تجمع لأولياء امور طلبه مدرسه الرساله ثنائيه اللغه

[sadeem yam yam]

هني سويت له درس العلوم الكائنات الحيه والغير حيه .. بالانجليزي طبعا .. ابدا معاه صوره صوره .. الشجره مثلا اقوله التري .. ليفنج اور نون ليفنج على طول يقولي ليفينج اقوله نشوف اجابتك صح ولاغلط .. وبالباوربوينت تتحرك التري وتروح تحت الليفينج وجذي
راح اوريكم بالصور جنه لعبه وااااااايد ممتعه

[/url][/IMG]

مثل ماهو مبين بالصوره اقوله بالانجليزي واهو يجاوب عشان يترسخ بذهنه هالشئ مثلا التي شيرت يروح حق النون ليفينج وجذي

[/url][/IMG]

 

[sadeem yam yam]

لوووووول شكبرهم اعذروني بعدين اعدلهم مثل مانتو شايفين بالصور الشحن بيخلص ماالي خلق اشحن خخخخخخخ
واذا عجبتكم الفكره ادزها لكم كامله بالبوربوينت
سي يوووووو

 

[العيناء]

السلام عليكم شلونكم امهات شخباركم

ليش متخوفين من القرآن بالعكس استانسوا اصلا حفظ القرآن سبحان الله يعينه على الفهم ويفتح مخه وهذا كلام الفائز بمسابقة حفظ القرآن الكريم يقول انه زاد تقدمه العلمي بتوفيق من الله وببركة القرآن
لاتخافون هونيها وتهون واسالي الله ييسر عليج تحفيظه واحتسبي الاجر بتستانسيييييين وااايد وحطي سيديات بالسياره الايات المكرره وحتى لو ما انتبه صدقيني بترسخ بالعقل اللاواعي

بسالكم امهات شلون عاللبس الشتوي التي شرت نص جم شلون اذا بلبسه اندر وير اكيد جم طويل وعفيه اللي تلقى اندر وير بهالالوان تبلغنا

 

[سر القلوب]

سديم يزاج الله خير على المجهود والله يعافيج اذا سويتي دروس وتقدرين ادزينها بوور بويت دزيها بعد عمري تى نا مواسكت شاطرة بهالسوالف

والعيناء فعلا القران اهم شي في حياتنا واهم من كل العلوم الله المستعلن وان شاء الله البنات متعاونييين كلنا مع بعضنا اي وحدة تلقى اندر ويير بنفس الالوان تبلغ الكل عشان ركظة ونروح نشتري انا برايي حتى جاكيتات امتن واثقل من جاكيتهم ترى مايسوي شي بعز البرد

 

[sadeem yam yam]

شلونكم امهاات .. العيناء مشكوره حبيتي وفعلا كلامج صحيح ..تصدقون امس من كثر مااردد الكوثر على ولدي .. يوم نام .. راح ابوه بيعدله في فراشه واهو بسابع نومه .. جان يفززز ويقول انا اعطيناك الكوثر فصل لربك وانحر .. وعقب رد نام ,, لوووووول حتى باللاوعي
بالنسبه للبس الشتوي اتوقع يمكن يوزوعون لبس شدعوه هذا دافي حتى لو حطينا اندر وير اهو على الخام نفسه .. ملابسهم فيها من ملابس عمال النظافه الي نشوفهم بعضهم الوانهم عنابي وبيج < كلام ريلي مو انا لوول :tomato2:
لو ادري انهم عادي يقبلون من اولياء الامور افكار وتصاميم حق الزي المدرسي .. جان بدعنا .. حتى حرام البنوتات بناطيل واعليه
اختي دقي وسئلي بخصوص هالموضوع احسن ,, حتى انا احاتي هالشئ الجو الصبح بدا يبررد

والله انا مادري شمخبصه بولدي .. دازين ملف وكاتبين عليه ملف الواجبات .. وفيه الخطه الاسبوعبه مالت المواد والواجبات وابشركم ورقه انجليزي هوم ورك لووول .. المهم جان اخذ كل الواجبات وعليهم اوراق العمل مالوت العلوم واحطهم بهالملف ,, مادري حسيت من الي مكتوب عليه ان الاحسن نحط فيه الواجبات كلهم ولا انا غلطانه؟

سر حبيبتي تامرين امر ,, بس مافهمت اخر جمله من السطر الاول < مو مني من لويه هالمدرسه والولد

 

[سر القلوب]

السطر الاخير يقول اني مو زود بهالسوالف اللي اهي البوور بوينت

 

[سر القلوب]

هلا امهات تدرون شنو اخر اخباري
قاعدة بغرفة العزل لان الخنازييييير مسيرة علي لووووووووول
طبعا الحرارة نار شديدة بس اليوم احسن وايد الحمدلله وانا طلعت من بيت امي لاني كنت عندا نفاس ورحت فبيت اختي بالعزل لووووول علشان اليهال بعد اختي والدة معاي عند امي يعني المواليد 2 وولدي اللي بالرسالة واهو بعد حايشته الانفلونزا قبل العيد بس يقولون ترجع عاااادي يعني ويه منجب تيي للواحد اكثر من مرة الله المستعان انا بس احاتي المواليد ليكون عاديتهم وانا مادري واحاتي دراسة ولدي اللي بتكون المراجعة عادية اختي اللي عند امي بتراجعله بس اهي ماعندها بالتدريس بعدها هذا اول مولود لها وماجربت هالسوالف الله يعين
دعواتكم حبايبي وان شاء الله ماتشوفون اللي شفته ياااااااااارب

 

[سر القلوب]

ينكم ليش ماتشبكون ؟!! انا قاعدة بالعزل وودي اسولف ماعندي لاشغلة ولا مشغلة لووووووووول ونسوني اشعوة واسوني اشدعوة
الحين بطلع من الصفحة وبرجع بعد اشوي واا مالقيت احد راد علي ترى بغني لا وبكتب اشعار ليما ادشون عني والا ترى بهد عليكم خنازيري لوووووووول

 

[sadeem yam yam]

لاحووووووووووول ولاقوه الا بالله .. سر صدمتنيني والله .. ماتشوووفين شر ياقلبي .. والله يشفيج يااااااارب
من وين حاشتج هالخنازير الله يقطعها من الارض .. هذا وانتي نفاس .. انا لله وان اليه لراجعون ..
ماتشوفين شر ياقلبي والله ضاق خلقي عليج .. مادري شقوول
شلون عرفتي انه الانفلونزا يمكن العاديه .. وولدج شلونه عقب ماتعافى منها ؟ .. خلي اهلج يبخرون البيت بجاونيه < اتوقع هذا اسمها يدورونها عند الحواي
او بخروا بيتكم بمره .. والله يشفيكم يارب ويأجرج على ما اصابج ويعجل بشفائج اللهم اميييييييين

 

[سر القلوب]

مشكورة سديم بعد عمري لاتحاتيني انا الحين احسن الحمد لله بس تدرين لازم عزل وولدي الحمد لله تعافى وبخير وبخرنا فيه احنا نسميه ياوي او ياوني وانا اصلا طلعت من بيت امي وخليت اليهال عندها وخذيت وحدة من خداماتي ورحت بيت اختي استحليت سردابهم واللي يدش علي يلبس كمام بعد شنسوي عشان العدوى وانا عرفت من اعراضها بس حبينا نتاكد وسويت المسحة عند مركز الصفاة الطبي اللي بميدان حولي اطلعت النتيجة خلال نص ساعة بس وقالولي بوزيتف يعني ايجابية والله كريم والحمدلله ان الحرارة عدت تدرين النفاس موزين عليها الحرارة الحمدلله الله فدر ولطف
ماقصرتي ياعمري

 

[sadeem yam yam]

السلام عليكم شلونكم امهات وشلون عيالكم .. شدعوه الموضوع صاير ورا .. وين مشاركاتكم ؟
سر القلوب شلونج الحين حبيبتي ان شاء الله احسن
بنات امس سبحت ولدي وقعد تحت المكيف وارتفعت حرارته .. وخليته يداوم اليوم جان يرجعونه خافوا ,, المهم وديته الطبيب وطلع احتقان بسيط الحمدلله .. بس قالوا لايداوم الين تروح حرارته .. يعني يبيله يومين بالكثير ان شاء الله وطبعا بجذي راح تروح عليه 3 ايام ..
الي ولدها ب صف ون بي تساعدني الله يعافيكم وتقولي شنو خذوا على الاقل اراجع معاه بالبيت

 

[دانة الدنيا@]

السلام عليكم امهات انا ولي اولى روضه في احد يعرف متى دوامهم؟

 

[سر القلوب]

هلا سديم انا الحين تمام ورجعت البيت عند اهلي وكتاكيتي الحمد لله

وسلامته الغالي مايشوف شر ان شاء الله


دانة الدنيا ماعتدي فكرة والله عن دوام الروضة

 

[سر القلوب]

وين البنات مشاركاتنا وايد قلت


انا بعرف الانجليزي شخباره!! والحاسوب شعلومه !!

واشلونكم مع التقيييم اللي دزوا مع عيالنا راضين عنه ؟؟

 

[سر القلوب]

افا وينكم ليش ماتدخلون

 

[sadeem yam yam]

قوه بنات شلونكم .. شدعوه محد يشارك بهالموضوع الا انا وسر وين الباجي ؟

سر حبيبتي الحمدلله على سلامتج يارب .. والله مادري شقولج .. ولدي حاشه تشنج من الحراره اول مره .. وعقب مافصخوه ولعبو بحسبته ولاعرفوا يشخصون حالته .. حاشه برد ونومونا بالمستشفى .. وعقب ماصار زين حاشته نشله .. وسووله تحليل h1n1 وطلع ايجابي .. وانا اكلمج الحين من غرفه العزل .. والحمدلله اهو احسن لان الحراره بدت تنزل .. واهو هالاسبوع ماداوم وماتوقع الاسبوع الجاي بعد لانهم قالوا تقعدون 10 ايام بالعزل .. والله يعين ..
ابي اعرف شنو سالفه هالتقويم؟؟قوليلي عنه تكفين .. المشكله حتى ماقدر اتابع مع ولدي لاني مو عارفه شنو قاعد ياخذون .. والرياضيات بدوا بالصعب اكثر واقل وعلى مايداوم بيكونون داخلين بالجمع . . الله يعين

 

[سر القلوب]

سديم بعد عمري ماتشوفون شر بس ليش نوموكم بالمستشفى انا وولدي وكل اللي اعرفهم ياهم الفايروس مانومونا
ان شاء الله خير لاتحاتين ازمة وتعدي ان شاء الله والله يخليلج وليدج يارب واشلون الصغير وين خليتيه

عموما بالنسبة للتقويم يايبين لكل مادة تقرير عن الطالب يعني
الخانة الاولى يعمل فوق المستوى المطلوب
الخانة الثانية يعمل ضمن المستوى المطلوب
الخانة الثاثة يعمل دون المستى المطلوب
وياشرون على الخانة اللي تناسب ولدج
ومن ورى الصفحة حاطين بعد خانات وايد بس الي لفت نظري انه لايلتزم بتعليمات الصف والثانية انه لاياتي الصف جاهزا
خخخ لانهم حاطينهم حق ولدي
وانا وقعت وكتبت استفسار انه ماهي الجاهزية المطلوبة من الطالب ؟

ولاتحاتين بعد عمري اي شي تبين انا اكلم المدرسة بدالج ياوخيتي وانا باجر بروح المدرسة اذا تبين توصيني على شي حاضر ولايهمج
بروحلهم لانه احنا ودينا طلبات الرسم بس مايعطونه الكراسة والالوان بالحصة ويقولوله انك انت مويايب الادوات الظاهر مظيعينهم

وبعدين المقلمة يقول الابلة ماخذتهم عاد انا مايبتله بدالها لان اهم طلبونا اقلام ومساحات وهالسوالف قلت اكيد يقصدون ان اهم يوزعون عليهم بالصف ويرجعون ياخذونهم عاد بروح اتاكد
اتصدقين انا امس كملت الاربعين بس والله ماطلعت لاني تعبانة من عقب الخنازير الله يلعنهم خخخخ وبعد اسبوع اللي قعته وانا عازلة نفسي فيه ماخلصت لا صالون ولا شي شسوي الظروف يت جذي الله كريم واي قرقت عليج وايد ولهان عليج ومن زمان ماسمعت اخبارج ولا سمعتج اخباري
وان شاء الله مااسمع منج الا كل خبر زين وتكفين طمنيني عن ولدج حبيتبي
انا ادري انتي شابكة الحين بس انا ماني طالعم ابنطر ردج اذا تبين شي باجر

 

[sadeem yam yam]

هلا سر حبيبتي .. شلونج ياقلبي ومشكوره على الافاده ماتقصرين بعد عمري فديتج والله
احنا الحمدلله طلعونا امس .. والمشكله كل الي اقدر اخلي ولدي الصغير عندهم < مشتبه بهم .. فمتوهقه تخيلي الكبير صعب صعب اعزله تعبت معاه واااااااااايد .. وكل شوي رايح ركض للصغير ياقلبي عليه .. عاد اليوم اخذ تطعيمه الشهرين لاني اخرته اسبوع زياده ومو زين حقه اطول اكثر .. والحين الحمدلله احس صار احسن .. اهما نومونا بالمستشفى تقريبا يومين وطلعنا ..
ويقولون على الاحد يخلص العزل بس ماراح اخليه يداوم الاسبوع الجاي خير شر .. مع انه امتحانات وصارله اسبوعين غايب
والله ماهمتني الدروس ,, شدعوه جامعه كلها اولى ابتدائي .. خوفي على الصغير بس .. الله يستر عليه .. دعواتج ياقلبي ياسر ..
وطالعه من الشر ان شاء الله .. عطي نفسج اسبوع راحه وروحي ضبطي نفسج .. انتي مثلي من زمان ما طلعنا من الاربعين لازم نسوي اكشنات وحركات

 

[سر القلوب]

هلا سديم حبيبتي الحمد لله على سلامتكم ياقليبي والله يحفظ الصغير اقولج حبيبتي دائما قولي استودعك اللهم صغيري عندك سبحانك لاإلاه الانت لاتضيع ودائعك وكوني معتقدة كل الاعتقاد بان الله خير الحافظين وماكو الا العافية اتصدقين انا مااطلع من البيت ولا ولدي يطلع الا استودعه واستودع ابوه ونفسي وديني واهلي واهل زوجي والمسلمين والمسلمات وديارهم والحمد لله اكون مرتاحة نفسيا

بس حبيبتي اذا الاحد كمل 10 ايام خلاص خليه الاثنين يداوم ماكو الا العافية واهو بعد الاسبوع يكون وايد احسن وعسى الله يتمم عليه العافية ويخليلج عيالج ويبلغج فيهم يارب

وبالنسبة للاربعين والله صدقتي من زمان ماطلعنا من الاربعين كااااااااك:eh_s(6): ومابقينا بس الحمد لله ربي يستاهل الحمد والشكر وعلى قولتج لازم حركات واكشنات واذا عندج فناتق الله يعافيج على الخاص:tongue22: انا باجر ان شاء الله الصبح بروح مع الخدم انظف بيتي ومن عقبه ابلش بالصالونات وعلى قولتج الاكشنات هههه


والله ياسديم حبيتج الله يعلم
نسيت ماقلتلج ترى الاسبوع الياي بيعطونهم املاء قالت امل انا احب الوان اختي

وبيدربونهم على امي تقول

والرياضيات عطوهم كراسه او مثل مذكرات كلها تمرينات وواجب عليه حل ص 18 و19 والكتاب ص 30 والعربي ص 78 و79 والاسلامية بيعطونهم درس ص 12 الله خالقنا اهم ماخذينه بس ليش بيعيدونه مادري وبيعطونهم درس نزل القران على الرسول صلى الله عليه وسلم في غار حراء والله نسيت اي صفحة وبيعطونهم درس يديد عن البيئة وتعريفها بالعلوم طبعا والقرآن بيسمعونلهم الفيل والهمزة وبيعطونهم الاسبوع الياي العصر والتكاثر والقارعة وعطونا ورقتين عمل للانجليزي حاطين الصورة وكلمتين يمها يحوط الكلمة اللي تعنيها الصورة اذا تبين الكلمات ادزلج اياهم قوليلي وادزلج يالحبيبة والحاسوب الله يعلم بحاله ماشفنا منه شي ليلحين ولاتقرير ولاورقة عمل ولا هوم وورك ولا اي شي جنه مستريح اشوي والله مادري :gr4uu:


الحين بكلم امهات تجمعنا كلهم

اشلونكم امهات
واشدعوة ليش ماتدشون بس نا وسديم :krkrkr:

انا رحت يوم الخميس المدرسة وسالت دجانة الاخصائية وماشاء الله عليها كانت وايد متعاونة واسلوبها وايد مريح ويهبل

قلتلها اش سالفة لاياتي الصف جاهزا ولايتبع تعليمات الصف
قالت انا قاعدة اسوي ورقة وبندزها لكم وورتني المسودة مالتها يعني لازم يرفع ايده قبل لايجاوب يعني عدم لقافة خخخخخ :eh_s(6):

ويرفع ايدين اذا بيروح الممرضة او الحمام ويصف بسرعة بالطابور وهالسوالف وياخذ كتب المادة اللي بيروح لها

وقلتلها راح اتنزلون درجاته قالت لا اهم توهم اولى وتوهم مداومين احنا قاعدين ندربهم اشوي اشوي
وراح نلزق التعليمات على شكل صور على صفوف اولى ابتدائي والصفوف الثانية تعليمات مقروئه
وقلتلها والانجليزي اسم الله عليه ليش لاحس ولاخبر وحتى تقرير مايبتولنا:lkmnkl: قالت صح لانه مدرستهم صارلها ظروف ومشت وقعدوا فترة طويله احتياط والحين يابوا غيرها وتوها معاهم يعني مامداها تعرف اليهال عشان تقيمهم وسالتها عن جنسيتها قالت فلسطينية امها امريكية والاكسنت اللهجة امريكية بحته ومايندرى عنهم

وكانت فرصة وانا طليت على اليهال بالساحة وشفت المدرسات معاهم والممرضة ادور بالساحة يعني الحمد لله امان

 

[sadeem yam yam]

حياتي انتي والله ياسر .. فديتج ياقلبي والله يشهد اني حبيتج مثل ماحبيتيني لوووول < طايحين غزل ( اشك ان عقب الاربعين انا وانتي صار فينا شئ خخخخ)

ومشكووره يالغاليه والله ماقصرتي .. الله يعطيج الف الف عااافيه .. انا كلمت الاخصائيه واهي تهبببببل وشرحت لها ظروف ولدي خصوصا راح يغيب اسبوعين ويوم يداوم امتحانات فصعببه حييييييييل وراح ياثر عليه هالشئ تخيلي يكون متاخر اسبوعين وعقب امتحانات جك بووم .. وبعدين المستشفى عطونا ورقه وقالو الافضل مايداوم الا الخميس .. عاد تقولي الدكتوره غيبيه احسن .. وانا عندي مافرقت خل اغيبه هاليوم .. واهي خاربه خاربه قلت ابي كل شئ عن الاسبوع الي طاف والاسبوع الجاي على الاقل اهيئه .. وخذيت التقويم الي تقولين لووووووووول ولدج نفس ولدي كللللللهم كاتبين لاييلتزم بالتعليمات ,, ومستواه مرضى الحمدلله ماعدا القران تقول يبيله تطوير مادري شنو < عاد انا خلقه غاثتني هالسالفه من قبل وهني صارت الصجيه
عاد بروح يوم الخميس بحيل الله واكلم الناظره واشرح لها واستفسر عن وايد شغلات محيرتني .. خصوصا اولى المفروض يابنات لمن يسوون لهم امتحانات قصيره .. يوضحون لهم السؤال شنو يبي .. شدعوه يعرف يقرا او يكتب ..
والانجليزي الله يجزاج خير اخير ياسر حليتي لغز الانجليزي .. بس والله انصدمت ( in- up - take - and) احس فيه اشياء بلشوا فيها مبجر .. خل يتعودون على الاحرف شوي شوي .. ترا تونا يدوب صارلهم شهر مداومين .,, عيل لو بادين مع الحكومه شنو بيسوون ؟؟
وبما انج حليتي لغز الانجليزي بحل لج لغز الحاسوب .. الابله مالتهم وااايد هاديه ومبين طيبه وصبووره .. تقول اسويلهم اوراق عمل على الحاسوب .. ومافيه شئ ياخذونه البيت ولاتساعدونهم فيه .. كل شئ عندهم بالصف ... تقول نعلمهم شغلات بسيييطه بالحاسوب طريقه تشغيل واطفاء وشغلات سهله لاتحاتون < هذا كلامها ايام الاجتماع مادري عاد شصار الحين
بالنسبه للحركات والاكشنات لووول مادري شقولج خربت كل مخططاتي ولاسويت شئ .. من حملت وانا اخطط حق طلعتي من الاربعين وبسوي وبحط .. حطيت حرتي بعمري ودلعت نفسي بين هالصوالين .. والعريس ماسويت له شئ لوول كنا مخططين بس مخططات بائت بالفشل الذريع .. للاسف

ومشكوره ياقلبي مره ثانيه فديتج والله امووووووووواه