تجمع صيف ماليزيا 2012

[جمونه حبي]

اما جزيرة بنينج فهي روعه على الرغم من الرطوبه في اول يوم وصلنا فيه بس اليوم كلن الحو خيالي بارد وزخت علينا امطار خياليه وعواصف رعديه واسواقهم هم خطيره ما انصح بسوق اليل وايد مو حلو ولا المطاعم اللي عنده عربيه صح بس اي كلام رحنا اليوم حق القونزي بلازا خطير جدا من مطاعم معروفه والاكل نظيف ورخيص بعد عكس المطاعم اللي قدام الهوليدين اما فنزقي فهو باي فيو بصراحه فندق جيد وبوفيه الافطار وايد حلو ونظيف بعد اما فندقي جينتنج فكان فيرست وورد طبعا وايد واقي جدا حتى طريق الدخول والخروج للفندق كله بالكرت يعني ما لج شغل بالرسبشن كله تكنلوجيا

 

[جمونه حبي]

اسفه القريني بلازا

 

[جمونه حبي]

اللي يبي يتابعني بالصور خطوه خطوه دشي الانستفرام kha1975وتابعي صوري من الحدث مباشره

 

[كوكا كولا]

جمونه حبي

انا بضيفج الحين بالانستقرام

 

[جمونه حبي]

حياج

 

[No0ora_9]

قووة بنااات شلونكم

انا امس بالليل رديت من ماليزيا وونااااسة
صج ان ما قعدنا الا اسبوع و بكوالالمبور بعد بس صج صج استانسنا

>> بنااات الي بتشوف صور السفرة انا حاطتهم بالإنستقرام مع اني مو ذاك الزود بالتصوير
الي تبي اليوزر نيم تكلمني ع الخاص *

 

[كوكا كولا]

بـنـت الأصـاآيل

الحمدلله على السلامه أسبوع شويه حيل
انا أسبوعين وما شبعت منها واااااااايد حبيت ماليزيا وضاق خلقي لما صار وقت الرجوع للكويت

 

[قَلبڪْ صًخرْ]

بنات
شنو فيها لنكاوي
يعني تنصحوني وين اروح ؟
وشلون ارتب وضعي ؟
وشنو الفنادق ؟

انا حجزت كوالا 10 ايام ...
اذا بررروح لنكاوي ،، احجز طيران داخلي ؟

 

[كراميلو]

قلبك صخر

لنكاوي تجنننن وخيال
لنكاوي البساطه
لنكاوي الهدوء
لنكاوي روووعه
فلاتفوتيها
يكفيك تجلسي فيها ٣ايام

 

[كراميلو]

دريم ويب انا كنت ساكنه ف الشيوتون نظام الكوخ واايد حلوو
وجلسنا تلات ايام ووكان مطر وجوووورايق وحلو
وامس الساعه5وصلنا بيانج
وساكنين ف الفلامنقوو
ريحنا شويه وطلعنا شارع الباتوفرينجي تعشينا ووورجعنا الفندق

واليوم صحينا 9ونص نزلنا فطرنا ووطلعنا جوله ال جزيره القرود درحديقة الفراشات وومصنع الشاي. والقهوة والشوكليت ووورجعنا الفندق
بنريح كنا بنروح الهضبه بس القطار عطلان اليوم
وكمان امطار لك الحمدد ع هالجوووو،،
تحياتي للكل

 

[كوكا كولا]

قَلبڪْ صًخرْ

لنكاوي روووووووعه فعلا جزيرة الرومانسية الطبيعة خيااااااااال فيها

شوفي انا سفرتي 14 يوم وتوني راده لي أسبوع
قسمت سفرتي جذي
3 ليالي كوالالمبور
3 ليالي لنكاوي
6ليالي كوالالمبور

جناطنا الكبار خليناها بالفندق في الأمانات وخذينا 2 صغار ولأننا على طيران اير اسيا فلكل شخص مسموح 15 كيلو
انا جنطة وريلي جنطة كل واحد فيها 11 كيلو تقريبا ما خذينا وايد اغراض وهم السوق يعني مو ذاك الزود هناك
والسوق ترا بكوالالمبور وايد احلى نصيحة تسوقي من كوالالمبور انا ما شبعت من التسوق هناك لو نازل معاشي بعد جان حرقته كله هناك لووووووول

لنكاوي تهبل انا قعدت في منتجع بيلانقي بيتش بصراحة روعه شوي عليه والكوخ مالنا مقابل للبحر
لنكاوي الحلو فيها قرية اورينت فيها التلفريك وفيها مطاعم وقعدات حلوة
رحنا شلالات الآبار السبعه حلوه بس الصعدة لها وااااااااايد متعبه حيل
وحديقة الفواكة ونصب النسر وخذينا رحلة المانقروف نصيحة لا تفوتينها يطوفج نص عمرج إذا ما جربتيها روووووووووووعه شوي عليها
وراح تشوفينه ان شاء الله لما انزل تقريري المصور قريباً

وأي استفسارات كلنا موجودين فديتج

 

[كوكا كولا]

كراميلو

انا زوجي خيرني بين بينانق ولنكاوي واخترت لنكاوي
لأن حسيت ان بينانق كلها مباني ما تعطيك أحساس بجو الجزيرة نفس لنكاوي صح؟؟؟؟؟؟

انا وايد استمتعت في لنكاوي وراح اوريكم صور المنتجع في تقريري المصور ان شاء الله بس انزله

 

[ام نيوفي]

زين بنات انا ودي في ماليزيا
بس ما عندي الا اسبوع
او 10 ايام
وودي على لنكاوي و كوالمبوور
وودي اروح يوم لجنتينغ
بس احنا للحين ما حجزنا
ودي اخلي السفره االحين
بس ما ادري يمدينا نحجز او لا
​

 

[قَلبڪْ صًخرْ]

كولا مشكورة ياقلبي
واي حمستوني بسافر الحين
انا كوالا جايتها من قبل بس مارحت جزر
وهذا الي قهرني فتسوق بكوالا عارفته
رووووعه

 

[كراميلو]

امطاار متواصله في بيانج
انا جدولي موزع كان يومين ثلاث ايام ثلاث ايام خمس اايام

والجوو الان جونان من
الصباح وهو يمطر لحد الان وهو يمطرماشاءالله

 

[❞ Cleoραtrα ❝]

قبل يومين وصلت الحمدالله ,,

بس مشتاقه حق خطيبي =( ملجت وعقب اربع ايام سافرنا وبنطول شهر كامل

قلت بدخل اكتبلكم شوي لوول تونا كنا برع والجو مططططر وبراااد وناسه لعبنا بالماي

وجي كل العالم ماسكين مظلآت ^_^ واول امس نزل مطرر

اليوم رحنا افاموسآ بس الصراحه ماتسسوى تعب وشويه حرر + زحمممه ,,

بحطلكم صوره توهآ فريييشش ,,

 

[دريم ويب]

لنكاووووي
فيها مدينه ترفيهيه??

 

[الله يخليهم لي]

واااااااي بنات حمستوووني انا باجر انشالله سفرتي

 

[كوكا كولا]

دريم ويب

مادري والله بس ما ضنتي
الي اعرفه في جنتنق هايلاند بس
بس لنكاوي تقدرين تقولين عنها جزيرة الرومانسية والطبيعة الخلابة وللريلاكس والانتعاش
انا وايد حبيت لنكاوي

 

[كوكا كولا]

الله يخليهم لي

تروحين وتردين بالسلامه
الله يسهل دربكم عاد استمتعي انا اليوم اقول حق ريلي واااااايد حبيت ماليزيا واشتقت لها
مع انه توني راده ما صارلي اسبوع بس وايد حبيتها وتعلقت فيها خاصة لنكاوي وخذيت من لنكاوي تذكار
أصداف وقواقع من بحرها وراح تشوفونها بتقريري المصور بإذن الله قريب