اى والله طيرانهم يضحك والكراسي لازقين ببعض وعادى اللي جدامج ينزل الكرسي عليج مايقولون شي واذا كلمتي المضيفه تقول كيفهم اصلن تحسين لعبه مو طياره جربيها وبتشوفين انا هذا قبل خمس سنين مادرى عنهم الحين اتمنى تغيروا لان عيالي وياي مالنا خلق نركض
)
طيب شنو اغراض الجمعيه اللي خذيتيها والصيدليه شنو خذيتي منها
وعلى فكره انا سفرتي قبل خذيت جنطتين من ماليزيا وترستهم هدايا واغراض وارسلناهم بالشحن عن طريق شركه العربيه للسياحه موجودين بشارع العرب جمب كنتاكي اهم نفسهم اللي لهم موقع دليل العرب المسافرين لماليزيا الشركه العربيه وارسلوا جناطنا للكويت قبل سفرتنا بيوم ولما وصلنا لقينا اغراضنا بالمطار واستلمناها وناسه صج وهالمرة نفس الشي بنشتري ونرسلهم بالشحن عشان الوزن الزايد
مثل ماقلتي بالطيران الداخلي اخذي جنطه صغيرة وجناطكم الكبيره خلوها بالفندق اللي انتو فيه يحطونهم بالامانات
كولا انا ريلي خرد 500 دينار بالرنجت والباقي حولهم بالدولار عشان يصيرون شوي لان الرنجت وايد يصيرون واللي يشوفج عباله وايد معاج وترا ديري بالج بالشارع يسحبون الجنطه منج اللي علا سياكل فانتبهي لاتاخذين راحتج بالمشي
انا احب شارع العرب فيه ملوت المساج للرجل وناسه نوقف ونقعد ويسوون مساج ونطلع
بس بخاطري اجرب فيش سبا واخاف بصراحه من الامراض بحاول اشوف مكان نظيف بصن واي لاقون الفندق يمكن الاقي واذا جربت بارسلكم هني
شارع العرب فيه طربوش وفيه مطعم ايراني لذيذ بس كنتاكي لاتجربوونه مو حلو كلش ويلوع الجبد والمجمعات الكبيره فيها ماكدونلدز والفاست فود كلهم
ترا طريقه اللف حلوة للملافع اذا عندج لفيهم ومايتعفسون حيل حلوة
اى انا خذيت تلبيسه المخدة من هني بالكويت بصراحه اخاف مناك من اغراض الفنادق والله خذيت من ريد تاغ ست حبات بدينار خذيت لى ولعيالي على عدد الفنادق اللي بنروحلها يعني من نطلع نخليهم ما اخذهم وياي واضمن من الامراض جم مرة حذروا منهم
اخذي لج احسن واضمن
وشنو بعد خل اتذكر وباخذلي جنطه كروس احسن واسهل احط فيها تلفوناتي وبطل ماي وكاكاو والكامرة واخذي وياج شحن الاى فون الصغير اللى تشحنينه وينحط بالجنطه
