تجمع اولياء امور مدرسة الخليج الانجليزية في السالمية

[ملكة بيتها]

روحي تحب ....عزيزتي ...مشكورين الشر ماييكم حبايبي
ويمكن لازم نلبس عيالنا جاكتات وعلى فكره ترى الستور مو زحمه نفس أول أيام الكل بيشتري لبس

 

[lyale]

ملكه ما تشوف شر بنوتج
وشلون المدرسه وانشاء الله مستانسه بنتج وجم بريك عندهم اهي يير ون صح الحلوه

 

[ملكة بيتها]

ليال هلا حبيبتي الشر ما ييج إي صح بنتي يير ون وعندهم 2 بريك ومره رحت آخذ بنتي مبجر قبل لا يبدا البريك الثاني عاد شفت يم الكلاس حاطين حليب وبسكوت الظاهر كانو موزعين عليهم قبل البريك فسألت بنتي قالتلي إنهم يعطونهم حليب وبسكوت الظاهر إنهم ياكلون تحت إشراف التيشر ..وإنتي بشري شلون بنتج مع المدرسه ؟

 

[lyale]

بنتي اول يوم لازم فلم بس الامور عدت علي خير من ثاني يوم

 

[روحي تحب]

واي صج اللي قاعده تقولينه bhs ماسمعت عاد آنا اليوم كنت بالمدرسه ووايد كنت متضايقه بنتي مريضه من امس يقولي الدكتور من التكهيف

البارد قلتلهم مايصيير كل يوم لازم نتصل عليكم جان يقولولي لبسوا عيالكم جاكيتات او جم طويل لانه إحنا رافعين على التكهيف علشان البروده

تقتل الفايروس ومايصيير نقلل من البروده قلتلهم جان نبهتونا علشان ناخذ احتياطنا مو عيالنا كلهم مرضى وطايحين بالبيت ووراهم دراسه

ماسوينا شئ تونا مداومين بلشنا غياب بس والله ضاق خلقي من هالخبر لانه ماتسوى علينا التخرع وآنا بنتي فيها حراره بس تصدقون خفت

مره ثانيه مع اني كنت شويه مطمنه عقب كلام د.مريم عرب ومعاناتها واصابات عيالهاال3 بانفلونزا الخنازير ووضحت تقريبا انه عيالها

اهم اللي بالامركيه العالميه

 

[روحي تحب]

شلونكم امهات .... ملكه شلونها بنتج انشاء الله احسن ؟ آسفه شاركت وآنا حدي مخترعه من الخبر اللي سمعته

 

[عزيزتى]

لا تحاتون يمكن فيهم حرارة عادية لان الجو متغير , اشلون يقولو ن فيهم المرض بدون تحليل وبعدين المدرسة طالبين منا نقيس حرارة عيالنا الصبح وجان زين الكل يتعاون

 

[روحي تحب]

هلا عزيزتي......... بشرينا عنج شلون وليدج امس كان عنده تاخير ولا لأ ؟؟

علشان يختارون فريق كرة القدم اللي راح يمثل المدرسه آنا ولدي حن لما خليته يروح ويمكن يختارونه وبجذيه راح يصير التدريب مرتين


مرتين بالاسبوع مره للفريق ومره للنادي عاد آنا قلت كافي مره وحده بالاسبوع اخاف ياثرعلى دراسته فيمكن ما اسجله بالنادي .......و ايه

والله صاجه لازم كل يوم نقيس حرارة عيالنا كل يوم امس فجاه لقيت بنتي حرارتها 37 ونص واهمه مركزين على هالشغله والله يعينا وقت

سفري عاد وقت الامراض الله يحفظنا ويحفظ عيالنا

 

[ملكة بيتها]

روحي تحب بنتي الحمد الله صارت أحسن اليوم خلصنا من كورس الأنتي بيوتك ولا عادي هالأخبار أنا قمت ما أتأثر فيها وايد
عزيزتي صاجه المفروض الكل يقيس حرارة

 

[ملكة بيتها]

تتمه ...يقيس حراره عياله

 

[زهر وردي]

هلا بناااات
شلوونكم وشلون عيالكم
صج هالخبر امبييييه
بس صج شلون يبين بدون تحليل
الله يحفظ عيالنا
روحي تحب ماتشوف شر بنيتج ومالها الا العافيه
ابي اسئلج منى مريم عرب
وشنو سالفتها

؟؟؟؟؟؟

 

[روحي تحب]

شلونكم امهات وشخباركم انشاء الله كلكم بخير يارب

ملكه..... الحمد الله غدى شرها انشاء الله وماعليها الا العافيه يارب

زهر وردي ... الشر مااييج حبيبتي.. وحبوبه مريم عرب طلعت على قناة الوطن استظافوها علشان يسؤلونها عن تجربتها مع عيالهاال3 ويا

الانفلونزا وآنا وقت البث نزلت موضوع بقسم الانفلونزا علشان الكل يشوفه وهي معروفه دايما يحطونها بتو الليل واهي استاذه بكلية التربيه

الاساسيه ودايما تتكلم عن تربية الطفل وقالت انه عيالها من الناس اول الناس اللي داموا بالمدارس الاجنبيه بس والله كلامها وايد يطمن بالنسبه

للاعراض والمرض والله الحافظ مع انه ولدها فيه ربو بس تشكت وايد من وزارة الصحه وتعاملها مع المرض والله لو تحصلينه على اليوتيوب

وايد مفيد تقول بنتها الكبيره صار فيها ولا حست اصلا لغاية ماولدها الكبير طاح عليهم ثاني يوم والله كريم انشاء يحفظنا ويحفظ عيالنا يارب

 

[عزيزتى]

اشلونكم وثخباركم

تصدقون انا بعد لما شفت مقابلتها وايد ارتحت

روحي تحب == ولدي كان عندة تاخير وكل يوم يقول لي يمة ادعي لي ياخذوني فريق المدرسة واليوم نادي
صاجة احس يومين وايد او واجباتهم اشكثر

 

[روحي تحب]

هلا عزيزتي .....الله يريحج على طول ويريحنا معاج احنا وكل الامهات يارب

يالله انشاء الله يختارونه اهو وولدي ويصيرون ربع والله يسهل امورهم

وملكه ...حبيت اسالج عطوا بنيتج كتاب العربي ؟؟ لانه آنا ماعطوا بنتي و السنه غيروا المنهج ماني عارفتله صار على شكل قصص بس

يقولون وايد احسن لانه فيه متعه للطفل

 

[ملكة بيتها]

روحي تحب سلامتها البنوته ما تشوف شر وبالنسبه لكتاب العربي ما عطونا مصوره قصه أمل والأسئله عليه أنا ناطره الميتنج عشان أسألهم ليش ما وزعوا الكتاب ؟ يعني قاصدين ولا ما عندهم
وإنشاء الله يختارون عيالكم بالفريق ....عشان نروح نشجع:ggdw:

 

[روحي تحب]

ملكه ......هلا فيج عاد آنا اللي مستغربه منه انهم مصورين الفراشه وما صوروا لها امل

اي والله صاجه مابقى شئ على الميتنج بس حبوبه اهم كل سنه يتاخرون بس آنا هالسنه يمكن غير لانه السنه اللي طافت وزعوا كلاس ورا

كلاس .....وضحكتيني هههههه والله تسلمين على هالدعوه الحلوه والتشجيع الحلو وخلاص ننطرج عند وعدج يوم المباراة

 

[روحي تحب]

شلونكم امهات وشخباركم ...

على طاري الستور من فيكم راحت وشرت شتوي ؟؟؟؟ لانه آنا رحت اليوم وقالولي انه ليلحين ماوصل الشتوي

 

[روحي تحب]

وينكم امهات .....توه ولدي وصل من المدرسه وقالي انه معاه حاله بالكلاس انفلونزا خنازير وانه التتيشر قالت له اللي يبي يعرف اسم لطالب

يسأل مستر (وترهاوس ) وللاسف كان مداوم والمفروض اهله يبلغونا ومابلغونا الا متاخر طبعا خفت نفس ذيك المره واتصلت على المدرسه

والسكرتيره اكدتلي هالكلام وقالت لاتخافين احنا ماخذين احتياطنا واكتشفنا حاله امس ماادري اليوم بعد بس مو بكلاس ولدج ومااقدر اعطيج

معلومات اكثر واذا تبين تعرفين شئ راجعي المدرسه ياربي حتى لو المرض هين محد فينا وده يتغربل مع عياله والله ماادري
شسوي ؟؟ انزين معقوله الاهل مايبلغون ليش هالإهمال بصحة غيرهم ولو اني مااحط بذمتي بس هذا كلامهم

 

[زهر وردي]

روحي تحب
وكلي الله ترا الله الحافظ
ومشكوره على سالفه مريم عرب حسافه طافتني بس الحمد الله اللي تشافو عيالها

 

[روحي تحب]

روحي تحب
وكلي الله ترا الله الحافظ
ومشكوره على سالفه مريم عرب حسافه طافتني بس الحمد الله اللي تشافو عيالها

هلا زهر .... يالغاليه اموكله امري لله بس تدرين حتى مريم عرب قالت سريع الانتقال والمشكله انه ولدي يقول معاه بالكلاس

والله مالي الا الله والله كريم اهم بامانته و بحفظه .....والله يشافي مرضى المسلمين كلهم