(تجمع لاكرش بعد اليوم) (مدةالموضوع شهر من تاريخه)

[ضعيفه وعصله]

رد: (لاكرش بعد اليوم) سارعوا بالتسجيل المدة شهر ابتداءا من 6\12

وزني 75 طولي 164 الدكتور يقول يبيلي 7

 

[السدرة2]

رد: (لاكرش بعد اليوم) سارعوا بالتسجيل المدة شهر ابتداءا من 6\12

انا بعد معاكم وزني 59
طولي 153
الهدف 50

 

[أم شاهين]

رد: (لاكرش بعد اليوم) سارعوا بالتسجيل المدة شهر ابتداءا من 6\12

الأغراض المطلوبه
الصابونه هذي ماستغنى عنه احسها وايد تشد وطبيعيه وسوها يابنات بالبيت ترى في بنات يبعونها بس انا بعطيكم اياها مجاني وعن الحلال والحرام انا اخذتها من وحده بحرينيه بالنت كانت صديقه لي وخوش بنت وجربتها وادعيلها بالخير على هالصابونه جد تشد بصراحه اهي ماتضعف اتساعد على الشد وماطلع لكم خطوط انا كرشتي مشدوده والله ويابسه صخر بس حجمها شوي كبير مو وايد
هذي مقادير الصابونه وماتكلف ويسمونها صابونه القهوه اذا احد يعرفها
ومقاديرها قالب صابون بيبي جونسن افضل النوع الا بزيت اللوز ( واذا لم تجدي اي نوع من صابون الاطفال )
قهوة تركي مقدار ( 2 ملعقة كبيرة )
( 3 ملاعق كبيرة زيت اللوز + 3 ملاعق زيت جلسرين + 2 ملعقة كبيرة زيت قرنفل)
ملعقة صغيرة قرنفل ناعم
الطريقه
تبشر الصابونه وتوضع عليها الزيوت والقرنفل الناعم وتخلط في الخلاط
نضع القهوة على الماء ونغليها لمدة 10 دقائق حتى تبدأ تتركز القهوة
بعدها نضيف خلطة الصابون على القهوة المغلية وندعها تطبخ على النار لمدة من3- 5 دقائق
نصبها في صينية او قالب الثلج ونضعها في الفريزر حتى تتجمد
نخرجها ونقطعها مربعات اذا كانت مجمدة في الصينية
نضعها في علبة بلاستيك ونستخدمها
وطريقة استعمالها
عقب مانخلص من استحمامنه العادي بشاور جل او صابونته نستخدم هالصابونه ونفركها عالاماكن اللي نبي نشدها ونوخر السولليت منها ونخليها مده من 5 الى 10 دقايق واستخدموا ليفه بودي شوب وايد زينه اعتقد سعرها ثنين ونص بس بنات انا اخذها بنص دينار من الفراونيه مغاتير في محل حق الصينين والفلبن تنباع بنص نفسها بالظبط

 

[أم شاهين]

رد: (لاكرش بعد اليوم) سارعوا بالتسجيل المدة شهر ابتداءا من 6\12

حياج السدرة مشتركه رقم خمسه انتي والبيبسي ماكو بنات استحملوا اوكي

 

[galaxy]

رد: (لاكرش بعد اليوم) سارعوا بالتسجيل المدة شهر ابتداءا من 6\12

زيت جلسرين؟؟؟ غير عن كريم الجلسرين؟؟؟الاحمر

 

[cute_angle]

رد: (لاكرش بعد اليوم) سارعوا بالتسجيل المدة شهر ابتداءا من 6\12

وزني 69 وطولي 157

 

[أم شاهين]

رد: (لاكرش بعد اليوم) سارعوا بالتسجيل المدة شهر ابتداءا من 6\12

الحين بلشنا بالأشياء المطلوبه
1-قطع البيبسي من اليوم
2_ الصابونه للي تبي انا امدحها لكم عن تجربه صابونه القهوه
3_ نبي قشر رمان وزنجبيل طري وشاي اخضر ونعناع هذي مطاره سوها عقب ماتخلصون من الغدا بساعه لانه تحتوي على شاي اخضر والشاي اخضر يبيله ساعه اوساعتين بعد الاكل وقشر الرمان شنو فظيع والله حق الافرازت انه قطعها من عندي
4_ كمون وليمون على الريج شربوا الطريقه ناخذ ليمونه نقصها بنص ناخذ النص ونحطه بماي ونغليه بعدين لما يغلي نعصرها حيل واهي راح تكون ذايبه ونحط ملعقه كمون مطحون وشربوها علىالريج ادري بتقولون مانقدر بس فظيع حتى خصر يطلع لكم اسبوع تشوفون نيجته وانا كنت اشربه بعود بسرعه عشان ماحس بالطعم ماراح تحسون بطعمه

8
8
8
يلا سجلوا في اشياء كثيره عندي بحكم تجاربي عرفت شنو اللي ينفع واللي ماينفع

 

[galaxy]

زيت الوز في اثنين الحلو ولا لا؟

 

[السدرة2]

مافهمت طريقة الليمون عدل قصدج اغليها ثم استخدم الماء الي انغلى فيه واشربه والاماي جديد واعصرعليه الليمونه المغليه ابي توضيح اكثر ومشكوره يا قلبي

 

[مفلوقه بمنديل]

ممكن توضحين طريقة للليمون لانو مافهمت اللحين الماي اللي اغلي فيه نص الليمونه اغيره ولآ اعصر الليمون عليه

وطيب نستخدم اي نوع الليمون العادي الاصفر ولا الليمون الصغير الاخضر؟؟

واكووووووووون لج شاكره

 

[أم شاهين]

بالنسبه للصابونه بنات في زيت اسمه زيت الجلسرين موالكريم المدور الاحمر لاء زيت الجلسرين له مسمى ثاني زيت البرافين يعطيكم اياه الحواي بالنسبه لزيت اللوز المر
السدرة 2 الليمونه تنغلي معا الماي وتعصرينها بالماي نفسه
وشاكره مروركم ابي تفاعل اكثر

 

[أم شاهين]

عادي اى ليمون يتواجد بالبيت اهو كلاته ليمون لاحد يقص عليكم يقول أبوزهيره ومادري شنو اهو ليمون واحد وأكسده واحده هذا اللي اعرفه

 

[أبله نوف]

أرقى سلام لأحلى بنات مكرشين
انا بعد معاكم وأتمنى اترووح كرشتي باسرع وقت
انا طولي 164
ووزني 70
والبيبسي قطعته تقريبا ما اشربه الا مره او مرتين بالاسبوع وانشالله احاول اقطعه بشكل نهائي

 

[أبله نوف]

لا انا ما اقدر اشرب هالاشياء
اي شي اسوي الا اني اشرب جذي مادري ليش ما اقدر
من صغري وانا ما اشرب حتى الدوا اذا قال شراب اقول لا لاتحط لي ما اقدر
حتى عند طبيب الاسنان لما يحط الدوا بالماي علشان تتمضمضين فيه اقوله بس حط لي ماي ما اقدر

أما الصابونه انشالله راح اسويها بعد العيد لان الحين ماكو وقت

 

[ريوووووف]

مشكوووره اختى وانا بعد بكون معاج

اى صج السنه الى طافت قطعت البيبسي سنه عقب لما رجعت له اول مره شربته عورنى بطنى عقب عااااااااااادى تعودت انشالله من الحين بقطعه

 

[آهاااات]

مرحبااااااااااااا بنات وانا بعد معاكم بقضي على الكرش اللعينه >>> متأثرة بفلم تاريخي هههههههههههه
طولي 156
وزني 84

ولا يوقف لا يوقف

متابعة

 

[نورامينا]

و انا بعد وياكم
طولي 154
وزني الحالي 57 و هدفي اوصل 50
بس بالنسبة للصابونة انا مو كل شي متوفر عندي من هالزيوت الا زيت الجلسرين بس هذا اللي عندي لاني في دولة اجنبية و ماكو عطار اخذ منه هالسوالف شنو الحل؟؟؟

 

[أم شاهين]

حياج ابلة نوف وريوف واهات ونورامينا حياكم انتو معانا بالرابطه
بالنسبه لأبله نوف بس حاولي تقطعين البيبسي وشربي شاي اخضر بالنعناع لبتون تحصلينه بالجمعيات طعمه وايد حلو
ريوف اي قطعيه بس ريووف قولي لي لما قطعتيه سنه شنو تغير لأنه انا صارلي اسبوع وجم يوم احس مرتاحه
واهات انتي يبيلج ضعف اختي ام شاهين كانت منزله رجيم محمد ربيع مشالله من سوته للحين ماممتنت عليه ينزل من 3 الى 4 باسبوع سويه على اقل اسبوعين وسوي معانا برنامجنا

نورامينا هلا حياتي منوره ووزنج وايد حلو تقريبا نفس حالتي انا وزني 63 وطولي 154مايبلج رجيم بس يبلج اتبعين نظام وبرنامج صحي وبالنسبه للزيوت انا مادري هذي خلطه الصابونه اللي سويتها بس جربي تحطين صابون بيبي اى صابون وزيت الجلسرين والقهوه المطحونه والقرنفل اكيد متواجدين وباقي الزيوت مومشكله زيت القرنفل يغطيه القرنفل المطحون بس زيدي كمية زيت الجلسرين لما تسوين الخلطه


وبنات واللي ماتقدر تتبع نظامي بحذافيره تقدر تدش وتستفيد من اشياء تقدر تسويها والباقي نكون معا بعض ونشجع بعض


ولايوقف

 

[راح حبيبي]

لي دور ولا ما لحقت لاني انا مشكلتي هالكرش صج اني مليانه شوي بس كرشي حيل كبير


طولي 155

وزني 89

 

[أم شاهين]

راح حبيبي لا مفتوح للحين حياج شكلي بخليه مفتوح للكل مادري جم وحده للحين بس حياج