(تجمع مراجعات السلام)

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

رقمها22232000 داخلي2419

 

[زينة الزين]

رد: تجمع مراجعات الاستشارية د.امل عبدالعزيز الراشد فقط

جزاج الله خير يا رفروفة يا حلوة
والله يسهل عليج إن شاء الله

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

وياج ياحبيبتي
ادعيلي بس اولد طبيعي
انتي متى شهرج؟

 

[زينة الزين]

رد: تجمع مراجعات الاستشارية د.امل عبدالعزيز الراشد فقط

فرفورة يا حلوة آنا مو حامل بس كنت حامل وتعورت بالشهر الرابع ولما الحين ما حملت صار لي 7 أشهر أحاول ما الله كتب لي أحمل مع إن ما عندي أي مشكلة وكنت أول أحمل على طول بدون مشاكل
والله أن الدكتورة تهبل وساعدتني وايد وآنا وايد مرتاحة منها بس الظاهر إني مضطرة أغيرها
أتصلت على العيادة قالولي أنها تولد بس بالسلام ودار الشفا وأثنينهم ما أحبهم
السلام جربته والدة فيه قبل 3 سنين أول ما فتح جوه وايد جو مستشفى ما فيه دفأ وحنان لووووووووول
وأكثر شي ضايقني أنه غرفة البيبيات بعيدة وايد عن الغرف والمستشفى أساسا مو قريب مثل رويال حياة
السسترات فيه ممتازين وكل شي بس ما حبيته
جربت رويال حياة بالعوار قعدت فيه يوم وليلة بغرفة ميموسا مالت الولادة السسترات ممتازين وايد وحدهم كانوا متعاطفين معاي وأستغربت لما شفت بنات يذمونهم لأن حتى مرت أخوي والدة فيه مرتين ووايد مستانسة منهم
الله يسهل عليج فرفورة وتولدين طبيعي إن شاء الله بس أهم شي لا تستعيلين حتى لو تحن عليج الدكتورة أنها تحط لج صناعي لا ترضين إلا إذا كان فيه مشكلة لا سمح الله
الله يرزقج السلامة والسهالة و الخلقة الزينة الصالحة

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

حبيبتي والله من قلبي اقول يارب يرزقج بالذرية الصالحة بدون علاج
وعسى ربي يكتب لج الحمل السليم ويتمم عليج انشالله
انا كنت عند امل قبل لاتنتقل حي رويال بعيادتها بحولي جبال رويال
وولدت قيصريب2007 انبط الماي علي ومافتح الرحم ظليت يوم كامل ومسكينة الدكتورة انطرت يوم كامل اخر شي انا تعبت والبيبي خافت عليه وولدت قيصرية
والحين راجعت برويال
بس انتقلت اهيا للسلام وانا معاها والله كريم بس تاكدي اذا تولد بس بالمستشفيين السلام ودار الشفا

 

[زينة الزين]

رد: تجمع مراجعات الاستشارية د.امل عبدالعزيز الراشد فقط

فرفورة أتهقين أروح لها أسألها بنفسي أحسن؟؟؟ لأن السكرتيرة قالت بس السلام ودار الشفا
ما عندي مراجعة عندها قريب إلا إذا طلعت حامل
إشرايج تسألينها أنتي مدام تراجعين عندها ؟
ما ودي أروح حق وحدة ثانية والله بس السلام ما أحبه

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

افا عليج ولايهمج بس انا موعدي 20\1
يعني السنة الياية هاهاها
انشالله اسالها واقولج
بس كثري من سورة البقرة والله ماتاخذ منج ساعة بالقراءة السريعة واقريها بالليل من بعد صلاة المغرب
وانشالله ربي يكتب لج الحمل باسرع وقت

 

[زينة الزين]

رد: تجمع مراجعات الاستشارية د.امل عبدالعزيز الراشد فقط

جزاج الله خير فرفورة حبيبتي والله

 

[مي الصغيره]

رد: تجمع مراجعات الاستشارية د.امل عبدالعزيز الراشد فقط

السلام عليكم
انا رحت للدكتوره بعيادتها اللي بالسلام واحمد الله انها راح تشتغل معاهم ليش ان الصباح اذا ما كفت حظاناتهم يدزون لى السلام وهاذا شي يريح ليش انا حملي صعب شوي

 

["*آآآنؤؤؤقهـ*"]

رد: تجمع مراجعات الاستشارية د.امل عبدالعزيز الراشد فقط

عندي موعد يوم الثلاثاء الجاي 5\1

سوناااااااااااااااااار بشوف جم اطلع منهااااااا

 

[الفرفورةرفرف]

رد: تجمع مراجعات الاستشارية د.امل عبدالعزيز الراشد فقط

والله انا حسبتي اطلعت بالثلاثينات

 

[قمري]

رد: تجمع مراجعات الاستشارية د.امل عبدالعزيز الراشد فقط

بالثلاثينات ماسوينا شي نفس رويال حياة فرفوره

 

[بسمة روح]

رد: تجمع مراجعات الاستشارية د.امل عبدالعزيز الراشد فقط

سلام عليكم كيفكم يا بنوتات
انا امس كان موعدي مع الد.ما سوتلي سونار بس سمعتني نبض البيبي و فحص نسائي
وقالتلي اني باخذ شهري كلووووووووو:lkmnkl: واخذت مني 20 دينار و طلبتلي
فحوصات ب 30 دينار يعني نفس رويال حياة ...

 

[أم عواشي]

رد: تجمع مراجعات الاستشارية د.امل عبدالعزيز الراشد فقط

صح انا بعد ماحسيت فرق ّ

 

[مريم ص]

رد: تجمع مراجعات الاستشارية د.امل عبدالعزيز الراشد فقط

اهلين حبايبي
انا اليوم رحت للدكتورة بعيادتها الجديدة
بصراحة المكان حلو و هادي بس مو مثل فخامة رويال حياة
كان عندها دكتورة باكستانية اهي اللي سوتلي سونار بس كانت د. امل واقفة معاها
و الحمدلله كل شي اوكي
و حسابي كان 37 دينار كشف + فتح ملف + سونار

 

[قمري]

رد: تجمع مراجعات الاستشارية د.امل عبدالعزيز الراشد فقط

نفس اسعار رويال حياة ماكو فايده لو قاعده اهناك احسن على الاقل اذرب المكان بس شنسوي الحمدالله على كل حال و الصراحه انا اليوم خذيت لي فره على المستشفيات و الصراحه ماكو على مستوى رويال حياة كلللللللللللللللللللللللللللللش حتى الامبراطوري مال دار الشفا مو مثل فخامة اصغر غرفه برويال حياة و انا مابي اولد غير اهناك و اذا الدكتوره صممت على انها تولدني بالسلام ماراح اولد ابي رويال لان خدمتهم غير و كل شي عندهم غير

 

[Miss_Moon]

رد: تجمع مراجعات الاستشارية د.امل عبدالعزيز الراشد فقط

السلام عليكم
بنوتات اشلونكم
امس كان موعدي عند الدكتورة
وقالت في وحدة من مريضاتها مسكينة طولت واهيا تطلق وليلحين مو مفتوحة ؟؟؟
الله يهون عليها عورت قلبي بس مادري اتوفع ولدت الحين
يمكن تكون مس مون
بنات روحو العيادة بدون موعد لأن دور وتنطرين مبجر
انا رحت وخديت دور ورحت انا وزوجي حق السلام
الصراحة انصدمت
الدور التاسع حددددددددددددددددددددددة خيــــــــــــــــــــــــــــــــــــــــــــــــال
والغرف فضيعة ومو رخيصة بعد
ياربي احنا موقاعدين على بنك
والمشكلة عقب ما تختبين وتدفعين واتحطين الناس مايعجبهم ويقولون ويييييع موشي
هاهاهاهاهاها هذول الناس
ارضاء الناس غاية لاتدرك
المهم طمنتي على بيبيي وشفتة يلعب بريولة
وسالتها اذا هالمرة في امكانية اولد طبيعي
قالت مالي الا الدعاء
طلبتكم بنات ادعولي اولد طبيعي
البنات اللي على وشك ولادة تكفون ادعولي اولد طبيعي وبسهالة

بناااااااات شلوونكم انا ولدت الحمدالله ويبت احلى بنوته ..صاااجة الفرفوره رفرف هذي انا اللي اطلق ومافتحت تخيلي طلقي 30 اعه الحمدالله على كل حال واخرتها قيصربة .. عاننيت بس الحمدالله بنتي تستاهل اتعب عشانها :eh_s(2):

 

[بسمة روح]

رد: تجمع مراجعات الاستشارية د.امل عبدالعزيز الراشد فقط

الف حمد لله على سلامتك :016:
ان شا الله اوجاعك في ميزان حسناتك والله انك عورتي قلبي
بس قوليلنا وين ولدتي؟ والله ان الد. صبرت عليك كتييييير كيف كانت معاك ؟

 

["*آآآنؤؤؤقهـ*"]

رد: تجمع مراجعات الاستشارية د.امل عبدالعزيز الراشد فقط

اي والله نفس الأسعاااااار حده صدمه .............

 

[فرحه عمر]

رد: تجمع مراجعات الاستشارية د.امل عبدالعزيز الراشد فقط

بناااااااات شلوونكم انا ولدت الحمدالله ويبت احلى بنوته ..صاااجة الفرفوره رفرف هذي انا اللي اطلق ومافتحت تخيلي طلقي 30 اعه الحمدالله على كل حال واخرتها قيصربة .. عاننيت بس الحمدالله بنتي تستاهل اتعب عشانها :eh_s(2):

مس مون الحمدلله على سلامتج ومبروك البنوته
بس عندي سؤال هذي اول قيصريه لج؟؟