تجمع مراجعات مستشفى رويال حياة

[Baby_Blue]

قلب دودي و توتا مشكورين
انا باقيلي اسبوع و ادش الثامن ان شاء الله يعني حدي متهوره بغير دكتوري هالفتره
بس قالولي دام في دكتوره الاحسن ما تولدين عند دكتور .. من باب الحلال و الحرام
الله كريم

 

[tota77]

عيل دقي من الحين اخذي موعد

لان نداء وخالده مواعيد

 

[سيكولوجية]

ترى هم ريا حيل يمدحونها


ونداء عيبتها زحمتها وماتعطيج حقج تبي تخلصج بالمراجعات بسرعه بسرعه

 

[Baby_Blue]

دقيت عليهم حصلت اقرب موعد عند نداء الاربعه الياي
ان شاء الله ارتاحلها

 

[baa6aa]

اذا ماتبين الزحمة عندج دكتورة زينب انا عندها وحيل مرتاحه معاها

 

[سيكولوجية]

بنات بستشيركم انا وايد احاتي ميزانيه المستشفى

باخذ ياسمين
طبيعي : 2000
و اذا الله لايقولها فرضا قيصري :3000

وانا ابي ليلة زياده ب :580

وميزانيتي 4000
كافي ؟

 

[أشبـاهـ المطـر]

سيكولوجيه ليش تبين لليله اضافيه
ميزانيتج كافيه لاتحاتين بس خلج من الليله الاضافيه
ترا ماله داعي الي والده طبيعي بسرعه اطيب اصلا ثاني لليله ودج تخلص
بسرعه عشان ترجعين البيت وانتي براحتج

 

[سيكولوجية]

اشباه

عشان بسوي استقبال على يومين بالمستشفى وبفتك
مالي خلق يجون البيت

 

[Aloe Vera]

سيكولوجية


اي حبيبتي كافية الميزانية ان شاء الله
بس صدقيني ملل تقعدين ليلة زيادة
انا ثلاث مرات ولدت و كله استقبالي يومين ماحتجت ليله زيادة بس انتي براحتج

 

[سيكولوجية]

الو فيرا

انا اساسا مو حابه اخذ ليلة زياده ماحب قعدة المستشفى ما ارتاح
بس عيل اشلون اسوي استقبالي يومين؟

 

[Aloe Vera]

سيكولوجية


شوفي حسب خبرتي ٣ استقبالات بالمستشفى
اول ماتدخلين المستشفى وفيج ولادة دقي عالمحلات يجهزون شغلج او وصي احد من اهلج يسوي هالشي
و بعد ماتولدين دزي المسجات اول باول جذي تستغلين اليومين اللي تقعدين فيهم وخلي اوقات الاستقبال باللي يناسب وقت قعدتج
و اذا والدة طبيعي ماراح تحتاجين ترتاحين لانج بتكونين اصلاً قاعدة بالفراش و مرتاحة
و اذا تعبتي ولا تبين حمام صكي البارتشن

 

[Aloe Vera]

يعني والدة الصبح و لا الضحى يمديج بنفس اليوم تدزين مسج و تستقبلين
بس وصي اهلج يساعدونج بالاتصالات و الترتيب و انتي ارتاحي
و خلي شغلج جاهز و مكوي من كفر و قميص نوم لان ساعات مصبغة المستشفى زحمة
او خلي احد اييبلج اوتي بخار اذا احتجتي توهقتي

 

[Aloe Vera]

انا ثالث ولادة ولدت بالليل بال١١ سويت استقبالي من باجر و اللي عقبة و اول ماخلص الاستقبال ظبيت اغراضي و طلعت بال١٢ بالليل

 

[سيكولوجية]

الحمدالله شبه مخلصه شغل الاستقبال

بس احاتي ان اول يوم اتعب وما اقدر خاصه بجر ف عشان جذي قلت اريح اول يوم
وهم مايندرا يمكن اقدر واسوي مثل ماقلتي

بس صج الو فيرا طلعة المستشفى اشلون؟
جني قريت بورقة المستشفى ان لي 10 الصبح وتطلعين؟

 

[Aloe Vera]

سيكولوجية


صح مكتوب جذي بالورقه
بس انا كلمرة اطلع بعد دخولي المستشفى بيومين يعني مرة ولدت الضحى و طلعت العصر و مرة ولدت الفير و طلعت الضحى و مرة ولدت الساعه ١١ بالليل و طلعت بنص الليل طبعا اطلع ثالث يوم

 

[سيكولوجية]

حلو
اذا جذي تمام اقدر ما اخذ يوم زياده
لان صج ماحب قعدت المستشفيات انقمت

الله يسهل علينا يارب

 

[طعم الشهد]

بنات بسالكم منو سامع وحده مولدتها دكتوره زينب ابي اسمع تجارب الكل مدحها بالمراجعات بس ماسمعت ولاده

 

[Aloe Vera]

طعم الشهد


في عضوة اسمها اشباه المطر توه ولدتها الدكتورة زينب و تمدحها

 

[طعم الشهد]

صج اهني لان مالقيت اهني احد تكلم عن ولادت دكتوره زينب

 

[مسـك]

الدكتوره زينب مدحتها لي دكتورتي خالده في حالة عدم حضورها او طلعت ولاده ادش على زينب