تجمع لامهات سنه اولى حضانه

[ام سعودي]

عيدكم مبارك وتقبل الله طاعتكم
شخباركم ؟
واشلون الاجازه كانت معاكم ان شاءالله استانستو؟؟
يا امهات بلييز هذا التجمع بكون حق الي اعيالهم سنه اولى حضانه نبي نتشارك ابافكار وانواسي بعض علشان ما انحاتي اعيالنا فبليز ابي تفاعلكم معاي :eh_s(2):
لاني بصراحه وااااااااايد احاتي ولدي وموعارفه اشلون بخليه وبروح عنه ابي يتعود
يلا نبدي بإذن الله:gr4uu:

 

[Om^7aMaNi]

خووووش موضوع مشالله ولدج اي حضانة؟

 

[LUXURY]

خوش موضوع
صح ولدج اي حضانه؟

أنا دخلت بنيتي حضانة الروضه النموذجيه والحين انغثيت اختي قالتلي مايعلمونها تقط الحفاضه وانا معتمده عليهم
وامي تقول علميها الالوان واسامي الحيوانات والارقام
لان اللي معاها بيكونون يعرفون واهي لا
قلت اشبقى ليش مدخلتها حضانه؟ ادورلها بيبي ستر وتقعد بالبيت
والله ضاق خلقي كل الحضانات جذي؟

 

[Om^7aMaNi]

ليكجري بالهكس وايد يمدحون حضانة الرةضة مشالله لا تحاتين قطي حمولج على الله و الله كريم جم عمر بنتج؟
انا لازم باجر اسجل بنتي عشان اداوم الاحد بس محتارة بين حضانة سوبر كيدز باليرموك و حضانة ليلى بالزهرا

 

[بطة رشيقة]

عفوا بنات انتوا تتكلمون عن الروضه والا الحضااانه ..؟ جنه راعيه الموضوع تقول عن الروضه عموما انا ولدى بيروح اولى روضه هالسنه وسجلته حكووومه كنت ناويه اسجله خاص بس مالله كتب والله يعينا ان شالله انا بعد مثلج ام سعودى قلبى معووورنى عليه وخايفه عليه اهو ولدى الوحيد الله يحفظه وانا طول هالسنسن معتمده على تفسى بتربيته يعنى ماعندى خدامه ولا اقطه عند احد وكل مكان وياى بس الحين اهو بيداوم ولازم يعتمد على روحه الله يحفظه ان شالله وايد قاعد احاتى شلون يقوم الصبح وشولن بسيطر على نومته ..؟ والصبح عسى ما يقعد يبجى على ... الله كريم انا شريت له 5 بدلات وقلت يغير فيهم ودلاغات وجوتى اسود ريااااضه بس بقى باجى الطلبات انطره يروووح وتالى يعطووونا الطلبات ... الله كريم ان شالله

 

[froha83]

خوش موضوع وي بوقته
انا مسجلة بنتي بانجلش بليي قروب اللي بسلوى
ويوم الاحد الياي اول يوم
الله يعين

 

[ام سعودي]

صباح الورد
انا امس سجلت ولدي بحضانة اليرموك النموذية وصج خوووووووووووووووش حضانه يعلمون الياهل كل شي واهم شي الحفاضة
واليوم داوم وديته الساعه 9 لانه امس مانا امبجر حدي قاعده احاتيه وكل شوي داقه عليهم بس قالولي ساعتين وتعالي اخذي علشان مايمل

 

[ام سعودي]

om 7amani
والله يمدحونها سوبر كدز بس بصراحه احنا كل العايله في اليرموك النموذجيه وانصحج فيها ترى من زمان واحنا فيها وتعلم الياهل كل شي.

luxury
لالالا انا مو معاج صراحه الحضانه وايد احسن للياهل يتعلم وبيني وبينج احسن من القعده مع الخدم وبس اتحاتين تخافين الا طقته ولا سوة في شي.


بطة رشيقة
والله انا قصدي حضانه بس نفس الشي حبيبتي حياج والله يعينا انا بعد سعود ولدي الكبير ووايد متعلق فيني وكل مكان معاي علشان جذي احاتيه؟؟؟؟؟؟


faro7a

حياج حبيبتي وقوليلنا شنو يصير معاج

 

[nazek_q8]

خوش موضوع كنت داشه اكتب موضوع نفسه ولقيته الحمدالله


انا توني مسجله ولدي امس اول يوم ولدي عمره سنتين ونص سجلته بحضانة البريطانيه بصباح السالم اهي ثنائية اللغه ماقدر احكم عليها بس الشكل العام الحضانه وايد زينه حسيت فيها اهتمام من المدرسات وفيها منهج تعليم وكتب منهج بريطاني والحلو فيها بعد كاميرات مراقبه وتقدرين تاخذين الشريط تشوفين ولدج طول اليوم شسوي

بس الله لا يوريكم ولدي اول يوم الصبح كان مستانس ويلعب عالساعه 11 دقو علي ولدج قاعد يبجي موراضي يسكت وانا قلبي رهيف طرتله ركض اهو كان متعسر لان مو نايم كفايه واول مره قعدت معاه شوي لما سكت وخليته يلعب مع اليهال

واليوم ثاني يوم اشوه ما بجى وانشالله يتعود عليهم

وسألتهم اذا يعلمونه ان يقط الحفاظه قالو راح نعلمه لان وايد يهال عندهم قطو الحفاظه

 

[Pink Angle]

آنا بنتي عمرها سنه و 9 اشهر و انشالله بسجلها بحضانه رحت افتريت عليهم اللي عجبوني وفيهم تسجيل حضانة مفاز بالجابريه و حضانة التميز بالروضة و محتاره بينهم اللي سامع او مجربهم يريت افيدني

 

[ام سعودي]

هلا والله حياكم الله
nazk
حياج الله انتي نفس حالتي وولدج كبر ولدي تقريبا يلا الله يحفظهم ان شاءالله

pink angle
حبيبي الله يوفقج حبيبتي وان شاءالله البنات ايفيدونج لاني بصراحه ما سمعت عنهم

 

[الاميرة الغالية]

خوش موضوع كنت داشه اكتب موضوع نفسه ولقيته الحمدالله


انا توني مسجله ولدي امس اول يوم ولدي عمره سنتين ونص سجلته بحضانة البريطانيه بصباح السالم اهي ثنائية اللغه ماقدر احكم عليها بس الشكل العام الحضانه وايد زينه حسيت فيها اهتمام من المدرسات وفيها منهج تعليم وكتب منهج بريطاني والحلو فيها بعد كاميرات مراقبه وتقدرين تاخذين الشريط تشوفين ولدج طول اليوم شسوي

بس الله لا يوريكم ولدي اول يوم الصبح كان مستانس ويلعب عالساعه 11 دقو علي ولدج قاعد يبجي موراضي يسكت وانا قلبي رهيف طرتله ركض اهو كان متعسر لان مو نايم كفايه واول مره قعدت معاه شوي لما سكت وخليته يلعب مع اليهال

واليوم ثاني يوم اشوه ما بجى وانشالله يتعود عليهم

وسألتهم اذا يعلمونه ان يقط الحفاظه قالو راح نعلمه لان وايد يهال عندهم قطو الحفاظه

أهلا وسهلا حبيبتي انا ولدي بنفس الحضانة انت اي عمر عند اي ابلة ؟ لان انا من السنة الي طافت معاهم بصراحة وايد حبوبين والناظرة ما شاءالله عليها الله مايغير علينا تهبل شزينها

 

[um.zooza]

خوووووش موضوع
والله أنا بعد بسجل بنتي ومادري وين أحسن حضانه لانه عمرها سنتين
رحت اليوم شفت جضانه رينبو فا ياليييت اللي سامعه عنها تفيدنا
وباجر ان شالله بمر أشوف البريطانيه

 

[ام سعودي]

صباح الخير الخير
اليوم ثاني يوم حضانة وسعود سوالي فلم شوي بس خليته ومشيت بسرعه
وامس قعدت اسولف مع ابلته قالت ماعليج بتعود ان شاءالله

وانتو اشصار معاكم؟؟؟

 

[nazek_q8]

أهلا وسهلا حبيبتي انا ولدي بنفس الحضانة انت اي عمر عند اي ابلة ؟ لان انا من السنة الي طافت معاهم بصراحة وايد حبوبين والناظرة ما شاءالله عليها الله مايغير علينا تهبل شزينها

انا ولدي سنتين ونص عند ابله اسماء

وانتي؟؟

انا ولدي مايبروح الحضانه الا مع بنت اختي يخاف بروحه وكل قاعد معاها ما يروح صفه هايتيين بالحديقه

مادري شلون راح يفصلونهم

 

[q8 83]

والله الحضانه احسن شي انا دخلت و لدي نادي صيفي بالعطله

الميزة انا كان ينام مبجر و الاهم انه ما يجابل الخدامه طول اليوم عشان تشتغل بالبيت على راحتها و لما ارجع من الدوام يدوب يقدر ياكل له لقمه و ينام على طول فصار و كت طلعتنا من البيت مع بعض و الاكل و النوم مع بعض لان كان عندي ازمه ان يشوف الخادمة اكثر مني
كان عندي شعور بالذنب بس الحين الحمدلله

بس المشكله الوحيدة اهي الاكل دايما الابلات يشتكون منه ان اكله حييل ضعيف ولي الحين ما لقيت له حل

 

[nazek_q8]

اي سالفه الاكل هذي بعد مشكلتي انا لاحظت هاليومين ولدي ما يخرج تكرمون بعدين اهو متعود على المميه وبالحضانه قطعتها ويحب يشرب سوائل وايد يعني لاحظت الحفاظه ناشفه جنه ما يشرب سوائل مع اني قتلهم كل نص ساعه تشربه ماي لان ولدي ما يتكلم واخاف يستحي

بس صج سالفه النومه هذي انا ارتحت ارد من الدوام يكون نايم ساعه 2 ويقعد 3ونص ما اخلي ينام اكثر وبليل ينام عالعشر بس قايله بخليه ينام ابجر بس خل يتعود قبل وين ما ينام الا ساعه 2 الفير

 

[Om^7aMaNi]

بنتي تبدي يوم الاحد شنو احظ لها بالجنطة؟؟ اريقها ولا اهم يريقونها؟ احط حفاظات؟ و رضعات انا بنتي ما كملت سنتين الله يحفظها

 

[ام عواشة]

خوووووش موضوع
والله أنا بعد بسجل بنتي ومادري وين أحسن حضانه لانه عمرها سنتين
رحت اليوم شفت جضانه رينبو فا ياليييت اللي سامعه عنها تفيدنا
وباجر ان شالله بمر أشوف البريطانيه

حبيبتي انا اليوم مريت حضانة ريبون وايد ارتحت فيها وخلاص شكلي بسجل بنتي من الاحد وانا فتريت وايد بجنوب السره
أحس الحضانة وايد نظيفة ويهتمون بالياهل

 

[ktkota_we9we9]

آنا بنتي عمرها سنه و 9 اشهر و انشالله بسجلها بحضانه رحت افتريت عليهم اللي عجبوني وفيهم تسجيل حضانة مفاز بالجابريه و حضانة التميز بالروضة و محتاره بينهم اللي سامع او مجربهم يريت افيدني

بنتج الله يحفظها كبر بنتي سنه و 9 اشهر مواليد شهر واحد
انا ساكنه بالجابريه اليوم رحت افتريت عالحضانات ( مفاز لاعداد القاده - بامبي منتسوري ـ بولكا دوت )

حسيت نظام منتسوري افضل حق سن بنتي عشان تستوعب يعلمونهم عن طريق استخدام حواسهم مو كتب و واجبات لانه توهم صغار - وعندهم صاله الرياضه - مدرسات امريكيات - وعجبتني شغله انهم مو مثل باجي الحضانات مشغلين التلفزيون وببايات ، حاطين لهم غرفه سينما كل ماخلصو خبره يعرضون لهم شي مفيد !!

بولكا دوت بنتي تعلقت فيها لانه فيها لانه العابهم تشوق و المكان والوانه بعدين فيها - وجبتين و سناك - يعلمون عالحمام بالاتفاق معاج - في عندهم وقت القيلوله - لي الساعه 3 ـ مدرسات امريكيات

مفاز ماادري بالنسبه لي ماشدتني وايد احسها اكبر من سن بنتي والمدرسات اللي شفتهم فلبينيات

للامانه هذا رايي مو عن تجربه بس بالنظر والسؤال ... و بالاخير حالي حالج حايره اي حضانه و ادششها ولا توها صغيره ؟؟ :080402ask_prv: