عاد تبون الصج انا مستانسه عدوره كل شي فيها حلو
احنه داومنه ميداني و شفنه الفرق بين دوام المدرسه و الدوره
الدوره تونس يكفي انه نداوم 8 و نص و نطلع مبجر
سوالف و ضحك و نقاشات مفيده احسن من قعدت المدرسه الي من 7 و نص انتي هناك و غير جذي اللويه و ماتطلعين الا وين و وين لا بصراحه الدوره حلوه حزتها و فكه من المدرسه و شنبي بعد عليها 200 دك الف الحمدلله
لووول بنت حوا اشحقا اجامل لا اعرفهم ولا يعرفوني والا بينقصون والا بيزدون من معاشي
بس الشي الايجابي ايه اقول عنه ايجابي والشي السلبي اقول سلبي ماكو شي كامل بالدنيا
وبعدين شنو فيها تكرار في المعلومات بالتكرار يعلم الشطار لووول وزياده على التأكيد
لما كنت بالمقابله اسألوني عن اخر ماده خذيتها واذكر لهم جم معلومه عاد في معلومه قلتها نصها صح ونصها غلط
عاد الموجه قام يصحح لي المعلومه وكان يكررها علي عشان تثبت صح مافيهاشي لي عاد وزادووو لوول
والله اشوف تعليقات الابلات اللي داومو بالمدارس
قاعدين يقولون لوعه جبد حر وخيسه وغبره وكله سوالف واكل ومقعدينهم لاخر الدوام بعد
وزهقانين قاعدين على مكاتبهم من غير شغل
وعقب باجر ان شاء الله راح يقسمونا على حسب تخصصاتنا وبنرتاح من هاللويه
لالا فراي حبيبتي انتي فهمتيني غلط انا ما اقصدج انتي بالعكس و النعم فيج تهبلين و انا احب هلحماس و التفائل حلو و يعطي روح حلوه بلانسان
انا اقصد العموم الكل لانه في بعض البنات يقولولج لا تحبطينه طيب انا شنو ذنبي هذا الي صار وياي
مو معقوله اني اي اقص عليكم و اقولكم استفدت و انا مو مستفيده صح و لا لا
لازم اكون امينه بنقل التجربه و هذي تجربتي و امس انا ما استفدت بس اليوم ييت و قلت استفدت لاني صج استفدت ولو مو مستفيده بقول ما استفدت
لا ياحايتي انا ما اقصدج انتي بالعكس حبيبتي
و بنسبه للتكرار بصراحه مو حلو حتى بالتعليم مو حلو
لمن تيين حق صف تعيدين و تزيدين بالمعلومه و هي اوردي موجوده هذا انا اسميه تضييع وقت ولا شرايج مو بس وقت طاقات
يعني طاقتنه كلها قاعده تروح على حجي مكرر مو قاعدين نستفيد منه شي لانه اوردي موجود
و التكرار اذا زاد عن حده بصير ملل لانه بنقلب ضده
نفس الشي الصف الي تدشينه طالبات فاهمين و انتي قاعده تعيدين و تزيدين بمعلومه وحده طوووووول الاسبوع اخر شي بتلقينهم خلوج و يسولفون و لا يلونون و لا يقرون كتب ثانيه ليش لانهم ملو خلاص افهموا يبون شي يديد و ياكثر الاشياء اليديده و الاولى من شي مكرر
و على فكره هذي معلومه مهمه لج حطيها في بالج تكرار المعلومه اكثر من مره و هي اوردي انفهمت سلبيه لانه بتلتمس هشي مشؤولتج و موجهتج ببيحسون انه الطالبات ملوا
هي الحصه الوحده تعيدين فيها و تزيدين يملون فمابالك احنه الي 4 سنين نفس المعلومات و لمن تخرجنه و تعينه قاموا يعيدونها علينه
ترى صدقيني لو تبيني اسمع لج الحين اسمعلج كل الحجي الي نقال لانه عارفين و خابزين
و الا ليش سمونه تربويات
انا برايي هدوره مهمه حق الي مو تربويات و الوافدين
اما احنه ففاهمين السالفه و خابزين و دشينه الميدان و عارفين كلشي
اتمنى تكون وضحت الصوره لج
موكل شي اقوله اعنيج فيه حبيبتي اتمنى ماتسوئين فهمي
لاني جد جد احبج و احب مشاركاتج اليدايمن تثري المواضيع و مايهون علي تحطين في بالج شي غير صحيح
