بنات ترا من سنين وبنين نعرف اللي يبي مدرسه زينه يسوي واسطه عشان مصلحته
ولا تقولون خذت مكان غيرها والا ما ادري شنو
لان الموجهه قالت اشكرا ما لنا شغل بالزياده او اكتفاء او مكان الغير
نمشي اولا على الرغبات او نمشي على عنوان البيوت
واللي يسون واسطات 80% عندهم ظروف خاصه مو على شان الاداره زينه والا الناظره تعطينا اوف وما تخلينا نشتغل اوما تمسكني احيتاط او مناوبه
في النهايه شغلج اهو المعيار اللي يميزج اهوا اللي يحدد الشي مالي شغل بفلان ولا علان
ولحد يقولون يظلموني بالتقرير لان في 3 اشخاص يقيمونج
واذا ما اتفقو هذيلا الثلاثا في شي اسمه شؤون قانونيه في شكوى بالجرايد والوزاره والاذاعه
وقبل كل شي في رب فوق يشوف ويحاسب
مع انه الكلام مو منطقي و مو هذا اللي حاصل فعلا بالواقع
لانه التوزيع مو على المناطق نهااائيااا
كاه 19 وحده يمي طول هالاسبوع
كلنا بمنطقة غير و مدارسنا بمنطقة غير
يعني انا بمنطقة قاطيني بمدرسه بمنطقة ثانيه
ورفيجتي بمنطقة ثانيه قاطينها بمدرسه بمنطقتي
كلنا جذي ماعدا ثنتين بس من باب الصدفه
عرفتي انه هالحجي بس كلام موجهات يقصون عليكم
مو صج ترى
الواقع بتشوفينه جدام عيونج
نفس اللي شفناه اليوم
و من قال اللي اييب الواسطه عنده ظروف
شنو ظروفه ؟ ايده ولا ريله مكسورة !!
لا حبيبتي اللي اييب الواسطه اهو بريله يبي يروح مكان يعرف احد فيه او ناظرة يمدحونها او وحده من رفيجاتها هناك
منو اللي يتعب نفسه واييب واسطه عالفاضي
اذا ماهمني شي عيل ليش اييب واسطه
كلام نهائيا مو منطقي ومو واقعي
شوفي اللي صاير هالايام بتعرفين الحقيقه
لحد يقص عليج و يلبس عليج الامور
ويسويلج الشين زين بقصه خياليه من تاليف خياله
الواقع المر غيييييير عن الخيال وكلام الموجهات الفاضي
يحاولوون يبينون للناس انه ماكو ظلم
غصب تقصون علينا :/
بس احنا موضوعنا غير
احنا تخصص مافيه الا 19 وحده بس بالمحافظة
وكلنا درينا عن مدارسنا
و البنات ركض
كل وحده تلت ريلها و راحت للمراقب
و كلمه قاله انقلها ودها المدرسه الفلانيه
ولا بتروح مع مدرسه رفيجتها
او او او
وتكون اشياء واسباب عاديه
منهم لانها مدرستهم بالميداني
منهم لانهم يحبون الموجهه
منهم لانهم يبوون من رفيجاتهم
تخيلوا
جذي اسباب بس
و ينقل عاااااااااادي
اقولج بنات نعرفهم نمون عليهم قاعدين مع بعض وياهم كل يوم
هذي ضااايق خلقهااا تبي تكون مع رفيجتها
جك بم راحت مدرسه رفيجتها
للعلم
المباشرات مطبوعه واستلموها خلاص
يعني مافي مجال
بس مجرد دخله عند هذا الحين اقول عساه مايتوفق
و يغير المباشره بكبرها
حتى تخيلي
انا ورفيجتي رحنا قاعدين بالمكتب ننطره عشان ندش
اكلمه اقوله بكون بمدرسه قريبه يم بيتي
انا بمنطقة و مدرستي بمنطقة بعيده علي
يعني لو اروح من محافظه لي محافظة احسنلي
نفس المسافه
وباجي البنات ناقلين هاليومين
ثلا ارباعهم بدون مبالغه ناقلين
بنقل حالي من حالهم
تخيلوا
صرخ علي و عصب و جذب جذبه ياعلها تنقلب على ويهه اكثر من ماهو مقلوبه عليه
و يقول انا مانقلت احد واصلا النقل واقف وماكو احد ينقل وما ارضى بالنقل
وممنوع النقل ومايصير النقل واصلا موجهتكم مالها علاقه بالنقل
توها توه من ربع ساعه 3 بنات جدام عيوني طلعوا و نقلتهم !!
يقولي لا ويصارخ
اللي رفيجتي يم الباب اطالع ويهها مبققه عينها مصدومه هذا الحقير ليش يصارخ علي
لو في امه خير جان ماصرخ علي
لو معاي ريال جان مايقدر يفتح حلجه ويصارخ علي لانه يدري النعال اقربله
بس صج ما يستحي
اهو يصارخ وانا الدمعه واقفه بعيني
مو من شي
والله مو مهم
انا رايحه ومو ببالي انتقل
بس جذي بكون قريبه وبس
قلت تمت الحمدلله وان ما تمت مو مشكله
جذي ببالي مو مصممه وانصدمت
بس اهو جليل حياااا
صدمني بكلامه وصراخه
وعاد انا ورفيجتي ناطرين دور
يت وحده من رفيجاتنا قعدت يمنا و تسولف معانا
جان يناديها واحد ويعطيها مباشره عمل
و طلعت
قلتلها شسويتي شلون نقلتي صارلي ساعه انطر انا
قالتلي ماكو كلمت فلان دق على المراقب
وبس كاهو نقلني
قلنالها فلانه ليش نقلتي مدرستج تهببببببببببببببببببل
كل شي الكل يمدحها
تقول لا بس ابي مع رفيجتي
متخيلين اللي صاير
روح يعلك ما تتوفق يا المراقب
