تجمع لأولياء امور طلبه مدرسه الرساله ثنائيه اللغه

[سر القلوب]

حياج الله ام القمرين والبنات بالتجمع اللي عيالهم بال كي جي 1 وينهم يالله نبي تفاعل ركدنا وايد بما فيه الكفاية

وسدومة اخبارج حبيبيتي ان شاء الله زينه

وحلم الطفولة من زمان ماسيرتي علينا فاقدينج الغالية

 

[ام مانع]

السلام عليكم """"""""""""""""""""بالنسبه ولدى للعربى والرياضيات لحمد لله والطامه الكبرى الانجليزى والله انه نسى كل اللى خذه بالروضه والسبه ابلات الانجليزى اللى كل شوى ابله جديده والعلوم لحمد لله انى اللى احل ورقه العمل وهو مايدرى وين الله حاطه بس مستانس فى المدرسه نفسينا احسن من الروضه

 

[العيناء]

بنات انا عندي اخبار ان ابله سميه بتغير هالنوعيه من المدرسات عالسنه اليديده ان شاء الله لانها متعاقده معاهم هالسنه

عشان جذي رديت وسجلت ولدي فيها
بشكل عام المدرسه زينه ويديده يعني لازم نعطيهم فرصه

شيء ثاني بسالكم يابنات لاحظتوا ان عيالنا يحبون الانجليزي اكثر من العربي ؟؟؟؟؟؟
اتكلم عن الكي جي يحبون ابلات الانجليزي خصوصا مس ملفا الله يحفظها احبها هالمس وايد محترمه وراقيه
مره تاخرت على ولدي وييت والا قاعده معاه وتسولف وتعلمه ويحبونها اليهال حييييييييييل

المهم ان السبب ان ابلات العربي كله يصارخون عاليهال ماني عارفه ليش ؟؟
لماتيين تسولفين معاها تهبل وبالممر تسمعين صراخها اي ليش ما تدري ان هذا يدمر شخصية الطفل وممكن يسبب له تاتاه
د. صطفى ابو السعد يقول لو تخيريني بين الطق والصراخ افضل الطق
اي صج يابنات انصحكم بهذا الدكتور صج تربوي
عنده كتاب الاطفال المزعجون وسي ديات روعه حق التربيه كلها سلوكيات شلون نتعامل مع اطفالنا

المهم انا بكلم ابلات العربي وبقولهم لايصرخون على عيالنا عشان ما يتعقدون
مضايجني ان ولدي ما يحب العربي يحب الانجليزي

 

[sadeem yam yam]

هلا سر ياقلبي انا بخير الحمدلله .. مشتاقه لج
ام مانع انا نفس حالتج .. الانجليزي والعلوم انا الي احلهم .. اشرح وافهمه يوم اطالع ولا مو صوبي كلش ولايدري شالسالفه اقوم احل بداله ولا اقوله هذي الاجابه اكتبها .. تعبنا ندخلهم مدارس وندرسهم بالبيت لووعه شهالمناهج .. والله يكسرون الخاطر عيالنا

بنات شصار على الكتب ,, الانجليزي والعلوم قالوا بيدزونها مع عيالنا ولاشفنا شئ ..

بعدين بالنسبه حق المدرسه هذي اول سنه .. وشئ طبيعي من اول مره لازم يصير فيه تذبذب وان شااء الله باذن الله .. بتصير احسن واحسن

ماقلتوا لي ام مانع وسر العربي تحفظون عيالكم الدرس كامل ؟؟ مو وايد عليهم كاملاء وااايد مو شويه .. والكلمات صعبببه حيل .. والله انا شايله من قاموسي شئ اسمه املاااء وبسلامتهم لووول

 

[ام الشوامس]

هلا بهالتجمع الطيب ..
بانضم لكم إن شاء الله ،، بين فترة وثانية بطل عليكم لاني مو ذاك الزود ويا النت ..
سجلت ولدي السنه اليايه ب KG
الصراحه انا مو متشجعة لها واايد و كلام اختي العيناء عن المدرسات زادني حتى امس فكرت اني اسجله بمكان ثاني بس ماكوو وقت ولا خيارات ،، بس اليوم تطمن لما قريت انهم بغيرونهم ..
الله يكتب اللي فيه الخير لنا ولكم ان شاء الله ..​

 

[العيناء]

بالعكس المدرسه واااااااايد زينه وابله سميه صدرها وسييييع لاولياء الامور ومصلحة الطالب فوق كل اعتبار

بس انا اقولكم خواتي عشان نرتقي بمدرسة عيالنا اذا في غلط لانسكت

وعشان الله يرضى علينا ويوفقنا بتربية عيالنا

 

[تفاحه عسل]

السلام عليكم ساعدوني يابنات

السلام عليكم يعطيكم العافيه ياريت اتفيدوني
اشلون المنهج والمدرسات بمدرسه الرساله والمستقبل احسن منها ولا لاء لان ولدي والحيد برووح قريد 1 ومحتاره اسجله بالرساله ولا بالمستقبل

 

[العلياا]

بنات وينكم عن التجمع

 

[العلياا]

بقيت اسال عن الاختبار شنو عطو اعيالكم عشان ينقبلون في المدرسة

 

[sadeem yam yam]

تفاحه عسل .. حبيبتي استخيري بالنسبه للمدرستين .. يمكن اقولج المدرسه الفلانيه احسن ومايرتاح فيها والعكس .. فانتي استخيري ربج والله يكتب الخيره ويوفق وليدج وعيالنا

العليا ..الاختبار يعتمد اي مرحله .. انا ولدي قريد ون .. عطوه رياضيات الاعداد يعد .. ويكمل ويقص على الخط .. والعربي عطوه احرف وتوصيل الحرف مع اول حرف من الكلمه ... وبعد شنو مممممم والله ماذكر .. مع اني كنت موجوده معاه حزتها ..
اي صح سالوه بالانجليزي عن عمره واسمه والاشكال بالانجليزي والاحرف بعد والالوان واسمحيلي والله ماذكر الباجي

 

[العلياا]

يعطيج العافية اختي سديم انا ولدي بروح قريد ون انشالله بس حاطتة بروضة حكومية وما يعرف اي شي الله يعين

 

[sadeem yam yam]

العفو حبيبتي .. حتى انا يالعليا ولدي حكومه ولايعرف اي شششئ بس قعدت معاه قبلها بوقت وعلمته الاساسيات والحمدلله

 

[يميزني سمو ذاتي]

مرحبااا

ابي أسألكم عن هالمدرسة زينه استفادوا منها عيالكم

لان محتارة بينها وبين التكامل و بين الباكستانية

لان عندي ولدي بدخلة السنة الياية ان شاء الله

اللي جربوها ذكرولي تجربتكم

انتظر ردودكم الحلوة...

 

[sadeem yam yam]

حبيبتي انا ماجربت التكامل ولا الباكستانيه عشان اعرف نظامهم .. حتى الحكومه ماجربتها .. وهذا بجري يعني اول تجربه لي .. ماقدر احكم وافيدج ..
يعني الي عندها عيال ومجربه اخوانه او مدارس ثانيه تقدر تفيدج اكثر مني .. انا ولدي كنت مسجلته بالمستقبل .. وكانت بعيييد .. وسمعت بالرساله .. استخرت ربي والحمدلله قبلوه بالرساله واهي وااايد اقرب من المستقبل . وان شاء الله خيره
فانتي استخيري ..
وبعدين المدرسه كاول سنه لها مانقدر نحكم عليها .. انا بالنسبه لي عاجبتني واشوفها زينه .. ومافكرت انقله لمدرسه خاصه ثانيه والشاطر شاطر باي مكان تحطينه .. واولا واخيرا استخيري ربج والله يكتب لج الخيره

 

[سر القلوب]

مرحبا بنات التجمع اشلونكم ؟؟

وانا حبيبتي نفس راي حبيبتي سدومة المدرسة عاجبتني بس مااقدر اقارن مع مدارس ثانية لاني ماجربتها

بس ولدي كان بالروضة بالدولية الباكستانية في خيطان اسسولي اياه بس والله شادين عليهم وسوولهم محو طفوله وماانصح احد يدخل عياله الباكستانية تعقيد مع درااااسة ماينفع احنا نبيهم اقوية بالدراسة بدوووون تعقد عشان تستمر هالقوة

وانتي استشيري واستخيري والله يكتب لج الخيرة ويوفق وليدج ويبلغج فيه حبيبتي

 

[يميزني سمو ذاتي]

مشكورين خواتي سديم و سر القلوب و الله يعطيكم العافية

وانشاء الله يوفق عيالكم

وتشوفونهم متخرجين

 

[سر القلوب]

اجمعين حبيبتي ماسوينا شي وطمنيني على اللي يصير معاج

 

[pink Engineerah]

السلااااااااااااام

الله يوفق الجميع يااااااااارب

بنات خلونا واقعيين كل مؤسسه تربويه لها عيوبها حتى لو لها باع طويل فما بال الرساله حديثه النشاه عموما احنا نوضح راينا واعتراضاتنا ووجه نظرنا ونسجل شكاوينا والله يسهل امورنا

بالنسبه لباجي المدارس انا دخلت تجمعاتهم وخذيت فكره حالهم من حال الكل شكاوي وتذبذب مستوى وغيره مع ان المدارس قديمه

لا تفكرون بنقل الطفل من بيئه لبيئه فجاه بالذات بعمر الطفوله لان هالنقله صعبه نفسيا عليه اتمنى كل ام تراعي هالنقطه لان الطفل ممكن يتاثر ويصير عنده الاندماج صعب بالمجتمع بسبب عدم الاستقرار وعدم استمرار صداقاته اللي كونها


حبيباتي اللي عندها فكره اذا في كورسات للاطفال بالصيف لان عيالي السنه الجايه اول سنه لهم ودي ااسسهم وتقبلو مروي

 

[سر القلوب]

كلامج عدل مدل

وبصراحة معندي فكرة ان شاء الله البنات يفيدونج

 

[سر القلوب]

ليش المنتدى مافيه روووووح كلش

وييينكم


اشلون عيالكم مع منهج السباحة اليديد مستانسن ؟

يالله دشو تكلمو سولفو