تجمع لأولياء امور طلبه مدرسه الرساله ثنائيه اللغه

[pink Engineerah]

هلا سروره شخبارج

والله ادش وما القى احد واللا ودي اسولف واتعرف عليكم اكثر

 

[sadeem yam yam]

هلا سر حبيبتي شلونج وشخبار عيالج
بينك شلونج حبيبتي

سر انا اسالج ماتردين شوفي مشاركاتي الي فوق .. سألتج انتي وام مانع عن الاملاء وشلون عيالكم .. مارديتي علي < زعلانه منج
وجم مره ادش الموضوع ماشوف مشاركات يديده ولا اشوف احد راد على اسئلتي .. غير عن اني يالله الاقي وقت .. يعني ادش النت اطقطق واسوي دروس .. واول موضوع ادشه هالموضوع ..

بالنسبه حق السباحه .. انا ولدي عنده فوووبيا وخوووف مو طبيعي من السباحه لانه حاشه موقف قبل .. وصار مايحب شئ اسمه ماي حتى لو احط له شووويه بالبانيو كلشششش مايقرب صوبه

عاد بما انه يومهم الخميس كنت اهيئه طوول الاسبوع ورحت وياه وشريت الاغراض وزهبتهم واهو مستااانس وخايف بنفس الوقت وكلمت مس امل وبلغتها الله يجزاها خير ماتقصر .. وطمنته اهو بعد ان المس ماراح تخليه .. واستفسرت عن جم شغله كانت محيرتني عن اللبس وشلون يتسبحون ومنو وياهم وجذي ..

والحمدلله ياني امس مستااااااانس يقول دشينا المسبح وشوي شوي سوينا حركات ومادري شنو .. بس للاسف ان الخميس الجاي راح يكون اجتماع اولياء الامور وماراح ياخذون سباحه ...
انا واااااااااايد احاتي التقرير هذي عندي احساااس كبير انه عافس الدنياااا .. الله يستر

 

[سر القلوب]

ينك انجينيرا
حبيبتي والله اشلونج عساج بخير ان شاء الله

سدومتي حبيبتي اسفة والله ماانتبهت على الاسئلة وهذي بوسة على راسج كلش ولا زعلج

شوفي بالنسبة للسباحة انا ولدي مشركته بنشاط السباحة كل اربعاء وبما انه دش بالمنهج وصار كل اثنين بعد اشوفه معيد بس اول الوقت حطوهم بالعميق وكان كله يتحلطم يبي مال الصغار على قولته وفعلا ودوهم بس انا وايد مستانسة من ابلة امل الله يعطيها العافية لما اروح اخذ ولدي القاها تنشف اليهال بفوطهم وتخاف عليهم وشحليلها حنونة والاربعاء اللي فات كانت المناوبة اللي معاها مس شروق الاسلامية تخيلوا لقيتها ماسكة سشوار هوا وقاعدة تنشف شعر اليهال واحد واحد
ماقصروا والله

خلصنا من السباحة يينا على التقرير انا بصراحة خايفة من الانجليزي والرياضيات وخايفة من السلوووووك وايد الكل يشتكي انه مايسمع الكلام بس يتبوسم ويسوي عكس اللي تقوله المدرسه طبعا هذا موسلوكه المدرسات مستغربينه بس يقولون انه مرافج شلة شياطين عاد انا قعدتله قعدة ويقولون انه تغير للاحسن والله يستر


سدومة انا سمعت من ولدي ان مس الانجليزي غيروها بعد !!! شتهقين صج ؟؟؟ بصراحة اذا صج يعني قزروها علينا راحت السنة واهم كل ساع ابلة ماكووووو شغل شنو

وبعد سدومة ماتدرين متى يعطلون ؟؟ جنة 22 - 6 حرام مو واااايد ؟؟!!

واشوفكم على خير ويالله نبي نرجع مثل اول

 

[sadeem yam yam]

هلا سروره فديتج ياقلبي ,, مازعلت ولاشئ بس اتغلى لووول
ادري اني غاليه عندج مثل مانتي غاليه عندي امووووواه

وبالنسبه حق التقرير الله يسسسسسستر .. نسيت الانجليزي عاد كلشششش مبدع .. لايحفظ املاء ولاريدنج ولاشئ .. حتى الكتابه يالله يحل الهوم ورك بطلعه الروح .. حيل حيل متعبني الله يهديه ..

بعدين سر بالنسبه حق الشياطين على قولتج .. لايرافجهم ولدج .. انا كل يوم ولدي يشكي لي منهم .. تحسينهم من تصرفاتهم والي يسوونه كبار مو يهاال .. ياخذون اغراضه ويطقونه ولمن يقول حق المس .. يقول ياماما ماتسمعني .. الظاهر من كثر مايشكي حقروه
قولي حق وليدج ترا هالشئ غلط ولاتسويه وجذي .. قعدي معاه ونبهيه لايغيرونه عليج الله يهديهم بس

ومس الانجليزي ماسمعت كلش عن هالشئ .. شدعوه الي عندي يتكلم ولايقول شئ .. مايواطن طاري المدرسه ولاسالته قام يقص علي بالحجي لوووول
واذا صج غيروها فعيالنا وااايد انظلموا هالسنه بالانجليزي الصراحه .. المفروض يعوضون عليهم بكورس صيفي مجاااني لان الغلط منهم مو منا .. شلون يروحون عيالنا سنه ثاني ان شااء الله واهم الاساسيات ميييح عندهم مايصير هالشئ ..

بعدين انا اليوم انصدمت بالورقه .. امبيييييييييه ثاني روضه يعطلون 9/6 جنه ؟ قلت عيل الله يستر من اولى ابتدائي ماشفت التاريخ .. بس الحين صج صج صدمتيني
شدعووه لييييييش ..
الروضه بالحكومه يعطلون مبجر .. والابتدائي يعطلون اخر خمسه الظاهر .. احنا لي اخر 6 ؟؟
امبيه لا لا مايصير

بعدين على الطاري سروره . تدرين ان الحكومه بالعربي تووووهم ياخذون اول قصه من الكتاب .. الي اهي علم بلادي يرفرف في ساحه مدرستي !!
واحنا راح نخلص الكتاب عقب اسبوعين تقريبا .. حيل استغربت .. احس طاايرييين اهم شئ نخلص الكتاب ..
والله ماقمت ادري الصراحه .. الحمدلله الي اولى ابتدائي بس .. صج انها اهم شئ وانها الاساس والتاسيس .. ماكو الا هالصيف الله يعين ناسس من جديد وناخذ كورسات صيفيه بس الاكيد مو بهالمدرسه .. بمكان ثاني احسن

الحين شلوووووووووووون مع العطله مانبي اخر 6

احتجوا ياامهات .. صرنا نعطل مع المتوسط شدعووووه

 

[سر القلوب]

هلا والله سديم تغلي حبيبتي تستاهلين التغلي حبيتي

اي والله سدومة العطلة مطولة ملينا ملينا ملينا

وانا اللي عندي كان بادي بالمدرسة صح اما الحين لازم كل يوم طق طق طق عشان يكتب واجباته وانا عصبية حيل مااتحمل يستعبط وجدية ولاني بالدراسة كنت جدية بعد ابيه يصير مثلي ادري هذا غلط بس شسوي تشوفيني يوم شحليلي احاول اسيطر على عمري وبالاخير ينفذ صبري
بعد الرياضيات مزودينها واجبات واوراق عمل لها اول ومالها تالي بصراحة ضغط وتاخذ وقته كله

الله يعين

 

[sadeem yam yam]

لاااااااااا كتبت رد شطوله وانمسح

سر والله انتي نفس حالتي .. تصدقين صاير ينرفزني وانا بروحي ماتحمل .. من نبدا نحل الهوم ورك يبدا يستعبط .. ويسوي نفسه مايفهم هذا غير الخط حرف فوق وحرف تحت .. ويضحك يتعمد يرفع ضغطي
صراحه صايره سالفه الهوم ورك جهاااااااااااااد مع النفس والله اني استااانس لاشفت ماكو واجب ولا بس واجب ماده وحده ..
والرياضيات ترا لاعت جبودنا .. يكتبون بالخطه الاسبوعيه الواجبه وجذي ويكون العكس .. يعني الاسبوع الي طاف اشوف كتاب التلميذ مو حالين شئ يعني ماخذوا .. واقوله ماما خذيتوا هالدرس يقول لا .. قلت يمكن عشان مايحل قاعد يقص علي .. واحل الواجب معاه .. اتفاجا بالخطه الاسبوعيه هالاسبوع اني حاله مع ولدي واجبات دروس واهما ماخذوها للحين!!
اي ليش ؟ ياتمشون على الخطه الاسبوعيه ياتكتبون على كتاب التمارين نفس قبل يكتبون عليه واجب .. صايرين احنا نسبقهم واهما ورانا !!

وهذا كله بصوب والعطله بصوب يعني بنتحمل شهرين على هالوضع ؟؟ امبيييييييه هذا واحنا سابقين الحكومه بعد ..
لايبا خل نكلمهم ونحتج مانبي جذي

 

[pink Engineerah]

بنات اذا لقيتو مكان زين حق كورسات بالصيف قولولي عفيه والله يوفق عيالنا يا رب

 

[sadeem yam yam]

ان شااء الله بينك حبيبتي ولايهمج

سر شلون التقرير .. انا بصراحه جنه احد معطيني طرااااااااق على ويهي انصددددمت التقرير كلش كلش كلش موشئ

حدددده ضااايق خلقي .. فيني البجيه ..

 

[سر القلوب]

ابشري بينك

سديم حبيبتي لاتتضايقين عادي توهوباولى والمناهج واااايد صعبة إدّاد لهم والله شدي حيلج معاه وان شاء الله بيصير احسن

انا بالنسبة للتقرير الحمد لله زين مرضي بس الاسلاميات وايد منزلته اشعوة كل المواد احسن منها

باجر بكلمها واشوف وين التقصير من ولدي والا منها

الله كريم

اشلونكم مع حفظ سورة الغاشية انا ولدي مو راضي يحفظ عدل مخه مقفل مع الحفظ احسه تشبع خلاااااص
اما الرياضيات هالاسبوع المنهج مبددددددعععع الصراحة فوق مستواهم شنو لتر وكيلو متر ومقاييييس وايد اكبر من عقلهم ... لا وبعد شوف الثعبان وقدر بخيالك كم مسبك يساوي طولها !!! اش دعوة اش هالخيال توهم مكملين 6 سنين طيرتوا الدنيا

تدرين انا لاما اشوف جذي شقول بقلبي ....!!!؟؟؟؟ اقول اي الحين الواحد لو يطلع من المدرسة من اولى ابتدائي مايصير أمي.. لوووووول يعني كل شي يعرف ماخلوا شي بالدنيا مادرسوهم اياه بصراحة زين وشين
انا اايد بس اقول المنهج طويل والسنة الدراسية ماتكفيه يعني مو كل الدروس يتشربونها في دروس يبيلها اكثر من حصة

سولفت وااايد بس شي يعور القلب الله يعيننا

انصح كل ام تدرس عيالها بالعطلة للمنهج القادم تأسيس بس بدون ظغط لان لاحقين عليه

والسلام ختااام

 

[pink Engineerah]

وااااااااااي بنات تخوف سوالفكم عن المناهج والله

 

[Sunshine888]

بنات شلون مستوى عيالكم في الرياضيات و القراءة و حفظ القران,
بنتي في المدرسة الكندية و مرتاحة لمستواها؟ بس الرسالة قريبة علي .:edbf4317b9:

الرياضيات و العلوم بالعربي او انجليزي؟؟؟؟

والكلام داخل المدرسة مع الادارة والأنشطة بالنجليزي؟؟؟

 

[سر القلوب]

بنات شلون مستوى عيالكم في الرياضيات و القراءة و حفظ القران,
بنتي في المدرسة الكندية و مرتاحة لمستواها؟ بس الرسالة قريبة علي .:edbf4317b9:

الرياضيات و العلوم بالعربي او انجليزي؟؟؟؟

والكلام داخل المدرسة مع الادارة والأنشطة بالنجليزي؟؟؟

هلا حبيتي حياج الله

الرياضيات مستوى التدريس اولى ابتدائي فوق المتاز ماشاء الله مس خولة شرحها ممتاز واليهال يحبونها واهي قلبها عليهم

الرياضيات ليما 3 ابتدائي بالعربي بعدين يصير بالانجليزي

العربي ماشاء الله مس هدى الله يعطيها العافية مومقصرة مأدية فوق واجبها وحريصة عليهم

الانجليزي مس غدري وااايد زينه ومستواهم معاها صار فوق الممتاز بعد ماكانوا متدهورين بسبب عدم الاستقرار للمدرسات اللي درسوهم يعني تغيير مستمر الى ان يت المنقذة مس غدير الله يعطيها العافية

الادارة تبارك الرحمن متفاهمين واسلوبهم وايد حلو ومتعاونين ويبون رضاج كلهم بلا استثناء واهني نخص بالشكر مس دجانة الله يعطيها العافية الاخصائية حريصه على الطلاب وعلى رضا اولياء الامور وهادية ومستمعة جيدة تاخذ كل اللي عندج بعدين تعطيج رايها ومساعدتها


اتمنى اني وفيت معاج اللي تبينه

بس اذا تبين رايي
اذا مستوى بنتج زين وانتي مرتاحة من المدرسة لاتغيرين الجو عليها



بنات اشلونكم واشلون الاجتماع


بصراحة مافضيت ادش التجمع ولدي مسكين حرارته وصلت 41 خرعني ويومين مونايمة معاه واليوم اشوي احسن مو وايد بس الحمدلله وباجر بغيبه ماراح اخليه يداوم لان ويهه منتفخ وعيونه وارمة من قوة الحرارة وليلحين جسمه مهدود المسكين كنا حاجزين شاليه ماستانس ولا شي اطلعت الروحة من جبده
بس الحمدلله على كل حال


عموما ملخص الاجتماع معاي

كان الجو في المدرسة وايد حلو واستقبال المدرسات يهبل وجنهم صديقات ونعرفهم من زمان يهبلون ماشاء الله عليهم ينحبون

والكل قال مدحه وانتقاده

بس اللي مضيق خلقي الاسلاميات وايد تنزل الدرجات بسبب السلوك ليش الولد اذا مايقعد مكانه ويتحرك وايد ويجاوب بدون مايرفع ايده تزنلين درجته ترى اهم صبيان ويايين من الروضة توهم صغار والمفروض اهي تعرف اشلون تمتص الحركة منه وتعرف اشلون توظفه بالصف بحيث تشغله عن الحركة

بس اهي هذي قناعتها وانا تكلمت معاها واهي مقتنعة بان الحركة والنشاط الزايد راح ينزل درجاته موبس بالسلوك !! لا بعد بالفهم والاستيعاب والواجبات والنشاط الصفي !! مع انها بلسانها قالت الولد وايد شاطر بالمادة !!

انا موعاجبني الموضوع طبعا انا ماارضى بان الولد يكون سلوكة مشاغب بس اهي ماتقول قليل ادب او مشاغب لا اهو حركة زايدة واعتقد في اختلاف كبير بين الاثنين

انا من ناحيتي كلمت ولدي وعطيته التوجيهات وان شاء الله بتابع الموضوع واكيد ماراح ارضى بان درجاته تنزل لهذا السبب

يعني كل المواد احسن من الاسلاميات وباقي المواد اصعب اعتقد اهني بيكون المفروض التدخل الايجابي من المدرسة

لازم تعرف تتعامل مع الاولاد الصغار والكثيري الحركة لان اهو مايعرف الدجات وتنزل وتصعد عدل هذا العقاب بيكون لولي المر مو للولد

الله يسامحها انا احب تكون المدرسة حريصة بس مو بهالطريقة انا اعتبر هذي الطريقة تعسفية


نيي على مادة التربية البدنية ماخذ a ليش مو a+ اعتقد مو فيزيا ولا كيميا انا ماحبيت ان المواد الاسهل اهي اللي تكون الرجات فيها بهالطريقة مع ان المدرسة تشكر فيه بس استغربت تقول بالبدنية مانعطي اكثرمن هالدرجة !!!!! ليش ماادري واذا بنفكر اشوي ترى هذي المواد وضعت للتنفيس عن التلاميد !!


الانجليزي اول مرة اشوف مس غدير ماشاء الله عليها عسل وتعطيج من وقتها ولا بعد تفصل لج بالطريقة المتبعة والمطلوب من التلميذ تريح وتطمن الله يعطيها العافية


:eh_s(17):وردة من بستان قلبي لمس مها المساعدة في صف 1b على استقبالها وعطائها وحبها للتلاميذ

:eh_s(17):ووردة من نفس البستان لكل مدرسة تبذل من اجل اداء واجبها ومن اجل اولادنا

الله يعطيهم العافية من غير استثناء مدرسات وادراة :e3::e3:

بس حبيت اوضح اني اذا انتقدت اي مدرسة او طريقتها فانا انتقد من حيث الاختلاف بالراي لكني اكن لها كل تقدير واحترام كونها تعلم وتربي ولدي فالمدرسة لها منزلة كبيرة عندي وانا اكن كل احترام ومحبة لكل من ساهم في تعليمي من الروضة الى الجامعة وادعيلهم في ظهر الغيب والله وكذلك كل من يساهم في تعليم ولدي فله كل تحية واحترام :yaaaaaarb::e3:




والسلاااااام ختاااااااام :bye22:

 

[أم عبووووود]

متابعه وياكم :eh_s(7):

 

[مبرقعة coool]

مرحباااا بنات شلونكم وشلون كتاكيتكم ويا المدرسة ؟؟

انا ولدي فديته بـ KG1 واسم الله عليه شخصيته متغيره حيل

كان قبل حياوي وخجوووول الحين يهبل تبارك الرحمن ... واللي عاجبني

ان لما يسولف عن أصدقاءه دايما يقول (( أخواني )) يعني يسولف يقول

أخوي فلان لعب وياي واختي فلانه قالت كذاااا يعني انا لما يسولف علي بالعربي

أدووووووووووووووووووووووووخ وودي آآآكله .. وبالعكس المدرسة تهبل

واهو يحبها حيل وما يحب يغيب كلش .. وقراءته بالقرآآن روعة بس ملوع جبدي

ما يكتب الا لازم امسك ايده مو راضي يكتب بروحة كله خايف يغلط مع اني اقول

عادي يا بابا اذا غلطت نمسحه مووووووووووووو راضي كلش شنو الحل ؟؟؟؟؟

وارجوا انكم تتفاعلون اكثر بهالتجمع الحلوووووووو هذااااااا...:eh_s(22)::eh_s(22):

****​

 

[سر القلوب]

ام عبود حياج الله معانا نورتي تجمعنا والله

كبرقعة حبيبتي هلا فيج والله واسم الله عليه وليديج الله يحفظه يارب ويبلغج فيه ان شاء الله وتشوفينه اعلى المناصب يارب

حاولي انتي تكتبين وتخربطين وتظحكين وتمسحين الخطا وترجعين تكتبينه مرة ثانية وممكن تسوين نس الحركة مع احد من اخوانه او عيال خالته او عمته علشان ينكسر عنده الخوف من الخطا


انا اليوم ولدي مادوم بالمدرسة بس داومنا انا واهو وابوه بالمستشفى من الصبح الين الساعة 4 العصر واهو تحت الملاحظة حرارة وموعارفين السبب يعني التحاليل الاتهاب فيها بسيط مايستدعي كل هالحرارة 4 ايام وماتنزل !! عطونا فرصة ليما باجر واذا مانزلت راح يتنوم علشان تحاليل وفحوصات اكثر ليما نطيح بالعلة

ان شاء الله ماكو علة وان شاء الله تنزل يارب والله لايحوجنا لهم امييين ادعوله الله يخليكم يكسر الخاطر كاهو يمي قاط بعمره على القنفة ونايم والله ذكرني لما استمرض بانفلونزا الخنازير نفس التعب بس زيادة الحين ويهه واااارم
الله الشافي المعافي كريم يشفي وليدي بكرمه يارب

 

[sadeem yam yam]

حبيبي والله مايشوف شر والله ضيقتي خلقي عليه ياسر ..
اللهم اذهب عنه الباس واشفه لاشفاء الاشفائك شفاء لايغادر سقما

سر انا صار بولدي جذي حراررره نار وورم وجهه وماعرفوا من شنو والله وكيلج اسبوع مو راضيه تنزل مع انهم عطوه مضاد واهو مافيه التهاب ولا شئ حتى خافض الحراره مافاد معاه
واخرتها وديناه خاص وطلع فيه خراج تحت الضرس ونطرنا اسبوع ثاني ليمن خف وعقبها شالوه والحمدلله عقبها شاف العافيه
الله يشافيه ويحفظه ياكريم


بالنسبه حق الاجتماع رحت 10 وخلصت تقريبا 2
والحمدلله احس هالمره تنظيم احسن من المره الي طافت حتى الاهالي .. مع انه للحين مازال فيه ناس الله يهديها ماتحترم الدور ولاهامها جم لج تنطرين عند الباب ولامتى سجلتي اسم ولدج ,, على طووووووووول تدرعم

طبعا الابلات نفسياتهم وصدورهم وسيعه .. مس خوله الله يعافيها ماقصرت .. وتقول راح تبلش معاهم عقب اسبوع تقريبا يردون للدروس الي مو فاهمينها
ومس هدى احبها واااايد على انه ولدي مطلع عيونها الله يعينها لووول
وهم مس عبير .. الله يعطيهم العافيه ,,ماقصروا وضحولنا الصوره وعن مستوى عيالنا ,, طبعا انا ولدي حدث ولاحرج .. جميع الابلات يقولون حركي وواااااااااااايد وصاير مايرد على احد الي براسه يسويه ..
امبيه ورقه عمل الوطنيه .. تخيلي اعلام الدول .. السعوديه صار لونهم احمر وقطر اصفر على ازرق .. يعني ذووق تبارك الرحمن .. لا وينسق الالوان بعد
تقوله مس هند غلط يقول كيفي ورقتي والون الالوان الي تعجبني لووول اي عاد مو الاعلام لعبت بالمعالم لعب

ومس دجانه ياحلوهاااا والله .. انسااانه ماشفت مثلها بالرقي بالتعامل والاسلوب ,, الله يوفقها ويجزاها الف خير ..
طبعا الملاحظات على ولدي والي انا ملاحظتها بعد تشتت في الحصص .. مافيه تركيز ابداااا .. يتحرش بربعه بالصف ويناجرهم .. ويحن على الابلات لوووول ..

والله يستر من التقرير الجاي .. ان شااء الله يارب يكون احسن


بالنسبه حق العطله راح تكون 23/6 امبيييه مو صج
اللبس حق المدرسه راح يغيرونه مو السنه الجايه لا الي وراها .. لان عندهم بالمخازن ملابس واايد

العربي اتوقع ياسر ان فيه كتاب ثاني راح ياخذونه عقب مايخلصون هذا << احباااااااااااااط

 

[مبرقعة coool]

ام عبود حياج الله معانا نورتي تجمعنا والله

كبرقعة حبيبتي هلا فيج والله واسم الله عليه وليديج الله يحفظه يارب ويبلغج فيه ان شاء الله وتشوفينه اعلى المناصب يارب

حاولي انتي تكتبين وتخربطين وتظحكين وتمسحين الخطا وترجعين تكتبينه مرة ثانية وممكن تسوين نس الحركة مع احد من اخوانه او عيال خالته او عمته علشان ينكسر عنده الخوف من الخطا

انا اليوم ولدي مادوم بالمدرسة بس داومنا انا واهو وابوه بالمستشفى من الصبح الين الساعة 4 العصر واهو تحت الملاحظة حرارة وموعارفين السبب يعني التحاليل الاتهاب فيها بسيط مايستدعي كل هالحرارة 4 ايام وماتنزل !! عطونا فرصة ليما باجر واذا مانزلت راح يتنوم علشان تحاليل وفحوصات اكثر ليما نطيح بالعلة

ان شاء الله ماكو علة وان شاء الله تنزل يارب والله لايحوجنا لهم امييين ادعوله الله يخليكم يكسر الخاطر كاهو يمي قاط بعمره على القنفة ونايم والله ذكرني لما استمرض بانفلونزا الخنازير نفس التعب بس زيادة الحين ويهه واااارم
الله الشافي المعافي كريم يشفي وليدي بكرمه يارب​

سر القلوب شلون وليدج بشرينا عنه ان شاء الله تحسن ... ما يشوف شر ان شاء الله وانفلونزاااا الخنازير كذبه خرعونا فيها

حتى ولدي جاته بس كانت حرارة مرتفعة حيل وطولت وغدااا شره ... وانتي عليج بالكمادات لا تخلينها تطيح منه

وما عليه الا العافية حبيبي ... ومشكورة على النصايح ببلش معاه اليوووم باذن الله

*** :hjy5jewf:​

 

[ريان 123]

المبرقعه انا بنيتي بكي جي ون والحمدالله ماشيه بس زايده شطانتها انتي ودج كي جي شنو

 

[مبرقعة coool]

المبرقعه انا بنيتي بكي جي ون والحمدالله ماشيه بس زايده شطانتها انتي ودج كي جي شنو

هلا قلبي ... ولدي في كي جي ون الصدق .. خليها تتشيطن بالعكس انا مستانسة لأن ولدي

قبل حيللللللل خجوووووول وانطوائي .. الحين الحمد لله شخصيته صايره عسل الله يحفظه

ويحفظ عيالكم كلهم آآآآآآآآآآآآآآآآمين :yaaaaaarb:

اذا بنوتج بصف ولدي قولي لي اسمها الله يحفظها

*** ​

 

[Sunshine888]

هلا حبيتي حياج الله

الرياضيات مستوى التدريس اولى ابتدائي فوق المتاز ماشاء الله مس خولة شرحها ممتاز واليهال يحبونها واهي قلبها عليهم

الرياضيات ليما 3 ابتدائي بالعربي بعدين يصير بالانجليزي

العربي ماشاء الله مس هدى الله يعطيها العافية مومقصرة مأدية فوق واجبها وحريصة عليهم

الانجليزي مس غدري وااايد زينه ومستواهم معاها صار فوق الممتاز بعد ماكانوا متدهورين بسبب عدم الاستقرار للمدرسات اللي درسوهم يعني تغيير مستمر الى ان يت المنقذة مس غدير الله يعطيها العافية

الادارة تبارك الرحمن متفاهمين واسلوبهم وايد حلو ومتعاونين ويبون رضاج كلهم بلا استثناء واهني نخص بالشكر مس دجانة الله يعطيها العافية الاخصائية حريصه على الطلاب وعلى رضا اولياء الامور وهادية ومستمعة جيدة تاخذ كل اللي عندج بعدين تعطيج رايها ومساعدتها


اتمنى اني وفيت معاج اللي تبينه

بس اذا تبين رايي
اذا مستوى بنتج زين وانتي مرتاحة من المدرسة لاتغيرين الجو عليها


حبيبتي مشكورة لردج السريع,
طمنتيني انا كنت ناوية ابدأ معاها في الرسالة هالسنة بس تأخرت بالتسجيل.... والكندية زينة بس الطريج بعييييد وأنا بالعقيلة عشان جذي بأحولها لو لقيت مكان.
وحبيت الرياضيات والعلوم بالانجلش من البداية... بس لو مالطريج!!
تتوقعين بعد فيه مكان بكيجي 2 و قريد 2؟؟؟

ال