تجمع قروب passion لرجيم اتكنز المرحله (1)

[passion.666]

السلام عليكم ورحمة الله وبركاته*
هلا اتكنزيات شلونكم*
ام انوسة ورنود يرحم والديج لا تاخذين حبوووب نصيحة لا ملينة ولا شي*
شربي يوم زعتر يوم زنجبيل يو شاي ونعناع وان شاء الله تتلينين*
هلا هلا بالطشوالرش هلا بحماتي نورتي البحرين لووول شخبارج*

ممم عشاي لحم مال المجبوس وللاسف ما كليت المجبوس عاد مال بيتعمي عجيب*
وتالي مشسيت مع عمي وبنات عمتي وعمي بالحديقة *
ومعانا اعيال بنات عمتيالصغار الجو عجيب *والحينرديت البيت قلت بكلمكم قبل لا ابدل شتبون بعد

هلا وغلا ياقلبي فيديتج
شنو تبين من البحرين امري ؟
شوفي يوم الاثنين ابي اشوف جم كيلو نزلتي ؟
عسى الله مايضع تعبج ولاتعب البنات اللي يسوون رجيم يارب ياكريم

 

[dantella]

احس بتوتر من يوم القياس جنه يوم امتحان

 

[dantella]

ام انوسه لاتهملين الماي تراه ملين طبيعي

 

[simple.girly]

*باشن حبيبتي سلامتج
ممم ما ابي اضعف بالشهر 10 كيلو *ودي 6 *كيلو بالشهر يعني معدل كل 10 ايام كيلوين يا سلام سلم*
واي في النوم ويوعانة ومااقدر انام ونا يوعانة بس ماودي اكل وانام خفيفة*

 

[simple.girly]

الللللله يعني يومالثلاثة اووووف وناسة اشوة مع مبارة الكويت ولبنان الله ولهت على الككاو *باشن وجبة اوف واليوم كله اوف ؟.

 

[Jnaaaat]

السلام عليكم

شلووونكم بنااات مثل ماتعرفون اليووم زواره والكل طالع وما صورت شي ادري عودكم اني اصور بس قعدت متاخر وتريقت بيض وماتغديت ورحت الزواره حاطين حلو والاكل الحمدلله مامديت ايديني علي الا قهوه فنيال واحد بس فقط لاغير غثيييتهم قاعدين يسون لي اغراءات مارديت عليهم ابدا وتعشيت مشويات. مع شوية حمص الا الحمص ممنوع ؟؟؟؟؟؟؟؟


واللحين ان شااء الله بمشي قد ما اقدر واسوي رياضه الزنووووود انا زنووودي وايد كبيره اكبر شي فيني الحمدالله عالعافيه بس شنو تنصحوني اسوي فيها تدرون اني فكرت اسويلهااا شفط بس خااايفه ان شاااااء هالرجيم ينفع قووولووو امين

بنات انا وزني بالغصب ينزل اقدر اخفف الاكل اللي اكله
شكلي من باجر بخفف كميه الاكل

 

[simple.girly]

هلا دانتيلا *ايوا اليوم احنا ساهر الليل * *دانتيلا احس فشلة اذا مو )نازلين عدل ان شاء الله نبيضها *) * *

 

[Jnaaaat]

الللللله يعني يومالثلاثة اووووف وناسة اشوة مع مبارة الكويت ولبنان الله ولهت على الككاو *باشن وجبة اوف واليوم كله اوف ؟.

صج والله اوووف منو قال وليش ابي برد لولووو حدي مشتهيته

 

[simple.girly]

وعليكم السلام ورحمة الله وبركاته *
هلا جنات شخبارج وبالعافية ان شاء الله اذا مو ماكله جبن عادي حمص بس شويه
ممم لالازيديالحركة احسن وقللي بالعشا*

 

[simple.girly]

جنات عقب الميزان لازم انكافا انفسنا عدل باشن طبعا في حال اذا نازلين*

 

[dantella]

خخخخخ سمبلي اول مابلشت كان وزني ٨٤ واليوم قسته صار ٨١ مع الخربطه
بس تهقين لي يوم الثلاثا جم راح انزل؟ تهقين راح يوقف؟

 

[dantella]

امبيه من كثر موقاعده افكر طارت النومه

 

[dantella]

كله من الحمام بالفريك اهو السبب اهو اهو والمصري الي يابه

 

[Jnaaaat]

انا من باجر ان شاااااااء الله بخفف اكل ماراح اكل خضره ولا جبن بخليه بروتين لمده يومين يعني بيض والغدا دياي والعشا تونه
شرايكم جذيه عااادي

 

[LadY BuG 80]

هااااااااااااااي جيرلززززززززز


انا طبعا مو مشتركه معاكم بس بما انو بشونه قالت عادي اسدح يومي بغثث عليكم

ما انعطي ويه . انا حطيته في تجمعي بس هم بسدحه هنا







اكلاتي اليوم



شربت 2 كوب ماء على اريق



2 بيض سكرامبلد و تقريبا اكلت بيضه و نص و الباقي تصادر لاني انغثيت

حطيت فواكه اشجع نفسي شوي بما انو ما احب الفواكه و لمن اشوفهم احمد ربي اني اكل بيض

الغدا ربع فرخه شوايه قصصتها و سويتها شورما و بسدح لكم اطريقه بصور لانها فعلا نفس المذاق لشورما المطاعم

ما كملت اصحن شبعت و رجتع له بعد 3 ساعات و لحسته كله

العشا رحت بيت اخوي و العشا كان رز و لحم .

مرت اخوي تعرف رجيمي و حطتلي هبره مع مرقتها

( طبعا مرق شفاف مافيه اي صلصه نفس شربت ماجي )

و ما صورت بس كان رووووعه

و الحمدلله و احس اليوم خصري ارشق ​

 

[LadY BuG 80]

بسم الله

جبت لكم صور من ورشت العمل



و هاذي طريقتي المعتمده لشورما و لمن اسوي ايام البروتين و امل من ادجاج المحمر

اسويها اكسر نكهت ادجاج و افضل من الشورما الجاهزه كلها دهن و يحطون ادجاجه كامله بجلدها و شحمها و اذا اكلت من الجاهز وزني يزيد و انا على اتكنز غير انه اتعب من ادهن

يلله انطلقنا

اول شي لبست ثياب العمل

و هاذي
نص دجاجه شوايه

نتفتها تنتيفا مبرحا

قصصتها و جهزت كل الي احتاج

عصير نص ليمونه + 2 م خل ابيض

فص ثوم

2 معلقه مايو ( ممكن تزيدين يكون الذ )

بهار اجمعي شويه من الاتي ( هيل , مسمار , قرفه , فلفل اسود, كمون ملح)

في المقلاه شويه زيت و اتركيه ليييييييين يسخن عدل

تبين لمن تحطين ادجاج يتفرقععع

ضيفي كل البهار قلبيه عدل

لا تقعدين تقلبين بعني خليه دقيقتين يتحمر و اقلبيه و خليه دقيقتين و اقلبي .. عشان يحمر و يصير مقرمش

ضيفي الحامض ( اليمون و الخل ) و حركي بسرعه لانه بيتبخر بسرعه مع الحراره

لين صار جاهز وخريه و صكري انار خليه يرتاح شوي و ضيفي المايو و اثوم ( لازم اثوم ما ينطبخ لانه بيتغير اطعم )

اخلطيهم سوا

. ولله اريحه عجييييييييييبه كانه من المطعم

و هاذا صحني

و بث ​

 

[Jnaaaat]

عليييييج بالعاااافيه شكلهااا لذيييذه
ماشااء الله لاقوة الا بالله
لاتحرمينا من جديييدج

 

[dantella]

الشاورما شكلها لذيذ عليج بالعافيه

 

[simple.girly]

السلام عليكم ورحمة الله وبركاته*
صبحكم الله بالخير *شلونكم*
هلا كوتن كاندي حياج الله الساعة المباركة*
مممم دانتيلا لا تقولين وزنج خليه مفاجاة *مممم ما شاء الله عسى الله يتمم علينا*
جنات حبيبتي اكلي خضرة عادي*
*الحين بسبح وبروح بيت خالتي *وبرد بيتنا اليمعة عندنا *ان شاء الله*
ممم وشكلي بتغدا كفتة*
ما ادري لما الحين*

 

[dantella]

خخخخخخخخ سمبلي ماخليت فيها مفاجاه
شلونكم بنات
اليوم الصبح قعدت ورحت مع ريلي وولدي الافنيوز واول مره اخذ ولدي هناك شكله يونس واهو يطالع الناس ويخزهم ويخزونه
ولدي عمره بصير 7 شهور
انا رحت هناك لان مطرشين مسجات تخفيضات بنكس رحت ولا خرطي حاطين ستاند واحد وفي هدوم زباله
وتمشينا شوي تالي مرينا اخذنا غدا وردينا البيت
غداي اليوم دياي كنتاكي وشربت معاه بيبسي دايت
تالي اخذت حبه البانتوجار
وخاطري بالليل امشي عالبحر الجو كان الصبح عجيييييييييييب