تجمع مراجعات مستشفى رويال حياة

[Om_SalmaN]

ليش شنو فيها نداء بو خضور اخر ولادتي معاها كانت زينه

 

[همي الآخره]

مافيها شي الدكاترة نداء ترى اهي بشر لابد تخطىء
وكل الدكتورات عليهم حجي
السهاله من الله
البنات جذي لي تعسرت ولادتهم طبو بالدكتورة وسبوها الله المستعان

 

[!! شعر بنات !!]

انا ما تعسرت ولادتي ولاشي

الدكتوره داشه تولدني وماسكه تلفونها بايدها

وخياطها خرطي فرق سما وارض عن دكتوره فوزيه
والشغله الي صج ما حبيتها انها كانت تبي تحطلي طلق صناعي بدون موافقتي

ولما سئلت النيرس شنو هذا ارتبكت وحتی وقت طلعة البيبي تاخرت حيييل علما تيي وكنت بولد والسستر تدز البيبي داخل روحي بغت تطلع

انا انصحكم من تجربه ومابيني وبينها شي

 

[!الجادل الصعب!]

السلام عليكم

انا ناويه اخذ موعد عند د خالده
و بسالكم عن انواع الغرف
انا ماراح اسوي استقبال فعادي مايهمني حجمها
و الي عالتامين شلون طريقتهم و شكثر دفعو فرق

 

[baa6aa]

هلا حبيبتي ربي يسهل عليج يارب وتشوفين ظناج بحضنج بصحة و عافيه

عندج اصغر شي الليلي تشيل بس 5 اشخاص كرسيين و قنفة وحده و فيها مطبخ تحضيري صغير

وكاميليا اللي اكبر منها تصلح حق استقبال او بدون
كنت حاجزتها السنه اللي طافت تكلفتها ب1000 اذا ولاده طبيعيه و دكتورة المستشفى

هذول الثنتين مو ضمن التامين

اللي داشين بالتامين من ياسمين و لوتس الكبار كشخه حيل حق استقبالات وجذي اذا تبين

 

[tota77]

انا ولد برويال وماسويت استقبال بس اخذت كاميليا ..

والتأمين بس يغطي ليلي .. عاد كلموا التأمين وقالوا عادي يغطون الغرفه الاكبر .. فاخذتها عالتأمين كانت شرحه وحلوه ملمومه بعد


بس انا تعسرت ولادتي وحولوني قيصيريه فطلعت فوق سعر التأمين ودفعت الفرق

 

[baa6aa]

صج من ضمن التامين ؟
اللي اعرفه مو معاهم لان حتى كاتبين بالورقة ان ليلي وكاميليا مو معاهم
بس الحمدلله على سلامتج

 

[tota77]

اي التأمين بشكل عام دايما يشمل اصغر غرفه .. بس تقدرين تطلبين الموافقه من التأمين اذا يغطونها لج او لا ..


انا تأميني يغطي الف دينار للولاده .. من جذي عطوني الموافقه واخذتها

والله يسلمج :*

 

[راقية باخلاقي]

اراجع عندهم

 

[!الجادل الصعب!]

مشكوره حبيباتي الي جاوبو


انا بولادتي الي قبل بدار الشفا التامين يغطي الستاندرد روم
بس كانت صغيره و اخذت الي اكبر
التامين غطى سعر الستاندرد وانا دفعت الفرق بس



اهم شي ابره الظهر ماجاوبتوني احاتيها

 

[tota77]

انا اخذت ابره الظهر بس مااذكر اسم الدكتور .. بس اهو الوحيد الي كان موجود .. وكلش ماحسيت فيها لمن خذيتها ..

وبعدها قلت عن نفسي حصان ماجنه فيني طلق حامي

 

[همي الآخره]

بنات الله يعافيكم تعرفون أسعار رويال حق هالسنه تغيرت ولانفسها؟؟
وبالنسبه حق كاميليا1000 مع الولاده ولابدونها أنا دكتورتي من برا يعني سعرها بروح

 

[درة التاج]

السلام عليكم
حبيبتي الولادة بغرفة كاميليا اذا الدكتورة من المستشفى 1000 دينار اما اذا الدكتورة من برا يعتمد عليها هي اللي تحدد كم تاخذ منك
انتي حطي في بالك زيادة من 200 الى 500 اذا تبين تسوين استقبالك بالمستشفى او تطلبين ابرة ظهر
الله يسهل عليك وتفرحين بالبيبي :eh_s(17):
تقبلي مروري

 

[tota77]

همي الاخره ..


سعر الغرفه 1000 اذا الدكتور من المستشفى .. اذا من برا شيلي 250 دينار

يعني الغرفه ب 750 دينار .. عاد انتي شوفي سعر دكتورتج وتاكدي من سعر ابره الظهر


ودايما حطي ببالج زياده ..

 

[همي الآخره]

درة وتوته يعطيكم العافيه فديتكم
أفدتوني ماقصرتوا

 

[angel of love]

الله يتمم على خير يارب

 

[عاشقه الاسمرانى27]

السلام عليكم
شلونكم خواتي عساكم بخير ان شاء الله والله يتمم عليكم يارب
بنات طالبتكم بسرعه بطريقه التعامل مع خالده المجبيل لان دقيت علي سكرتاريتها
وذيتلها مسج ولا ردت علي ان محتاجتها ضروري واللي يعافيكم
الله يهون ويوفق من ترد علي وتساعدني ويتمم عليها بالخير

 

[!الجادل الصعب!]

وعليكم السلام
ماترد السكرتيوهتغث
روحي المستشفى و بطلي ملف عندهم و حطي موعد
من الاحد للاربعا الصبح

 

[عاشقه الاسمرانى27]

وعليكم السلام
ماترد السكرتيوهتغث
روحي المستشفى و بطلي ملف عندهم و حطي موعد
من الاحد للاربعا الصبح

هلا والله غثتني قطيعه قالتلي مافي مواعيد الا شهر 4
دكتوره خالده مواعيدها من سكرتريتها بس اسلوبها مو شي حسبي الله ونعم الووكيل

 

[tota77]

من الزحمه الي عندها اقرب موعد دايما بعد شهرين .. بحملي الاول جذي قلت شنطرني شهرين وراجعت عند دكتورة ثانيه برا .. بس ولدت برويال