** تجمع مسافرات دبـــــي 2011 **

[نبض الجود]

بنآت منوو بتروح دبي هالايآم ،
ابي اوصيهآ على شي باتلآنتس ،
:$​

 

[درة أهل الطولات]

حلوو

بليز ستووب
هذا كان شعار الفندق؟

ولو الفندق عندهم موقع خاص بعد(عالانترنت)

حيل غالي 3 ايام ب800

 

[الدلال]

رجعت اليوم العصر من دبي

يا زين دبي زيناااه

 

[جروح ودموع]

الحمدلله على سلامتج حبيبتي وشلووون كانت الرحله ؟؟ ان شالله استانستي ؟؟ وشنو الشي اليديد بدبي ؟؟

 

[الدلال]

الله يسلمج يالغااليه
والله وااايد استانسناا
الجو كان حلو والفندق حلو وخصوصا القعده بره بالكافيهات المنتشره بالفندق ولها قعده بره جدام الخووور

 

[الدلال]

اتفضلوا حياكم , حطيت تقرير بسيط عن الفندق اللي قعدنا فيه

http://www.q8yat.com/showthread.php?p=28111727#post28111727

 

[BRONZ.TuLiP]

حمدلله على السلامه حبيبتي ؛**

انا ان شاءالله يوم الاربعا بروح لي السبت وان شاءالله باذن الله بنزل التقرير. ؛)

 

[مزاااج]

بنات متى تفتح القريه العالميه ؟؟؟؟​

 

[BRONZ.TuLiP]

اتوقع من شهر ١٢ او ١ جذي اهيا تفتح بالبراد يذكر علي انا شهر ٢ كنت اهناك
*

 

[محبه الهآشمي]

هلا خوآتي

والله اني من جفت تجمع مسافرات دبي وسؤالكن عن القريه العالميه ماهان علي مااسجل وارد عليكن ~

ترا القريه مفتوحه من شهر 11 لين اول مارس ..

=) حياكن والبلاد بتنور فيكن ~

 

[جروح ودموع]

الدلال علييييكم بالعافيه يا قلبي وتقريرج روووووعه والصور تهبل حبيبتي تستاهلين كل خير

 

["*آآآنؤؤؤقهـ*"]

الحمدلله رجعت من دبي

 

[جروح ودموع]

انووووووووووووووقه الحمدللله على السلامه يا الغاليه نورررت الكويت بعد عمري شخبارج ؟؟ ان شالله استانستي هالمره ؟

 

[الدلال]

الله يعافيج جرووحه حيااتي

انوووقه الحمدالله على السلامه

 

["*آآآنؤؤؤقهـ*"]

هلا الدلال الله يسلمج
وحمدلله على سلااامتج



دبي تهبل صج صج صج فررق عن شهر ٥

الجوو يلعب دور بالتمشي والسيااااحه

 

["*آآآنؤؤؤقهـ*"]

وينكم



اب







اب

 

["*آآآنؤؤؤقهـ*"]

الحمدلله والشكر لله



لحد يطوووووف القريه العالمييييييه


روووووووعه شوووويه عليهااااا ،،،










موفقييييين ،،،

 

[جروح ودموع]

حبي انووووووووووووووقه الصفحه السابقه تحمدت لج بالسلامه وسألتج عن دبي بس ما رديتي علي

 

["*آآآنؤؤؤقهـ*"]

ياعمرررري فديتج


والله والله توني اشوف ردج اخرر شي منقفص هههههه


دبي ماعليها زييينه مثل ماقلت لج القريه العالميه مايكفيها يومين يبيله3 ايام كبيييييره

ماتدرين شتاخذين وتخلين ،،


والله يسلمج ويخلييييج ،، وماقصرتي .....






السمووحه مره ثانيه

 

["*آآآنؤؤؤقهـ*"]

اول يوووم
الامارات مول تغدينا بمطعم بارس الايراني وتسوقنا شوي
ردينا الفندق هولدي ان البرشا ريحنا
لساعه ٤ ونص*
رحنا القريه العالميه تهبل بمعنى الكلمه
والجو كان خيااال يهبل براااااد*
تسوقناا *شريت بدل وبجامات لبنتي وجنط تقليد ماركه طبق الاصل واكسوارت وامشي واشتري الصراحه الاجواء تساعد تمشين وتسوقين
تعشينا بمطعم مصري نسيت اسمه كان علييه كشري خصوصي ع كيف كيفكم
وقعدنا عند النافوره الراقصه*
وركبنا القااارب*
ولين الساعه ١١ ونص طلعنا منها وماملينااااا تهبل شوووري عليهااااا،،*


اليوم الثاني
قعدنا ع الساعه ١١
وطلعنا لدبي مووول طبعا تغدينا فيه
زوجي طلب من مطعم هندي شومااان اسمه وانا غيرت طلبت وجبه بورجر
وعلى ماخلصناااا تسوقنااا ودخلنا اكواريوورم دبي فظييييع صرااااحه
وخلضنا ورحنا مطعم طلبنا عصاير وكيك حلوووو حيييل بدبي مول المطاعم اللي برا صوب النافووووره ..*
****
وبعدها طلعناا*
برجمان *موول عساس بركب الباص العجييب بس تسكر لان جينا متاخر شوي
وعقبها رحت سوق الكرامه شريت جنطه
ورحت سوق عكاااظ بمرشد شتريت ملافع ...*
وطبعاا ردينا الفندق تعابه ريحنا،، ورحنا نزلنا المول تعيشينا بمطعم الحلااااااب ودخلنااا سينمااا،،


اليوم الثالث
قعدنا متأخر. خخخخ من فلم امس فضييع البعد الثالث خيالي اسمه امورتلس
رحنا مول ميركاتوو تغدينا فييه مول على الطيراز الايطالي تحديدا فنيسياااا*
تمشينا فييه ماشريت شي منه*
وطلعنا ورحناا شااطئ جميرا تمشينا والجووو كان رووووعه حييييل ،، مو حر براااد يحبه قلووبكم،،
*وعقبهاا رحت الاوت ليت حلوو شريت عطوور من محل وشريت عطور عربيه من محل نبيل مو موجود بالكويت شريت عطر السمووو عجبني فظيع وعطر ( )
وشريت بلوفرات باسعار خياليه وقمصان
وتقهوينا بالمخبز الفرنسي وطلعنا*
ورجعنا الفندق ريحناا

رحناا خور دبي عساس نتعشا بالمطاعم بالسفن اللي بالبحر وللاسف جينارمتاخرين ومااااكان لنا نصيب نتغشا بالسفينت

خذينا قارب افترينا ربع ساعه وخلينا يوصلنا ليمن مطعم على الخور خووش مطعم تحت فندق رووولكس ،،*

اليوم الرابع قعدنا من ورحنا وسوينا الشيك اووووت ورحنا الموول الامارات تغديناا ورحنااا المطااار وبسسسس،،،*
وحمدلله علئ سلااامتي كاااانت رحله ممتعه وحلووووه الصراااحه








سلامتج ياغلاتيي ،، جرووووووحه ....