تجمع لامهات سنه اولى حضانه

[الاميرة الغالية]

هلا والله انا هالسنة مع مس رزما حبوبة تهبل شزينها والحمدلله مستانس معاهم بس اول يوم تعسر لين ذكرهم وبعدين تطبع معاهم الحمدلله
بس لا تحاتين تراهم وايييييييييييييييد ينتبهون عالياهل اهم شي وصي المديرة على سالفة الماي

 

[كـ غلا ــلي]

بنات سوال باي عمر الحضانات يقبلون اليهال؟؟

 

[جوري الكويت]

رد : تجمع لامهات سنه اولى حضانه

انا انشالله بسجل بنتي ب حضانه بارني

بنتي كبر بنتج كتكوتا

ابيها تندمج شوي مع اليهال

عجبتني احضانه بس خايفه بنتي ما تتقبل تروح

 

[ماعلى الدنياعتب]

وانا بعد وياكم ولدي داوم بالحضانة صارله يومين

 

[ام سعودي]

صباح الخير
شخباركم ماشاءالله زاد التجمع
بالنسبه حق الحضانات الغالبيه يقبولن سنتين وفي البعض سنه ونص.


اتصدقون انا بعد وايد كان حايشني تانيب ضمير لانه ولدي دايما مع الخدامة الصبح وانا بدوام وبصراحه اذا رديت الظهر ادور الفراش دواره من التعب بس الحين الحمالله انام يميع ونقعد يميع وايد احسن


انا احطله بالجنطه عصير وبفك ومطارة ماي وانتوا؟؟

 

[Om^7aMaNi]

انا مادري شلون بقعدها الصبح بعد قلبي احسها صغيرة على الالتزام و القعدة مبجر حبيبتي

 

[ام سعودي]

om 7amani

نوميها امبجر خليها تشبع نوم

 

[ام سعودي]

om 7amani

نوميها امبجر خليها تشبع نوم

 

[ام سعودي]

صباح الورد
شخباركم اليوم؟؟؟

 

[كويتية84]

انا اليوم اول يوم حق ولدي بالحضانه ...
حضانة سمارت كيدز بس للاسف ما داوم تعبان .....
باجر راح يداوم انشالله ...

 

[أم شواقه]

مساااااء الخييييييير


اشلووونج ام سعووود شخبااارج من زماااااااااااان ما بينتي


بنتي بعد اليوم اول يوم حضانه في بلاي قروب بسلوى ،،، وااااي اخنقتني العبرة لما خذوها مني وماكانت تبجي بس منبهرة ومصدوووومه


وعلى الحفاااضه انا كنت بارديه معاها من زمان ولما سافرت هونت وتعبتني بعد

والحين بديت مره ثانيه وسألت بالحضانه قالوا يساعدوني


بس مااادري ما عرفت منو الابله وجذي !!!! يمكن لأن اول يووووم مادري اشلووون طريقتهم

 

[om yassor]

مرحبا بنااات انا بعد وياكم ولدي بعد اول سنه واليوم اول يوم داوم بحضانه معرفي زييين ما بجى بس لما رحت اخذه شافني وبجى

 

[Pink Angle]

بنتج الله يحفظها كبر بنتي سنه و 9 اشهر مواليد شهر واحد
انا ساكنه بالجابريه اليوم رحت افتريت عالحضانات ( مفاز لاعداد القاده - بامبي منتسوري ـ بولكا دوت )

حسيت نظام منتسوري افضل حق سن بنتي عشان تستوعب يعلمونهم عن طريق استخدام حواسهم مو كتب و واجبات لانه توهم صغار - وعندهم صاله الرياضه - مدرسات امريكيات - وعجبتني شغله انهم مو مثل باجي الحضانات مشغلين التلفزيون وببايات ، حاطين لهم غرفه سينما كل ماخلصو خبره يعرضون لهم شي مفيد !!

بولكا دوت بنتي تعلقت فيها لانه فيها لانه العابهم تشوق و المكان والوانه بعدين فيها - وجبتين و سناك - يعلمون عالحمام بالاتفاق معاج - في عندهم وقت القيلوله - لي الساعه 3 ـ مدرسات امريكيات

مفاز ماادري بالنسبه لي ماشدتني وايد احسها اكبر من سن بنتي والمدرسات اللي شفتهم فلبينيات

للامانه هذا رايي مو عن تجربه بس بالنظر والسؤال ... و بالاخير حالي حالج حايره اي حضانه و ادششها ولا توها صغيره ؟؟ :080402ask_prv:

سجلت بنتي في حصانه مفاز بس ليلحين ما داومت لانها مريضه والله الصراحه مفاز عجبتني ومدرساتهم ترى مو فلبينيون هذوله المساعدات آنا كنت رايحه اليوم الفتوح اللي سووه وقابلت مدرسه بنتي بريطانيه من اصل باكستاني وايد حبوبه وحليوه والبيبيات من عمر بنتي وبنتج ما ينتقلون باجي الصفوف بس يتمون في صفهم عشان يتعودون بس باجي الحضانات اللي شفتيهم ما اعرف عنهم يمكن يكونون احسن الله اعلم وآنا مجبوره ادخل بنتي لأن عندي بيبي يديد ماقدر أخليتم ثنينهم عن الخدامه ما تلحق

 

[Pink Angle]

صباح الخير
شخباركم ماشاءالله زاد التجمع
بالنسبه حق الحضانات الغالبيه يقبولن سنتين وفي البعض سنه ونص.


اتصدقون انا بعد وايد كان حايشني تانيب ضمير لانه ولدي دايما مع الخدامة الصبح وانا بدوام وبصراحه اذا رديت الظهر ادور الفراش دواره من التعب بس الحين الحمالله انام يميع ونقعد يميع وايد احسن


انا احطله بالجنطه عصير وبفك ومطارة ماي وانتوا؟؟

غريبه العاده الحضانات ما يسمحون بالبفك او الخرابيط يطلبون وجبه صحيه ! بس شلون يتم طول اليوم بس بفك ويلا حضانته فيها وجبات ؟

 

[ام سعودي]

ام شواقه
هلا حبيبتي شخبارج اي والله من زمان عنج شخبارج وشخبار شواقة؟


pink angle
هلا حبيبتي حضانة ولدي عندهم وجبة ريوق الساعه 9 ووجبه خفيفه الساعه 11 وقالتلي الابله بس حطيله مطارة ماي

 

[ام بوحنة +]

رد : تجمع لامهات سنه اولى حضانه

السلام عليكم


في احد نفس حالتي

ولدي توه سنتين ودخلته حضانة الروضه احس احسن له من الخدامه طول اليوم

داوم من الاربعا اللي طاف وكان شحليله منطلق ولا بجى
والابلات حيل مستانسين منه وحفظو من اول يوم
بس الحين ما ادري اشفيه امس واليوم بس يبجي مايبي يروح
يبي يطلع وياي

والابلات احسهم زينين عربيات
وبالنسبه للبامبرز انا سالتهم قالو يساعدوني بس هم حاولت فيه من قبل وجنه تو الناس عليه
قلت اخليه لين يكمل ال3 سنين احسن والا انتو اشرايكم ؟

 

[ام سعودي]

هلا والله وحياج بينا
انا نفس حالتج بالنسبه للحفاظه تعبت وانا اعلمه ماكو فايده والحضانه قالولي راح0 انساعده ان شاءالله

 

[Pink Angle]

pink angle
هلا حبيبتي حضانة ولدي عندهم وجبة ريوق الساعه 9 ووجبه خفيفه الساعه 11 وقالتلي الابله بس حطيله مطارة ماي[

زين ماشالله ريحوج من تحضير الريوق ، اي حضانه هذي ؟

آنا بأجر انشالله أول يوم بودي بنتي حضانه مفاز و قاعده أحاتيها خايفه تتعسر بقعدها مبجر

 

[ام بوحنة +]

رد : رد: تجمع لامهات سنه اولى حضانه

هلا والله وحياج بينا
انا نفس حالتج بالنسبه للحفاظه تعبت وانا اعلمه ماكو فايده والحضانه قالولي راح0 انساعده ان شاءالله

الحين هو يعرف بس مايبي. قلت بنطر عليه الكورس الثاني احسن حتى لو نهايته يكون قريب ال3 سنين
وبالصيف افضل من الشتا

 

[نونو ام كشة]

وانا بعد معاكم ولدي عمره3 سنسن واول سنه حضانه وتعمدت ادخله بهالعمر لاني اخاف عليه ولاني كنت ابيه يعتمد على نفسه شوي من ناحية الحمام وانه يقدر يتكلم عدل... ودخلته حضانه التفوق ودوامه 3-10 واهو حيل متحمس وراح معاي ذاك اليوم وشافها وكل يوم يحن يلا ماما متىنروح الحضانه.
وابي اقزرها على عيالكم وسوالفهم لحد مااشوف ولدي ووردة فعله؟؟ بس بسالكم من وين اشتريتوا ملابس الروضه حق عيالكم؟ لان اهو لبسه نفس لبس الروضه العادي؟؟