تجمع قروب(والله وتحقق منايا) لمده 3 اشهر من 90 الى 70 كيلوو

[رسَــيــل]

هلا بحبيبات ألبي


تقريري اليووم

الريوق
توستتين بجبن لايت بنتفه زعتر + حليب قليل الدسم بقفشة نسكافيه

سناك
مارس ميني .. ما صورته لأني كنت طالعه


الغدا
بيضتين + فطر بجبن وشطه .. ونص خبزة ما كملتها + دايت بيبسي

سناك
كافي لاتيه + كنت ناويه على هالكاااكااوتين بس كليت وحده .. وقلت بس

عشا
مابي .. أحس مو جوعانه .. كلش كلش بخلي عشاااي روب قليل الدسم ..



الرياضه
مشيييت بالممشى ساااعه .. وعسى الله يثبتني ...

 

[خشف الرعآبيب]

مرررررررررررررررررررررررررحبااااااااااااا:ggdw:







هذي التمارين وصلتني بالايميل و عجبوووووووووووووووووووووووني حدهم _03BA:



اول شي عشر مرات

عشر مرات

عشرين مرة

خمسيييين مرة

عشرين مرة

عشرين مرة

عشرين مرة

عشرين مرة

عشرين مرة

يقولج تسوين هالتمارين يوميا مع التخفيف بالاكل و شوفي النتايج :ggdw:

للتشجيع فقط لا غير ​

:ggdw::ggdw:

منقوووول من موضووع الاخت أحلى حياه​

 

[manarah]

المنتدى حدث ولا حرج .. وااااااايد عندي اسئله بس والله ما اقدر الحين على ما اكتبها والرد يطلع والا ما يطلع الا صاير الفير ... تصبحون على خير

 

[shams2008]

هاي يارشيقات


رحت الممشي

اكلت تفاحه

بعدين رحت عند صديقتي اكلت حبيتين تمر مع قهوه

جم حبه مكسرات وشاي


ماتعشيت يوعانه حدي

 

[جنان2006]

حلوووومة

عليج بألف عافية ان شاءالله


رسيل

عليج بألف عافية ان شاءالله
وعساج عالقوة



خشوفه

تسلمين يالغالية عالتمارين ماقصرتي عالنقل


منوره

أي والله صاجة المنتدى يغث
وانتي من أهل الخير يالغالية

 

[خشف الرعآبيب]

باااااااااااااك يااحلى صبايا :tek:

انا الحمدلله مشيت 40 دقيقه بالتمام والكمال خذيت الممشى روحه ورده :ggdw:

الحمدلله حركت جسمي

عاد قبلها رحت مع خواني على الساعه 4ونص يوم البحار

طبعا حدث ولا حرج بس الحمدلله الاشياء اللي أكلتها على شويه شويه :eh_s(1):

يعني عن خاطري عرفتووو شلون بس خلاص ماراح اتعشى

بعد ساعه من رديت رحت الممشى وبعده شربت عصير جريب فروت وبس

والحين قاعده افكر اسويلي جاي اخضر لان شوي وبنام وبس

ودمتم سالمييييييييييين ​

 

[رسَــيــل]

بنااات المنتدى بطيء .. ومو قاادرة اركز ..

تصبحوووووووون على خييييير .. اشوووفكم من بعد ما ارد من الدوااااام باجر ان شاء الله ...




.
.
.

 

[جنان2006]

شمس


عليج بألف عافية ان شاءالله وتعشي عشا خفيف


خشووووف


عساج عالقوة ويعطيج العافية وعليكم بألف عافية الطلعه

 

[جنان2006]

رسيل


وانتي من أهل الخير ياقلبي ونوم العوافي ان شاءالله

 

[خشف الرعآبيب]

تصبحوووون ع خييير

المنتدى رفع ضغطي

اشوفكم باجر الصبح ان شاءالله

فديتكم كلكم وحده وحده

 

[<miss botamba>]

مارديتو علي شيطلع قشر البن وحق شنو؟؟

 

[جنان2006]

تصبحون على ألف خير

المنتدى يضيق الخلق

 

[جنان2006]

مس

والله ماعندي فكرة عنه

 

[كماشه]

صباحكم عسل وقشطه لاحلى قروووب


حبايبي اسمحوا لي امس ما دخلت لانه تدرون رجعت من الحفله والله تعبانه



لو اقولكم شنو قالوا عني اهلناا بالحفله تدرون لاني ما طلعت من بعد 3 اشهر والله الكل انبهر والكل يقولي ماشاء الله لوك جديد وحماتي تقولي والله صايره تهبلين بس ما حبينا نقولج مرت حماي مسكينه جايه ركض تقولي اقري على نفسج البنات يقولون شلون ضعفت




والله امس كنت لابسه بدله ورديه وصايره بيبي والحمدلله اليوم رحت لمرت اخوي امس مااحضرت تقولي الكل يتكلم عنج واخواتي يقولون ارقي نفسج



الحمدلله انه جسمي طلع روووووووووعه تبارك الرحمن ولله الحمد والله يحفظني من العين يارب

وين كانت حفلتكم انا بعد رحت لحفله يمكن تكون نفس الحفله ماشاء الله عليج الناس مايعطون خير ارقي نفسج

 

[كماشه]

اليومين الي راحو كنت عند اهلي اكل من اكلهم بس مخففه وامشي نص ساعه

 

[سماء الحسين]

السلام عليكم..

العصر أكلت روب قليل الدسم قطعت فيه شرائح فراولة و شربت عصير صبار وخيارتين..

المغرب تعشيت بكباب لحم مع نصف خبزة وخضروات ورقية و سمبوستين.. أكلت حبتين بفك كتغيير.. أحس في شغلات استجدت علي وما حبيت وجودها بتقريري اليومي لكن بكرة أحلى و أحسن إن شاء الله

بعدين شربت شوربة دجاج بالشوفان و خيارتين وفراولة :$


حالياً شاي أخضر و راح أتمرن بعد شوي إن شاء الله..

tomorrow is a better day Inshallah:eh_s:

 

[أحلى عيون]

مرحبا على الكل شخباركم


اليوم كنت معزومه عند مرت اخوي وتقولي الكل يتكلم عنج بيوم الحفله هههههههههههههههههه



كماشه انا من سكان المنطقه الرابعه والحفله لملجت حماي وبنت عمي وكانت بالقفيدي بالفردوس



يومي كان حافل عند مرت اخوي طحناله رقص ورياضه والله وناسه

 

[اللولو84]

صباااااااااااااااح الخيرررر

انا شربت نسكافيه

وغداي بيكون دجاج مشوي

والعشا بيكون روب قليل الدسم

وبمشي العصر ساعه


احلى عيييييون
الله يحفظج ان شاء الله من عيونهم

 

[manarah]

السلام عليكم ...
شخباركم بنات انشالله كلكم بخير :tek:

الحين انا احتسي النسكافيه وبسولف وياكم

بنك انجينير ما تشوف شر ابنيتج انشالله وهالأيام وقت مرض لليهال الله يحفظهم .

أحلى عيون ماشالله وتبارك الرحمن والضعف حلو والله يتمم عليج انشالله وتوصلين للي تبينه وتثبتين للناس انج قدها وقدود بس بسألج انا اللي عرفته ان هذا مو أول تجمع لج ميخالف اعرف نزولج جم كان وخلال جم شهر ؟ واذا ما تبين تجاوبين ترى عادي ما ازعل .

أم عفاف قشر الرمان هذا نشربه والا شنو .. انطر تجربتج

الحالمه رجيم التفاح مدته اسبوع كامل بس تفاح اخضر ؟؟ والمشاريب عادي بس شاي وقهوه ؟ واعتقد لما هديتيه وزنج ثبت لان اهو اصلا رجيم قاسي وينزلج نزله سريعه وقويه فالجسم يبيله فتره يتأقلم على الاكل العادي وحتى لو كان الاكل خفيف بس هم ما يكون بمستوى التفاح الاخضر .

سماء الحسين مشكوره عالموقع وقاعده احوس فيه

خشف ماعندي شي اقوله لج غير انج تهبلييين وسوالفج اتونس .. جم عمرج ؟

 

[manarah]

بنااااااااات الشعار مو قاعد يطلع لييييش