تجمع اولياء امور مدرسة الخليج الانجليزية في السالمية

[الفرسان الثلاثة]

الحمدلله احنا بخير اتروحين وترجعين بالسلامة يالغالية وموفقه إن شاء الله بسفرتج واستانسي كثر ماتقدرين

 

[ملكة بيتها]

هلا بالغاليه مروو ...الحمد الله إحنا بخير ؟؟ ووناسه قربت سفرتج يلا تروحين وتردين بالسلامه وما أوصيج إستانسي كثر ما تقدرين :hearting:

 

[باونتى]

مروو عليج بالعافيه حبيبتى وتروحين وتردين بألف سلامه

 

[الفرسان الثلاثة]

السلام أمهات شخباركم
انا رحت أمس المدرسة والحمدلله اشتريت الملابس من الستور و خذيت باجات الصف وتوني أدري ان مرحلة الثانوية مداومين لين جنه قريد 8 داوموا والباقي ان شاء الله بتاريخ 14-9 ولدي معاهم الله يسهل عليهم يارب و ولدي الثاني بالكي جي دوامه بتاريخ 22-9 أشوه عشان مايكونون مع بعض بنفس اليوم والله يعيننا واحد يخلص دوامه 1:15 والثاني 2:15 بينهم ساعة

 

[ملكة بيتها]

هلا الفرسان ...زين خلصتي مشوار السكول ...والله يعينج على فرق الوقت شبتسوين فيه ؟؟؟ لو في نظام الرعايه بعد الدوام ما سألتي ؟؟ في مدارس ثانيه عندهم هالنظام للكي جي

 

[باونتى]

الفرسان الثلاثه .. من وين استلم الباجات .. أنا زوجى راح اليوم واشترى الملابس ويقول اشوف أولياء الامور طالعين ومعاهم باجات أقول جان سألت يقول مالى خلق والستور كان زحمه انزين والباج يصير استلمه فى أول يوم دوام ؟؟؟

 

[الفرسان الثلاثة]

هلا باونتي
الله يسلمج تنزلين الهول تحت بالسرداب تاخذين الباجات مع دفع رسوم المدرسة القسط الأول
و ترا عادي تقدرين مع بداية الدوام تستلمينهم مو مشكله بس إذا تبين عن الزحمة وهم عشان اتعرفين ولدج بأي كلاس راح يكون

 

[الفرسان الثلاثة]

ملكة ايه عندهم ويتنغ روم للكي جي والريسبشن بس راح ينطر قريب الساعة بالمدرسة لان دوامي يخلص 1:45 أو انه يروح الباص وانا بجرب بالبداية بخليه ينطر وإذا شفت الوضع صعب بسجله مع الباص والله يسهل على الجميع يارب

 

[باونتى]

بناات المدرسة يداموون باجر اذا موو عيد ؟؟؟ الله يهديه زوجى راح اشترى الملابس وكل المقاسات كبيره :rgewrg:
والمشكله ان دوامهم بعد العيد مباشرة يعنى ما يمدينى أبدلهم ؟؟ الفرسان الثلاثه ممكن تقولين لى جم القسط الاول ؟؟

 

[ملكة بيتها]

شلونكم بنات تقبل الله طاعتكم وعيدكم مبارك:hjy5jewf:

 

[باونتى]

 

[ReeMaN]

:nbvppw:شلونكم امهات الخليج الانجليزيه كل سنه وانتو بالف خير وعيدكم مبارك وعساكم من عواده

 

[باونتى]

:nbvppw:شلونكم امهات الخليج الانجليزيه كل سنه وانتو بالف خير وعيدكم مبارك وعساكم من عواده

حبيبتى وانت بألف خير وصحه وسلامه وايامج كلها سعيده ان شاء الله

 

[ملكة بيتها]

:nbvppw:شلونكم امهات الخليج الانجليزيه كل سنه وانتو بالف خير وعيدكم مبارك وعساكم من عواده

هلا والله بالزوار الغاليين ....وإنت بخير وصحه وسلامه :e3:

 

[Lemona]

عيدكم مبارك , تقبل الله طاعتكم :aha:

بنات الله يخليكم ردوا علي :eh_s(2):

هل اودي دفاتر و اقلام مع بنتي من اول يوم؟؟؟ بنتي في ريسيبشن !!!
انزين اشلون على الكتب ! هل المدرسه يعطونهم اليهال وله انا اشتريها من الستور ؟؟؟

الله يخليكم بنات لا تخلوني محتاره ردوا علي , تراني كلش زي الاطرش بالزفه :tongue22:

 

[حلم الطفولة]

السلام عليكم ..

كل عام وانتو بخير

 

[الفرسان الثلاثة]

ريمان و حلومة هلا فيكم :nbvppw: وانتوا بخير وصحة وسلامة يارب

​

أختي ليمونا لاتحاتين مايحتاج اتودين شي لان الدفاتر وادوات الكتابة والرسم من عندهم :gathering: بس خل تاخذ معاها جنطتها وفيها اللنش بوكس :botetoo: وبس
ان شاء الله سهالات وأي سؤال لاتترددين حياج الله

 

[الفرسان الثلاثة]

ليمونا راح يطلبون فولدرات أثنين واحد للعربي والثاني للانجلش علشان يحطون فيهم أوراق إذا في هوم وورك أو أي نشاط بسوونه
و من عندهم راح يحطون دفتر فيه ملاحظات

 

[Lemona]

السلام عليكم بنات

مشكوووووووووره ( الفرسان الثلاثه) طمنتيني , كنت احاتي حدي
الله يساعدنا على اللويه

و كل عام و انتو بخير , ترقبوني راح اسالكم في كل يوم سؤال !!! ...عادي تراني عليميه

 

[ملكة بيتها]

السلام عليكم ..

كل عام وانتو بخير

وعليكم السلام والرحمه ،،، هلا وغلا بحلم وإنتي بخير وصحه وسلامه حياتي ...:aha: