* تجمع للحوامل اللي مسوين عملية ربط *

[مرت الغلا]

انا اغسل ايدي من البنج والكمام لان دكتورتي عيادتها خارجيه ماعندها هالسوالف
وقالولي تبطل الرحم اول شي بالبطه بعدين تفك الربط والبطه تعور شوي جربتها قبل

 

[ليالي العاشقينه]

سلام عليييهم ..
بنات يصير اسوي الربط بالخاص وابطله بالحكومه

 

[# غنوجة بيبي #]

بنات ممكن سؤال

شنو السبب اللي خلاكم تسوون ربط


شنو فايدته

؟؟؟

و هل انتو طلبتوه ولا الدكتور قالكم؟

 

[مرت الغلا]

منو بطلت الربط

غنوجه في اكثر من سبب انا قصر بعنق الرحم وولاده مبكره

 

[أأأميرة الورد]

بنات ممكن سؤال ؟؟؟؟

اللي عندها اجهاضات بالاسابيع الاولى من الحمل تسوووي ربط ؟؟؟

حتى لو كان حمالتها قبل طبيعيه وماحتاجت ربط

 

[مذهــلــه]

بنات الربط يتم تحت تخدير عام والا ابره ظهر؟؟
وهل في حاجه لمضاد حيوي احتياط ؟

 

[glby7sas]

السلام انا امس سويت ربط
غنوجه السبب ياقثر بعنق الرحم او العضله ضعيفه فتتبطل باسابيع مبكره او احتياطي ساعات يخافون خصوصا اللي تأخرت بالحمال او اجهاضات متكرره


طبعا المفروض الدكتور من نفسه يطلب يقيس بس للاسف في بنات وايد ترفض على بو انه يسوي سونار داخلي على فكره تره مايدخله وايد بعيد عن البيبي ودقيقه ويشيله ويقعد يقيس المسافه طبعا اللي شاكه تقدر تطلب من دكتورها يقيسلها او اللي خايفه من حمالها ممكن تقوله سولي احتياط

العمليه ببنج كامل بعد العمليه لازم مضاد لمده خمس ايام

ويعطونج تقرير طبي على العمليه طبعا عشان المجلس الطبي
يخلونج ست ساعات بعد العمليه بالمستشفى واذا شافو كل شي تمام يطلعونج
وعادي ينزل دم
انا الاعراض اللي يتلي من المضاد لوعه من اكل المضاد احس بلوعه وجسمي حار عسى الله يفكني منه بس شسوي لازم اخذه


والفك بعدي قالي ان شاءالله عالتاسع يبطله من غير بنج والله يسهل يارب

 

[مذهــلــه]

حبيبتي قلب حساس مشكوره ماقصرتي على الجواب

انا ان شالله راح اسويها باجر بس خرعوني من البنج العام وقالوا البنج النصفي افضل وانا خايفه ومحتاره

اخاف احس بالعوار واهم يشتغلون

 

[مرت الغلا]

مذهله بنجء ماله تاثير حده خفيف كل الي بتنامينه نص ساعه عادي
انا الاسبوع الياي افجه ان شاء اللهوبدون بنج ادعولي

 

[مذهــلــه]

مرت الغلا

مشكوره حبيبتي على الرد وربي يطمن بالج

ربي يتمملج ويسهل عليج يارب ويقر عينج بشوفت ضناج يارب تام الخلقه والخلق لج ولي ولكل من قالت امين

سامحوني على كثر الاسئله : عقب الربط شنو استعملتو ادويه؟
ا

 

[مذهــلــه]

بنات استعملتو عقب الربط حبوب يوتوبار عشان توقف الطلق والا لا
لان في دكتور بالخاص قالي لازم تاخذينهم عقب الربط عشان توقف اي تقلصات؟

 

[glby7sas]

مذهله حبيبتي قولي حق الدكتور انا ابيك تحطلي ابره الاوندا مع التخدير قوليله انا تلوع جبدي بعد البنج وايد مريحه

بالنسبه للحبوب عطوني مضاد حيوي اللي قوطيه فيه بنفسجي وايد هذا ضيم يخليج تحسين بلوعه مو طبيعيه
وبعد عطوني حبوب قوطيه ابيض مادري شسمهم قالولي تاخذينهم بس عند اللزوم اذا حسيتي مقص تقلصات عوار اخذيهم والحمدالله ماحسيت بشي

اللي راح يلوع جبدج مو العمليهاللي يبوع الجبد اهو المضاد الحيوي

 

[# غنوجة بيبي #]

بنات

يبين طول العنق بالسونار التفصيلي؟؟الخارجي؟؟

 

[نوادر*]

حبوب اليوتبار ماهي زينه تسبب رجفه في القلب وخفقان تحسين قلبج بيخرج من محله بس الاقل ضرر البديل عنه البسكوبان وطبعا تحاميل السيكلوجست يمنع تقلصات الرحم ويلينه
غنوجة ماعندي علم لان قررو لي ربط علي طول من غير فحص بسب ٣ولادات مبكرة واجهاض وان شاء الله الي تعرف ترد عليكي
اما الادويه تحاميل السيكلوجست والاسبرين يوميا والبسكوبان عند الزوم
وانا لمن فتحت الربط ماحسيت لان وقتها الولادة والطلوق باديه معاي فما قدرت اميز بين الالم لان دكتورة رفضت تفتحه لي في التاسع علي طول.

 

[مذهــلــه]

حبايبي بنات الله يطمنكم

ابشركم سويت الربط اليوم مارضى الدكتور الا بابره الظهر يقول راح تعرضين نفسج لادويه انتي والبيبي في غنى عنها وسمعت كلامه وكنت ميته من الخوف لكن تسهلت الامور

بس عقب ماراح تاثير البنج حسيت بعوار قوي وتقلصات عطوني بسكوبان بالمغذي ونزل تكرمون دم وردي مازال لكنه خف

ادعولي بنات الله يتمملي على خير ولايضيع تعبي

 

[مرت الغلا]

سلامتج مذهله الدم يستمر يومين عادي طبيعي
انا ماخذت لا مضاد ولا شي بالمغذي مادري شحطوا بس لما طلعت عادي
تميت على ابر التثبيت وتحاميل وبيبي اسبرين وفيتاميناتي وتحميله مهبليه عن الفطريات كل شهر اسمها لومكسين

لاتحاتونه ترى الربط سهالات انا احاتي بس فجته ادعولي خايفه بعد اسبوع بفجه وبدون بنج احس ببجي

 

[# غنوجة بيبي #]

مرت الغلا ماعليج شر الله يسهلها عليج و يسهل ولادتج يا رب

كثري استغفار و اقري قرأن يريح حيييل

 

[مذهــلــه]

مرت الغلا حبيبتي لاتحاتين طاف الصعب والفج سهل ان شالله

انا شفت مريضه فجوه لها بالعياده انا اراجع بالحكومه فجت لها الربط باقل من ٥ دقايق وقالت للمريضه رحمج مسكر روحي وتعالي اول ماتحسين بعوار

وعادي قامت المريضه تمشي ومافيها الا العافيه

ربي يسهل عليج حبيبتي وتبشرينا بولادتج بالسلامه يارب

 

[glby7sas]

مرت الغلا الله يسهل عليج حبيبتي

 

[مذهــلــه]

صباح الخير بنات

بغيت اسال منو لما تسوي سونار يبين عندها تقلصات ؟؟

انا كل مااسوي سونار يقولون لي عندج تقلصات مع اني مااكون باذله مجهود

اليوم سوولي سونار عقب الربط وقالولي عندج تقلصات بسيطه مع اني اساسا على السيكلوجيست؟ منو صار معاها نفسي وكملت شهورها للتاسع؟ حدي خايفه بنات