* تجمع للحوامل اللي مسوين عملية ربط *

[# غنوجة بيبي #]

السلام عليكم

الحمدلله سويت سونار تفصيلي

لان من امس اوسوس بعنق الرحم

بما اني اجهضت من قبل و طولت بالحمل

رحت و تطمنت

قال الدكتور كل شي طبيعي و عنق الرحم طبيعي و ممتاز

تطمنت ربي لك الحمد

و قال فيج بنوته 100%

الحمدلله الله يخليها لي يارب العوبه

فشلتنا فاتحه ريولها على طول

الدكتور ضحك خخخخ
فشله

 

[مرت الغلا]

الله يسلمكم بنات مشكورين

مذهله انا جذي ومافادتني التحاميل بس تميت تحاميل وابر اسبوعيه لي الثامن الحمدلل واخذت ابره الرئه

غنوجه الحمدلله ومبروك البنوته

 

[# غنوجة بيبي #]

الله يبارك فيج مرت الغلا

 

[مذهــلــه]

مبروك حبيبتي غنوجه

مرت الغلا الله يطمنج حبيبتي ويقومج بالسلامه بس حاليا الدكتوره زادت التحاميل لثلاث مرات والابر قالتلي عقب ال ٢٦ اسبوع

الله يستر وايد خايفه بنات من موضوع التقلصات خصوصا اني كل مااسوي سونار تبين

ادعولي

مرت الغلا لاتنسين تقوليلنا اشلون فج الربط؟؟ الله يسهل عليج يارب

 

[# غنوجة بيبي #]

الله يبارك فيج مذهلة

 

[glby7sas]

هلا مذهله مافهمت اشلون تشوف التقلصات وله بس انتي تحسين فيها
انتي ماتعطيج اسبرين الدكتوره ؟!

 

[أأأميرة الورد]

مذهله وقلبي حساس ومرت الغلا وغنوجه


الله يثبت حملكم ويتمم لكم على خيييييير


بنات جم طول عنق الرحم الطبيعي

 

[مذهــلــه]

قلب حساس
حبيبتي لا ماعطتني اسبرين بس سيكلوجيست ٣مرات والتقلصات تبين بالسونار من قبل الربط مع اني مااكون حاسه بمغص ولا شي مادري شنو سببها

اميره الورد

امين حبيبتي مشكوره ماقصرتي وربي يرزقج باللي تتمنين
والله ماعندي فكره عن الطول الطبيعي بس بالعاده اللي تجهض من عقب الثالث يكون في مشكله بعنق الرحم يااما قصر او ارتخاء مايتحمل ثقل الجنين لما يكبر فيتوسع عنق الرحم وينزل .... الله لايكتبها على احد يارب ويرزق كل مشتهي ويثبت حمل كل حامل يارب

 

[أأأميرة الورد]

مذهله حبيبتي مشكوره وجزاج الله خيييييييير
والله يفرحج بشوفة البيبي بصحة وعااافيه

 

[جوزائيه مغروره]

صباح الخير

شخباركم

انا امس سويت ربط عنق الرحم لاني حامل بتوينز وواحد منهم مشيمته نازله

سويته احتياط لانه طوله ٣ سم والمطلوب ٢.٥ يعني وايد زين

بنات بسالكم منو اتعبت بعد العمليه حاشتها كحه ودوخه؟

احس انه لي الحين تعبانه من البنج

 

[مذهــلــه]

اميره الورد
امين حبيبتي الله يسمع منج
جوزائيه
صباح النور... الحمدلله على سلامتج حبيبتي وان شالله ربي يقر عينج بشوفت البيبيات بالسلامه
انتي ماخذه بنج كامل؟ اذا ايه .. فشي طبيعي هذا من البنج لوعه ودوخه
انا بنج نصفي حسيت بصداع خفيف والم بالرحم وتقلصات قويه عطوني مسكن بالمغذي

 

[جوزائيه مغروره]

الله يسلمج مذهله

اي بنج كامل اهم ما خيروني عطوني على طول وما حسيت بعوارها كلش

الحمدالله امس خف كل هذا

 

[مذهــلــه]

الحمدلله على سلامتج حبيبتي جوزائيه انا سويتها قبلج بجم يوم

يارب الله يثبت حملنا ويقر عيونا بشوفته يارب

انا طلبت تاخذلي مسحه لان تكرمون فيني افرازات وفعلا طلع في التهاب وعطتني تحاميل مهبليه استعملت اليوم وحده بس بصراحه خايفه احطها واعور نفسي مادري شنو الطريقه

 

[جوزائيه مغروره]

الله يسلمج حياتي

انا بعد قبل العمليه عطتني ٣ تحاميل الاولى حطيتها بس الثانيه نزل علي دم وقالت لي وقفيها وبيومها عرفنا انه المشيمه نازله

انتي ديري بالج

 

[مذهــلــه]

حبيبتي جوزائيه

هذي دكتورتج دايخه المشيمه تبين بالسونار اشلون ماانتبهت

التحميله قاعده احاول ماادخلها وايد بس لازم استعملهم لان فيني التهاب

الله المستعان ويعدي هالشهور على خير يارب

 

[glby7sas]

واي الله يعينكم بنات اكره التحاميل المهبليه مااحبها

 

[مذهــلــه]

الله المستعان

شر لابد منه ....

بنات ماتعرفون طرق تحمي من الالتهابات المهبليه ؟
خصوصا فتره الربط

 

[جوزائيه مغروره]

مذهله لما دكتورتي عطتني التحاميل كانت المشيمه مرتفعه وانزلت بعدين

انا اتوقع بالغسول وكثره الماي

 

[glby7sas]

مذهله اهم سي تنشفين المنطقه عدل
يعني لما تغسلين ويحوش الماي تحت لازم تنشفينه ١٠٠٪ تاكدي انه المنطقه ناشفه والغسول بصراحه انا من ربطت وخايفه احط الغسول قلت اسأل الدكتوره والمفروض يكون الدكتور معطيج مضاد

 

[مذهــلــه]

قلب حساس

هلا فيج حبيبتي
اي والله انشف واغير دايم
مضاد ماعطوني الا لما قلتلهم تكرمين في افرازات وخذوا مسحه وطلع فيها التهاب عطوني ثلاث تحاميل
اسمها دلاسين خلصتهم امس الحمدلله

بس بنات للحين صارلي اسبوع من سويت ربط اذا كحيت او عطست تكرمون ينزل افراز مخلوط بلون بني بس طول اليوم مافي شي

خايفه اروح طوارئ الولاده ويلعبون فيني
منو صار فيها نفس الشي؟؟
وهل الدم من الربط