تجمع مراجعات مستشفى رويال حياة

[Aloe Vera]

وعليكم السلام كنت كل مراجعة اسوي سونار حلو و واضح و بين ولدي من ١٥ اسبوع و هم السونار التفصيلي كان واضح

 

[وداعيه]

بنات شلونكم

انا احاتي شغله


اذا الله يسسرلي الولاده وبسوي بالقاعه اخاف يقولون محجووزين ثنتينهم شالحل !!


لاني ان شاءالله بولد بليلي واسوي استقبال بالجوري او قاردينيا

 

[glby7sas]

وداعيه عاد مادري عن القاعه افضل دقي سأليهم شلون الوضع يكون

 

[Q8_QT]

اتوقع تحجزينها خلي احد من اهلج لي دخلتي المستشفى يحجزها لج

 

[Aloe Vera]

وداعية


اول ما تدخلين ولادة حجزي الغرفه يعني علطول لو نص الليل كلميهم يحجزونها لج او خليج على تواصل مع روزماري اهي تعلمج شتسوين بس لازم تحجزينها اول ماتدخلين و لو ماحصلتيها اول يوم ممكن الثاني او الثالث و جذي ماينحسبلج ليلة زيادة بالغرفة و نصيحتي لج اخذي جناح الكاميليا او الياسمين احسن من القاعة و اريحلج بس كيفج

 

[Q8_QT]

Aloe Vera


اذا ولادتي قيصرية اقدر احجز قبل يوم العملية ولا لازم دخول اول


وروز ماري اهي المسئولة عن الحجز انا سمعت عن وداد جنة دكتورتي قبل لا تطلع قايلتلي عنها

 

[Q8_QT]

Aloe Vera


اذا ولادتي قيصرية اقدر احجز قبل يوم العملية ولا لازم دخول اول


وروز ماري اهي المسئولة عن الحجز انا سمعت عن وداد جنة دكتورتي قبل لا تطلع قايلتلي عنها

 

[baa6aa]

الحمدلله الذي تتم بنعمته الصالحات
ولدت الحمدلله عند الدكتورة زينب
تبارك الرحمن عجيبه عجيبه عجيبه
وان شاء الله اذا ربي سهل كل ولاداتي اليايه عندها

 

[نـور الكويت]

ربي يسهل عليكم حبيباتي وتولدوون بالسلامه ..

بطه

الحمدالله على سلامتج وربي يحفظلج البيبي ..

شرايج بمستشفى رويال .. ؟؟ من ناحية الاهتمام والنظافه
والدكتوره الي ولدتج ..؟؟ شلون نفسيتها وصبرت عليج ..

 

[baa6aa]

الله يسلمج نور
الحمدلله كل شي عجيب
قعدوني اول ماييت بغرفه ميموسا خذيت يوم كامل فيها ب١٢٠ الممرضات كل شوي يطلون علي واذا كنت نايمه بهدوء يجيكون
ومن اناديهم بسرعه ايون

ولمن حولوني غرفه الولاده الدكتورة رايحه راده علي غير ملوت الطوارئ اللي يجيكون ويبلغونها واهيا يحليلها تدق على موبايلي كل شي تتطمن

وصبرت علي يوم كامل وانا بس اطلق تقولي مابي استعيل فيج انتي بجر مابي قيصريه عشان ولاداتج اللي عقب ان شاء الله تكون طبيعي

والحمدلله كل شي سهاله من رب العالمين

 

[Aloe Vera]

بطة


الف الف مبروك و الحمدلله عالسلامة

 

[Aloe Vera]

Q8 qt


اذا على حجز الغرف و الاجنحة كلمي وداد
و دام انج قيصرية اعتقد تقدرين تحجزين
بس عالقاعات و خدمات الضيافة و الاستقبالات روزماري اهي المسئولة

 

[مسـك]

الحمدالله على سلامتج بطه ومبروك ماجبتي


بنات شنهي غرفة ميموسا


انا لما ولدت بغرفة وحده مانقلوني من غرفه لي غرفه بالدور الخامس وكان فيها تي في مادي هل هي غرفة الولاده او لا لوووول

 

[Aloe Vera]

هذي غرفه ميموسا حق اللي مطولين بالولادة يقعدون فيها قبل لا تصير حزة الولادة و فيها جاكوزي

 

[Q8_QT]

بطة



ألف حمدالله على سلامتج ومبروك ماياج



فيرا ئي كلمت وداد اليوم كان عندي موعد وحددلي الدكتور تاريخ 26 / 3 عمليتي الله يسهل علي يارب والاثنين اروح المستشفى يسوون لي تحليل واشوف دكتور التخدير وحجزت غرفة ليلي شفتها اليوم زينة مو مقموتة ادعولي بنات

 

[glby7sas]

بطااا الف الف مبرووووك حبيبتي


كويت الله يسهل عليج ياارب

 

[مناوووي]

بطه الف الف مبروك
حمدلله عالسلامه
اليوم رحت موعدي عند الدكتوره خالده بس تاخرت ماخصلتها دخلت على دكتوره زينب
ماشاءالله تبارك الرحمن حيل ارتحت لها وحتى زوجي ارتاح
سوتلي سونار حمدلله كل شي تمام
والحين صارت مواعيني كل اسبوعين عند دكتورتي خالده طبعا
بس ماساءالله الدكتوره زينب كنت اسمع عنها بس ماشفتها اليوم حيل ارتحت لها

 

[glby7sas]

مناوي حبيبتي الله يسهل عليج يارب

يالله هانت ان شاءالله واذا مو مرتاحه مع خالده حولي اتوقع عادي

 

[Q8_QT]

قلبي حساس


تسلمين حبيبتي ويسهل عليج وعلى كل البنات يارب

 

[نـور الكويت]

حبيباتي ..

اذا سمحتوو كروشات ابي اعررف عن مراجعات رويال .. ؟

واذا براجع عند الدكتوره خالده شلوون طريقه .. ومتى تكوون مواعيدها ..؟؟

وتنصحووني بخالده ولا زينب ..؟؟

واذا عندكم رقم المستشفى عطوووني بليز ..

وربي يسهلها علي وعليكم يارب ،؟