السلام عليكم
اشلونكم بنات شخباركم
انا اشتركت معاكم بالتجمع وانا قليل اني اكتب لكم فيه بس ادخل واقرا مشاركاتكم واتشجع
بس حبيت اقولكم بعض النصائح اللي امشي عليها مع دكتوري يوسف بوعباس
1- استعينوا بقضاء حوائجكم بالصبر والكتمان
احنا مشكلتنا ان لي رحنا لدكتور والا اشتركنا بنادي لازم القريب والبعيد يعرف في احيانا يكون لج زميله او زوجه اخو او حما ة وساعاه ازواج نوعيتهم يحبط وماعنده سالفه غير التعليق لذلك انا انصحكم خواتي لا تقولون لاي احد انكم مسوين رجيم لين تنزلون على الاقل نص الوزن الزائد عندكم ولى احد سالكم ضعفانين قولوا والله هالبدله تونس مضعفتنى والا الله يسمع منج ميخالف ( كذب ابيض )
2 - ابتعدوا عن جميع المشروبات النسكافيه والموكا والكابتشينو اللي يصيرون مغلفين خصوصا 3 في 1 نسبه الدسم والسكر فيه عاليه
3- لما تحسين بالجوع لاتحرمين نفسج اكلى فاكهه او خيار او خس او شريحه توست مع جبن او قطعه جبن خاليه الدسم
4 وجبه الافطار ضروريه جدا لايجب اهمالها
5 التوقف عن الاكل قبل النوم بمده لاتقل عن 4 الى 5 سااعات
6 رجيم من غير مشي مثل اللي يسوى شاي من غير ماي
لازم مجهود بتقولون ماعندنا وقت حطي لج سي دي اغاني مثل دجي العروس وقعدي رقصي نص ساعه ا و ساعه شوفي اشلون بتشرين من العرق اسفه لهذا التعبير بس اقصد انج راح تبذلين مجهود
7 تبون تفقدون كيلوات اكثر ركزوا على التونه حتى لو تاكلون علبه غدا وعلبه عشا مع سلطه ترا تغث وتشبع وسعراتها قليله
وانشالله كل زياره للدكتور راح اقول لكم النصائح اللي قالها لي
اسفه انى طولت عليكم
وعليكم السلامالسلام عليكم
صباح الخير شلونكم صبايا
وزني غرز مو راضي ينزل
انزين بو عباس هذا مو كله اكل بروتيني ؟ وبس ؟؟
