تجمع : )) عشان نفسي قررت أغير نفسي ((

[esTanosh]

الله يسللللللمج ايمان

 

[استثنائيه]

حبيبتي اكيد لان جسمج مو متعود على الحرمان او النقص وصدقيني دايما في بداية اي ريجيم تحسين بضيقه وصداع ودوخه ونفسيه خايسه بس صبري جم يوم وراح تتعدل لان اذا صرتي جذي عمرج ماراح تنحفين كل مافقدتي جم غرام جسمج ارسل اشارات عصبيه وخلاج تردين الدبل مرتين ولاتنسوون بنات مافي شئ يجي بالساهل

اي والله عاشقه انا بدايه الرجيم وزني يصعد وااللي يشوفني يقول متنانه

بس بعد فتره اضعف حيل

لان الاكل القديم اشتغلت طاقته وصار يعوض جسمي عن الايام االي ماكل فيها

ولما ينتهي عمليه الامداد :eh_s(15): << معسكر مو جسم

يبدا وزني ينزل فجاه

 

[مـ..ـ‘َِـيآوَِّ]

esTanosh

مشكوره حبيبتي على نصائحج الحلوه لا تحرمينا منها

محكومه

لا يضيق صدرج احنا وياج لين توصلين للوزن اللي تبينه احنا اتفقنا على هالشي ولازم لازم نشجع بعض

وما حصل الا كل خير وان شاء الله هالاسبوع راح تنزلين وراح تستانسين هالنتائج اللي كتبتها اليوم هذي خلاص صارت ماضي

الحين احنا نبي نتائج جديده اوكي يا عسولات ولا تزعلين حبيبتي

 

[عاشقهH]

بناااااات بلييز لاتنسووون
1)روحو الصيدليه واخذو فتيامنيات للشعر والبشره والاظافر
2)بنات مو بس بتضعفون هم بنتغير يعني اللي تبي تسمر اللي تبي تفتح مو نهتم بشكل الجسم يعني نكون حلوااااات بكل شئ
3)بنات اكيد الكل يصلي لووووول امزح اقصد بنات ترى الواحد مو عيب انه يدعي انه ينحف والله انا احيانا اتصدق عشان اني اضعف وارد مثل اول واحرق العواذل لوووول
بنت احنا بنتغير يعني بشكل كلي مضمون وشكل انا منظمه جدولي ريجيم مع المحافظة على الصلاة بوقتها والدعاء تخيلو كل يوم اصحى ادق على 104 اعرف موعد الاذان واحدد بتلفيوني بعدها منبه يعني بالفتره اللي بين الاقامه والاذان وادعي وانا عندي كشكول مالي دوامي مسجله الدعاء كامل تخيلو كل شئ عشان ماانسى شنو ابي ولا وكتابه الاستفتاح والخاتمه وصج تعبانه وغير اني لازم يوميا اتصدق واشتغفر وبنت لاتنسون رقو عمركم يوميا والله احيانا الواحد ينحسد على كيلو واحد فقده والاستغفار بنت عشان تتسهل الامور علينا ونحس براحه بدل هالضغط اللي نحسها وصدقيني صبرو وراح تشوفون النتائج ترى ونااسه الوحده تخطط شراح تسوي يوميا حتى لم اقعد لحالي احس اني انجزت شئ
ولاتنسون تهتمون ببشرتكم بالكريمات والمرطبات وشعركم بالزيت والسدر والحنه<<<اللي ماتبي تصبغ
يله بايو​

​

 

[عاشقهH]

قوه بنات انا بنزل لكم موضوع حل عاجبني وان شاء الله بجربه بس الصج بعد اسلوع بجربه

قراءه ممتعه



السلام عليكم ورحمة الله وبركاته


بنات اكيد فيه احد منكم سمع اويعرف عن او جرب طريقة ال Detoxificatio اللي هي تنقية الجسم من السموم





انا عن نفسي من فترة كان بخاطري اسوي ال Detoxification اللي هو تنقية الجسم من السموم والمخلفات ولكن لأنه يبي له قوة اراده وتصميم من الصميم كل مره اقول لأ الشهر الياي وكل مره وانا على هالحال وتمر الأيام والشهور والسنوات بس من يومين قريت عنه بالأنترنت وياتني قوة إرادة وعزيمه اني اسويها وبكل اصرار وبدون تردد


طبعا فيه اكثر من طريقة اذكر لكم بعضها:

1.استخدام حبوب لتنقية الجسم وانا ما اايدها لأن دايما احب الأشياء الطبيعية





2. وفية طريقة التنقية عن طريق غسل الأمعاء وتتم عن طريق طبيب متخصص





3. الصوم وماادراك مالصوم وكلنا نعرف فوايد الصوم للجسم بس الصوم على السنة النبوية مو صيام هالأيام





4.وطريقة استخدام الفواكة والخضار والأعشاب وهاي الطريقة اللي انا اايدها واشجعها بقوة

وبالنسبة للطريقة اللي تعتمد على الفواكة والخضار والأعشاب ممكن تكون كالتالي:

فيه طريقة اليوم الواحد وطريقة اليومين وفيه طريقة الأسبوع
وكل وحده حسب قوة تحملج وقدرتها على الأستمرار




5. اليوجا وكلنا يعرف اهمية اليوجا لصحة الجسم بصفة عامة وللتنفس بصفة خاصة





6. السبا وغسيل الرجل الأيوني كلها طرق لطرد السموم من الجسم





انا لي صديقة بلندن متعوده تسوي juice fasting detoxification
وهي انها بيومين تشرب عصير برتقال طازج وكمية كبيرة من الماء وباقي الأسبوع تاكل خفيف معتمدة على الفواكة والخضار




وهالطريقة تسويها اكثر من مرة بالسنة وما تتخيلون شنو الأحساس بالصحة والراحة النفسية الجسدية اللي تحس فيها تقول احس بصفاء روحي وذهني رهيييييييب


طريقة اليوم الواحد جدا سهلة وعاديه والكل يقدر يسوسها بالأضافة انها تساعدج على الدخول بعالم الرجيم وبكل قوة وتحدي

وانا اخترت طريقة كانت وحده اعرفها الله يجزيها خير مجربتها وماخذتها من طبيب سعودي بجده

تقول والله بعد يومين بس حسيت جسمي خفيف ومرتاحه والنفس عندي مريح وهي استمرت عليها اسبوع

والدكتور قالها الأفضل كل 3 اشهر تسوينها يعني 4 مرات بالسنه

وكلنا محتاجين نسوي تنقية لأجسامنا من السموم لأن الجسم يتعرض للكثير من الملوثات بالأكل والماي والهوا اللي نتننفسه

اطعمتنا الحين تحتوي على المواد الحافظة والألوان الجذابه والنكهات الصناعية واضافات كثيرة مضرة بالصحة العامه وكذلك مياة الشرب ماتخلو من المواد الضارة والهوا يحتوي على الملوثات والكيماويات وعوادم السيارات


المهم ماابي اطول عليكم انا قلت بابدأ تنقية جسمي بنهاية الأسبوع افضل لأني احتاج اني اكون بالبيت مو بالدوام لأن مااراح يكون عندي طاقة كبيرة لبذل مجهود

وفعلا بديت من امس

وكانت طريقتي كالتالي:

يومين عنب احمر اواخضر مع اللب لأن الدكتور يقول اللب مهم وشرب ماي طول اليوم



وباقي ايام الاسبوع فواكه وخضار ماعدا( المنجا والموز والبرتقال والبطاطس والسبانخ والطماط) غير مسموح فيهم

انا امس بديت بأكل عنب اخضر لأني افضله اكثر من الأحمر وماي تقريبا 10-12 كاسات

ومشكلتي الوحيده امس ماكانت الجوع بس عانيت من الصداع صابني بعد المغرب

اليوم بديت نفس الشي بس ماعاد قدرت بعد صلاة العصر اخذت <<نسكافيه مع حليب قليل الدسم وكوفي ميت لايت>> (وهذا واحد من السموم) مع كورن فليكس فتنس وسبحان الله راح الصداع
لأني فعلا ماقدرت اتحمل الصداع وخصوصا وقت السجود وانا اصلي

ومع ذلك ماراح اخرب باقي اليوم باكمل وباستمر بأذن الله لأني والله فقدت اكثثر من كيلو من امس لليوم وبان علي حتى باللبس واسأل مجرب

واللي حابه تتنقي جسمها وتطرد السموم انا ممكن اعطيكم طريقتي وباقي الطرق لتنقية الجسم وممكن مثل ماقلت لج تسوينه يوم او يومين او اسبوع


والأهم اضمني انج راح تقطين جم كيلو فوق انج تنظفين جسمج





لا تسنون الماااااااااااااااااي اهم عامل لطرد السموم من الجسم​

:flower:

 

[مـ..ـ‘َِـيآوَِّ]

اي والله صاجه يا عاشقه انا اليوم رحت الصيدليه اشتريت ب13 دينار فتامين لشعري لانه حده قاعد يتساقط

ما ادري من ولدي علشان الرضاعه بطلتها ولا علشان الرجيم المهم رحت واخذت فيتامينات واليوم بدأت فيها

وانتو بعد يا بنات انتبهو لروحكم مثل ما قالت عاشقه

 

[kuwaitya-frawla]

جك جك جك وناسه حاسه نفسي خفيفه هههههههههههههههههههههههههههههههه



صايره اتحرك اكثر بالبيت تصدقون؟ماكنت جذي اول كله قاعده



المعدة فضت وقمنا نتحرك لووووووووول

 

[eman12]

انا بعد شعري قاعد يتساقط وبشرتى محتقنه مع انى بامومه وماطلع الصبح بالشمس بس احس صايره زرقا مو سمره اتوقع تغير الهرمونات

 

[استثنائيه]

جك جك جك وناسه حاسه نفسي خفيفه هههههههههههههههههههههههههههههههه



صايره اتحرك اكثر بالبيت تصدقون؟ماكنت جذي اول كله قاعده



المعدة فضت وقمنا نتحرك لووووووووول

ههههههههههههههههههههههههههههههههههه

اي والله صاجه

تحسن انج رشيقه لان ماكو شي بالمعده :eh_s(15):

 

[استثنائيه]

تسلمين عاشقه

كلامج يثلج الصدر

ويشوق الواحد ع الرجيم

 

[simple.girly]

السلام عليكم ...
مساء اللخير
محكومة لا يضيق خلقج وعليج بالعافية العشى
استثنائية اكلي كتكو اشدعوة اتفو عتد الله سعة

وصحة لا تتركون العشى مع اذان العشى تعشوا تمر ولبن فاكهه .. وبعدين خلاص ...
انشاء الله اقدر انا اسوي جذي بعد

 

[simple.girly]

لوووووووووووووول صح عاشقة ما فيها شي . الدعاء بالعكس شيئ زين وعسى الله يضعفنا بالصحة والعافية ... وخليه اجسامنا مشدودة لوووووووول
وندعي نبي حساب مفتوح بالحلال لوووووووووول )

ايه اي وحدة تستخجدم كريمات او صالون او اي شئ اتقول علشان واحنا نضعف نلهي عمرنا بجسمنا ونضرب عصفورين بحجر الضعف والبشرة

 

[simple.girly]

طلبت حق بيتنا ...
تخيلو انا اللي طالبة بيتزا ببروني ومارغريت -خضر- وبيتزا شيز بيرغر
ومراح اكل الله يستر بسترة ان شاء الله ما اكل

 

[kuwaitya-frawla]

<<<تشرب حليب و تمر و تخزكم بصمت @@

 

[عاشقهH]

فرواله والله اول ماقريت ردج طالعت اختي لقيتها تشرب حالي كي دي دي خالي الدسم مع تمر لوووول...

 

[simple.girly]

ممممممممممممممممممممممممممممممممممممممم
كليت البيتزا ما قاومتها اكلت 3 قطع بس
بس عادي تدرون ليش هذي غداي وعشاي

 

[ba6re8a]

هاي بنات شلونكم

 

[simple.girly]

الحمد الله زينيين بس النت وايد بطئ

 

[استثنائيه]

هاي بنات شلونكم

هلا وغلا بطريقه

شخبارج؟؟

 

[ba6re8a]

بنات شكلي بشترك بدايت كير او سنتر
مادري


شرايكم في احد ضعف عليييييه؟؟؟