(تجمع مراجعات السلام)

[kitten-85]

رد: تجمع مراجعات الاستشارية د.امل عبدالعزيز الراشد فقط

kitten
عمليتج خيط ولاكبس؟
ومتى عطتح موعد تشوف الجرح؟
تعالي صج اشلونج عقب ما فج البنج؟؟
انتي خذيتي بنح عام صح؟؟
وشلون الغازات عقب العملية؟
انا اذكر بولدي قمت اتلوى واصرخ اللي اهلي خلوني من الخرعة))))))

هلا والله ..

انا عمليتي كبس بس كان في قطب (خيطين كل واحد على جنب) والدكتورة امل سحبتلي الخيط بعد الولادة بإسبوعين بعد 12 او 13 يوم من الولادة والله العوار كان اول 5 ايام تقريبا الي غصب اتحرك وامشي وبالمستشفى الله يعافي المسكنات الي بالدرب وبعدين لمن شالولي الدرب قاموا يعطوني حبوب مسكن حتى لمن طلعت ورديت البيت عند اللزوم حبتين باليوم ..
اي انا بنج عام ... اكيد دام ان فتح بطن راح يكون في غازات بس انا مابينت معاي الا على ثالث يوم ...

 

[نور-الكويت]

رد: تجمع مراجعات الاستشارية د.امل عبدالعزيز الراشد فقط

انا اراجع عند نهاد بالسلام وشكلي على اخر شي براجع عند امل الراشد
بس متى تنصحوني اروحلها بالتاسع ولا الثامن ؟؟؟

 

[kitten-85]

رد: تجمع مراجعات الاستشارية د.امل عبدالعزيز الراشد فقط

يفضل قبل اختي احسن لج ...

انا رحت لها قبل ولادتي باقل من اسبوع تقريبا 5 ايام والحمدالله انها ولدتني ...

بس انا كنت حالة خاصة وكنت على اساس بس استشارة وبكمل مع دكتورة نزهت بالسلام ..

 

[قمر87]

بنات نصيحه انحااااااااااااااااشوا من دكتوره نجمه مالها خلق نفسيتها زفت انا بحمالي الاول اراجع عندها على مدح الناس بس والله تحسفت تخيلوا بالولاده يدقون عليها تقول زين جايه من الساعه 3 الفجر ل9 ونص ماجت ولدتني دكتوره بالطوارئ بعدين جت خيطتني بعدما ولدت المشكله اني بغيت اموت من خياطها خايس ذبحني ورحت راجعت عند اكثر من دكتور قالوا خياطها غلط تخيلوايمكن 6 اشهر تكرمون مااقدر اروح الحمام احس اني من تحت موطبيعيه الله لايوفقها وفوق هذا اخذت فلوس الولاده قه الحين انل حامل وراجعت عند نزهت شلونها بس ترى السلم مافي احسن من كمامهم روعه مع الاهتمام والرعايه قمه

 

[Bn0ta*anota]

قمر .. والله انا اراجع عندها والله تهبل بالعكس مو نفسيه وايد ناس امحوها لي لاتخرعيني مالي خلق ادور دكتوره ثانيه

 

[Bn0ta*anota]

اب اب

 

[om-HaSsoOon]

رد: تجمع مراجعات الاستشارية د.امل عبدالعزيز الراشد فقط

ولهت عليكم شلوونكم كلكم عساكم بخير

ربي يسهل عليج ولادتج يا انوومه وتطلعين بالسلامه انتي والبيبي

 

[كلمةالمرور]

امبيييه ليش جذي زادوو !!!؟؟

حبيبتي قبل ادش عالدكتورة ب10 والسونار ب7 ... امبيه صارو ماديين وايد .. افترو الله يستر .. انا امفكرة اولد شكلهم بيصكون على رويال حياة !!!!!

هلا حبيبتي الله يستر صراحه زياده على غير معنى
شنو هالطمع ليش ناقصين فلوس اهم
انا براجع بالحكومه احسن لي لين قبل الولاده اروح الخاص
ولا جذي نهيبه

 

[افراحي]

اب
اب
اب

 

[غرشة عطر]

بونسواااااااااااااغ
شلونكم بنات
آنا أراجع عند دكتور محسن طلبة وهذا 4 حمل لي معاه ولا أفكر أغيره
بسسسسسسسسس اهو الله يهداه شطلعه من الشفاااااااااااااا؟؟؟؟
آنا السلام عمري ماجربته وما أحاتي شي كثر الكمام واللي جربت كمام الشفا تعرف آنا شقصد......
كلمته بهالنقطة وحاول يطمني ويقول آنا أضمن لج الكمام
بس والله أحاتي أبي ادش الولادة أصحى يقولون الحمدالله على السلامة مدام ولدتي خلااااااااااص
مابي أحس بشي نهائيا ومثل ماقلت لكم اللي جربت كمام الشفا راح تعرف آنا شقصد
منوجربت الكمام وطلع تأثيره معاها مثل كمام الشفا؟؟؟؟؟؟؟؟؟؟؟

شوفي فديتج عناية السلام روعه ولاأقدر اغيرها ولا اقارنها باي مستشفي من عنايه ورعايه وخدمه وانا بعد كاتبه موضوع اقريه وصدقيني اذا جربتي السلام ماراح تغيرينه
و انا توني والده من 26 يوم بس وولدت عند عمرو عصام نفس محسن طلبه بالضبط طبعا هذا كلام البنات اللي جربوا ولادة عمرو وطلبه قالوا نفس الولاده وحتي الخياط عجيب
اقسم لج بالله ان كمامهم موخفيف والده عندهم 6 مرات ماشاء الله ووهالمره قوووووووي والله اني ماحسيت الا بالطلوق جنها ياربي وجع دوره وطبعا الكمام علي خشمي شفط من قلب واشحلاته واقسم لج بالله اني ماحسيت بالراس قزني ابره بالمغذي واسمعه يقول والله ماراح اتحسين بالراس ويضحك وفعلا صحيت علي الثلج يحطونه عالخياط مثل الكمادات والحمدلله امسك بطني مومصدقه اقولهم ولدت يقولون ماما خلاص جبتي بنت حلوه ولاده السلام روعه وخااااااااااااااااااااااااااااااااااااااااااااااااااصه عمرو عصام ومحسن طلبه اختي والده عنده هم نفس طريقة عمرو بقزج الابره بالمغذي قبل الراس:ggdw: طبعا مدة الابره فقط 5 دقايق او 10 علي مايخلص خياط وتكونين مخدره طبعااااا تسمعين تراطيش كلام ههههههههههههههههههه تدرين من حلات ولادة هالدكتور ودي احمل واولد عنده مره ثانيه وانا اصلا مفكره اوقف خلاص والحمدلله يارب عالنعمه

 

[نفيشه]

رد: تجمع مراجعات الاستشارية د.امل عبدالعزيز الراشد فقط

بنات اول موعد يكون بالشهر التاسع فيه فحص؟؟
اللي عندها فكرة بليييييييييييييييييييييز تعلمني

 

[Om NoOoRa]

بنات انا موعدي باجر و ان شاء الله راح اكتب شكوى

بصراحه انا موعدي اللي فات قالولي رافعين الاسعار بس دفعت عادي ما كتبت شكوى

بس مادام كلكم كتبتوا انا بعد وياكم​

 

[Bn0ta*anota]

اب اب

 

[_j'aime mon mari_]

انا بعد توني رايحه ودفعوني 20 دينار ولمن سالتها شحقه انا العاده ادفع 10 جان تقولي انهم زادو الاسعار
ولمن دشيت ع الدكتوره سالتها جان تقولي انهم زادو الاسعار
اذا ييتي بالموعد بالضبط الدخله 15 والسونار 9
واذا ييت متاخر نفس حالتي تدفعين 10 والسونار 9

صج صج ضاق خلقي احنا ناقصين بعد يزيدون الاسعار

 

[عزوه اهلها]

صباح الخير بنات
ابي استشارتكم تكفون
انا اراجع عند دكتوره بدار الشفا رحت لها اليوم قالت لي البيبي مو نازل بالحوض والرحم مصكر وانا باقيلي يومين واخلص شهري لاني بجريه وموعارفه شسوي
وامي قالت روحي للسلام فابي اعرف منو احسن دكتوره نزهت ولا نجمه <<مابي دكتور
تكفون ردوا علي حدي ضايق خلقي

 

[kitten-85]

رد: تجمع مراجعات الاستشارية د.امل عبدالعزيز الراشد فقط

والله ماعندي فكرة على ماعتقد يختلف على حسب الحالة وكل دكتورة تختلف في دكاترة كل اسبوع بالتاسع يفحصون وفيه دكاترة على حسب الحالة انا بجري مافحصوني الا بنفس يوم الولادة كنت بنص التاسع ويالي الطلق وولدت الحمدلله بنفس اليوم .. بس هالمرة الحمدلله مافحصوني لاني قيصرية حتى الدكتورة امل قالتلي انتي مايبيلج فحص من تحت لانج اوريدي قيصرية الحمدلله ماحتجت هالمرة ..

شخبار الفرفورة رفرف ؟؟

ان شالله تكون ولدت بالسلامة وان شالله طبيعي مو قيصري ..

 

[spain-kw]

أب أب عشان عزوة اهلها

 

[بنتي الغالية]

رد: تجمع مراجعات الاستشارية د.امل عبدالعزيز الراشد فقط

صباح الخير

 

[y3sooba]

رد: تجمع مراجعات الاستشارية د.امل عبدالعزيز الراشد فقط

صباح الورد
شلونج يالغاليه

 

[شيخة البلادين]

انا والله لحد الحين مرتاحة بمراجعاتي عند نزهت...

ولو ان آخر مرة انقهرت على زيادتهم للاسعار.. حسيت ان فيهم جشع...