تجمع لأولياء امور طلبه مدرسه الرساله ثنائيه اللغه

[سر القلوب]

اي والله صاجة انا بحاول باجر اذا ماسهرني النونو بس اشلون اخذ موعد والا اشلون مادري لااااااااااازم حل العلوم والانجليزي الولد ماجنه يدرسهم بالمدرسة على قولتج جنه اول مرة يشوف او يسمع عنهم لاحول ولا قوة الا بالله اي والله دافعين دم قلبنا

الله يعين

 

[sadeem yam yam]

اذا بتكلمين الناظره ياسر .. تدقين عليهم مو شرط تروحين .. واهما يحولونج عليها .. واذا اهي مو موجوده او مشغوله ياخذون رقمج وتدق عليج < انا وااايد عاجبتني شخصيتها الله يوفقها يارب
وحزتها قولي الي بخاطرج وماراح يصير خاطرج الا طيب ان شاء الله

انا منصدمه اليوم من شغله .. من ابله انا شايفتها ومبين خوووش انسااانه والشئ الي سوته عاادي بس صددمني للحين فوق راسي علامه استفهام .. بس مابي اقوله اهني مابي اعم على المدرسه واظلمها

الحين ياسر انا متوهقه ولدي ماراح يختبر الاسبوع الجاي .. لانهم مابلغوني .. المشكله مو هني المشكله عقب العيد بيوزعون التقارير وثاني يوم اجتماع .. بالله انا شسوي .. ولدي بيختبر متاخر وباسلتم تقريره عقب .. اروح اكلم منو ولا منو بعدين وتعالي استاذني كل يوم من دوامج عشان تكلمين ابله وحده من ابلاته هذا اذا لقيتيها .. والجدول الي مسوينه حق الابلات عشان تشوفينهم بيوم واحد .. كل ابله لها ساعه يعني ابي اكلم ابله الرياضيات والانجليزي والعربي . ووراي دوام واستاذاني ساعتين بسسس.. طريق رايحه وراده وانطر على ماتخلص حصه ابله فلانه واحاجيها وعقب انطر حصه الابله الثانيه وووو يبيلي 3 ساعات واكثر !!

ياللـــــــــه مادري شسوي خصوصا الاجتماع هذا مهم بالنسبه لي .. شلون اروح وانا مادري عن مستوى ولدي .. مالي داعي اروح .. والمشكله كل الابلات شرط يكونون متواجدين حزه الاجتماع .. انزين وانا ماختبر ولدي ولا استلمت تقريره .. اذا امتحن بعدين وابي اناقش الابلات شسوي اكل تبن !!
على الاقل جان زين ياجلونه بس اسبوع .. شكلي بكلمهم واشوف .. فيه اشياااء وااايد لازم نتكلم عنها وياهم

على فكره سر . شفت جم وليه امر يشتكون من العلوم والانجليزي عبالي بس انا وانتي لووول

 

[سر القلوب]

هلا سديم حبيبتي
الله يعينج على موضوع التاجيل والاجتماع صج حوسة انتي اول فكري بعدين استخيري بعدين كلميهم على موضوع التاجيل اسبوع واحد بس

اما موضوع المدرسة واللي شفتيه انا مادري اهو شنو بس اول تاكدي يمكن تكنين ضالمتها واذا تاكدتي لاتسكتييييييييييييين نهائي
وموضوع الاجتماع الظاهر لازم تاخذين اجازة بهذاك اليوم عشان تكونين على راحتج وماتكونين متوترة

اما العلوم والانجليزي ووليات الامر اللي شفتيهم هذا ياكدلي ان ملاحظتي صحيحة والله يستر الظاهر انج تختارين مدرسة اول سنة تفتح وماضبطت حاله هذا خطا بس مابي احكم مبجر خليني اشوف ليما اختبارات نصف السنة وحزتها انا بقيم ولدي مو اهم

انا ماني شايفة شي زود على الحكومة وتدريسهم ماشاء الله وايد زين عيل لييييييييييش همجة الفلوس اللي نقطها وييييييي عاد انا مااحب انقل واغير المدارس احب ان الولد يستقر بمكانه وعسى الله يخيب ظنوني كلها يارب

 

[سر القلوب]

هلا بنات اشلونكم

سديم حبيبتي يالله خل نستفيد ونفيد وكل وحدة تدخل الموضوع تقولنا عن طريقة تدريسها لولدها او بنتها

انا بالنسبة لي الولد كل ماادريه يعايرني يقول هاااااا تقولين الرسالة مااتعب مثل الباكستانية كا عطونا واجب
اقوله احمد ربك انت اول ماتقدر ترفع راسك من الواجبات

بس عموما انا يوم السبت لما نقعد من النوم استلم الولد واحاول ادرسة خطة الاسبوع كلها وحتى اوراق العمل احلهم مولازم لما ايي يومهم ازهبهم واخليهم واحظرله اللي بياخذونه بالعربي وبالدين عشان باجي الاسبوع نمر عليهم مرالكرام بس طبعا عشان ننجز هذا اتصير معانات مالها اول ولاتالي وهواش مرة ومساحل مرة والله يعين بس هلالسبوع يعني السبت اللي فات ماقدرت ادرسة الخطة كاملة لانها احس صارت دسمة مو مثل اول
والاسبوع هذا بعد انا بس اطلعت عليها وحسيتها مليانا باجر الصبح ان شاء الله بنبلش اذا شفتها وايد ماراح اكملها اعطه مال الاحد والاثنيت بس عشان مايكره الدراسة ويذلني بسالفة الباكستانية مثل الرسالة اتعب لوووول ولد ابوه يبي يسرح ويمرح مايبي كلش واجبات الباكستانية طلعتها من خشمه المسكين وهذي طريقتي يالله الكل يفيد ويستفيد

لاتبخلون علينا بارك الله فيكم

 

[sadeem yam yam]

هلا سر شلونج ياقلبي ..
والله احس اني مقصره بحق ولدي .. بس بنفس الوقت مابي اضغط عليه .. واهوو تعالي شوفيه وانا ادرسه تموتين على شكله من الضحك تقولين شاااذي بس يطامر يكتب حرف ويقط القلم ويركض وعقب يرجع ويكمل ونفس الموال لوووول
ولايدخل القلم بقميصه ويقولي ضااع خخخخ فاضي ماعنده شغل قاعد يلعب
بالنسبه لطريقه بالتدريس .. اول ماستلم الخطه الاسبوعيه .. نحل الهوم ورك مال العربي (التدريبات) لانها طويله ويمل فاحل نصهم الخميس والجمعه نكمل على جم ماده مثلا الرياضيات ولا العلوم .. وحزه ما اهو يكتب اقعد اقرا السوره الي مطلوب حفظها .. فيسمعها واهو يكتب ..
صار يوم السبت حلينا الرياضيات والانجليزي وكملنا العلوم .. وبجذي خلصنا الخطه مالت الاسبوع
الاسلاميه صراحه احل الواجب وبس مادرسه .. اقرا له شنو بالدرس وبس ما اشرح ..
والوطنيه تقريبا جذي ..
المهم انا متوهقه احس طريقتي غلط بس ولدي مايفهم ولايستوعب الي اقوله .. خصوصا الانجليزي والعلوم .. اكمل الفراغ الي يحطون الكلمات فوق واهو يختار الكلمه ويكمل الفراغ .. كلششششش مايدري وين الله قاطه احسه مو فاهم هالمدتين ,, بس اسلوب كوبي ,, اقوله ويكتبهم ,, احاول اشرحله مايفهم تعبت معاه
العلوم مع ورقه العمل مكتوب تعريف البيئه والغابه والمحيط ,, اقولهم له بالانجليزي مايحفظ اصلا مايدري شنو قاعده اقول صج يعرف بعض الكلمات بالانجليزي بس احس انه ..( مادري شقول )
احس قاعده اعطيه شئ اكبر من مستوى فهمه واستياعابه .. وانا اشرح اقول لنفسي انا قاعده اقص على منو .. شلون بيفهم اذا انا الام في كلمات بالانجليزي ماعرفهم ..
لاحول ولاقوه الا بالله .. . بكل اختصار اسلوبي لتدريس ولدي حل هوم ورك وبس وتحفيظ السور .. احاول اشرح بس يتعب ويمل واتركه شحقه اعقد ولدي انا بروحي تعقدت

 

[سر القلوب]

السلام عليكم

اشلونكم امهات مع البرد

والله انا حسيت ان البرد يقرص وملابس عيالنا خربوطة مادفي كلشششششش

فرحت اجول واجول واجول وابحث عن جاكيت لون بيج او عنابي

ولقيت الحمد لله قمصلة ( جاكيت متفخ محشو بالديباج ) لون بيج واهي مخمل مضلع منه وفيه وفيه كبوس والكبوس مبطن بخام مبكر من النوع اللي نسميه فنيلة او بازا واطراف الكبوس فرو بني ماادري اشلون تخيلتوه بس وايد حلو ودافي على الاخر

تبون تعرفون من وين

من مذركير وسعره 19 و 750 طبعا ولادي طبعا وانا رحت حق اللي بالسالمية اللي يم نكست و h&m وكانت الكميات قليلة روحو قبل لايخلص وشوفوه يمكن يعجبكم

 

[سر القلوب]

سدومة حبيبتي لايانبج ضميرج ترى هذي المرحلة صعبة على الكل وانا بعد ولدي لما ادرسه يسوي الهوايل وبعد انا عصبية مااتحمل جم مرة تييله مني كفخة سنعة

وفعلا العلوم وايد صعب عليه واول ماافتحه يقولي شنو ساينس ؟ اقوله اي .... يقولي ويييييييييييييع وييييييييييع ويييييييييييييع

اقوله ليش ؟ يقول ويييع مااحبه


بس بسالج انا الانجليزي مودارجته بقائمة تدريسي الاسبوعي له لاني ماافهم من الخطة اش يبون انتي شخبارج وياه ؟

والوطنية خطتهم مادري شلون صايرة خطة ومافي كتاب اشلون ادرسه ؟ مادري عفية قوليلي يمكن انتي فاهمة احسن مني


وبالنسبة للعلوم تهقين التعريف مطلوب يحفظونة والا يفهمونة ؟؟ اذا يحفظونة مشكلة يعني ماخلوا للجامعة شي !!!!

وانتي شرايج بالقران موتحسين بدوا يخففون سرعتهم اشوي لما طالت السور ؟ انا اشوف جذي

 

[سر القلوب]

واااااااااااااااااااااااااااااااااااااااااااااااااااااااااااااااااااااااااااااااااااااي

داشة بصرخ عندكم وافضفض


شنو هذا هم بعد واااااااااااااااااااااااااااااااااااااااااي


سدومة وينج لحقي علي


واجبات وايد وين اللي قالوا كل يوم واجب واحد بس


امس واجب عربي ورياضيات
واليوم عربي مرة ثانية ورياضيات مرة ثانية وفوقهم انجليزي 4 صفحات وصعبين صفحة منهم ماعرفت اش يبون كلش
امجع شعري والا شسوي


لا لا لا لا لواجبات

صارلي ساعة بالانجليزي حتى والله ماغير لاهدومة ولا جوتييه الله يعزكم ليلحين
يعني يطلعون متاخر يوصل يتغدى يدرس وصار وقت النوم من صجهم


قولولي انا غلطانة ؟؟؟؟؟؟؟؟؟

 

[sadeem yam yam]

< فيس وحده توها مدرسه ولدها ومتهاوشه وياه

قطييييييييييييييعه شنو هذا والله ياسر اني ادرس الولد وادعي على هالوزاره التعبانه .. حسبي الله عليكم .. اتوقع بيعوضون فشلهم في عيالنا بس مو عارفين شلون .. قالوا نصعب المنهج .. يدرون ان عيالنا عباقره طالعين على الجيل الي قبلهم .. حسبي الله عليهم .. عسى الله يعقدكم مثل ماعقدتوا عيالنا .. وكرهتوهم بالمدرسه .. بالله طفل عمره 6 سنين .. يقارنونه بالي عمارهم تعدو العشر .. انا على خبري اذا مو مضيعه الing الي بالانجليزي ماخذيناها قبل جذي مبجر .. شدعوه توهم تعرفوا على اضافه الs بنهايه الجمل .. !!!!!!!!!!!!!
سر حياتي تدرين شلون قاعده ادرس ولدي بالانجليزي والرياضيات حاليا على سالفه الجمع .. اقوله الاجابه واهو يحلها بسسسسس
لااتعبه ولا اتعب نفسي حاولت افهمه جم مره ماكو فايده .. عيزت صارلي جم اسبوع مافهم جان اقوله تعال يامك .. اكتب هني جذي وجذي ..
بعدين انتي ياسر حرام عليج عطي وليدج فجه .. من المدرسه لتدريس ليش ؟ انا اخلي ولدي يلعب على ماتصير الساعه خمس نبتدي ادرسه .. واعطيه بريك يلعب ويرد .. عشان يستوعب < اقص على عمري
خليهم يعيشون طفولتهم واعليه يكفي المنهج بروحه لعب في حسبتنا لعب .. وفعلا صرت الاحظ الهوم وركات زايده .. والقران مادري انا احس جذي احسن .. لان السور الجدد طوال فيقسمونها اجزاء واهم عبالهم ان كل جزء سوره جديده فلازم مع كل جزء يردون حق الي قبله .. وبعدين كلمات السور بدت تصعب عليهم .. يبيلهم وقت احس احنا وياهم طااايريييييييييييين ولا ندري شالسالفه .. متعقده حددددي من الانجليزي والرياضيات والعلوم ..
هذا كل كوم واحد بصفه صاير يطقه ,, مادري شفيه فصل على ولدي .. امس طاقه بالجوتي حيييييل على رجله .. عاد ولدي ماشاء الله ماكو حمايه جلد على عظم والجو بارد والطق بهالجو يعووور حيييييييل ..
عاد انا رحت قبل جم يوم حق فاشن مل ادور لبس بيت حق ولدي جان اطيح على نفس الي قلتي بس اللهم بدون قبعه .. لونه بيج .. حلييو بس اكيد عند مذركير لامقارنه ..
بعدين انا سالتهم عن اللبس .. قالوا راح يوصل عقب شهرين فكنسلناه .. لانه على مايوصل مابقا شئ ويخلص البرد .. فانتوا فصلوا حق عيالكم ملابس حق المدرسه دافيه بس لازم نفس لون ملابس المدرسه .. والجاكيتات قالوا كحلي او اسود
انا قبل كنت فاهمه غلط عبالي بس الجاكيتات لونهم بيج وعنابي على كلامهم الي بالورقه الي دزوها .. طلع يقصدون بهالحجي ملابس المدرسه نفسها ,, نفصل حق عيالنا من خامه دااافيه والجاكيتات مثل ماقلت لون كحلي او اسود
مادري شقول حدي منغثثثثثثثثثثثثثه .. باجي ورقتين ماخلصناهم بالانجليزي .. بالله شلون بشرحهم لي اذا فيه كلمات انا مو عارفتهم ..
والاسلاميه ماحفظ الحديث مال اركان الاسلام .. والقران للحين ماحفظ العاديات عدل واحنا الحين بالزلزله .. بالنسبه للوطنيه صاروا يدزون الكتاب مره وحده بالاسبوع لانهم ياخذون الماده حصه بالاسبوع .. فانتي راجعي معاه .. بالنسبه لتعريف العلوم .. يوم كنت اقراه اقول امبييييييييه من صجهم يحفظه اخاف صج بس ,, ولا اشوف الصفحه الثانيه الي فيها اكمل الفراغ وحاطين الكلمات فوق .. ولا حاطين اكمل التعريف ؟؟؟ انا هني لااااااااااتعليق .. والله لازم نحتج .. مو كافي المنهج بالانجليييييييزي فوقه بعد بيحفظونهم تعريف ؟ ..
ابي اعرف امهات ثانيه شلونهم وعيالهم مع المدرسه . ؟ ماشين اوكي ولا ششلون ؟

ابي ابجي ااااااااااه حسبي الله ونعم الوكيل

 

[سر القلوب]

امبيييييييييييييييييييييييه سديم لايطوفج ولدي وانا حفظه حديث اركان الاسلام وانا اقوله وهو يرد وراي ويوم وصلت حق محمدا رسول الله جان يكمل ويقول حي على الصلاة لوووووووووووول بالله هذا اشلون اتفاهم معاه قوليلي

 

[سر القلوب]

لا ويلحن بعد

 

[sadeem yam yam]

لووووووووووول لاتلومينه ياوخيتي .. زين ماستخف انا واقوم ارقص خخخخخخخخ
الله يعين والله خليت الحديث ماحفظته

 

[سر القلوب]

والله بنطق اصبع بعد
الله يعين

 

[سر القلوب]

سديم حبيبتي يعني اشلون مايبون جاكيت بيج يعني ارجع اللي عندي عفية ردي علي بسرعة عشان يمديني ارجعه

وتسلمين ياقلييييبي

 

[sadeem yam yam]

شحقه تردينه ياقلبي عادي لابسيه بيج اذرب .. انا السنع الي عندي ناسي جاكيت الرياضيه بالمدرسه وباجر عنده رياضه بلبسه جاكيت بيج او عنابي عاادي ..

 

[سر القلوب]

` خلاص شورج وهداية الله

 

[sadeem yam yam]

شلونج سر .. ها ؟ اليوم جنه مافيه هوم وركات
تصدقين امس يوم جيت بنوم ولدي قالي ماما ترا ماحلينا واجب العربي. . ولا اطالع صج في واجب وماحلينااه لووول
عاد اليوم من زود الحرص اجيك ولا مافيه هوم وركات الا جان انا مضيعه مثل امس مادري

 

[سر القلوب]

سفة حبيبتي ردي متاخر بس امس بالنسبة لي كان يوم حافل ودخلتمرتين ومالقيتلج تعليق وطلعت وتوني اشوف تعليقج

احنا عندنا هوم وورك عربي كتابة كلمة تحبان وهوم وورك رياضيات في المذكرة 3 صفحات وورقة عمل ليش ماعندكم والا مانتبهتي

والحبيب ماتذكر الواجب الا يوم يا ينام لوووووووول
الله يعين

تدري انا ودي نحط لنا وقت انا وياج معين ندش فيه مع بعض نستفسر من بعضنا ونستشير بعظنا اشرايج ؟

 

[sadeem yam yam]

هلا سر شلونج حبيبتي .. العربي على قولتج ماكان معاه دفتر الواجبات .. والرياضيات حالينهم من قبل .. وورقه العمل ماعطونا ماشفت شئ ؟
عاد امس يوم ماكو واجبات متشيش يبي يذاكر ويكتب لووول ..
سر شفتي اوراق عمل العلوم الي احنا حالينها مع عيالنا .. حاطه عليهم الابله الدرجات .. واقول لو مو حالينها معاهم جان بدعوا ولاعرفووا شئ ..
عاد الاخصائيه امس كلمتني تقول احنا اولى مانختبرهم بس نقيم مهاراتهم بالاشياء الي درسوها .. واحنا خلاص عوضنا ولدج عن الايام الي طافت ولمن شافوه الابلات مستعد قيموه بالمهارات على قولتهم .. يعني ان شاء الله الدوام عقب العيد راح يسلمون ولدي تقريره مع عيالكم < كنت وااايد شايله هم الموضوع الحمدلله والله يستر من الي جاي
عاد هذاك اليوم ناسي جاكيته مال الرياضه بالمدرسه ,, وكنت ملبسته جاكيت عنابي يدفيه واقوله يابابا قول للابله تعطيك الجاكيت .. المهم ينسى جان اكتب ملاحظه للابله تعطينا الجاكيت .. الله وكيلج رد اليوم معاه 3 جاكيتات !!!! ( العوض ولا القطيعه خخخخ )
واحد الي راح فيه المدرسه .. والثاني حق ولد ثاني واااعليه الله يعينه على البرد .. والثالث جاكيت رياضه بس للاسف مو حق ولدي مع ان ولدي كاتبه اسمه على الجاكيت من ورا وصفه .. وبسم الله سايزه 4 واااايد كبير عليه .. ولا اليوم جايب لي جاكيت رياضه سايز 7 ؟؟؟
امبيييييييه بدعنا ..
ياامهات الي جاكيت ولدها مفقود لاتحاتي بنرده ان شاء الله عقب العيد .. والله غصبن علينا ولا وليدي مايدري وين الله قاطه ..
عاد اليوم راد البيت ولا طقه براااسه شكبرها وخضراااا مورم واعليه .. منو طاقك ؟ جان يقول انا طحت على راسي اووف عاااد حيييل تخوف مادري شلون محد انتبه .. يقولي ماقلت حق الابله .. مادري شلون هالولد صاير .. لووول كل يوم مطقوق ويسكت يكسر الخاطر لا ويقولي اقول حق الصبيان تعالوا نلعب ويقولون لا مانبي واصير بروحي
قلت روح العب يامك بروحك اهم من يشوفونك مستانس بيلعبون وياك .. لاتقعد تطر منهم مردهم لك خخخ
صج سر يبيلنا نتفق على وقت .. بس المشكله مو احنا الي نتحكم بالوقت اهو الي يتحكم فينا ..
تعالي سر شفتي الي كاتبينه بورقه العربي .. كل يوم يخصص حق طفل يتكلم عن نفسه ويقول قصه يحبها وموقف صارلها .. عجبني وااايد هالشئ .. يعزز عندهم الثقه بالنفس والطفل الخجول يتشجع شوي ..

واخيرا وليس اخر .. كل عام وانتي بخير ياقلبي .. وعسى الله يوفق عيالنا ويكتب لهم الخير يارب

 

[سر القلوب]

هلا بالحبيبة سدومة

والله شكلج بتبسطين فيهم هالجاكيتات لوووووول عيل اذا ظاع جاكيتنا ندوره عندكم لوووول

وبالنسبة لاوراق العمل مالت الرياضيات مايابولي شي مصلح يالله ودي اشوف شمخبص

والحمد لله ان خلصوا من تقيم ولدج على الاقل هم وانزاح منج وتخف المحاتات بس الله يستر من التقايم والله احاتي وخايفة انصدم

علمي ولدج ان لايسكت عنحقه ترى الصبيان اذا حسوا ان هذا الولد فقير اشتغلوا عليه يتسلون فيه

وعلى اللي كاتبنه عن التحدث هذا اللي كنت ناوية اقترحه بس يالله يت منهم الظاهر عندهم خطط وايد بس احنا مستعيلين وكل شي بوقته حلو بس التحدث راح يكون عربي والا انجليزي ؟

وعيدج مبارك وتقبل الله طاعتج