~*~ تجمع خاص - دورة المعلمين الجدد سنه 2011- 2012 ~*~

[حلا الألماس]

بنات كل وحدة تقولنا حطوها بأي مدرسة؟؟

 

[fri2010]

ذكريات وناس حلو ان خلوكم تسون نموذج تحضير وتسلمونه لي اخر المحاضره

احنا عطنا مهله 5 دقايق نكتب على ورقه ونقول اللي سويناه

وللحين ما عطونا باقي اجزاء التحضير

وفي بنتين علموهم بمدارسهم بس اهم ابتدائي ومتوسط الثانوي للحين

 

[fri2010]

اول شي وين بنت حوا فقدتها اليوم ان شاء الله خير يارب

ونسيت اقول لكم بنات

شريت لي سبوره كبيره لوول ودورت على كتبي ملوت الثانويه

وطبقت اللي انشرح اليوم عليها

حدي متشوقه لمحاضره باجر لان ودي اعرف طريقة كتابه الحقائق

وشنو انشطه النمو والتقويم

والله يوفقنا جميعا يارب

 

[jewel]

بنااااات

اليوم صدموووني

احنا تخصص الاسلاميه ابتدائي
خريجات تربيه اساسيه معروفه ابتدائي
وبمباشره العمل حاطين المرحله ابتدائي
وبورقه التوقيع حاطين ابتدائي لتخصص الاسلاميه

اليوم دش الموجه الفني للاسلاميه
شقال ؟!
قال صدمه!!

قالو انتو كلكم يالابتدائي احتمال كبير٩٠٪ نحطكم ثانوي
واليوم بنوزع المدارس

على اي اساس ؟؟ احنا دارسين ع اساس ابتدائي
وطول عمرنا متهيئين للابتدائي
الحين فجأه خذوه فغلوه ثانويه !!

وليش يحطون بالتوقيع والمباشره ابتدائي
ليش جذي يصدمونا ويجذبون علينا

أنوار من صجج :eh_s(14):
حدم راهين أما ألي عندنا شي ثاني

كلنا كم بنت شوية حاطينا مع شباب وافدين أكثر منا تخيلي الواحد حتي ما يعرف يسأل
و كل شوي قاطعين عليه المحاضرة سوالف و لا يقول تعبتوا تطلعون يقولون لأ بطو جبدي

و على التوزيع إحنا يمكن اليوم الموجه يأكد لنا مراحلنا

 

[fri2010]

المحاضره اليوم عن اعداد درس بس ما اشرحو كل نقطه بالتفصيل اشلون يمكن مع التطبيق نعرف
وطبعا محاضره وايد مفيده ومعلومات أشكثر بس اللي ما حبيته ان اكثر من موجه وكل واحد له كلمه وتداخل بالكلام
وكل شوي يتحركون يدشون ويطلعون يعني تشتيت انتباه
الحين بريك وبعد شوي نسوي ورشه عمل عن التحضير

 

[( المـلاك )]

للي سألتني انتي تداومين بأي منطقة تعليمية ؟
اقولها انا بمبارك الكبير .

و للي سالت عن بنات حواء2
مافيها الا العافيه معاي اهي بالدورة واشوفها كل يوم
بس اهي متكيسله تدش المنتدى هاليومين حتى قالتلي اليوم
لا تحاتونها .

 

[( المـلاك )]

اليوم رابع يوم بالدورة ،،

و بلشنا 8 ونص بالضبط
و طلعنا 12 وربع بالضبط

اليوم المحاضره صدااااااااااااااااااااااااااااااااااااااااااع

الله يسلمكم اليوم محاضرتنا موجهه مصريه
ماقصرت حرام شرح وغيره وغيره
بس تدرون حجي المصريه غير الكويتيه
وااي كلام متواصل و ينعاد وايد و شرح مفصل
فتعبنا وخذت وقت وايد

واللي مخلينا نمل
شغله وحده ماكو غيرها

انه احنا تربويات
فـ هالحجي كللللللللللللللللللله عارفينه وسامعينه مليون مرة
والادهى من ذلك ههههه مطبقينه و معايشينه بالميداني
فعشان جذي قاعدين نتعب ونمل

يعني اليوم محاضرتنا عن التحضير من ناحيه الاهداف السلوكية
اللي اهم المعرفيه والوجدانيه والنفس حركية وغيره
وشرح تفصيييييييييييييييييييليي

واحنا طبعا هذا الشي درسناه بمقرر كامل بالكلية
و عطونا عليه دورة قبل الميداني
و وجهتنا الموجهه ببدايه الميداني
و عايشناه بالميداني كله
وطبقناه بدفتر تحضيرنا بالميداني كله

يعني شفتوا شكثر ؟
فتخيلو يقولونه اليوم بعد
واي راسي بس تعبت

صراحه انا من رايي
تكون الدورة لغير التربويات بس

احنا التربويات يكفينا يوم واحد
يكلمونا عن الامور الاداريه و ملخص لوضعنا وجم كلمة ترحيب و دعوه للتوفيق و النظام ومعلومات عن الاجازات
وبس يعطيهم العافيه

اما الاعاده مملة ياعالم والله ممله

اليوم حدنا دايخين
وكل شوي نسرح
حتى الموجهه تقول انتو سرحتوا مني ولا ايه ؟ هههههه
واحنا نقول لا لا وياج
واهي توهقنا وتسألنا
هههههه

بس هذا اللي صار اليوم .
والحين ويك اند
وباقيلنا 3 ايام ونخلص الدورة بس احد واثنين وثلاثا

والحمدلله على كل حال

 

[بنات حواء2]

قوه
وحشتوووووووني
والله ماقدر على فراقكم حبايبي انتو
اشلون الدوره انشالله تمام
و الله انا لهيت عن النت حتا اليوم قاعده اسولف حق الملاك اقولها طخيت عن المنتدا هليومين
بس انشالله اول مارجع من النادي بقعد و اسولف وياكم و اقرا ردودكم كلها انشالله

 

[سراب فوفو]

واااي الحمد الله أخيرا صار الخميس جسمي كلا يعورني من قعده الكراسي اليوم محاضره كانت حلوه طبعا شرح تفصيلي حق الاهداف السلوكيه صج كنا كلنا عارفيه بس حلو التكرار من بعد هل العطله اللي احس ناسيه كل شي هههههه *

 

[بنات حواء2]

واو ردودكم نايس حدها طافتني يبيلها قعده
ملوكه فديتج مو مخليه شي كتبتب كلشي و وفرتي علي كتابه
ههههههههههههههه
اما سالفت البوفيه اي و الله يوم طلعنه و شفنه الاكل استغربنه قلنه كل هذا متى مداهم ياطلون بدقيقه
ههههههههههههههههه
امبي حدنه فلم و الله
ويوهنه دايمن مصدومه
اما اليوم نمنه
نمنه الا ربع قرقه راسي قام يعورني راسي صار صندوق كرتون انتفخ علي
انا طلعت طايره بروح حق بنتي اليوم اول يوم حضانه
ماجيكتي علي دمعت عيني بالمحاضره اول مره اخليها بروحها و هي وايد متعلقه فينه
رحت لها حضانتها طليت عليها كانت قاعده بصف و ابجي و يسكتوني يقولولي لا تسوين جذي جدامها
ههههههههههه
و انا ابجي حبيبتي قالولي باجيه شوي و قلبي عورني عليها
دبدوبتي مو متعوده نخليها بس سكتوها بقصه ويوم دشيت شفتها شحلاتها ورده و الله
قاعده بين اليهال و خايفه عليهم يطيحون تمسكهم عشان لايطيحون لانها هي اكبر وحده بينهم لانه عشان يومين مارضوا يدخلونها الروضه حرام عليهم و الله
المهم هي مستانسه و مفتخره انها رايح سكول على قولتها بس انا عورت قلبي احسها خوافه رديه مو مالت جذي بطوطتي حبيبتي
بس احسن لها حرام الحين تقعد بالبيت و هي بهلعمر
هذا العمر مهم انها تتعلم فيه حرام يضيع هلوقت بلاشيء
بس هذا يومي بجي في بجي
مادري شقولكم بس خايفه عليها تهقون راح تستفيد و تاخذ علوضع
الله يخليها لي انشالله ودي اشوفها بجامعه
و تدرس حقوق عني لانه ابوها ماخلاني ادرس حقوق جان صرت محامية المنتدى
ههههههههههه
و بلاش بعد تستاهلون بنات ديرتي
انشالله اذا زنوب صارت تصير هي محاميتكم
فديتها زنوبه و الله

قرقت وايد عليكم ادري


بعد عمري الي اسئلوا عنهم و افتقدوني عساكم ماتفقدون غالي
و ثينكيو فراي فديتج على السؤال
و الله لهيت بدوره و صايره كسلانه بس انشالله راجعه بقوه و راح انزل لكم مواضيع مفيده و اقكار يديده
تستاهلون بنات ديرتي كل خير

 

[بنات حواء2]

ملوكه
جيكتي اليوم على تلفوني يتني الضحكه بغيت ابطها
جيكتي ريلي اشلون يصارخ تقول مكالمه من بغداد
ترى بغيت ابطها ضحك بس مسكت نفسي
فضحني فضحنييييييييي
ههههههههههه
واي مت ضحك

 

[صدقني@صعبه]

سلام بنات شلونكم شخباركم
لكم وحشه
اممم امس وزعونا كل تخصص بروحه واليوم محاضراته حدها جابت لي صدااااااااع مدري من هذرت الموجهين ولا عشان اني صايمه
واحس كلامهم كله مكرر ماراح يثبت بمخي اي شي لين اجرب واطبق
واليوم طلعونا س12 وقالوا من اليوم لغايه نهاية الدوره راح تطلعون س12
بس لين الحين قلبي يغلي على المدارس ابي اعرف باي مدرسه؟؟ اف اف اف زهقه ميت فكره وفكره براسي والمحاتاه مو طبيعيه

موفقيييييييييييييييييييييييييييييين

 

[Q8Buying]

سلام بنات شلونكم شخباركم
لكم وحشه
اممم امس وزعونا كل تخصص بروحه واليوم محاضراته حدها جابت لي صدااااااااع مدري من هذرت الموجهين ولا عشان اني صايمه
واحس كلامهم كله مكرر ماراح يثبت بمخي اي شي لين اجرب واطبق
واليوم طلعونا س12 وقالوا من اليوم لغايه نهاية الدوره راح تطلعون س12
بس لين الحين قلبي يغلي على المدارس ابي اعرف باي مدرسه؟؟ اف اف اف زهقه ميت فكره وفكره براسي والمحاتاه مو طبيعيه

موفقيييييييييييييييييييييييييييييين

حاولي تراجعين المنطقة أحسن لج !

اهما ما يقولون لنا مبجر .. عشان لحد يفكر يعترض .. على وين حاطينه ..

فروحي المنطقة توجيه تخصصج .. وسألي مثلاً السكرتيره


...

أنا أحتاج أعرف .. عشان أبدأ تحضير وأكوّن فكرة شلون بتعامل مع طلبتي وهالسوالف :eh_s(4):

وما بقى شي .. كلها 3 أيام اتوقع اليوم الاخير .. ما فيه كلام كثر ما بيعطونه المباشرة

 

[beauty rose]

قوووه بنااات

احنا اليوم سألونا شنو رغباتكم
و كتبنا ٣ اسماء مدارس نبيها
ان شاء الله يحطوني بوحده منهم

 

[fri2010]

يحليلج بنت حوا الله يخلي لج بنيتج وتشوفينها عروس يارب

وصح كلام المشرفه لا تخلينها تشوفج انج زعلانه او متضايقه

وحببيها بالحضانه والدراسه ترا الياهل اذا حب الدراسه يبدع في المستقبل

اما سالفه المحاماة ليش ما دخلتي كليه الحقوق؟



احنا البنات اللي تخصصاتهم متوسط وابتدائي عارفين مدارسهم من المنطقه

بس الثانوي للحين

واليوم استفدت من الدوره وايد وراح اقول لكم عن الافكار اللي استفدته واصور لكم صوره عن نموذج التحضير للاستفاده

 

[fri2010]

للرفع

 

[( المـلاك )]

موضوع الاعتصام يضحكني
والنغزات اللي وحده من العضوات قطتها علينا تموتني ضحك
عبالها ما جربنا الميداني ولا جربنا التدريس
ترى ندري بالوضع و بالهموم وبالمشاكل تماما
بس اني اوقف بالشمس واصارخ
والله قطوني مستشفى الميانين ابركلي
انا بنت ناس وعايله و فوق كل هذا ما اسمح بسوالف التخلف هذي
جني بديره فقر اطر اللقمه
:/

مادري ليش الناس بالمواضيع يحبون ينغزون عالاوادم والله عيب
ويقولون انهم تربويات

لا تعليق

 

[( المـلاك )]

ام زنوب

عسى الله يخليلج بنيتج وتشوفينها عروس وتفرحين فيها وتشوفين عيالها وعيال عيالها قولي امين

.



بنات شلونكم اليوم بدون دورة المعلمين الجدد هههههه
عن نفسي ما حاشني صداع
و نوم لي الظهر لوووول
وناطره على نار متى اخلص الدورة القرقيه يقطوني بالمدرسه
ودي اعرف شلون و شسوي ومنو و ليش وووو
اكيد بيكون عندي مليون استفهام على المدرسه والوضع والقسم وغيره

 

[Q8Buying]

وفجأة صار هدوء ! ..

شكلكم خذيتوا إجازة من المنتدى، مو بس من الدورة ! ..

الحمدلله على كل حال ..

وحمدلله على عطلة نهاية الأسبوع !

 

[بنات حواء2]

يحليلج بنت حوا الله يخلي لج بنيتج وتشوفينها عروس يارب

وصح كلام المشرفه لا تخلينها تشوفج انج زعلانه او متضايقه

وحببيها بالحضانه والدراسه ترا الياهل اذا حب الدراسه يبدع في المستقبل

اما سالفه المحاماة ليش ما دخلتي كليه الحقوق؟



احنا البنات اللي تخصصاتهم متوسط وابتدائي عارفين مدارسهم من المنطقه

بس الثانوي للحين

واليوم استفدت من الدوره وايد وراح اقول لكم عن الافكار اللي استفدته واصور لكم صوره عن نموذج التحضير للاستفاده

اهلين حبيبتي فراي والهل انا مهتمه بجانب انها تحب الحضانه و الحمدلله حببتها بالمدرسه و نجحت بهشي بس تعرفين قلب الام خاصه انها اول مره تفارقني
المحاماة الله يسلمج انا كنت ابي حقوق و معدلي يسمح بس ريلي مارضا فرحت اداب و ريلي اذاني قام يقولي طلعي و يتناجر وياي و ييني بالكليه يفتر وراي و يتلني من القاعه تخيلي حسيت اني تبهذلت وايد وياه فطلعت و رحت التربيه الاساسيه و الحمدلله اني ماضيعت وقت اكثر من اللازم و خلصت مبجر
هذا السبب الي خلاني مادش حقوق
ههههههههههههههه
بس الحمدلله انا مستمتعه بتدريس و هو مرهبتي الاولى بلا منافس و الف الحمدلله

ملوكه
حبيبتي يارب الله يسمع منج يالغاليه
اي الموضوع مالا العتصام قاهرني و المصيبه انه الاخت الي حاطه الموضوع من قبل غلطت على اخت اخوانها و اسلوبها كلش مو شي و انا خذيت موقف منها من ذاك اليوم اصلن ماعندها مواضيعع الا التشيش و الاعتصامات دامها مو حابه التدريس ليش داشته ختخلي مكان حق غيرها و لا البلبله كل يوم داشه بكلام فاضي ماعندها ما عند يدي ختستريح بس
ماقريت الردود بعدي مالي خلق ناس مليقه بس بدش بشوف شنو الي صاير
و لاتحرين عمرج حبيبتي خيشربون من ماي البحر
و الحجي ابلاش لاكن الفعل صعب

بس تصدقين انا و انتي نتفق بوايد شغلات سبحان الله


Q8Buying

اي و الله صاجه هدوء قاتل تقول راشين علينه بيف باف
هههههههههههههههههه
مو منه
من الاسبوع الي مر تدرين اول اسبوع من بعد عطله طويله اكيد تلقين كل وحده فينه متشرقده على الفراش مالها خلق الدنيا