تجمع اولياء امور مدرسة الخليج الانجليزية في السالمية

[ملكة بيتها]

السلام عليكم بنات

مشكوووووووووره ( الفرسان الثلاثه) طمنتيني , كنت احاتي حدي
الله يساعدنا على اللويه

و كل عام و انتو بخير , ترقبوني راح اسالكم في كل يوم سؤال !!! ...عادي تراني عليميه

وإنتي بخير وصحه وسلامه ،،،، وحياج الله معانا بالتجمع ولا يهمج سألي عن كل اللي تبين ترى هذا الهدف من التجمع نسأل بعض ونتبادل المعلومات وبنات تجمعنا ترى ما يقصرون بالردود ...

 

[الفرسان الثلاثة]

قوة بنات شلونكم
خلصت العطله والراحة والوناسة
وبدا الجد :ada: ان شاء الله مستعدين حق الدوام باجر

:RoadRunner:

الله يسهل على الجميع وتكون سنة خير عليكم

 

[باونتى]

بنات شلونكم شلون الاستعدادات لباجر .. واااايد أحااتى الوضع الجديد ربى يسهل الامور ويوفق ولدى بمدرسته الجديده ويوفق عيالكم يارب

 

[ملكة بيتها]

السلام عليكم
الفرسان ...باونتي ،،،،، خلصت الإجازه ....وبدا الجد ومجابل الدراسه والكتب ..الله يوفق عيالنا ويجعلها سنه سهله وتفوق يارب

وإستعدينا حق باجر الحمد الله ..

 

[الفرسان الثلاثة]

ملكة شلونج و شخبار بنيتج... شلون المزاج ... عسى المعنويات مرتفعة .. نامت وللا بعد؟

 

[ملكة بيتها]

هلا الفرسان ...المزاج جيد حتى الآن حاليا حالها حال الكل متحمسه ومتخوفه ما يكونون ربعها معاها ،،، والحمد الله نامت عساها نومه العافيه .
وإنتي بشري عن ولدج ،،، شلون معنوياه ونام ولا بعده ؟؟

 

[الفرسان الثلاثة]

نفس الحال متحمس ويبي يشوف ربعه يحليله الحين الوضع مختلف عن الروضة
ونام والحمدلله

 

[ملكة بيتها]

الفرسان ...نوم العوافي وإن شاء الله يشوف ربعه ويستانس

 

[الفرسان الثلاثة]

جميعا يارب الله يوفق عيالنا ويحفظهم
بالنسبه حق البريك تذكرين الساعه جم ؟وفي بريك واحد أو أثنين؟

 

[Lemona]

الحمدالله هذا اول يوم لهم الله يوفقهم يارب
و في هذي المناسبه احب اشكر كل البنات (الامهات) اللي في هذا المنتدى و على وجهة الخصوص هذا التجمع :ggdw:

عندي جم سؤال , ادري ما راح تقصرون

في الريسبيشن , يعطون هوموركات ؟؟؟

انا اذكر بعد انه قالولي انه في حمام سباحة ؟؟!!! هذا امتى يستخدمونه ؟
لانه في الكي جي ما استخدموه !!! و مادري اصلا هل اهو في رياضه مائيه مقرره لهم ؟؟؟
هل اهو بس حق المسابقات :denya:


ادري ما عندي سالفة

 

[الفرسان الثلاثة]

قوة بنات شلونكم وشلون كان الدوام وياكم

اليوم حدة لوية بالمدرسة من التعديل اللي قاعدين يسوونه الله يهداهم جان سووه قبل هالفترة بس يالله شنسوي شي مؤقت ان شاء الله

هلا ليمونا اي بالريسبشن في هومووركات بس مو وايد والعربي يعطون أكثر وفي قصة كل أسبوع يقروونها بس طبعا راح يتدرجون معاهم

وبالنسبة لحمام السباحة يبدون من يير 2 عندهم كلاس سباحة بس ماعندي فكرة جم مرة بالاسبوع
وفي كل سبت نادي بالمدرسة بس مو طول السنة يقدرون يشتركون فيه من يير 1

حياج الله :hjy5jewf: وترا عادي حبيبتي إذا عندج اي سؤال :080402ask_prv: لاتترددين إحنا نفس الخوات بس نبي دعاء الله يوفق عيالنا و يسهل عليهم :eh_s(9): الله يخلي تجمعنا والله يزيده خير و بركة بوجودكم :eh_s(9):

ملكة شلونج وشلون كان يومكم بالمدرسة وشخبار تيشر بنيتج عساها تشرح القلب وان شاء الله لقت بنتج ربعها معاها بالكلاس والساعة جم مريتيها بنهاية الدوام

 

[باونتى]

بنات شلونكم .. اليوم صرت مثل الفلم العربى صعيدى فى الجامعة الامريكية :eh_s(6): رحت المدرسة اللله يسلمكم وطبعا طوول الطريج وانا قلبى يرقع .. المهم وصلنا وطبعا زحمه مووو طبيعيه نزلت وولدى فرحان بالمدرسة الجديده دشيت ووقفت عند الاصنصير ولا وحده من الجاليات العربية ابتسمت فى وجهى وقالت لى ما استلمتى الباج قلت لالا بروح استلمه الحين .. واهي دشت الاصنصير وانا نطرت ولا اشوف وحده سألتنى عن الباج وقلت لها نفس الكلام بس قالت لى لازم تروحين فووق عند المحاسب ودفعى القسط الاول وبعدين يعطونج الباج وارووح الاستقبال ويقولون لى المحاسب بالمسرح واروح المسرح ولا االزحمه موو طبيعية ورقمى كان 626 !!!! قلت لا اليوم اول يوم لى دوام بالروضه ما يصير اروح متأخر وسألت وحده انجليزية شكلها الناظره قالت ولدج راح يمل من الانتظار روحى وتعالى بعدين وصج رحت الروضه وانا حدى مفتشله من ناظرتى شلون بستأذن اول يوم دوام بس ناظرتى الحمدلله تفهمت الامور وما قصرت وقالت رووحى وطلعت على الساعه 9 ونص والحمدلله الزحمه خفت واااايد ونطرت شوى والحمدلله دفعت القسط الاول المهم بعدين شنووووو صاااار ؟؟؟
خذيت ولدى ووديته الصف عشان يتأقلم على الوضع وقلت للتيشر ان ولدى منقول والمدرسة جديده عليه ورحت بعدين الستور وعقيها رجعت البيت وبعد مرور الوقت رحت المدرسة مره ثانيه وكان معاى ابوى ربى يطول بعمره يبى يدل صف ولدى عشان الايام اللى ما اقدره آخذه اهو ياآخذه وطبعا كانت الساعه 12 ورحت الصف اطق الباب وأسأل عن ولدى ولا ماااكوووو مووو موجوووود والمدرسات اشوى اخترعوا وانا شسالفه وووين ولدى ولا اسمع صوت وحده من وراى تقول بالانجلش لو سمحتى ولا داشه الصف ومعاها ولدى وقامت تهاوش المدرسات بالانجليزى الله يسلمكم كانوااا ناسييين ولدى بساحة الالعاب وراحوا الصف وما انتبهووااا انه مو موجود والمدرسات اعتذروا لى وااااايد ووعدوونى ان هالشى ما راح يتكرر ..

 

[الفرسان الثلاثة]

واااي خوش فيلم يالله سلامات و ماتشوفين شر ترا المدرسة حدها معتفسة من الترميم اللي بالساحة انا ما شفتها جذيه فوضى من قبل ! يالله فترة ان شاء الله واتعدي عاد تدرين انا السنة اللي طافت دفعت الرسوم من اول يوم بس ما واجهتني زحمة نفس اللي شفتها اليوم !!!!
وسالفة ناسيين ولدج حدها قوية لا تحاتين ولا يضيق خلقج لانهم حدهم حريصين و غريبة هالشي صار ! لاتحطين في بالج انهم مهملين ترا هالسالفة نادرة وانا ولا مرة شفت او سمعت ان في ياهل طلع او مايدرون وينه !وان شاء الله ماتسير لج ولا لغيرج عاد تدرين ان وكيلة الروضة للاسف تقاعدت كانت حدها تهبل عجيبة وان شاء الله اليديدة ماتقصر ونشوف منها خير ونظام

 

[باونتى]

واااي خوش فيلم يالله سلامات و ماتشوفين شر ترا المدرسة حدها معتفسة من الترميم اللي بالساحة انا ما شفتها جذيه فوضى من قبل ! يالله فترة ان شاء الله واتعدي عاد تدرين انا السنة اللي طافت دفعت الرسوم من اول يوم بس ما واجهتني زحمة نفس اللي شفتها اليوم !!!!
وسالفة ناسيين ولدج حدها قوية لا تحاتين ولا يضيق خلقج لانهم حدهم حريصين و غريبة هالشي صار ! لاتحطين في بالج انهم مهملين ترا هالسالفة نادرة وانا ولا مرة شفت او سمعت ان في ياهل طلع او مايدرون وينه !وان شاء الله ماتسير لج ولا لغيرج عاد تدرين ان وكيلة الروضة للاسف تقاعدت كانت حدها تهبل عجيبة وان شاء الله اليديدة ماتقصر ونشوف منها خير ونظام

اهلييين الفرسان .. اهو ولدى مستغرب الوضع ومن المدرسة حتى قبل لا ينام قال لى انا ما أبى اروح المدرسة الجديده اليوم راحوا عنى وانا ما اعرف وين الكلاس وما اعرف وين التيشر عاد انا قلت له مدرستك حلووه وكبيره وهالشى ما راح يصير مره ثانيه .

 

[الفرسان الثلاثة]

عادي شي طبيعي انه يستغرب ولدي كان بنفس المدرسة بس لما انتقل من الكي جي لين الريسبشن هم حسيته مستغرب نطري عليه اسبوع وبتشوفينه اوكي ان شاء الله وحاولي ما تسولفين يمه انج ارتبكتي اليوم خلي الوضع طبيعي سهالات ان شاء الله

 

[ملكة بيتها]

شلونكم يا أمهات الخليج
الفرسان ...يا عمري توني شفت سؤالج بالنسبه للبريك هم عندهم 2 بريك ،،، بس شكله حاليا راح يكون البريك في الفصول إن شاء الله الساحه تخلص بسرعه حرام ينحكرون بالكلاس طول اليوم ..
باونتي ...ما عليه حبيبتي صج اليوم لويه وحوسه ما قط شفتها بالمدرسه ،، بس سالفه ناسيين ولدج مسكين حبيبي بس مثل ما قالت الفرسان ترى هم وايد حريصين وإن شاء الله ما تكرر ..
ليمونا ... شلونج وشلون أول يوم دراسي مر عليكم ؟؟؟
اليوم كان زحمه لأن باب واحد ،،، بس الحمد الله بنتي طلع صفها تقريبا كل اللي كانو معاها موجودين بالصف والتيشر مبين عليها سمحه والله كريم ...

 

[الفرسان الثلاثة]

هلا ملكة الحمدلله الامور سهلة دوم ان شاء الله وان شاء الله يتعدل الوضع بالايام الياية
معطينا ورقة ان الفترة الحالية نقدر ناخذ عيالنا من الساعة 1:35 واي احس جنه احسن من ان يخلصون 2:15 وايد

 

[ملكة بيتها]

الله كريم يتعدل الوضع مساكين اليهال مو حلوه ينحكرون بالصف ..

 

[Lemona]

السلام بنوتات
اشلونكم و اشلون الكتاكيت مع اول يوم ؟؟؟

مشكوره (ملكه بيتها) وايد , و الله يوفق عيالج انشالله و ييسر امورهم و يسخر لهم الارض و ما فيها و ما عليها يااااااارب
ويوفق عيال المؤمنين و المؤمنات
و الله انج مبرده جبدي اول باول تجاوبيني ( اسم الله عليج), الله يبرد جبدج ياااااارب

باونتي , لاتحاتين انشالله هذا الموقف يخليهم يصيرون حريصين اكثر على ولدج.
شكلج هذا اول ولد يدخل المدرسه , فمن جذي تحاتين وايد لانه ما عندج تجربه. بس انشالله اهني البنات ما يقصرووون
من غير ما تسالين , تشوفين كل وحده تتكلم عن تجربتها و تستفيدين :gathering:

و اي سؤال اي شي ... ما يردج الا لسانج .....و اذا انتي حسيتي نفسج في فلم مصري , فانا حسيت اني في فيلم هندي :s141:

انا بنتي في ريسبشن ....المفروض لبسهم لونه احمر صح ؟؟؟
الحلو اللي عندي (ريلي) يايب تي شيرتات خضر , انا اقوله مو معقوله انا اذكر انهم لون احمر , اهو مصمم انه لازم تلبس اخضر ...... البنيه راحت و اهي لابسه ملابس الكلاس اللي اكبر منها ..... بذمتج لو مكاني ما تحسين روحج انج :27d66a9c24b146327bf

 

[*الزين*]

ووااااااي قاعد اتخيل الوضع شكله حده حوووسه ليش جذي ماعجبني كلامكم كلش

اول مره واول بنت ادش مدرسه عندي مادري متى اشتري لها ملابس مالي مقاقه زحمه وانطر دور طويل

دوامنا وياها 26/9