تجمع اولياء امور مدرسة الخليج الانجليزية في السالمية

[الفرسان الثلاثة]

لووووووووووووول الفرسان هالسنه محد شافني اشوه علشان ما اعطي عياد

يالله ليال مو مشكله طوفنا ندري كافي مصاريف العيد والمدارس مادري نلحق على شنو وللا على شنو
كافي طلتج أحلى عيدية :wqedqw:

 

[nhz99]

رد : تجمع اولياء امور مدرسة الخليج الانجليزية في السالمية

هاى بنات صباح الخير تكفون حدى مخترعه ولدى انشالله بيروح kg1 يوم الاربعاء بس بعرف اشلون اهتمامهم باليهال حدى مخترعه عليه ولدى وايد دلوع واذا بجى حتى انا اقعد ابجى حالتى حاله شريت الهدوم من المدرسه بنطرون و بعد شورت وتيشيرت حمر ، وبعد شنو اييب حقه وشنو احط اكل حقه حدى قاعده احاتى كل شى .......المصيبه انى مو عارفه اعدل نومته الحين يقعد الساعه 9 وينام 9 اشلون اخليه يقعد 7 او6 بعد وبسأل عن المصاريف الحين اروح ادفع او اول يوم القسط الاول وفى ورقه قالوا لازم اسويها عشان الصحه المدرسيه احد يعرف اذا فيها ابره او لأ ؟ ....ادري وايد طولت عليكم بس شسوى بطنى قام يعورنى من كثر التفكير فيه .............واسفه على الازعاج :balo:​

 

[ReeMaN]

اب لعيون ملكه مامات

اسفه على لقافتى بس ماقدر مارد على الاخت nhz 99 لاتبينين حق ولدج انج تحاتينه بالعكس شجعيه على المدرسه وبيني له انج مستانسه و قولي له ان راح يصادف يهال يبجون وان اهمه بيبات وانت كبير لاتخلينه يتفاجا بصراخهم وقولي له انج بتقعدين معاه اشوي بالمدرسه وبتروحين وبتردين تاخذينه وباجر قولي له نفس الحجي خليه يتهيأ على كل شي وباجر قعديه بالثمان ونوميه سبع ونص وان تعسر عليج يوم المدرسه شي طبيعي لان خايف قولي له يالله نمر الفرع نشتري لك عصير وبطاط حق الروضه لو بس اول يوم عشان يلبس بسرعه اهم شي نفسيتج انتى لاتبينين له اتحاتينه

 

[ملكة بيتها]

يا بعد عمري صديقاتي الحبيبات ليال ...وريمان ....قولواآمين ربي يرفع شانكم دنيا وآخره

اليوم بلشنا بالجد ،،الهوم ووركس اليوم شي مو طبيعي والحين نظامهم غير عن نظام اليير 1 يوميا بيكون هوم وورك ويرجع اليوم اللي وراه والعربي شي ثاني ...

 

[ملكة بيتها]

رد: رد : تجمع اولياء امور مدرسة الخليج الانجليزية في السالمية

هلا أختي nhz99...أول شي لا تحاتين ولا تبينين حق ولدج إنج متوتره هذا أهم شي ...ومن ناحيه الإهتمام من التيشر إن شاء الله بتلاقينه لأن حتى لحد يير 2 أنا ملاحظه إهتمامهم بالطلاب فما بالج ب kg ،،،، وبالنسبه للأكل بالجنطه أهم شي ما تحطين شوكليت وشبس وراعي إن يكون الأكل صحي وعلى فكره في موضوع مثبت عن الأكل واللنش بوكس في هذا القسم وبصراحه بنات المنتدى ما قصروا ،،،وعلى النومه من أول يوم دوام بتتعدل ،،، بالنسبه للقسط نصيحه لأنج متوتره وخايفه من إنطباع ولدج ورده فعله لو تروحين قبل بيوم تدفعين وتفتكين من اللويه الصبح أفضل عشان تتفرغين وتركزين على ولدج ،،، وحياج الله معانا ...

 

[الفرسان الثلاثة]

هلا فيج اختي nhz99 لاتحاتين سهالات ان شاء الله
لاتخافين راح يتعلم على النومة مبجر لان بيكون تعبان من عقب الدوام وقعدة الصبح

 

[الفرسان الثلاثة]

شلونكم بنات شخباركم ملكة شخبارج باجر عندنا بالمدرسة اجتماع عن المنهج اللي بياخذونه بالمدرسة وطريقة التدريس بس مادري ليش مسوينه الساعة 3 ! عشان يواصلون التيشرز ومايرجعون بيوتهم ؟
باونتي شخبارج و اشسويتي مع ولج
ليمونا شخبار الكتكوته مع الدوام
زوزو الحلوة شخبارج

 

[ملكة بيتها]

هلا الفرسان ..حتى إحنا عندنا إجتماع الساعه 3 والله وايد مبجر بس هم زين عشان يمدي نرجع نجابل التدريس ..
على فكره أنا فاقده باونتي صارلها فتره غاطه عسى المانع خير ...
ليمونا ...وزوز الحلوه ...شخباركم بشروا عنكم ؟؟

 

[الفرسان الثلاثة]

أمهات شخباركم شمسويين
اليوم كان متعب حده من الدوام لي الاجتماع وخلصنا الساعة 4:30 وعلى ما رديت البيت وااااااااااااااااي حتى ولدي عنده واجب العربي يالله جابلته وانا كلش موصله حدي
بعدين اقول لكم عن اللي لاحظته

 

[ملكة بيتها]

هلا الفرسان ...يعطيج العافيه ..إي والله كان تعب أنا رديت من الإجتماع ومريت أمي شوي تعبانه وكنت موديه بنتي عندهم تتغدا عقب ردينا البيت وجابلنا الهوم ووركس ،،بس مسكينه عندها حفظ قرآن ولحد الحين تلخبط فيها وحدها عقب انعست مو قادره تتستوعب فقلتها نامي وأنا أكلم التيش باجر على الحفظ ...
باجي الأمهات ,,,,وينكم أكيد لاهيين مع الهوم ووركس والتدريس

 

[ReeMaN]

شخباركم مع الاوبن هاوس ؟؟ شقالو عن منهجكم ؟ عسى مافيه صعوبه ملكه بسالج اشوفكم تقولون الريسبشن واليير والمادري شنو يعنى اي مرحله اليير ؟

 

[ملكة بيتها]

هلا ريمان ... الله يسلمج الأوبن هاوس تكلمو عن المنهج وعن طريقه الهوم ووركس إنه بيكون يوميا وشلون الإمتحانات وتكلموا عن شنو اللي بياخذونه في الماث والإنجلش والساينس ..وبعد شنو كان عرض للكتب والأدوات اللي راح يستخدمونها للمنهج والله أنا شخصيا استفدت لأن كان في مجال للنقاش والأهالي يسألون عن طرق التدريس فكان في نقاط وايد مفيده ...

والله يسلمج ....
الريسبشن ...هو ال kg2
اليير(year) .... هو الgrade ,,,,,,,,,,,,, يعني year1 = grade1

فرق مصطلحات لا أكثر ولا أقل .......شرايج فيني وأنا أترجم بس

 

[mr000]

السلااام امهات الخليج اشلونكم شخباركم..ملكه اشلونج اشلون بنيتج

 

[ملكة بيتها]

هلا بأهل لندن الحمد الله عالسلامه مرووو إنت شخبارج وعسى إستانستي وغيرتي جو ؟؟؟ ،،، الحمد الله أنا وبنتي بخير ومجابلين الكتب والدراسه ..

 

[Lemona]

كلاكيت ثالث مره

بنات اشلونكم , شخباركم ؟؟؟

تصدقون اني امس قعدت اكتب نص ساعه , في النهايه علق السايت و راح كل التعب :eh_s(16):

عاد كتبت حق nhz99 كل خبرتي من كي جي , بس حسافه راح !!! راح احاول اكتبه لج مره ثانيه

ملكه بيتها , اشلونج ؟ كان الاجتماع بس حق اولياء امور ايير 1 و 2
لان ما كنت ادري ؟؟؟ لا يكون في ريسيبشن و انا نايمه ع نفسي

زوزو الحلو , الفرسان الثلاثه.... شكلكم كلش " غرق الغرقان اكثر " مع اليهال , بالتوفيق ياربي

صج انا باونتي فاقدتها .... باونتــــــــــــــــــــــــــــــي عسى ماشر ؟؟؟ طمنينا ع الكتكوت

:bye22: اكمل لكم في البيت باجي السوالف

 

[Lemona]

زين ضبط , الحمدالله

 

[ملكة بيتها]

السلام عليكم ....لا لا أمهات ما يصير جذي تجمعنا تراجع للصفحه ال3
ليمونا ....ها
شلونج وينج أنا ناطره لا تطولين ؟؟؟؟
الفرسان ...شلونج وينج طولتي الغيبه ؟؟؟ قلتي عندج ملاحظه وما خبريتينا عنها ؟؟؟

 

[الفرسان الثلاثة]

هلا ملكة شخباركم كلكم
مرو الحمدلله على سلامتج نورتي الكويت
سامحوني انشغلت وايد و عيالي تمرضوا مال تغيير الجو والوقت ماشاء الله بسرعة يركض ما يمدينا انسوي شي
اليوم داوم ولدي اول يوم بالكي جي وطبعا بجى وعور قلبي حبيبي الله يساعدنا على باجر ان شاء الله تمر الامور بسهالة يارب

 

[باونتى]

بناااااااااااااااات شلونكم .. اشتقت لكم وااااااااااااااااايد .. مشكوورييين لانكم فقدتونى عسى ما تفقدون غالى يارب .. الله يسلمكم انا مريت بظروف عصيبه .. خدامتى فجأة قالت بسافر وتوهقت حدى وحوستى حوسه بدون خدامه وحصلت مسترجعه بس بارده وااايد بس اضطريت آخذها لان صارت سوالف مع خدامتى قبل لا تسافر قامت تطلع من البيت من غير ما انا ادرى وقامت تطول لسانها على وتهمل بشغلها قلت لالا خلاص خلا اسفرها .. عشان جذى غبت عن المنتدى وعنكم .. اما بالنسبة لولدى الحمدلله تقبل المدرسة واحسه صاير جرئ .. بس بسألكم بنات شلون تأسسون عيالكم بالبيت ؟؟ تتكلمون معاهم انجلش ؟؟ وشلون تدرسون خاصة اللى عيالها بالرسبشن ؟؟

 

[ملكة بيتها]

هلا باونتي ..الحمد الله طممنتينا عليج والخدم سوالفهم ما تخلص ومصيبه خلاص عرفوا المواسم اللي يتسلطون بسوالفهم فيها علينا يا برمضان أو حزه بدايه المدارس ولا بنيو بيبي ولا ببدايه إجازه الصيف ....الله يعينا عليهم ،، وإن شاء الله تلاقين الأحسن منها

الفرسان ..سلامتهم عيالج صاجه الجو جو أمراض ،،، وما عليه الصغير إن شاء الله على الأسبوع الياي يتأقلم