تجمع اولياء امور مدرسة الخليج الانجليزية في السالمية

[mr000]

السلام أمهات الخليج اشلونكم..هلا والله الفرسان اشلونج واشلون عيالج..ولدي داوم أمس..

 

[الفرسان الثلاثة]

هلا مرو الحمدلله احنا بخير و موفق ولدج ان شاء الله هالسنة احسن من السنة اللي فاتت و انتم السابقون و نحن اللاحقوون
ولدي بيروح يير 1 مادري احس شوي قاعدة احاتي شي يديد علي و مادري شلون بعابل معاه كتابة واجبات و دراسة ومادري شنو بتكون ردة فعله من التغيير بعد مرحلة الريسبشن غيير

 

[باونتى]

هلا بنات شخباركم مع القرقيعان عساكم من عواده بصحه وسلامة يارب
باونتي بالنسبه حق اللبس بنطلون كحلي مع بلوزه حمرا هذا بالنسبه حق الكي جي والريسبشن
اختي مس هيثرو لازم تمرين المدرسه وتسألين لان من زمان مخلص التسجيل عندهم ومكتمل العدد بس جربي سئليهم
مرو وينج فاقدتج شخبارج وشخبار وليدج الله يحفظه

اشوووه لانى شريت لولدى وانت بكرامه جوتى اسود وفيه خط أحمر .. مشكوووره

 

[الفرسان الثلاثة]

اهما يبون جوتي اسود ساده بدون رسومات ودلاغ ابيض و شوي شديدين باللبس مايرضون اتخالفين مثلا بالشتاء لازم جاكيت من عندهم

 

[*الزين*]

قوه بنات شخباركم

حدي متشوقه تبدي المدرسات ادري لاحقين عل القومه والقثا بس شي يدديد لووول

الفرسان الثلاثه لازم اسود ساده الجوتي انزين البنات ايصير تنوره فيها كوسر ولا مايصير تنوره هههههه جني انا الي بلبس مو بنتي

 

[ملكة بيتها]

السلام أمهات شلونكم ؟........
الفرسان ..شلونج حياتي لا تحاتين التدريس إن شاء الله سهالات حبيبتي ..
باونتي ..اليونيفورم مثل ما قالو البنات وإن شاء الله ما يقولون شي على الشوز ما ظنتي بيعارضون هم ما يرضون بالصور يمكن ...
الزين ...بنتج بأي مرحله ؟؟ لأن يير ون ما يصير يلبسون تنوره ..
مروو .. شلونج يالغاليه وشلون ولدج مع الدراسه ؟

 

[mr000]

هلا والله ملكه اشلونج حبيبتي شخبارج..اشلون بنيتج..والله الحمدلله ولدي تمام..توه 3 أيام من داوم وكل يوم يرد يتحلطم..ليش دوام برمضان..وليش عطوهم واجبات وحفظ آيه من ثاني يوم..قلتله خلاص أنت بالثانويه مو ياهل..والله ملكه أنتوا متشددين عندكم عاللبس إحنا مايقولون شي عن الجوتي يلبسون ألوان..

 

[باونتى]

بنات شلونكم بغيت أسألكم بالنسبة للباص انا ابى الباص بس الصبح وقت الروحه بس هل الباص يكون لمرحلة رياض الاطفال ؟؟ ولا كل المراحل فى باص واحد على حسب المنطقه ؟؟ أنا أخاف اخلى ولدى فى الباص ويكونون معاه صبيان كبار ..

 

[الفرسان الثلاثة]

اختي باونتي الباص موجود حق كل المراحل وطبعا مقسمين كل مرحله منفصله وفي إذا تنبين يوصل درب واحد روحه أو رده عادي وعندهم الباص في ناني معاهم انا جربت الباص السنه اللي طافت زين بس ان اتسلط ولد الله يهديه يتحرش باليهال مو مخلي أحد اشكثر صارت عليه شكاوي وأتمنى ان مايقبلونه بالمدرسه السنه اليايه

 

[باونتى]

اختي باونتي الباص موجود حق كل المراحل وطبعا مقسمين كل مرحله منفصله وفي إذا تنبين يوصل درب واحد روحه أو رده عادي وعندهم الباص في ناني معاهم انا جربت الباص السنه اللي طافت زين بس ان اتسلط ولد الله يهديه يتحرش باليهال مو مخلي أحد اشكثر صارت عليه شكاوي وأتمنى ان مايقبلونه بالمدرسه السنه اليايه

أنا قلبى موو مطاوعنى اودييه بالباص بس شسوى ماراح اقدر عندى بنتى حضانه وعندى ولدى وبعدين دوامى

 

[*الزين*]

انزين متى نتشتري اليونيفورم متي يبطلون الستور عشان نروح انشوف قبل الدوام والزحمه ؟ احد عنده فكره

ملكه بيتها بنتي في اولى روضه

 

[الفرسان الثلاثة]

باونتي لاتحاتين ترا انا نفسج كنت خايفه ومرت الأمور بسهاله ترا أي ملاحظه عندج تقدرين تكلمين مسئول الباصات بنفسج ومتعاون وبينه اتصال مع التيشر ومع أولياء الامور ودام انتي بتاخذينها بنهاية الدوام هالشي وايد زين عشان التيشر كل يوم تعطيج ملاحظه عن بنتج وانتي تقدرين تسئلينها عن اي شي تبين

 

[ملكة بيتها]

السلام أمهات
باونتي ..لا تحاتين إن شاء الله سهالات ...وأنا مع الفرسان بأن شي زين إنج بتاخذينها بنهايه الدوام عشان تاخذين ملاحظات التيشر يوميا ..
الزين ..الله يخليها لج ويبلغج فيها يارب ...

 

[باونتى]

بنات شلونكم .. بنات انا واايد احاتى المدرسة الجديده وخايفه ان ولدى ما يتاقلم .. ولدى ناقلته من التكامل وحدى أحاتى الوضع فى مدرسة الخليج

 

[ملكة بيتها]

باونتي ..شي طبيعي تحاتين المدرسه جديده عليج وعلى ولدج أنا نفسج العام كنت أحاتي وايد بنتي وخصوصا إنها من النوع الحساس بس الحمد الله المدرسه وايد زينه وبنتي تأقلمت بسرعه فيها ...إن شاء الله ولدج يتأقلم بسرعه ويسخرله التيشرز يارب ..

 

[البنوسه]

ماشا الله عليكم خوش تجمع والله
انا ولدي ان شاللله رايح يير ون بس صج قاعده احاتي شلون بدرسه وشلون الواجبات وغيره
اهوا بالريسبشن كان يتحلطم ومايبي يسوي شي بالبيت
ياليت تيفدوني وخصوصا اللي جربت وياهم يير ون يعني شلون التيجرات وشلون احسن طريقه ادرسه فيها ؟؟!!!
ومشكورين مقدما

 

[الفرسان الثلاثة]

ماشا الله عليكم خوش تجمع والله
انا ولدي ان شاللله رايح يير ون بس صج قاعده احاتي شلون بدرسه وشلون الواجبات وغيره
اهوا بالريسبشن كان يتحلطم ومايبي يسوي شي بالبيت
ياليت تيفدوني وخصوصا اللي جربت وياهم يير ون يعني شلون التيجرات وشلون احسن طريقه ادرسه فيها ؟؟!!!
ومشكورين مقدما

اختي البنوسه نفس اللي أفكر فيه اشلون بخليه حريص على كتابة واجباته بدون ما يكرهها او يمل و أقعد اعصب عليه
ولدج كان عند أي تيشر؟ انا ولدي كان عند مس تمبل

 

[ملكة بيتها]

البنوسه ....حياج الله معانا بالتجمع ،،، أنا بنتي العام كانت يير ون بالنسبه للواجبات كانت التيشر تعطيهم الهوم وورك يوم الأحد وتسليمه يوم الخميس فكنت كل يوم أحل معاها صفحه أو صفحتين من الواجب بحيث إني أسلمه يوم الأربعاء ،،، وكانت تعطيهم ورقه فيها كلمات حفظ حق 4 أسابيع كل أسبوع 10 كلمات حفظ كتابه وقراءه ويوم الخميس أول الدوام الصبح يكون عندهم إملاء فيهم فيوم الأربعاء كنت أراجع معاها الكلمات حق الإملاء ...فلا تحاتين بس يبيله إنج تابعينه أول بأول ...

 

[ملكة بيتها]

سلام أمهات ...عساكم بخير

 

[باونتى]

ملكة بيتها شلونج .. باقى البنات شلونكم شخباركم