تجمع اولياء امور مدرسة الخليج الانجليزية في السالمية

[عزيزتى]

مرحبا ا مهات جم رسوم الكي جي 1 و2

كي جي 1رسومهم1299
كرجي 2 رسومهم 1910

 

[ام عبوشى]

كي جي 1رسومهم1299
كرجي 2 رسومهم 1910

مشكوره حبيبتي

 

[ملكة بيتها]

شلونكم أمهات ...شلون إجتماعكم أمس بشروا إن شاء الله كل شي تمام ؟؟ الحمد الله أنا أمس وايد تطمنت على بنتي

 

[ملكة بيتها]

مساء الخير يا أمهات الخليج .....إن شاء الله المانع خير

 

[روحي تحب]

شلونكم امهات وشخباركم ....عسى تطمنتوا على عيالكم من بعد الاجتماع
ملكه....الحمد الله والله يطمنج على طول انشاء الله ويبلغج فيها وتشوفينها خريجه وباعلى المناصب انتي وباجي الامهات يارب

والله حبوبه آنا لهيت مع ولدي شوي تعب وكانت الانفلونزا متعبته شوي بس الحمد الله على كل حال والحين صار احسن بفضل الله

وآنا بعد طرشت ابوهم للإجتماع ماقدرت اروح واخلي ولدي كان تعبان وقتها وايد وخفت عليه ....والحمد الله وايد تطمنت علي عيالي

وشوي ارتحت بس الله يعينا على قولة المدرسين صعب نحكم من الحين تونا مبلشين بالدراسه بس عموما كونا صوره مبدئيه تبشر بالخير

وباجي الامهات عسى المانع خير يارب ....فقدناكم

 

[عزيزتى]

روحي تحب = سلامتة ولدج مايشوف شر و

ملكة == اشلونج حبيبتي انا بصراحة اخذت عطلة من كل شي حتي الكمبيوتر صرت انطر الويك اند اكثر من اليهال

والاجتماع الحمدلله انا بعد تطمنت على ولدي بس ابلة العربي تقول مستوى الصف وايد ضعيف وشياطين وانها راح تشد عليهم هاليومين وقلت لهل تخلي حل اسالة الكتاب حق الويك اند لان وايد ومايمدى ايام الاسبوع قالت مومشكلة

 

[زهر وردي]

مساء الورد والياسمين على احلا امهاات
ملكه
روحي
عزيزتي
الله يطمنكم على عيالكم دايما يارب
بالنسبه لنا الحمد الله طمنت من ناحية الماث وقالتلي دونت وري وراح نبدي ناخذه بالسمستر الياي يعني على اول يناير وتيجر العربي هم الحمدالله طمنتنا وعلمتنا شقاعد يسون ويا اليهال
:‏)‏
الحمدالله
روحي تحب سلامة وليدج الظاهر اخذ عدوى من اخته
سلامته ومايشوف شر
وحبيبتي فهمت عليج على الكاميرات انه الخليج مافيها بس اللي صار غلط مطبعي

ملكه مثل ماقالتلج عزيزتي خذنا ويك اند تجديد طاقه

الا بقولكم شخبار الشتوي خذيتوا والا بعد

اشوف ناس وايد لابسين جم طويل !!!!

 

[ملكة بيتها]

هلا والله بأمهات الخليج إي شذي عساه دايم عامر تجمعنا ودايم نسمع أخبار طيبه
روحي تحب سلامته وليدج ما يشوف شر
عزيزتي ....زهر وردي ...صج الويك إند قمنا نتشفق عليه مثل اليهال

 

[mr000]

السلاااام أشلونج ملكه واشلون بنتج مع المدرسه ان شاءالله دايما تسمعين عنها أخبار تسرج! أحنا اليوم كان اجتماعنا حق الميدل سكول والله يقدرنا على متابعتهم المواد كلمالها وتصعب وعيالنا بصراحه مالهم خلق دراسه جاده يعني مايتعبون روحهم بالدراسه الله يهديهم!!

 

[lyale]

صديقاتي ملكه ومرووو شلونكم متيمعين اهني من وراي
شلون عيالكم

 

[ملكة بيتها]

هلا والله بصديقاتي حبيباتي مروو ..الحمدالله أنا وبنتي بخير آمين يارب دايما نسمع عن عيالنا كل خير بشري شلون كان إجتماعكم إن شاء الله كل شي تمام ؟؟ وبصراحه عيالنا مساكين الوقت ما يسعفهم على الدراسه مساكين
ليال ...حبيبتي من زمان عنج شلون عيالج مع مدرستهم ؟؟؟

 

[روحي تحب]

هلا والله امهات شلونكم .....الشر ما اييكم والله يسلم من الشر انشاء الله حبيباتي
والحمد الله انكم تطمنتوا عليهم وعسى الله يطمنكم ويريح بالكم على طول

عزيزتي .....شنو هالمنهج مال التربيه الاسلاميه واي بصراحه صعب الله يعينهم عليه وقت الامتحانات وبشري كلمتي استاذ بسام؟ ويحليلهم كلاس ولدج طلعوا شياطين اسم الله عليهم ههههه وآنا مدرسة العربي تقول بحبسهم بالبريك ترى اذا مالحقوا وكتبوا اللي على البورد

زهر ....اي على طاري الشتوي اي عادي بنتي تلبس جم طويل وبنطرون بعد من البرد ولو حاصلها تلبس جاكيت ولفه حسبالها قاعده بألاسكا ههههه

ملكه ... عامر باهله اللي اهم الامهات ومشكوره على الدعوه الحلوه اللي مثلج.......وهلا وغلا بمروو وليال حياكم الله بتجمعنا ولاتقطعون خليكم متواصلين معانا نتشرف فيكم........من بعد اذنج عزيزتي وملكه

 

[lyale]

روحي تحب مشكوره ياعمري كلج ذووق
ملكه عيالي اوكي الحمد الله مرتاحين بالمدرسه

 

[عزيزتى]

اهلا وسهلا بامهات مدرسة الخليج (جني ناظرة وقاعدة القي كلمة):dddds:

روحي تحب مالقيت استاذ بسام بالاجتماع قالولي قاعد يمرعلي المدرسين بس لو نروح بالهدة القاة على طول انشاالله اذاكلمتة اعطيج خبر

اليوم مباراة كرة القدم في مدرسة دسمان انا ولدي من امس مشتط انشاالله يفوزون:ada:

ماكه== عامر باهله انا بصراحة تعودت عليكم حتى لو اغط ارجع لكم انشاالله دوم متيمعين

 

[روحي تحب]

شلونكم امهات اليوم ....بشروني عنكم

عزيزتي ....هلا فيج اي ناظرتها ههههه عيل شلون مو انتي اللي منظمه تجمعنا ( متجمعين عن النبي يارب ) قلبت بالمصري هههه

مدام ولدج راح المباراة جنه ولدي اللي رايح عليه بالعافيه .....ولدي ماراح المدرسه و حده متكدر وضايق خلقه قلتله ماعليه ماراح علشان شوي قايله الدكتور رازم تريح ماتبذل جهد ويحاتي المباراة.....وينطر النتيجه عاد توه قالي انهم تعادلوا 2/2 ماعليه المره اليايه يفوزون انشاء الله ولا يقولي شفتي لو آنا رايح الحين قتله ليش صانع الاهداف إنت هههه

واذا على استاذ بسام مشكوره حبيبتي كافي سؤالج لا عادي وتعبج لا تتعنين بالهده يكون حده مشغول آنا مجربه بس يبيله نتصل عليه مايقصر آنا مجربته لدرجه انه بس اصك من التلفون شوي إلا المدرسه متصله لانه صارت بولدي السنه اللي طافت تخيلي مصلحه الامتحان غلط وانصدمنا ومعتمده الدرجه بالشهاده شلون جذيه مافي تدقيق وزين انهم مطرشين الامتحان ولا جان مادرينا وماحتجت اني اروح كل شئ تم بالتلفون

ليال...وانتي اكثر يالغاليه وحياج الله مره ثانيه

ملكه ...شلون بنيتج مع الماث اليوم حسيت انه شوي صعب (الهالف )
زهر ... شلونج وشلون ولدج عساه تاقلم ؟ والله يسهل اموره انشاء الله

 

[عزيزتى]

هلا روحي تحب--- حبيبتي هذا تجمعكم ولولا وجودكم ومداخلاتكم الحلوة جان ما استمرينا
وبصراحة ماشالله عليكم مباشرين احسن مني
انا ولدي رجع من المبارات وصدرة متنك ويكح مع ان الصبح كان زين احسة تعبان قلت خل يرتاح مابي اخلية يداوم بصراحة شكلة موعاجبني
بس بغيت اسالج عن الساينس حلو شى من كتاب cgbلان مدرسهم ماحل معاهم

 

[ملكة بيتها]

روحي تحب ..حلت دنياج حياتي وبالنسبه للماث أحسه وايد صعب وقاعده أفكر أخلي بنتي تاخذ دروس إضافيه أحسه صار لود عليها وأبيها تتقوى وتتشربه عدل لأنها معاي تدلع وتتملل..
عزيزتي ...يا حلوج من ناظره لا خصومات ولا عقاب ..ومايشوف شر ولدج وما عليه إنشاء الله المره اليايه يفوزون
روحي تحب ياحلوه ولدج متشوق يشوت الكره وإنتي مغيبته شفتي تعادلو زين لج ...مستقبل مدرسه الخليج الرياضي برقبتج مايشوف شر ولدج

 

[ملكة بيتها]

ليال ..الحمد الله يارب تشوفين عيالج بأعلى المراتب

 

[عزيزتى]

ملكة حبيبتي لاتهوسين عليها صج الحين اساسيات بس بعدها صغيرة وصدقيني السنة الياية نفس المنهج وبتتعلم لاتحاين
خليها تعيش سنها ادري احنا امهات ونبيهم يطلعون فلتة بس انا جربتها بالعود لما كبر حسيت اني كنت ظالمتة

 

[زهر وردي]

مساء الخير يا احلا تجمع
شلونكم وشلون عيالكم


روحي تحب مشكوره حبيبتي عالسؤال والحمد الله بدى يتأقلم وصار يحب التيجر واشوه ماقام يسولف عن ربعه اللي قبل وصار سوالفه عن ربعه اليدد