تجمع مراجعات مستشفى رويال حياة

[طعم الشهد]

حاجية اشباه مطر بالخاص اتمنى ترد علي


امس شفت دكتوره منى شكلها يهبل وويها شرح اهي عيادتها قبال عيادت زينب

 

[noufb]

انا ولدت عند دكتوره خالده ولادتهها حلوه وخياطها عجييييييب ترد الوحده بنت بس لازم تتحمل العواار لانه مو هين

 

[Aloe Vera]

طعم الشهد

انا ولدتني الدكتورة منى صج عجيبة

 

[lawyara]

بنات أجرتو منهم الصواني والاستكانات والفنايين شلونهم حلوين ولا قدم وعلى جم تأجيرهم ؟

 

[Aloe Vera]

جربت الطقم العنابي حسيته مستهلك شوي بس هذا من ثلاث سنين يمكن الحين جددوهم
و توه جربت الطقم الكريستال ارخص واحد بس كان وايد زين ناعم و شكله يديد

 

[Aloe Vera]

صوانيهم عادية و الناس اذواق شوفيهم بنفسج
بس كان ودي اييب صواني من عندي بس مامداني اشتري

 

[شموووخ بدويه]

بنات تجمع رويااااال,,,

شرايكم بالدكتوره نجلاء انا ع وشك ولاده ومدحوها لي بنات ودخلت عليها الخميس اللي طاف بس كانت سرييييييييييييعه حيل

شكلها يريح وبشوشه بس كلش ماسألتني الا عن اخر دوره واحسبت حتى السؤال التقليدي اللي طوارئ الحكومه تسألج كم بيبي

وكم اجهاض وطبيعي وقيصري ماسألت ,, صح مكتوب بالملف بس هي ماقرت الملف لاني كنت انطرها بالغرفه كانت فوق,,يعني

موتقولون قرت قبل لاادشين عليها.....

انا متردده تكفوووووووون ساعدوني

 

[مسـك]

اذا مو مرتاحتلها حولي ملفج لخالده ممتازه

 

[Baby_Blue]

انا نجلاء دشيت عليها طواري باول حملي كان متيمع دم ورا جيس البيبي
عطتني من وقتها و كنت اول مره اسمع النبض عندها سمعتني اياه جم مره
بس انا ما احب دكتوره هاديه احب شوي حرجه
الله يسهل عليج و يطمن قلبج
انا الاسبوع الي طاف اول مره ادش عند نداء بوخضور ..حدها عسل

 

[سيكولوجية]

انا عند نجلاء

بالعكس وايد زينه
انصحتني لها رفيجتي والده عندها. اهي وخواتها وكل من يمدحها

و تعطيني من وقتها وايد وحبوبه وبشوفه وسألتني بالتفصيل يوم رحت لها
حتى جم عمليه سويت بحياتي سألتني وكتبت

وهاديه
انا مرتاحتلها

 

[طعم الشهد]

ينصحون بدكتوره زينب جربيها بعد انا رحت لها وكانت مريحه بعد

 

[baa6aa]

دكتورة نجلا زينه كنت اراجع عندها و سالتني عن كل شي من اول زياره وصج نوعها هاديه

اذا ودج تغيرين تعالي عند زينب المكتب اللي جدام نجلا تشرح لج كل شي بالتفصيل حتى قبل ما تسالينها عن شي

 

[Aloe Vera]

شموخ

يمكن كان عندها ظرف او حالة ولادةو مضطرة تكون سريعة
انا جربت د. منى وايد زينة

 

[HLoOma]

السلام عليكم

آنا اراجع عند دكتورة زينب من بداية حملي وااااااايد حبوبة و تعاملها جدا راقي
و تداريني و تحاتيني اكثر من البيبي و تعطيني فيتامينات اول بأول

يعني انصحج فيها اذا مو مرتاحة من د. نجلا

 

[شموووخ بدويه]

مشكورييييييييين كل اللي ردوا...

بستخير والله يكتب اللي فيه الخير....

 

[قرمووشه]

بنات جم سعر الولاده برويال حياه
تقريبا يعني

الطبيعيه والقيصريه

 

[مسـك]

اذا طبيعي والدكتوره من نفس المستشفى حطي ببالج ١١٠٠ واذا تبين ابره ظهر ١٢٠٠ تقريبا هذا بالليلي


القيصريه ماعندي علم

 

[baa6aa]

اقل شي الليلي اذا طبيعي 700 وقيصريه 1000 وشي
كاميليا طبيعي 1000 وقيصريه 1400
وفي كل ماخذيتي غرفه اكبر تزيدين السعر

 

[Aloe Vera]

اقل شي ٧٠٠ اذا ولادة طبيعية و دكتورة المستشفى
القيصرية ١٠٠٠ و شي

اللي يرفع السعر التجميل ابرة الظهر خدمات استقبال و ضيافة ادوية تحاليل اضافية كراسي حضانة البيبي
اذا كلشي تمام مايزيدونج الا شي بسيط حق الادوية

 

[قرمووشه]

الله يجزاكم خير
مشكوريين