تجمع خاص لمشتركات حملة نيولوك انثى... مناقشة اليوميات

[ماف راسها]

طالبة الحمدلله على سلامة اشتراكم :tek:


كتكوتة ياقلبي تعوذي من إبليس وخلي شعارك لا يأس مع الحياة ولا الخلطات

انسي الخلطة شوي ...خليها فوق الساعتين لحد ما تبرد بالكامل

وهي بادرة جيبي البتاعة الي نخلط فيها الكيك أو البيض ..الي باليد عرفتيها؟

أو ملعقة إذا ماعندك واخلطيها ( مو على النار )


واتركيها وشوفي إذا رجعت المواد تنفصل


إذا للحين سالة لاتزيدين زيوت ..زيدي فقطكريم ..اي كريم عندك حتى لو من ضمن اغراض الخلطة

ماتعدل الوضع

جيبي شمعة ذوبيها بروحها واضيفي على الخلطة ..لاترجعين تحطينها على النار

فقط حطي عليها الشمعة واخلطي

انتظري تبرد وشوفيها​

 

[كتكوته و اموره]

للاسف الخلطة افشلت

 

[كتكوته و اموره]

لا وردة التزمت بكل الخطوات و المقادير بس انا دايما جذي الخلطات تخترب على ايدي

 

[كتكوته و اموره]

ما راح اقطها بنطر لما تبرد و برد احوسها
ماف راسها بثت في قلبي الامل >>>>>>>>>>>>>>>>>>>>>>>>>>>>> اشوف mbc max واايد

 

[وردة سلفر]

اي كتكوته ماف راسها صاحبة فزعات فديتها .. شلونج ماف ؟

حنونه طالبه قصدها اشتراك الوصله مالتها هههههههههههه

 

[وردة سلفر]

وااااااااااااي العنونه لها وحششه مو طبيعيه .. طولت واايد علينا الله لايضرها ويبعد عنها الشر

 

[غ ـزل]

قووووووووووووووووه :eh_s(9):

مثاااااء الخوووووووووووووووووووور

شخبوووووووووووووووووووركم

شلووووووووووووووووووووونكم

سويت لي قناااااع من مخيخ مخي هااااااااع _03BA:


سويت لايدي ولاقدامي خوووووووووووووووووولطه خاااتيره :rerrerek:
حطيت *(( ليمون , بيكنج بودر , بيكربونات الصوديوم , نشـآ , ملح الحليب ))*

وعقب بغصطس رجيلاتي بالجاكوزي
وافركه بصابون مغربي
وارطبه وبث :eh_s(22):

ولوجهي مثل قناعي الاول ماغيره عجبتني نتيجته ولو ان ريحته يالهوي ياااه ياااه ياااه دا اي ده ده
حطيت *(( خميره , طحينيه , عسل ))*
ماعندي لاروب ولا لبنه فقلت ماراح اتعطل عااااااااااااااااتي

شعري وجسمي اليوم عنايتي خفيفه
بغسل شعري عادي واحط فوقه ماي الزعتر ببدي من النهارده
وجسمي بقى ههريه ملح حليب

الركب والاكواع هجلدهم بملح حليب وبعدين صابون مغربي
وفالاخر هحط اسكينول نشا وشويه بيكربونات الصوديوم ومرطب :eh_s(15):

اما الباشا :eh_s(20): المحترم الكتكوووووووووووووووت <<<<<<< قليل الادب
هنظفوووو النهارده وهاخد شويه بيكربونات الصوديوم وافركو شويه بقطنه
فالاخر امسحو باسكينول النشا

انا زهقت من الظلمه اللي انا عايشه فيها تعبت ياخواتي تعبت كفايه بقى :eh_s(11):
طلقني طلقني اهئ اهئ :lkmnkl:

امبيه لاااااااااااااااااا شفيني هههههههههههههههههه

شكراً لحسن المتابعه وفي الحلقه القادمه >>>>>>>>> قومي اطلعي براااا

هااااااااا شرااايكم

بووونيات تكفوووووووووون :gr4uu: اذا عندكم خلطه قويه للركب وللكتكوووت هاتوها
بس ابي شي مجرب ودماااااااااااااار بمفعوله دمار ايجابي طبعا

واللي عندها افكار حلوه للجاكوزي علمووووووووووووووني :eh_s(10):

..​

 

[ماف راسها]

كتكوتة لووووول متأثرة بقوة بالام بي سي

شوفي في اسوء الحالات ظلت الخلطة مثل ماهي

مومشكلة حبيبتي هي مو أكلة ولا طبخة

لاتقطينها ..كل ماتجين تستعملينها اخلطي العلبة كلها بالملعقة وخذي الجزء الي بتستعملينه


بعدين حدها رجل الي بتحطينها عليها مو وجهك ..جلد الرجل يتحمل التخاريف صدقيني لاتخافين

كلنا خلطنا وخبصنا .. لو تشوفين شكثر حارقة قدور في بيتنا من تخاريف الخلطات الي اشوفها في النت وطبعا لازم اجرب وألف من مخي واضيف شغلات

عمري مالتزم بالمكتوب لووووول




وردة سلفر وردتنا الحلوة.. شلونك ياقلبي وشلون رزرز ؟​

 

[غلآيُ]

^^
آميينِ يآ رب :33_1185028183:

،،

يآآه بنآت
من آلظهر وآنا آحآول بسآيت آلجامعه آبيه يفتح بشوف كشف آلدرجآَت
طلع توآَم كويتيآت بآلتعليقَ =$

 

[ماف راسها]

العنونة مكانها خااااااااااااااااااااالي

تعودت على تواجدها اليومي

الله يردها بالسلامة


اشتقت لكثير بنات ..الله يهون عليهم الاختبارات <--ولادة مو دراسة لووول​

 

[Megan Fox's~*]

مســــــــــــاء العناايه ~

 

[غلآيُ]

مسآً آلدلعِ ، ميغآَن

 

[ماف راسها]

غزل لوووووووووول دمك عسل ماشاء الله تبارك الرحمن


الجاكوزي بحط لكطريقتي ..حاجة حلوة خالص لووول

الركب مأساتي في الحياة ...فيه خلطة جابر القحطاني خذيتها من قمر دسمان للحين ما بديت استعملها


لكن أمس سويت خلطة خذتها من واحدة هندية تحلف فيها

المشقر حق ويلا الي بالأعشاب حق الشعر مع حليب بودرة وتحطين العجينة على الركب والأكواع 10 دقايق وتغسلينه

مرتين في الاسبوع

استعملته فقط امس ..ركبي انعم ...طبعا ما فتحت لكني مستبشرة فيهم خير​

 

[ماف راسها]

غلاي امس ترى علقت على الصبغة لكن المنتدى استنذل معاي


حلوة ماشاء الله ..اللون يهبل


لاتصبغين حرام إلا لو المناسبة مهمة علشان تنخطبين...قعدي عندي العجز مو تروحين مع البنات لوووول


ولو انخطبتي لا تنسين أختك الفقيرونة أنا في الدعاء





ميغان حياك الله ياقمرهم​

 

[eldalla3]

قوووووووووة بنات شلووونكم وصج عنونا مالها حس يارب تكووون بخير وردة حياتي راح اشتري مكونات خلطة ارام مع تعديلاتج واطبقها وبغيت اسئلج عن حزام الي بالكهربا بجم خذيتي وتنصحيني فية لان محتارة بينة وبين الثاني الي يكون نفس بلوزة علاق وفيها سحاب لان بستعملة مع خلطتج مالت الزنجبيل

 

[غلآيُ]

غلاي امس ترى علقت على الصبغة لكن المنتدى استنذل معاي
حلوة ماشاء الله ..اللون يهبل
لاتصبغين حرام إلا لو المناسبة مهمة علشان تنخطبين...قعدي عندي العجز مو تروحين مع البنات لوووول
ولو انخطبتي لا تنسين أختك الفقيرونة أنا في الدعاء
ميغان حياك الله ياقمرهم​

مآ عليه
وآنا بآصبغه لآن المنآسبآت الجايه كلهآ مهمهَ ،
آول شي بعد عشر آيآم عرس ولد عم آلمآمآَ ..
وبعده بثلآث آيآم مسآئيتهمِ
وبعده بيومين عرس بنت خآليٍ ~
وبعده بـ عشر آيآم عرس بنت عمي
وبعده بشهرين عرس بنت عم آلمآمآَ
مآ شاء الله ربي يتمم عليهم ويسعدهمِ ~

و ع سآلفه آلخطبه يختي مليت .. كل مآروح عرس آلخطابات يرآكضون ورآي ويآخذون آرقآمناَ :tongue22:
ولآ دقو ع آمي قآلت لهم آبيهآ تكمل درآستهاَ آول < شـ آبي بآلدرآسه يآ يمه تكفين بعرس هههههههههههههههه :lkmnkl:
بس مآ عليج بـ آترزز بهآلعرس .. وبصور فستآني وكلشِ

 

[ماف راسها]

كلها عروس مهمة ماشاء الله ربي يتمم لهم على خير

أجل اصبغي وتدهني ولوني كل شي فيك لووووول


الله يرزقك بالزوج الصالح المصلح ويرزق كل بنات المسلمين

على فكرة الوالدة صادقة في كلامها لاااازم تكملين دراستك

الزوج مهم صحيح لكن الشهادة سلاح للمستقبل

أحلى شي لو تنخطبين في آخر كورس والزواج في الصيف​

 

[غ ـزل]

ماااف راااااسها

فديتج بعد عمري >>>>>>>>>>> زين لقيت من يعبرني :eh_s(22):

اي والله تكفين علميني بالجاكوزي ولو عند شي للباشا مستر كتكوت هااااااااااااااتيه بعد


الدلع

ياولكم ياولكم يالف انهار ابيض مكشكش :eh_s(9):

منوره يالغاليه

يختي تعودت على صورتج بالفستان الاحمر

غلاااااااااااااااااااي

لاحقه عالعرس والمسؤوليه والهم

عيشي عيشي وخلصي دراااسه

اكبر غلط البنت تتزوج وهي تدرس بجد ماساااه يكسرون خاطري البنات يدرسون

وكروووووووووشهم شكبرها :eh_s(16):

ياربي انا موقادره اتحمل نفسي شلون هي حامل ومسؤوليه رجال وبيت وكتب

ياربي رباااااه :eh_s(2):

ورده سلفر شلووووووووووووووونج شخبارج شلونها رزروووووووووز :friends:


..​

 

[ماف راسها]

هذا حق الركب ولحظة أدور خلطة قمر دسمان مادري وين حفظتها​

حطيت على الركب والأكواع خلطة تبييض ..( مشقر مع حليب بودرة )

نفسه حق الشعر ( انتبهوا الي عندها منه حساسية لاتستعمله )

عبيت غطا علبة المشقر مرتين وخلطتهم مع حليب بودرة لحد ما صاروا عجينة

نظفت ركبي وأكواعي ونشفتهم

حطيت العجينة عليهم وتركتها عشر دقايق بالضبط

غسلتهم بماي دافي ..,نشفتهم

ودهنتهم بزيت لوز مر للترطيب

الخلطة هذي المفروض تستعمل مرتين في الأسبوع ..هذي أول مرة استعملها وبشوف النتيجة إن شاء الله


​

 

[eldalla3]

غ ـزل​

النووور نووورج حياااتي ودام عاجبتج الصورة الحين اردها لعيوونج :33_1185028183:​

​