(تجمع مراجعات السلام)

[Um 5aled]

رد: تجمع مراجعات الاستشارية د.امل عبدالعزيز الراشد فقط

انزين شلون انا اخر موعد كنت برويال وقالتلي عندج موعد بعد سبوعين او ثلاث ومادري هل ان يدقون علي ولا اروح عيادتها اليديده ؟؟
ساااااااااااااااااعدوني

 

[Um 5aled]

رد: تجمع مراجعات الاستشارية د.امل عبدالعزيز الراشد فقط

لأن انا مسويه تنظيفاتجر وتعورت فقالتلي عندج موعد وصارلي ألحين سبوعين تقريبا

 

[Um 5aled]

رد: تجمع مراجعات الاستشارية د.امل عبدالعزيز الراشد فقط

وهذا كان بجري

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

ههاييييييييييي انا انظمبت لكم وفتحت ملف عند الدكتوره
اختي فرحه العمر اشولن الوضع معاج انا احاتي الخياط مالها بشرينا

 

[فرحه عمر]

رد: تجمع مراجعات الاستشارية د.امل عبدالعزيز الراشد فقط

لأن انا مسويه تنظيفاتجر وتعورت فقالتلي عندج موعد وصارلي ألحين سبوعين تقريبا

ام خالد الله يعوضج خير يارب
وعسى ان تكرهو شيئا وهو خيرا لكم ,, ماتدرين الخيره وين
اهم شي سلامتج يالغاليه وحياج الله معانا

 

[فرحه عمر]

رد: تجمع مراجعات الاستشارية د.امل عبدالعزيز الراشد فقط

قمري
بوضه ​

مشكورين حبايبي وعسى الله يهون عليكم وعلى مس مون شكلها سوتها وولدت ههههه

انا كنت عند الدكتوره برويال حياه قبل لا اسوي دخول للسلام عشان تولدني (انا لازم طلق صناعي) ولقيت ثنتين يايين عشان يشيلون الغرز عند الدكتوره ... فسئلت وحده منهم شلون الولاده بالمستشفى؟؟ والله يا بنات كنت متوقعه الاجابه ,,, تدرون شقالت!! ززززززفت وحسيتها طالعه من قلبها .
رديت سئلتها ليش؟ جان تقولي عليهم سسترات مادري من وين ؟؟ حاطيني بغرفه بروحي ولا سستر مرت علي تقول اطق الجرس مره ومرتين محد يرد اصيح وانادي عمك اصمخ تقول لما قمت من فراشي تخيلي وانا طلق الخطوه علي بالحسره ,, تقول لقيت سستر نايمه على الكاونتر وماكو احد غيرها وعلى صراخي لو صمخه كان سمعتني وفوق هذا فاصل الجرس عشان مايدق عندها !!!! بالذمه هذا مستشفى؟؟ تقول قدمنا شكوى وكتبنا كتاب للمدير وندري ماراح يسوي شي بس القهر تقول مايسوى الفلوس اللي خذوها لو حكومه يمكن احسن

وصل دوري ودخلت للدكتوره مصدومه وسئلتها عن الموضوع وصدمتني بموضوع ثاني قالت مو اول ناس يصير معاها جذي بس المصيبه انهم المدير اليديد مانع ابره نعطيها الوالده حزت طلعت الراس عباره عن مسكن ليش مادري؟؟

بنات لا يغركم المستشفى وشكله اهم شي العنايه وعلى الغرف عندكم بالسلام مفتتحين الدور الثامن ( دسمان ) شي خيالي الصراحه يعني تقدرين تولدين بغرفه عاديه واول مالله يهون عليج وتريحين تروحين لجناح دسمان وتختارين اللي تبينه من الموديل والميزانيه والمستشفى ماعليه كلام خبره والله عليهم سسترات وعنايه مامرت علي بحياتي وعلى فكره ترى المستشفى مو رخيص بس انتو روحو قبلها واطلبو تشوفون الغرف انا غرفتي كانت بالدور الثالث توه مجددين الدور وغرفتي ملكي حلوه

سالفه ولادتي سالفه طويله اقولكم اياها المره اليايه

 

[قمري]

رد: تجمع مراجعات الاستشارية د.امل عبدالعزيز الراشد فقط

و الله مادري يافرحة عمر ناس تذم و ناس تمدح بالمستشفى و احنا اللي ضعنا انا ابيها لسببين اولا قريبه على بيت امي لان امي ساكنه بالجابريه وقلت لاحتجت اي شي لى طول راح يوصلني و ثانيا لاني مادري ارتحت لها و السلام رفيجتي والده اهناك ماتمدح الغرف ودسمان غاليه حيل لاني انا ماني مسويه استقبال على الاقل الغرفه تكون زينه على العموم انا بستخير و الله الهادي ان شاء الله

المهم طمنينا عنج ان شاء الله كل شي بخير و ماتعبتي بالولاده و شلون النونو شنو سميتوه ؟

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

السلام عليكم
بنوتات اشلونكم
امس كان موعدي عند الدكتورة
وقالت في وحدة من مريضاتها مسكينة طولت واهيا تطلق وليلحين مو مفتوحة ؟؟؟
الله يهون عليها عورت قلبي بس مادري اتوفع ولدت الحين
يمكن تكون مس مون
بنات روحو العيادة بدون موعد لأن دور وتنطرين مبجر
انا رحت وخديت دور ورحت انا وزوجي حق السلام
الصراحة انصدمت
الدور التاسع حددددددددددددددددددددددة خيــــــــــــــــــــــــــــــــــــــــــــــــال
والغرف فضيعة ومو رخيصة بعد
ياربي احنا موقاعدين على بنك
والمشكلة عقب ما تختبين وتدفعين واتحطين الناس مايعجبهم ويقولون ويييييع موشي
هاهاهاهاهاها هذول الناس
ارضاء الناس غاية لاتدرك
المهم طمنتي على بيبيي وشفتة يلعب بريولة
وسالتها اذا هالمرة في امكانية اولد طبيعي
قالت مالي الا الدعاء
طلبتكم بنات ادعولي اولد طبيعي
البنات اللي على وشك ولادة تكفون ادعولي اولد طبيعي وبسهالة

 

[لولو الذكية]

رد: تجمع مراجعات الاستشارية د.امل عبدالعزيز الراشد فقط

صباح الفل و الياسمين

يوم السبت بإذن الله عندي موعد مع الدكتورة

بغيت أعرف رقم العيادة و ساعات عملها

و المواعيد بتكون كل وحدة بوقتها و لا نروح ننطر دور

لأن سمعت إن معاها أكثر من طبيبة و آنا ما ودي أدخل على غيرها​

 

[قمري]

رد: تجمع مراجعات الاستشارية د.امل عبدالعزيز الراشد فقط

اهلين فرفوره الله يهون عليج حبيبتي و ان شاء الله طبيعي و صاجه الناس مايعجبهم العجب عشان جذي انا ماني مسويه استقبال ولا يحزنون اقط فلوسي على الفاضي ليش

الا بسألج صج الدكتوره ماتولد الا بالسلام؟ انا موعدي اللي طاف قالت لي ان عادي بس اشوف البنات يقولون لا بس بالسلام ؟ مادري منو الصاج

لولو صباحج عسل و قشطه و الله انا مارحت لها بعيادتها اليديده ان شاء الله البنات يفيدونج

 

[zahoora304]

رد: تجمع مراجعات الاستشارية د.امل عبدالعزيز الراشد فقط

مشكووورة أم عفاف وما قصرتي

 

[احلى قلب]

رد: تجمع مراجعات الاستشارية د.امل عبدالعزيز الراشد فقط

بنات انا امس رحت عند دكتوره امل في عبادته الجديده وانا شرحه والوانه حلوه ودخلت عند الدكتوره سالته وين تقدرين وتولدين جان ادقولي دار الشفا ومستشفى السلام

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

اهيا معاها دكتورة وحدة اهيا تكون موجودة امل معاها لاتحاتين
وحتى بالسونار اهيا معاها
بس ما سالتها اذا تولد بمستشفى ثاني اولا لأني انصدمت من اجنحة دسمان
والله يسهل واهيا بدون مواعيد اتروحين مبجر احسن تاخذين دور وتنطرين

 

[مريم ص]

رد: تجمع مراجعات الاستشارية د.امل عبدالعزيز الراشد فقط

عفيا حبايبي
اللي تعرف رقم عيادتها تعطيني اياه
لاني بحجز موعد

 

[بسمة روح]

رد: تجمع مراجعات الاستشارية د.امل عبدالعزيز الراشد فقط

صباح الخير يا بنات كيفكن و كيف الثقل والعوار معاكن؟؟؟؟؟؟
حبيبتي فرفورة ربي يسهلك ولادتك و تكون طبيعي باذن الله
الف الف مبروك يا فرحة والحمد الله على سلامتك و سلامة البيبي
يتربى بعزك و تشوفيه افضل الناس

 

[بسمة روح]

رد: تجمع مراجعات الاستشارية د.امل عبدالعزيز الراشد فقط

قمرى والله انو لا يرضي العباد الا رب العباد شوفي مصلحتك و خلي كلام الناس و رايهم اخر همك شوفي الي يريحك و اعمليه
انا ساكنة بالجابرية واختياري للد. والمستشفى كان عشان القرب .الحين الد.الظاهر حابتنا نولد بالسلام عشان قربها من عيادتها
بس والله اني بسالها تاني اذا بترضى تولدني بالشفا اقربلي بس انا يهمني انها تكون مرتاحة في المكان اللي بتولدني فبه لان
اهم شي في قصة الولادة هي الد.وساعة المخاض وكل يلي يجي بعدين ثانوي و ما يهمني كتير المهم اكون بغرفة خاصة
لوحدي و تكون شرحة شوي ما تجيب اكتئاب و خلاص.

 

[بسمة روح]

رد: تجمع مراجعات الاستشارية د.امل عبدالعزيز الراشد فقط

رقم عيادتها الجديدة 22232000
والداخلي 2419

 

[لولو الذكية]

رد: تجمع مراجعات الاستشارية د.امل عبدالعزيز الراشد فقط

مشكورين حبايبي على الرقم

اتصلت ما ردوا علي

ما تدرون متى تفتح العيادة يوم السبت​

 

[++The DuchesS++]

رد: تجمع مراجعات الاستشارية د.امل عبدالعزيز الراشد فقط

مرحبا
بسالكم اشلون سونار د.امل ؟
انا خبري فيها من كانت عيادتها بروحها بحولي من زماااااااااان يعني
و بسالكم جم سونارها والدخله كله جم يطلع ؟

 

[بوضـه]

رد: تجمع مراجعات الاستشارية د.امل عبدالعزيز الراشد فقط

مشكورين حبايبي على الرقم

اتصلت ما ردوا علي

ما تدرون متى تفتح العيادة يوم السبت​

السبت بس تفتح الصبح من 9-2
وباجي ايام الاسبوع ماعدا اليمعه اداوم صبح وعصر
الصبح من 9-2
والعصر من 5-9

الله يسهل عليج :hjy5jewf: