رد : تجمع اولياء امور مدرسة الخليج الانجليزية في السالمية
هلا بأحلا بنات بالمنتدى مشكوره كل وحده ردت لا خلا ولا عدم انشالله اليوم قومت ولدى الصبح عشان يروح المدرسه الحمدالله مرت الامور حلوه ورحت الفرع وشريت حقه والحمدالله استانس ورحنا المدرسه ودش وشاف اليهال استانس وانا قاعده تدرون اليوم اول يوم حقه قعد يلعب جان يمل ويقولى يالله خلنا نروح انا زهقت قلت حقه لا ماما خلك اشوي رح ندرس ونلعب مع التيتشر واليهال شوف وناسه المهم طبعا قالولى لى الساعه 10قعدى وحاولى تطلعين اوكى وانا قاعده طبعا تصرفات المدرسات كلش ما عجبتنى مع اليهال والله حرام طبعا الصفوف إلى يمى كانوا المدرسات وايد زينين بس هذا الصف كلش ما عجبتنى وباجر بروح اعفسهم اشويه اقول على السوالف :طبعا 3 من اليهال اطحنوا واهم يبجون وعمك اصمخ مع المدرسات ليما انا صرت مدرسه بالصف وصرت ادادى اليهال وفى ياهل واهوا ما يدري جان يسكر الليت حرام والله كسر خاطرى يت المدرسه وصارخت بويه وقالت حقه انت ليش سويت جذى وبعدين خلته يقعد على الكرس (النوتى )يعنى الموزين وقام الياهل يبجى وما يدري شنو السالفه وكل ما يبى يقوم من الكرسى تصارخ على الياهل وتقعده مره ثانيه حدا كسر خاطرى يعنى المفروض قبل ما تعاقبه جذي جان فهمته انا هذا غلط وما يصير بهدوء عشان يحبون المدرسه :0bee2e8d89: وعقب ما طلعوا اليهال الساحه عشان يلعبون ردوا وكانت بنيه حدها عطشانه ومسكينه قامت تبجى حدها وحدها حرانه جان تقول ابى ماى ابى بو ماخلت كلمه إلا قالتها مسكينه وحقرتها المدرسه يمكن خمس دقايق جان اقول حق المدرسه تبى ماى جان تقول ادري بس لازم يقعدون وبعدين اقولهم روحوا شربوا والله هذا الصف كلش ما عجبتنى المدرسه فى تعاملها مع الطلبه حدها قاسيه وبعدين يت الساعه 10 وقالت المدرسه يالله حاولى تطلعين المهم خليته يلعب وطلعت وانا واقفه بره على الباب بس ماشافنى ورحت اشوي بعدين وبعدين اكتشف انا رحت وقام يبجى وقام خلاص يبى يرجع وتصدقون ولا لمته وتحاقرته حدها ليما رحت حقه ولمنى وقالى انا مااحب هذا التيتشر مو زينه كلش يما وباجر مارح اروح المدرسه مابى اروح الحين نام الساعه 7 وقالى باجر مارح اروح المدرسه مو حله التيتشر موزينه وبعدين طلعوهم يلعبون بالساحه مساكين حدها حر وقاعدين يلعبون بالزحلاقيه وطبعا اليهال يتناجرون فيها وماكو ولا وحده واقفه عندهم على الزحلاقيه والله قلبى طاح خفت اليهال يطحون مادري بنات شسوي باجر من الصبح بروح عند الناظره وبقولها تغير الصف وبقعد اشوف بعد التعامل مع الطلبه اشلون صاير اسلوبهم كلش ما عجبنى ومشيت الساعه 12 لان حتى المدرسه اطلعت من الصف وقامت تفتر والمساعده مالتها مع اليهال وقاموا يبجون حدهم اليهال وماكو عمك اصمخ حدا وقلت خلنى اخذه واروح عشان لا يكرهم اكثر واسفففففففه طولت عليكم ادري بس شسوى حدى محتره ومشكورين بنات بعد عمرى
:flower:
:flower:
مادري شسوي الله كريم
