الاجازه الوضع هادئ شكلكم كلكم مشغولين

 

[روحي تحب]

وينكم يا امهات اظاهر آنا بروحي بهالتجمع عفيه فيدوني اليوم المدرسه معفوسه ولا شسالفه كان في ولد year 7 فيه انفلونزا الخنازير ولدي

يقول كان معاه دكتور وبسرعه غطوه وركضوا فيه وهو يكح كخه تخرع ولدي يقول نسمعه مر جدامنا وطلعوه من المدرسه بغيت اتاكد حتى

يقول ام وحده من البنات اللي بصفه يت وخذت بنتها من الخرعه انزين شلون درت بسرعه ؟؟؟؟ عاد آنا ماابي اخرع ولدي قلتله انت يمكن فاهم

غلط موشرط تكون انفلونزا خنازير بس اخذ احتياطك ابي اطمنه شسوي ياربي عفيه عزيزتي سالي ولدج لانه هالشئ صار بالبريك جدام

year 5 و year6

 

[عزيزتى]

ملكة حبيبتي انا سالت ولدي الي في 5قال انة ماكوشى والحين وصيت ولدي العود يسال ربعة لان يقول ماكو شى ماسمعنا بس من الاسبوع الاول كان في وواحد غايب يقولون فية المرض

الحين اتاكد منة واعطيج خبر

 

[زهر وردي]

هلا بنااااات
ابيييييييييه عاااد انا اليوم ولدي اللي بالرسيبشن داوم
صج اليوم لاقين حاله بالمدرسه
طمننونا تكفون

 

[عزيزتى]

لحد الحين الكل يقول مافي شي بالمدرسة ماشافو شي خليت ولدي يكلم ربعة
ولا تحاتون انا عيالي يقولون لو واحد يكح المدرس يقعدة بعيد ويعقم طاولتة والكرسي ويرش ديتول حوالية
يعني شديدين بالموضوع
والحين عموما موسم ربو وحساسية يعني الاغلبية يكحون ويعاطسون ويمكن اليهال كبرو السالفة لان خيالهم واسع

 

[روحي تحب]

مشكوره عزيزتي طمنتيني والله وياربي الله يحفظ عيالنا كلهم يارب والله كريم انشاء الله
وسامحيني سويتلج لويه وخبيتج بس شسوي ولدي خرعني

هلا زهر وردي انشاء الله ماعليه الاالعافيه لاحبوبه لاتخترعين آنا علشان جذيه حبيت اتاكد قبل لا اعفس الدنيا ههههههه وموقصدي اعفسكم والله

 

[ملكة بيتها]

شلونكم أمهات ....عزيزتي ..روحي تحب الله يسلمكم من كل شر والمطار أبد ما كان زحمه
شنو هالخبر من صجكم في حاله ؟؟؟؟ الله يحفظ عيالنا يارب

 

[زهر وردي]

روحي تحب
تصدقين مت من الخرعه واي اول يوم يداوم الولد وفيه حاله وعفسه
الله يستر بستره
تصدقين عاد موديته وحاطه ايدي على قلبي
بس الواحد شيقول الشكوى لله
الله يحفظ عيالنا وعيال المسلمين ويتولاهم برحمته

عزيزتي
مشكوره اللي طمنيتنا وكلامج يطمن بس هم الله يستر بستره

ملكة بيتها
الحمد الله عالسلامه

وبنات نسيت اقولكم كل عام وانتو بخير
وتقبل الله طاعتكم

لوووووووول تو الناس
ادري حدي متاخره

:‏)‏