تجمع اولياء امور مدرسة الخليج الانجليزية في السالمية

[زوزو الحلوه]

سلااام امهات شلونكم؟
ملكه ..والفرسان ..وباونتي ...وحياج الله ليمونا ويانا وشلونكم كل الامهات الباجي
والله المدرسه حده حوسه من الترميمات بس لي متى عيالنا يطلعون الساعه 1:35 يعني لي متى هالوضع هذا .اهو خوش حق ا ليهال ما يصير اليوم طويل عليهم بس متى نطلع متى ناخذهم اذا نطلع من دواماتنا الساعه 1:30 الساعه جم نوصل ناخذهم؟
امهات الله يعافيكم منو عندها خبر الpre kg متى يطلعون انا قالولي على الساعه 12 قبل لا تبدي المدرسه والترميمات اللحين شلون وانا ولدي انشالله يدوام 20-9 جنه قرقت عليكم يالله ادري انه راح تسامحوني اللي عندها خبر تبلغني عفيه ...:balo:

 

[الفرسان الثلاثة]

هلا زوزو شخبارج ولهنا عليج
هم انا دوامي اليوم يخلص 1:45 وعلى ما أطلع يالله اوصل على 2 مسكين وليدي راح ينطر بس عادي أمس نفس الشي مريته وماكان آخر واحد
ومادري متى بيخلصون بس مااعتقد يطولون لان مغيريين أرضية الساحه

 

[ملكة بيتها]

السلام عليكم
ليمونا ...حياج الله حبيبتي وما سويت شي ....وبيني وبينج ترى كل الرياييل لازم يسوون لج دقه لما توصينهم على شي أنا وصيت زوجي على شورتات الpe وشورتات حق الدوام المهم يوم راح ومعطيته القياس يابلي بنطلونات الpe ومقاس 10 سنين يعني لو رايحه أنا من أول شي وايد أبرك وأشوه كان في وقت أرجعهم قبل الدوام ولا بنتي جان مداومه ببدله العيد ...
زوزو ...شخبارج ؟ بشري عنج ؟ ....اليوم سمعت وليه أمر تسأل عن لي متى هذا الوضع بيستمر ؟ ردت عليها اللي بالرسبشن قالتلها من أسبوع لي 10 أيام ...إن شاء الله ما يطول أكثر
الفرسان ..شلونج حبيبتي ..أنا نفسج اليوم وصلت الساعه 2 أخذت بنتي ...

 

[الفرسان الثلاثة]

وعليكم السلام الحمدلله انا بخير.... باقي البنات زوزو باونتي ليمونا شخباركم

على طاري الملابس انا اختصرت السالفة ورحت بنفسي وهم ماكو فكه واحد من التيشرتات معطيني بالغلط جم طويل بدال جم قصير مع إني اكدت عليهم ان يكون جم قصيير !! شنسوي لازم رايحين و راددين لهم

ملكة انا كل يوم راح اوصل هالحزة على ما اطلع من دوامي و اروح بس يمكن ياخذ شوي وقت اكثر عشان الشارع للحين مو ذاك الزحمة ..
الحمدلله اليوم الوضع بالمدرسة وايد احسن من امس و زين إذا السالفة بس على 10 أيام

 

[الفرسان الثلاثة]

زوزو الحلوة عندج فكرة عن مس أوينز ؟ اهياا الحين أدرس ولدي يير 1

 

[زوزو الحلوه]

سلام امهات شلونكم اليوم ؟
الفرسان..والله ما عندي فكره عنها ..انتي لا تحاتين انشالله تطلع اوكي..والله يوفقهم انشالله

 

[Lemona]

صباح القهوه و الكابتشينو :nbptr:

اشلونكم بنوتات
زوزو الحلوه
الفرسان الثلاثه
ملكة بيتها

اممممممم و باونتي امممممممم ميخالف بنات اللي ما قلت اسمها تسامحني .... الكبر شين قمت ما اجمع كل شي , كل شي يطير من بالي , زين ما انسى عمري :080402ask_prv:


اشلون الكتاكيت مع الدوام , بشري باونتي اشلون ولدج عقب ذيك السالفة :ada:


الحمدالله , باجر راحة ما في فزعه من الصبح , على سالفه فزعة الصبح , انتو الساعة جم تقومون و تقومون عيالكم؟؟؟

انا عن نفسي الله وكيلكم من الساعه 5 اخذ شور , 5 و نص اقعد البنيه احس وايد مبجر

الاسبوع الياي راح يبلش الباص يمرها , عقبها اشوف و اضبط موعد قومت البنيه .... وايد كاسره خاطري

يلا بنات قولو لنا الساعه جم تقومون :eh_s(10):
بعد اذا مافي كلافة عطونا برنامجكم الصباحي ( ع السريع ) انا راح اكتب برنامجي الصباحي لمن ارد البيت , انا الحين قاعده في الدوام عسى ما يطقوني :23_asmilies-com:

 

[زوزو الحلوه]

هلا ليمونا شلونج؟
لا والله 5 ونص مو مبجر اهو صج يكسر خاطري بس ما دام ينامون مبجر يقومون مرتاحين 5 ونص على ما يقوم يغسل وياكل ويلبس ولازم شوي يطالع ام بي سي 3 وانا القي نظره اخيره بجنطته اخاف شايل شي حاط شي واجيك على الlunch box ولااا بعد كل هذا واحنا طالعين لازم نمر بطريجنا بقاله ولا فرع علشان يشتري عصير مادري شالحكمه يبي بس عصير واوديه المدرسه واروح الدوام وبس واغلب الاوقات اوصل الدوام متاخره علشان في شي يأخرني بالطريج واهي الزحمه:eh_s(2): وسلامتج وتعيشين

 

[ملكة بيتها]

هلا هلا ..ليمونا صباح النور بالليل ..لووووووول ( بس صج صباح النور لأن دخلنا ثاني يوم ما عليه )
بالنسبه للروتين الصباحي ..الله يسلمكم أنا أصحي بنتي الساعه 6 ( بس عالأسبوع الياي بيصير 5 ونص ) ..طبعا تغسل وعقب أنا اللي أجابلها وأبدل لها ملابسها وأمشط شعرها وعقب أريقها غصب وأخليها أثناء الريوق تتابع نيكولوديان شوي عقب أبوها يوصلها السكول ...وبس عقب أرجع أنام لأن دوامي ما يبلش الصبح مبجر وسلامتكم ...والله يعينكم على زحمه الصبح

 

[الفرسان الثلاثة]

هلا بنات هلا فيكم كلكم الله يخلي تجمعنا الحلو

انا برنامجي الصباحي كالآتي:
اقوم و اقعد ولدي الساعة 6 بس اكون مجهزة أغراضنا كلهم عشان ما أحوس الصبح ويضيع الوقت
أحط ملابسه كلهم و اكون مجهزة اللنش بوكس و حاطته بالثلاجة و متأكدة من جنطته ان اغراضه كلهم موجودين
ومايبي يتريق بس يشرب عصير او حليب احاول فيه و مايرضى ياكل
لازم ما نتأخر عن 6:45 دقيقة عشان زحمة الشارع نطلع أوصله والسنة اللي طافت كنت أوديه داخل صفه و عقب جم شهر قام يقوللي انا بروح بروحي وقم اخليه و أراقبه من بعيد حبيبي الله يحفظ عيالنا وبعدها أروح دوامي

ودمتم سالمين​

:tek:

 

[الفرسان الثلاثة]

سلام امهات شلونكم اليوم ؟
الفرسان..والله ما عندي فكره عنها ..انتي لا تحاتين انشالله تطلع اوكي..والله يوفقهم انشالله

زوز الحمدلله التيشر شكلها زينه ماشاء الله بس بغيت اسأل قلت يمكن مارة عليج

 

[Lemona]

يلا بنات خل اقولكم عن البرنامج الصباحي

الساعة 5 اقوم من النوم , اغسل و اصلي , (اخذ شور) <<< مو كل يوم بعض الساعات بالليل اكون ماخذه الشور
المهم انا الساعه 5 و نص اكون خالصة , اروح اقعد بنتي من النوم و اشغل التلفزيون <<< عشان تقعد
تغسل و تفرش اسنانها .... يكون الريوق زاهب ( كورن فلكس او بسكوت او بقصم او درابيل مع الحليب او نسكويك)
عقبها تبدل ملابسها و اسوي شعرها تسريحة المدرسه :wqedqw::wqedqw:
طبعا كل هذا يصير و اهي تشوف التلفزيون ......عقبها اسوي جنطتها (اللنش بوكس)

الساعه 6 و نص خالصه و المفروض يمرها الباص و ياخذها , بس اول اسبوع انا اخذها هناك , يعني انشالله من هذا الاسبوع الياي راح ياخذها الباص


واي احس ركضه :RoadRunner:

و سلامتكم :eh_s(7):

 

[الفرسان الثلاثة]

هلا ليمونا
الساعة جم اتنام بنيتج الله يحفظها؟
ماتحسين ان مبجر وايد على بنتج اكيد بالمدرسة لما اتسير الساعة 12 بتكون وايد تعبانة لانها قاعدة مبجر بس صج اتوقع إذا الباص يمرها 6:30 يالله يمديكم الله يعطيكم الصحة والعافية

 

[ملكة بيتها]

شلونكم أمهات
الله يعينا الأسبوع الياي على زحمه الشوارع ..

 

[الفرسان الثلاثة]

وعليكم السلام ملكة .. اييه الله يعيننا عالزحمة وعوار الراس
معطينا جم دفتر حق الهومووركات ولازقين بالغلاف ورقة فيها رسمه على اساس ان يلونها وقلت بجلدهم احسن عشان ماينشقون
وللحين ماعطونا كتب الظاهر يوزعونهم مع مدارس الحكومة ؟

 

[Lemona]

هلا بالفرسان الثلاثة :j013:
الله يخليلج الفرسان ياربي و يبلغج فيهم

ع سالفة مبجر انا اقول جذي , يعني احس انا ياللي اشكبري ادوووخ من تصير الساعه 8 و الله اتعب , بس الله يخلي القهوه تصحصحني ......فمن جذي ودي اقومها 6 , بس اهي لو تسمع الكلام وما تدوبخ جان ......

انشالله خل اشوف الباص امتى بالضبط راح يمرها باجر , و عقب على حسب يمكن اقدر اخليها ربع او نص ساعه زياده تنام :ggdw:

ملكة بيتها ها بشري اشلون الكتكوته :friends:
الله يخليها لج ياربي ... انزين الله يحفظها بنيتج اي صف ؟؟ اهي اول وحده؟؟؟
ادري فضوليه ..... بس ودي اعرف اذا قمتي تحسين مثل ما انا احس مع بنتي
كبرت اسم الله عليها ( اهي ريسبشن) احس صارت لها شخصيه و قامت تبدي رايها بالمواضيع و تناجر, و تسولف معاي جنها رفيجتي ..... وناسه :hjy5jewf:

زوزو الحلوة
الله يخليلج ولدج :eh_s(15):
تدرين انا اذكر ايام قبل , امي كانت تاخذنا الجمعيه عشان نشتري اي شي :botetoo:
و كان اهناك مخبز تشتري لنا فطيرة زعتر اللي في جيس بلاستيك .... يا حلاتها ما في نفسها هذي الايام ( جمعيه الدسمه القديمه) اخييييييه ذكرتيني في احلى ايام عمري
صدقيني انه ولدج ما راح ينسى هذي الحركه , لا تقطعينها ان اشجعج :ggdw:

باونتي
اشلون ولدج ؟؟؟ انشالله مستانس
اهو في كي جي ؟؟ وله ريسيبشن ؟

 

[ملكة بيتها]

ملكة بيتها ها بشري اشلون الكتكوته :friends:
هلا بليمونا ...الكتكوته الحمد الله بخير
الله يخليها لج ياربي ... انزين الله يحفظها بنيتج اي صف ؟؟ اهي اول وحده؟؟؟
هي الحين بيير 2 ...وهي وحده ما عندي غيرها الله يحفظها ويحفظ لج عيالج يارب ..
ادري فضوليه ..... بس ودي اعرف اذا قمتي تحسين مثل ما انا احس مع بنتي
كبرت اسم الله عليها ( اهي ريسبشن) احس صارت لها شخصيه و قامت تبدي رايها بالمواضيع و تناجر, و تسولف معاي جنها رفيجتي ..... وناسه :hjy5jewf:
الله يحفظها ويخليها لج البنوته وبالعكس لا فضول ولا شي ...شلون صديقات وما نعرف عن بعض معلومات .....وصاجه بنتي اسم الله عليها حسيتها كبرت والبنت صج تصير صديقه أمها والحين لازم أحسسها إن لها راي وإني آخذ رايها ونتناقش بالقرارات بعد ويا حلوها لما تصارحني بأسرارها حدها براءه وإن شاء الله ماتنقطع هالعاده تظل دايما تقولي أسرارها لحد ما تكبر وتييب عيال بعد ...ربي يبلغنا بعيالنا يارب
وصاجه بموضوع روحه الجمعيه الصبح والمشترى ..ذكرتيني بأيام قبل أبوي الله يرحمه لما يوصلني الروضه كان جذي يوديني أشترى ريوقي فرش ...والله أحلى أيام ..

 

[lyale]

السلاااااام امهات الخليج
واب لعيون الغاليه ملكه :33_1185028183:

 

[الفرسان الثلاثة]

وعليكم السلام هلا فيج ليال :balo: نورتينا يامن طول الغيبات شخبارج .. عطونا عيدية ( بما ان ماشفناج بالعيد )
شمسويين مع الدوام؟

ليمونا ... مشكوورة والله يخليلج بنتج و يوفقها يارب :hjy5jewf:

 

[lyale]

لووووووووووووول الفرسان هالسنه محد شافني اشوه علشان ما اعطي عياد