امبلا الملاك كلام فراي عدل قاعدين يمشون على الرغبات وعنوان البيوت
بس انتو محافظتكم حاله خاصه هذا شي ثاني
وحتى بالدوره لما نقول شي يقولون لنا هذا كلام من اي محافظه يايبينه؟؟؟؟
نقول لها المحافظه الفلانيه فيردون علينا ويقولون اهااااااا!!!! لا احنا مالنا شغل فيهم كل محافظه غير
رفيجتي بالفروانيه ما عندهم رغبات طبعا وحطوها على عنوان بيتها
رفيجتي الثانيه بالجهراء هم على عنوان البيت
بالنسبه لي انا حطوني على عنوان بيتنا بس المصيبه اني ما كنت حاطتها من الرغبات !!!!!
فسالفه العنوان صحيحه ما عدا محافظتكم ما ادري شنو فيها عليكم انتو بالذات
وحتى البنات اللي معانا يتكلمون عنكم وعن الاشياء اللي تصير وياكم والموجهين مستغربين !!!
وقالو لنا دام محافظه مو محافظتنا فما لنا شغل بباجي المحافظات
اما الحاله الخاصه في ناس ما تسوق سياره مثلا معتمدين على ازواجهم واهاليهم وطبعا ازواجهم واهاليهم هم عندهم اشغال فمضطرين ياخذون مدارس يم بيوتهم هذا مثال
في مثال ثاني زحمه الشوارع لحد يقول دوار وما اعرفش ايه الكل قاعد يشوف الزحمه فمن جذي الناس تدور على قرب
وناس فيها امراض وحاله يدورون على مدارس مسقفه ما يتحملون
ولنفرض عشان الناظره والاداره الناس بعد عندها ظروف عيالها ومدارسهم اكيد يبون مدارس زينه مافيها شي هذا من حقهم
وهذا غير ظروف الباجي ما ندري شنو اهيا
انا عن نفسي ادري مدرسه بيتنا مو زينه فما حطيتها بالرغبات فحطوني فيها عادي بعد شسوي
شهر 1 اسوي نقل خارجي وتخلص السالفه
