تجمع لامهات سنه اولى حضانه

[نـــــ أم ـــــور]

السلام عليكم ورحمه الله وبركاته

شلونكم بنات

انا افكر ادخل بنتي الحضانه لاني راح اداوم بالجامعه الاسبوع الياي

عمرها سنتين و8 اشهر

بس ليلحين البسها الحفاضه هناك شلون يبدلون حفاضاتهم ولا شرطهم انها تكون متعلمة

لانها ماتبي تقط الحفاضة احاول فيها بس احسها ماتعرف ليلحين

شسوي

واهيا صعبه حيل حيل بالاكل واي مشكلتي معاها من عمرها 6 اشهر اكلها قليل جدا
تخيلوا الحين وزنها 10 كيلوات وعمرها سنتين و8 اشهر

يوكلون اليهال عدل ولا مايهمهم كلوا او ماكلوا

الله يستر هذي بنوتي الوحيده وحدي خايفه عليها

 

[نـــــ أم ـــــور]

صج بسألكم شرايكم اي حضانه احسن

حضانة الريان ولا المرووج ولا احياء التراث

وكلهم بمنطقة هدية

 

[froha83]

ودي ابلش مع بنتي دخول الحمام وانتوا بكرامة بس حدي احاتي اذا سوتها على نفسها
وبالنسبة للحضانه لي يومكم لما اوديها تبجي
بس هاليومين لما اخذها مستانسة
انشالله تحب الحضانه يا رب
ام شواقة بنتج جم عمرها انشالله تكون مع بنتي

 

[نونو ام كشة]

بنات مارديتو غلي من وين اخذتو لبس الروضه؟

 

[opera]

رد : تجمع لامهات سنه اولى حضانه

ولدي عمره سنتين

انا ساكنه بالجابريه ودوامي بشرق

كنت ابي شي يا على طريج دوامي او بالجابريه

وكنت ميته ابي بلومينج ديلز اللي بالدسمه بس من اول يوم تسجيل اكتمل العدد عندهم


فسجلته بحضانه توتس بولك اللي بالجابريه ..

الحين صارله اسبوع مداوم .. طبعا الصبح لازم يبجي لانه يشوفني هادته وطالعه .. بس بعدين التيتشر تقول انه يلعب ويستانس


هالاسبوع اطلعه من الحضانه الساعه 12 ونص


بس من الاسبوع الياي .. ريلي راح يطلعه الساعه 2 ونص

وانا اللي احاتيه عسى ما يمل من طول الوقت بالحضانه

 

[سراااب]

يبصراحة خوش موضوع ويعطيكم العافية
ام سعود شلونج انا اليوم دورت حضانة حق ولدي اول ما رحت بيبى اكاديمي وحسافة لقيتهم مكتفين وحضامة حامل المسك نفس الشي ورحت صباح السالم حضانة بروي بس للحين مترددة اسجله ولا لأ عمرة سنتين ولأن اخوه بالروضة قاعد يحن يبي اخوه المهم تقولين حضانة ولدج البريطانية بصباح السالم اي صوب ابي العنوان لوسمحتي ورقامهم ولي يسلمج

 

[أميرة البجع]

السلام عليكم شلونكم بنات؟
آنا بنتي عمرها 3 سنوات
وأول شي رحت شفت حضانة أسرار القبندي ثنائية اللغة وعجبتني
بس اللي ما عجبني فيها ان مدرسات الانجليزي هنود وفلبينيات ومدرسة العربي مصرية.. قلت المصرية مايخالف عربية.. بس هنود وفلبينيات مابي
وانا اطلع بنتي من الحضانة الساعة 2 بحكم دوامي فقالولي تقعد مع الفراشات من 1ونص.. بصراحة خفت
والحين سجلتها بحضانة دار الفرح اللي بالقادسية.. تابعة حق جمعية بيادر السلام
بصراااحة من أول يوم.. بنتي الحمدلله متشققة.. أصلا لما رحت آخذها ما تبي
وماشاء الله عليهم كلهم كويتيات ويهبلوووون
ويعلمونهم.. لغة عربية.. انجليزية وسيرة نبوية

والحمدلله بنتي ما تحتاج حفاضة.. فمو متأذية من هالناحية
وأحطلها بجنطتها.. كرواسون أو توست أحشيه باللي تحبه وعصير أو حليب وفاكهة وماي
تقبلو مروري وتحياتي

 

[قسي قلبك تعيش]

انا ودي اسجل بنتي بحضانه بروي بس خايفه وبنفس الوقت ماادري عندمنو اخليها لانه اساسا ماعندي خادمة قلبي يعورني عكري ماخليتها توقعون اتاقلم ولالا

 

[om MaRyooM]

صباح الخير


انا بنتي عمرها سنةو9اشهر .. وهالاسبو وديتها حضانة كيدزتايم في بيان والله تونس الحضانة .. بس وديتها فترة العصر مع الخدامة عشان بس تتعود عالمكان

والاسبوع الياي ببلش معاها فترة الصبح لأن دوامي العصر واخاف اخليها كله مع الخدامة .. بس خايفة عليها تبجي وايد لأن اول يوم كان شلااااااال من البجي احاتيها

 

[froha83]

امس سارونة ما راحت الحضانه
حبيبتي مريضة
انتوا شلون اوضاع عيالكم؟

 

[opera]

رد : تجمع لامهات سنه اولى حضانه

بنات ابي رايكم بشي


ولدي صارله اسبوع مداوم ومثل ماقتلكم الصبح يبجي لمن اوديه

بس لاحظت شي ثاني .. على قولت ريلي نفسيته صارت تعبانه .. كله خايف اذا طلعته بوديه الحضانه ويبجي .. يعني الخميس كنا طالعين بلليل كان يبجي ما يبي يطلع معاي ..

واليمعه طلعناه انا وابوه ومرينا صوب الحضانه وشافها .. سكت الولد وشكله كان خايف اوديه


مع انه الابله تقول انه يلعب ويشاركهم الانشطه هناك ويضحك مستانس


مادري شسوي !! يقولون لي استعيلتي عالحضانه بعده صغير !! شسوي قولولي اطلعه ولا اخليه يتعود ؟؟؟

 

[سفرجل]

صباح الخير


انا بنتي عمرها سنةو9اشهر .. وهالاسبو وديتها حضانة كيدزتايم في بيان والله تونس الحضانة .. بس وديتها فترة العصر مع الخدامة عشان بس تتعود عالمكان

والاسبوع الياي ببلش معاها فترة الصبح لأن دوامي العصر واخاف اخليها كله مع الخدامة .. بس خايفة عليها تبجي وايد لأن اول يوم كان شلااااااال من البجي احاتيها

قصدج الي بمشرف لااتحاتين هالحضانه خلي بنتج وانتي متطمنه تبجي مره مرتين بعدين تتعود :eh_s(15):
وزين مااخترتي

 

[opera]

رد : تجمع لامهات سنه اولى حضانه

اليوم ما وديت ولدي الحضانه لانه مانام عدل البارحه

بس المشكله اليوم وانا ابدله قعد يبجي عباله بوديه الحضانه :\

وطول اليوم يقولي ماما مو حلوه



شسوي فيه تعقد الولد مايبي يفارقني مادري متى بتعود

وريلي مستلمني يقولي كله منج استعيلتي عليه وبعده صغير

 

[om MaRyooM]

^
^

اوبرا


شخباارج ... عاد احس عمر سنتين واايد زين للياهل

انا بنتي سنةو9اشهر ومدخلتها

بالعكس هالعمر ترا واايد اذكيا ويفهمون وعشان ننمي شخصيتهم لازم نخليهم يحتكون مع الاوادم

واذا انتي موظفة بعد احححححسن حرام ولا ان الياهل يقظي وقته مع الشغالة ويلقطله جم كلمة هندية ولا اندونيسية !

اما اذا بالبيت لا طبعا قعدته بالبيت مع الام أبرك برايي


بس ظحكني ولدج فديته يوم يقول ماما مو حلوة لوووووووووول
انتي تاكدي من الابلات معقولة عندهم يظحك ومن ايي البيت زعلان! يمكن يقولولج جذي عشان تطمنين او عشان ماتطلعينه من الحضانة

 

[om__jana]

مشكورة عالموضوع

انا بنتي عمرها سنه و3 اشهر ومفكره ادخلها الحضانه على شهر 1 لمن تصير سنه و6 اشهر واليوم رحت افتريت اشوف الحضانات .ابي حضانه بجنوب السره يم دوامي ..اللي قالوا ريبون انتوا قصدكم ريبوررررن ؟؟ والا في حضانه ثانيه اسمها ريبون؟

 

[ام بوحنة +]

رد : تجمع لامهات سنه اولى حضانه

ام جنى

بنتج جنها صغيره ماعندها احد بالبيت ؟

اوبرا

انا ولدي كل يوم يبجي مايبي الحضانه واذا رحت اخذه مايبي يطلع

 

[أم سلوم الحلو]

السلام عليكم
انا حست على حضانات وايد اخر شي دخلته حضانه الاصلاح الي بالشامبه
اهي روضه مسوينها حضانه وايد كبيره والصفوف كبيره وبالصف الواحد ابلتين ومساعده
صج يبج الصبح بس لازم يتعود لان كل يوم يقولولي شي بولدي وانا مو ملاحضته
ولدي وايد مدلع كلشي ايه لين عنده والحين قاعد يعلمونه ان اذا يبي شي اهو يقوم ياخذه
ومايدافع عن نفسه وقاعد يعلمونه ان يدافع عن نفسه
والله يسهل انشالله

 

[أم حمادين]

انا ولدي عمره سنتين الا شهر (شهر 10 يكمل سنتين)
دخلته حضانه play group kid's الي بكيفان يم بيت امي الصراحه للحين يبجي لما انوديه بس لما نسال عنه يقولون مستانس مع اليهال
اتمنى يقط الحفاظه ابي اكلمهم على يوم يعودونه ويارب يهديه من الشطانه

 

[نوره حبيبة أبوها]

انا ولدي عمره سنه و6اشهر يصير ادخله حضانه ؟؟

من اول ما بديت دوامات فكرت ادخله حضانه بس خفت يكون صغير ؟؟

واللي تعرف حضانه حلوه بالمنطقه العاشره بليزززززززززززززززززززز فيدوني

 

[blue rose]

انا ولدي شهر 2 انشالله يكمل سنتين ومفكره ادخله حضانة درر بالشاميه منو سامعه عنها وعندها فكره اذا اكتمل العدد او لا لاني ناويه ادخله على الكورس الثاني انشالله